تكفون ياصحاب الخبرة بتوانك البنزين( محتاااار)

[الحناش999]

كل عام وانتم بخير ومن العايدين الفايزين
يالربع عندي فكرة سبق وان شفتها بس ماادري عن ايجابياتها وسلبياتها وهي انني ودي افصل تانكي بنزين ستيل ملي ونص عشان ميصدي لاني من سكان جدة:d وبعمل لة رقبة تانكي بنزين من التشليح مع غطاها للتعبيئة ثم اسوي لة تحويلة على التانكي الاساسي عبارة عن محبس حنفية عادي لاني ماحب اللعب بالكهرب وعوامات وشغلات وخطر؟؟
هل تتوقعون بتنجح هذي الفكرة وهل لابد من وجود فتحة تنيسيم للتانكي لان الناس خوفوني ام ان الغطاء اللي بسوية الخاص بالبنزين (ابو فرار) يكفي علما وكما تعلمون بان جيك البنزين اللي على جيوب الربع في الخلف مالة تهوية ولافية مشاكل ارجو افادتي من اهل الخبرة واللذين لهم تجارب سابقة لاني الحقيقة خايف ماتنجح واخاف اخسر على الفاضي ولكم خالص دعواتي

:d:d رجاءا اللي بيكتب (ياخوي خذلك جيك ويكفيك) لايتعب حالة لاني اكرة الجيكات حتى بالموية :d:d

[اسير الغضا]

اخوي اذا ماحصلت من يفيدك بالقسم اسأل حقين عدد الرحلات اتوقع يفيدونك اكثر

شي ثاني علشان الصداء اسمع عن رشة القار اللي يرشون به الشاص حق السياره
يمكن ينفع

[الحناش999]

مشكور اخوي اسير الغضا
وننتظر الافادة من اصحاب الخبرة والتجارب اللة لايهينهم

[قناص خلاوي]

اخوي اذا بتفصل ستيل حط 2 مل أو 3
ملي ونصف ضعيف ومع المطبات يمكن يفك اللحام خصوصا ان وسطه بنزين

واذا ركبت له رقبة وحطيت الغطاء غطاء تانكي بنزين التهوية راح تكون مع الغطاء نفسه مثل تانكي الوكالة ..
بس احرص على الغطاء الاصلي لو كان غالي لأن التجاري تهويته ضعيفه.
اما توصيله بحنفية للتانكي الاساسي فمجربه وماشيه لكن تبي تتعب كل ما انتهى تانكي السيارة
نزلت وفكيت الحنفية وانتظرت لين يفلل التانكي ثم قفلتها ..
مامثل شغل الورش المتخصصة بهالشي ولو غلا فيه الراحة والضمان بعد الله ..
والله يدلك ويوفقك للصالح

[الحناش999]

مشكور اخوي( قناص خلاوي ) اللة يبيض وجهك ولايهينك يعني ارتاح من قصة كتم الغاز والهواء اذا ركبت غطاء التانكي اصلي ابو فرار مايحتاج احط فتحة تنسيم لان فية ناس واجد قالو لي لازم تحط تنسيم لة وانا محتار لو حطيتها بيطير البنزين معها وبتفقع راسي بالريحة وش رايك وننتظر اراءك واراء الاخوان لاهنتم

[أبوصقر]

طيب ريح راسك من هذا كله وركب تانكي جاهز أكبر من البلد..بدون التحويلات وبدون الوصلات..