تركيب " نصف " نظام تراكشن كونترول يدوي لأي سياره!! [الأرشيف]

مشاهدة النسخة كاملة : تركيب " نصف " نظام تراكشن كونترول يدوي لأي سياره!!

ابو وافي 444

17/09/2010, 12:00 PM

التراكشن كنترول !! نعمة من الله واهل الجيوب أدرى بهذه النعمه

لن نسهب في عملية التراكشن كونترول ولاكن باختصار هي:

اذا مريت مع جرف وتعلق موترك وش يصير؟
يصير ان فيه كفرتين يلعبن أو يدورن بوش مثال قدام يمين ويسار ورى

التراكشن كونترول بضغطة زر يقوم بتحويل القوة من الكفره اللي تدور بوش الى
الكفره المقابلة لها واللي ثقل السياره عليها ويقوم بالتالي باجبارها بالدوران فتدور الكفره
وتسحب السياره معها لان الثقل متمركز عيها...
فتخرج من مأزقك بسلام لا عفريته ولا سحب ولا ونش
فقط ارعص على الزر وتطلع ( سلاسه ما بعدها سلاسه ) :D

طيب أبي اركبه في جيبي موديله 84 بس في مشكلتين

اولا مكلف ويبي له خبره لتركيبه
ثانيا الموتر مستخسر عليه هالتكلفه لاسباب لا تهمكم كثيرا.

المهم ما لكم بالطويله الفكره اللي جت في بالي هي كالتالي:

1- فصل جلنط السيارة عن الكفرة اليمنى يصير بس يسحب اليسرى فقط
2- تركيب جلنط إضافي جنب الجلنط الأصلي للكفر الأيمن

بحيث اذا دارت اليمنى بوش اسحب الجلنط حقها وستتوجه القوه الدافعه تلقائيا
للكفره المقابله والأقل مقاومة وبتطلع السياره ان شالله

وبكذا صار عندنا نصف نظام تراكشن كونترول يدوي لا خراب ولا مشاكل

طبعا قمت بجلب بعض الصور من مواضيع لا علاقة لها بفكرتي
ولكنها تخدم الموضوع بشكل جميل
لاني لم اجد اي موضوع يتكلم عن هالفكره بالشرح المفصل المدعم بالصور

ممكن تخليها هيدروليكيه كما في هذا الشكل للي عندهم فحمات خلفيه

http://www.funrunr.com/cnc_pg_21_bg_series_452s_pic.jpg

وهذه شكل اخر وفكرته اذا دفيته قدام ضغط الزيت على العلويه ولنفرض انها موصله بالكفرة اليمنى وخفف الضعط على السفلى وهي اليسرى وبذلك تقف الكفره اليمنى عن الدوران وتتوجه القوة الى اليسرى لتوم بدفع السيارة للخروج من المأزق

http://www.funrunr.com/cnc_pg_20_bg_series_422a_edit.jpg

هذه صورة للتوضيح وهي لا تمثل فكرتي تحديدا ولكن فقط لتخيل الفكره كيف ستكون اذا ركبنا جلنطين

http://www.mekshat.com/pix/upload04/images180/mk91662_phpeiawdiam.jpg

هذي هي الفكره مبدأيا واتمنى انكم تشاركوني ارائكم واقتراحاتكم وعيوب ومحاسن هذه الفكره

وعلى فكره!! لاي شخص مشكك انا قووقلت الفكره ولقيت كم شخص يتكلم عنها وذكر البعض انها
فعالة جدا والاهم رخيصة

وفق الله الجميع لما يحبه ويرضاه

ابو وافي
×

ابو وافي 444

20/09/2010, 08:33 PM

والله غريبه فوق 70 رجال ولا واوحد علق وش السالفه؟ هل الشرح غير واضح أم الفكره غير قابله للتطبيق؟

لا هنتوا افيدونا

PATROL4800

20/09/2010, 09:10 PM

التراكشن يبي يقوي الكفر ااما انت منتب مقويه بس تبي تمسك اللي يدور وما استفدت شي

ابو وافي 444

21/09/2010, 12:00 AM

يلزمني اطبقها بتصوير فيديو حتى تتضح الفكره اكثر

123789

21/09/2010, 12:03 AM

والله يافلان الي اعرفه ان الي قلت وظيفته يسمونه ديف لوك او الهزاز.

والي اعرفه ان تراكشن كنترول هو مانع الانزلاق.

اذا خطا ياليت تصححون لنا ياشباب.
وشكرا.

العابر2222

21/09/2010, 12:07 AM

ابوو زيد

21/09/2010, 12:11 AM

sameer_1798

21/09/2010, 12:26 AM

بارك الله فيك
طيب اذا تعلق الواحد ومعه جيب وسحب الجلنط وهو مشغل الدبل الثقيل هل تطلع السياره بحكم ان الكفرات اللي قدام يدورن؟
لأني زمان تعلقت بالهايلكس الدفرنسين ومشغل الدبل الثقيل ومايدور غير كفر واحد خلفي وماجات على بالي اني اسحب الجلنط .

مستر جمس

21/09/2010, 01:00 AM

فكرتك جدا ممتازه وحلوه ومفيده جدا جدا

لاحضت من الردود ان بعض الاشخاص ما يعرفون التراكشن 100%

هذا مقطع تجربه التراكشن

http://www.youtube.com/watch?v=qVXna4DYlt8

فيه مقطع احسن منه بس ما عرفت القاه

ابو وافي 444

30/10/2010, 01:34 PM

فكرتك اخوي واضحه

وكنا وما زلنا نسويها اذا طلعنا الفوذ وتغلقنا على سيف والا شي بهايلكس او ددسن

لانه اذا تعلقنا بسيف تصير احد الكفرات الخلفيه بالهواء ونسحب الجلط على اخر شي علشان يوقف الي بالهواء ويتحرك الي بالارض

وفدتنا واجد بس بعض المرات يغدر فيك وخاصه اذا الفحمات الورا تعبانه او من الهذا القبيل

فرقه عن التراكشن الي اعرفه انه يفصل الترس كامل ويخلس الضغط على الجه الي ما تدور

فكرتك حلوه بس يعيبها انها جلنطين وتشوه المكان داخل السياره

واستخدامنا لها قليل مره وحتى راعي البر مو كل يوم متعلق يعني مره كل 3 او 5 سنين

وانا ماني فاهم بالاشياء هذي ذاك الزود وياليت يشوفونها اهل الخبره او يطورونها للحسن

الصراحه اهنيك على فكرتك يالغالي والي تحب تفيد فيها اخوانك باقل التكاليف

ياخي انت نزلت على موضوعي من السما :D

دام فيه شخص عرف الشي هذا بل جربه معناته انا تفكيري سليم. هذا اولا
ثانيا: انت راعي بر وكلامك على متمه الجيب ما يتعلق الا بالسنه مره ولا ثنتين ولكن!
انا عندي جيب قرنبع ومخليه حق مغامرات بالديره وما همني لو تشوه الموتر بزياده جلنط
والاكيد اني ماني مركبها بموتري الجديد اطلاقا

يعني بالاصح هي تنفع لي معه كسرو جيب يوسه صدره عليها
اشكرك مره ثانيه على نزولك لي من السما والله يسعدك :good2:

بارك الله فيك
طيب اذا تعلق الواحد ومعه جيب وسحب الجلنط وهو مشغل الدبل الثقيل هل تطلع السياره بحكم ان الكفرات اللي قدام يدورن؟
لأني زمان تعلقت بالهايلكس الدفرنسين ومشغل الدبل الثقيل ومايدور غير كفر واحد خلفي وماجات على بالي اني اسحب الجلنط .

حبيبي! مو معقوله انك داقه بالثقيل وما يدور الا كفر واحد خلفي؟؟؟ الا في حاله وحده انك انت مركب فرارات او دف لوك... وشغلت الدبل ونسيت تشبك الدف لوك... هذي التحليل الصحيح لسالفتك
عموما لو اننا طبقنا فكرتي على موترك وسحبت جلنط الكفر اللي تلعب بالهوى الثانيه راح تدور وتسحب موترك للعزا بغض النظر انت شابك دبل او لا لاني قلت بالعنوان انه نصف تركشن كونترول وليس فل تركشن... والكفر الامامي والدبل سواء مشبوك او مفصول ماله علاقه مع الجلنط
لكن شبك الدبل اكيد يساعد ويعاون الكفر الخلفي

اتمنى اني وضحت الفكره ..

فكرتك جدا ممتازه وحلوه ومفيده جدا جدا

لاحضت من الردود ان بعض الاشخاص ما يعرفون التراكشن 100%

هذا مقطع تجربه التراكشن

http://www.youtube.com/watch?v=qVXna4DYlt8

فيه مقطع احسن منه بس ما عرفت القاه

ما حبيت اني اقعد اشرح لهم فياخذ الموضوع منحى اخر... عموما جزاك الله خير على مرورك وشرحك ومساعدتك للاخوان شرفت الموضوع

الربذي

30/10/2010, 01:55 PM

وعليكم السلام صراحه فكرتك رائعه جدا ماشاء الله بس تبي شغل سنع وواحد فاهم

سوبر مكشات

30/10/2010, 02:24 PM

لو تسحب نص الجلنط يقوم بنفس المقام وجرب خذ هايلكس وثولث واسحب نص الجلنط يدور الكفر الثاني

YUKON_GMC

30/10/2010, 02:43 PM

فكره طيبه واللي مايعرف التراكشن هو مثل الديفلوك بس الطريقه تختلف ...

لكن مانع الانزلاق مختلف كلياُ وماله علاقه بالديفلوك او التراكشن كنترول

مقلع الرمث

30/10/2010, 04:22 PM

كنت اسويها اول بالهايلكس لا غرزت مسكت الجلنط اشوي ومع الترقيص يقل الحفر وبعض الاحيان وانا امثولث وتطلع السياره

عزيز 3333

30/10/2010, 08:18 PM

مشكور على الموضوع اخوي .... التراكشن نعمة صراحة
في سيارتي شد بلد ( esp )
تحياتي لك

Bader-M

30/10/2010, 09:49 PM

اذا انت تحتاج الى ضغط زيت يستطيع الضغط 500 كم على اقل تقدير

سوف تدخلنا بمعدلات القوة (الوات او حصان ) والعزم (بالنيوتن او الكيلو) ..الخ

تحتاج الى مهندس او فني يجيد التعامل مع هذه المعادلات الصعبة

بنسبة لي

من قال لا اعلم فقد افتى

ولكن
ادخل هذا الرابط هذا مقدمه يعني مثل (تعلم الحروف الابجدية )

http://www.sonar-equipment.com/useful_conversion_factors_table1_p00.htm (http://www.sonar-equipment.com/useful_conversion_factors_table1_p00.htm)

هذا الذي استطيع ان افيدك به

اعقتد ان فكرتك في بدايتها

اتمنى لك النجاح في تطبيق فكرتك

تحياتي اليك

ابو وافي 444

04/11/2010, 01:23 AM

وعليكم السلام صراحه فكرتك رائعه جدا ماشاء الله بس تبي شغل سنع وواحد فاهم

اي والله صدقت تبي مهندس رايق ومخه مفتح
حياك الله يا غالي

لو تسحب نص الجلنط يقوم بنفس المقام وجرب خذ هايلكس وثولث واسحب نص الجلنط يدور الكفر الثاني

ابوك للجنه وهذا يخليني اتحمس لتطبيق الفكره بشكل احترافي

فكره طيبه واللي مايعرف التراكشن هو مثل الديفلوك بس الطريقه تختلف ...

لكن مانع الانزلاق مختلف كلياُ وماله علاقه بالديفلوك او التراكشن كنترول

طيب الله فالك يا غالي مشكور على مرورك وتعليقك اللطيف

كنت اسويها اول بالهايلكس لا غرزت مسكت الجلنط اشوي ومع الترقيص يقل الحفر وبعض الاحيان وانا امثولث وتطلع السياره

يا حليلكم يا حقين الهالكسات تعرفون كلش :D نص اللي طبقوها كان معهم هايلكس :good2:

مشكور على الموضوع اخوي .... التراكشن نعمة صراحة
في سيارتي شد بلد ( esp )
تحياتي لك

الشكر لله يا غالي نورت الموضوع

اذا انت تحتاج الى ضغط زيت يستطيع الضغط 500 كم على اقل تقدير

سوف تدخلنا بمعدلات القوة (الوات او حصان ) والعزم (بالنيوتن او الكيلو) ..الخ

تحتاج الى مهندس او فني يجيد التعامل مع هذه المعادلات الصعبة

بنسبة لي

من قال لا اعلم فقد افتى

ولكن
ادخل هذا الرابط هذا مقدمه يعني مثل (تعلم الحروف الابجدية )

http://www.sonar-equipment.com/useful_conversion_factors_table1_p00.htm (http://www.sonar-equipment.com/useful_conversion_factors_table1_p00.htm)

هذا الذي استطيع ان افيدك به

اعقتد ان فكرتك في بدايتها

اتمنى لك النجاح في تطبيق فكرتك

تحياتي اليك

الله يجزاك خير والحقيقه الرابط مفيد الله يرحم شيبانك

بس وش يدخلنا بسوالف الضغط والعزم والقوه؟؟؟
الحين الجلنط العادي فيه ذا السوالف كلها؟ :(
اخبر ما به الا اسلاك تسحبها وتمسك بالفحمه

جزاك الله خير يا غالي

YUKON_GMC

05/11/2010, 02:36 PM

^^^
الظاهر انه مضيع بالموضوع ... انا قبلك كنت بقول وش دخل المعادلات في مووع ترهيم جلنط ... كلها سلك ويد جلنط

ابوصالح77

05/11/2010, 02:57 PM

ما شاء الله
فكرة ممتازة
إذا كان الموتر قديم ومرهم فيه فتوكل على الله
لكن المشكلة بالوايرات
وطريقة استخدام الجلنط معروفة لكن أن يكون كل كفر لحاله هذا هو الإبداع
تقبل مروري

shabrsh

05/11/2010, 04:33 PM

التراكشن (مانع الأنزلاق) ...حسب معلوماتي في السيارات الجديدة

وخصوصا في جيوب تويوتا الكزس و الأف جي والاند

والتراكشن هو اكبر عيب لهذه السيارات ... لأنه لو غرز في الرمل اغسل يدك يطلع الى بطلعت الروح
والسبب التراكشن + العكوس ...

اذا مسك في الرمل يصير يمسك كفر ويفك كفر ولا يتحرك محله

كلامك ميه ميه وخاصة اف جي يا شينه اذا عرز التراكشن شغال مصيبه يثقل فيه طريقه يفصلونه الشباب من الكبووت .

واخوي الوافي 444 قصده بطريقته ان الكفر الي يدور فالهواء بدال ما دور من غير

يحول القوة للكفر الثاني وان شا الله تمشي الاموووووووور ..

والتراكشن ماله دخل بدف لوك والفكرة هذي دف لووك .

ابو وافي 444

09/11/2010, 09:19 AM

^^^
الظاهر انه مضيع بالموضوع ... انا قبلك كنت بقول وش دخل المعادلات في مووع ترهيم جلنط ... كلها سلك ويد جلنط

ههههههههه ياخي اسمه بلحاله يخليك تعذره ( طاير بالعجه) :D
عموما هو نوعا ما كلامه قد يكون صحيح في حال ركبت شي اسمه جلنط هيدروليكي
وانا قد شفت واحد مركبه على سيارته "حقت سباقات" أمريكي طبعا وحايس ام سيارته... الوكاد ان
طاير بالعجه عنده علم فعلا يبي لها شوي حسابات بس انا سالفتي سهله كلها سلك اسحبه وتوقف الكفره... للتبسيط ما تفرقه عن جلنط السيكل :D

ما شاء الله
فكرة ممتازة
إذا كان الموتر قديم ومرهم فيه فتوكل على الله
لكن المشكلة بالوايرات
وطريقة استخدام الجلنط معروفة لكن أن يكون كل كفر لحاله هذا هو الإبداع
تقبل مروري

ماهوب مرهم ولاكن قديم ولا بأس في بعض التعديلات والخربطه فيه وامور الوايرات ان شالله سهل
أبي بس الوقت ولا حصلته للحين عسا الله يجيبه

شاكر لك يا ابو صالح على مرورك وكلامك الجميل

كلامك ميه ميه وخاصة اف جي يا شينه اذا عرز التراكشن شغال مصيبه يثقل فيه طريقه يفصلونه الشباب من الكبووت .

واخوي الوافي 444 قصده بطريقته ان الكفر الي يدور فالهواء بدال ما دور من غير

يحول القوة للكفر الثاني وان شا الله تمشي الاموووووووور ..

والتراكشن ماله دخل بدف لوك والفكرة هذي دف لووك .

الشي الجيد بموضوعنا واللي ما اختلفنا عليه هو أن الفكره صحيحه 100% بعض النظر عن التسميه

الدف لوك كما هو متعارف عليه هو مصطلح انجليزي ( diff lock ) من كلمه ( diffrential lock )

وبترجمتها تكون قفل دفرنس
قفل الدفرنس يركب لكي يمنع دوران الدفرنس الأمامي " الدبل" خلال القيادة داخل المدينه لتخف عيك السياره وتقل الصرفية الخ. وهو اما يدوي " تحول وتفره بيدك" او بضغط الهواء أو كهربائي

أما التركشن ونظام منع الانزلاق فهما أخوه وتوأم حسب وصف ويكيبيديا
تقول ويكيبيديا:

نظام مراقبة الجر (بالإنجليزية: Traction Control System‏) ويرمز له بـ TCS و يطلق عليه أيضا نظام مانع الإنزلاق (بالإنجليزية: Anti-Slip Regulation‏) ويرمز له بـ(ASR) هو أحد الأنظمة النشطة الحديثة التي تجهز به سيارات. هدفه الحيلولة دون انزلاق السيارة عن مسارها الصحيح جراء القووة الزائدة كالضغط على دواسة الوقود بطيش. ويتبع النظام عدة طرق تدخل للسيطرة على السيارة, هي:
1- إبطاء أداء شمعة الإحتراق أو حتى إيقافها تماماً في إسطوانة أو أكثر.
2- التقليل من كمية الوقود التي تصل لأسطوانة أو أكثر.

3- كبح عجلة أو أكثر.

4- إيقاف عمل الصمام الخانق.

و عادة ما يتشارك "نظام مراقبة الجر" مستحثات الكبح وحساسات سرعة العجلة مع نظام الكبح مانع الإنزلاق, لذلك فلا يمكن تجهيز أي مركبة بالنظام الأول دونما وجود الأخير مسبقاً.

اللي بالأحمر يا أخوان هو بيت القصيد أننا نكبع عجلة تدور بالهوى " تلعب "
وشكرا لمروركم وتعليقكم واثراء الموضوع
ودمتم بود

a2005bdullah

09/11/2010, 11:08 AM

ممكن فكرتك تكون نفس اللي بالجيوب القديمه موديل الستينات اللي تلاقي فيها 2 عصا لدبل

Bader-M

09/11/2010, 11:49 AM

بس وش يدخلنا بسوالف الضغط والعزم والقوه؟؟؟
الحين الجلنط العادي فيه ذا السوالف كلها؟ :(

في الغالب نظام الفرامل قائم على نظام الهيدروليك (ضغط الزيت)
الى في السيارات الكبيرة فانه يعمل بالهواء

هذا سلندر الفرامل الخلفية (Brake Wheel Cylinder)

http://www.surplusjeep.com/M38A1/Images/Brake%20Wheel%20Cylinder%20Assy.jpg

وهذا موقع

http://www.winbrake.com/trainingmaterials/AutoFundamentalsBrakes.html

لشرح طريقة عمل الفرامل

ههههههههه ياخي اسمه بلحاله يخليك تعذره ( طاير بالعجه) :D
صدقت
اتعمل لماذا
لانني كنت مثلك اعتقد ان صيانة السيارات هي تغير فحمات و بواجي و اصعب الامور توضيب محرك او قير
ولكنني تفاجئة علم السيارات متداخل و متشعب حتى الطقس:l مهم في عالم السيارات

سوال بسيط
هل تعتد ان قوة قدمك تستطيع اقاف السيارتك ؟
طبعا لا
لانه تحتاج على اقل تقدير ثلاث اضعاف قوتك
يعني لو كانت قوة ضغط قدمك 150 نيوتن فان نظام الفرامل في مركبتك يضاعفها الى 450 نيوتن

الموضوع يطول ويتشعب للذالك

سوف اختصر على ما ذكرتة

تحياتي اليك

4x4ofroad

10/11/2010, 01:09 AM

انا اشوف دام الموتر كسره وللبر فقط
الافضل انك تشرك الكارونه الخلفيه اضمن وحسن واقوى واطرب
وانس انك تتعلق او تثولث

sawa900

10/11/2010, 02:29 AM

الحمد لله الهمر يجي فيه وكاله وصرت اتعمد اجي عند الجروف علشان استمتع

فكره ممتازه ولكن التركشن كنترول يحول القوه الى الجهه الاخرى مو يوقف كفر

الف شكر يالغالي

aboeyade

10/11/2010, 04:08 AM

الفكره حلوه

بس يبي لك تتأكد هل يستطيع الجلنط إنه يوقف الكفره المتعلقة بالهواء ويخلي الثانية تتحرك .

أنا عارف إنه الشباب يستخدمون الجلنط لنقل الدوران نوعا ما للكفر الآخر , لكن نقل كل الحركة للكفر الآخر أعتقد ما تتحمل قوة الجلنط

عموماً فكرتك ممتازة وأهنيك على إختراع تراكشن يدوي بأبسط الطرق , وصدقني لو مصنع يتبنى فكرتك راح تسوي ضربة بالسوق , لأنه تركشن خلفي يدوي إذا تم تطويره وخلوه قوي جدا بيغني عن الدفلوك , لكن يعيبه إنه خلفي فقط

بينما التركشن الموجود بالسيارات للكفرات الأربعه
بالتوفيق

حرنا بك

10/11/2010, 10:21 AM

ابو وافي 444

27/02/2011, 09:28 PM

مع ان الموضوع صار في تشعبات الا انها مفيدة خاصة تغيير المفهوم الخاطئ عن التراكشن كنترول وانا كان معي ونيت جمس وفيه تراكشن كنترول وكان ممتاز جدا في النفود ونظام اتو بلق يعني يشبك اتوماتك بدون تدخل السائق والنظام الثاني نظام الثبات Stability sys

حياك الله يا غالي شكرا لمرورك وتعليقك

الفكره حلوه

بس يبي لك تتأكد هل يستطيع الجلنط إنه يوقف الكفره المتعلقة بالهواء ويخلي الثانية تتحرك .

أنا عارف إنه الشباب يستخدمون الجلنط لنقل الدوران نوعا ما للكفر الآخر , لكن نقل كل الحركة للكفر الآخر أعتقد ما تتحمل قوة الجلنط

عموماً فكرتك ممتازة وأهنيك على إختراع تراكشن يدوي بأبسط الطرق , وصدقني لو مصنع يتبنى فكرتك راح تسوي ضربة بالسوق , لأنه تركشن خلفي يدوي إذا تم تطويره وخلوه قوي جدا بيغني عن الدفلوك , لكن يعيبه إنه خلفي فقط

بينما التركشن الموجود بالسيارات للكفرات الأربعه
بالتوفيق

هذا اللي ابي الناس تفهمه من كلامك ( أنا عارف إنه الشباب يستخدمون الجلنط لنقل الدوران نوعا ما للكفر الآخر , لكن نقل كل الحركة للكفر الآخر أعتقد ما تتحمل قوة الجلنط)

يا غالي الجلنط يوقف السيارة لوهي على انحدار شديد فلا تتهاون بقوته عموما ما نبي منه القوة الكاملة ولكن ما يكفي لتحويل العمود للعكس اللي متعطل عن العمل.

والحقيقه ليس ثمة اختراع في الموضوع حتى تتبناه شركة او مصنع ...
كل اللي ابي اني افيد واشارك بافكاري مع اخواني ودمت بود.

الحمد لله الهمر يجي فيه وكاله وصرت اتعمد اجي عند الجروف علشان استمتع

فكره ممتازه ولكن التركشن كنترول يحول القوه الى الجهه الاخرى مو يوقف كفر

الف شكر يالغالي

صحيح كلامك وحتا بطريقتي ما ابي اوقف الكفر نهائي ولكن اسحب الجلنط حتى يختار عمود الكردان الكفرة الاسهل ليوجة قوة الدفه لها

شكرا لمرورك وتعليقك يا غالي

انا اشوف دام الموتر كسره وللبر فقط
الافضل انك تشرك الكارونه الخلفيه اضمن وحسن واقوى واطرب
وانس انك تتعلق او تثولث

شرك الكارونه مخيف عند اللفات والموتر حبه وربع يسمع بالرساوة :(
لذا لا احبذ هذا الحل وشكرا لنصيحتك يا غالي

في الغالب نظام الفرامل قائم على نظام الهيدروليك (ضغط الزيت)
الى في السيارات الكبيرة فانه يعمل بالهواء

هذا سلندر الفرامل الخلفية (Brake Wheel Cylinder)

http://www.surplusjeep.com/M38A1/Images/Brake%20Wheel%20Cylinder%20Assy.jpg

وهذا موقع

http://www.winbrake.com/trainingmaterials/AutoFundamentalsBrakes.html

لشرح طريقة عمل الفرامل

صدقت
اتعمل لماذا
لانني كنت مثلك اعتقد ان صيانة السيارات هي تغير فحمات و بواجي و اصعب الامور توضيب محرك او قير
ولكنني تفاجئة علم السيارات متداخل و متشعب حتى الطقس:l مهم في عالم السيارات

سوال بسيط
هل تعتد ان قوة قدمك تستطيع اقاف السيارتك ؟
طبعا لا
لانه تحتاج على اقل تقدير ثلاث اضعاف قوتك
يعني لو كانت قوة ضغط قدمك 150 نيوتن فان نظام الفرامل في مركبتك يضاعفها الى 450 نيوتن

الموضوع يطول ويتشعب للذالك

سوف اختصر على ما ذكرتة

تحياتي اليك

حبيبي طاير عذرا على ردي المتأخر ولكن ابيك تشيل من راسك فكرة الفرامل لان الموضوع من أصله لا يتعلق بالفرامل والزيت الموضوع يتعلق بالجلنط اليدوي... خذ مثال:
لو كنت تمشي ميه وسحبت الجلنط تدريجيا بتشوف ان السيثارة بتوقف بعد كم متر ! بدون لا زيت ولا فرامل مجرد سلك تسحبه يضغط على القماشات اللي بدورها تحتك بالهوب وتوقفه تدريجيا وهذي هي فكرة الموضوع.

اسعدني مرورك ومداخلتك

ممكن فكرتك تكون نفس اللي بالجيوب القديمه موديل الستينات اللي تلاقي فيها 2 عصا لدبل

لا يا غالي الدبل ماله دخل بموضوعنا ... العصي اللي تشوفها هي مجرد خفيف وثقيل وتم دمجها بعصا وحده من ايام السبعينات والثمانينات...

شكرا لمرورك.

سراب الوقت

27/02/2011, 10:25 PM

اخوي ماظن اذا ركبت جلنط للجهه اليمين بيتحرك كفر اليسار

الدفلوك راح ينقل الحركه مو يوقف الحركه

سلكي نت

27/02/2011, 11:49 PM

فكرة حلوه جدا....... اعجبتني
احنا كنا نطبقها لكن بطريقة اخرى ....
عند الياس الشديد نربط الكفر الذي يدور بوش بالسست من خلال فتحات الجنط
واذا ما لقينا شيء نربطه به نستخدم صيخ العفريته الطويل او اي حديدة طويله نحشرها بين الجنط و السست
وبعض الاحيان تنجح وبعض الاحيان تعفط الحديدة وما تطلع
هجوله × هجوله
يازين العفريته البالون 100000000%

عود رمثه

28/02/2011, 12:29 AM

فكره حلوة بس مادري عن النتائج

أبا مجاهد

28/02/2011, 09:43 AM

فكرة جيدة

وتمام ان سيارتك قديمه

يعني اشتغل عليها وجرب الفكرة

وباذن الله تنجح 100%

لكن اهم شي تعرف واحد يزينها لك

الليث الذهبي

28/02/2011, 11:21 AM

الصراح فكره حلوه
عن نفسي معي اكستيرا استوك مافيه دفلوك واذا تعلقت على سف مالك ال الجلنط لان واحد من الكفرات فالهوا ماراح يتحرك الثاني