جيب فورتشنر 4 سلندر أم جراند فيتارا...ياأهل الخبره مشورتكم !!

[أبا مجاهد]

باختصار اخواني


ودي بموتر دفع رباعي مايتعدى الـ الف 85 اطلاقا


ويكون شبابي

كان من ضمن خياراتي الراف فور لكن اتضح انه مافيه الدبل الثقيل فصرفت عنه النظر..


حقيقه انا احترت بين الفورتشنر 4 سلندر دبل وبين السوزوكي جراند فيتارا

ومانيب عارف وش الافضل؟؟؟؟؟؟؟

[عبد الله 99]

والله اني انصحك بالجراند فيتار اعرف واحد من الاقارب لي من بعيد معه واحد و كان معظم كلامه عنه انه نشاط بس مشكلتنا تفكيرنا معلق بالتايوتا و النيسان و الفورد تقريبا هذا اكثر شي

تقبل مروري

[الشقردي 999]

الزين الفيتارا
بس قطع الغيار والحوسه ذي للفورتشنر

[التعـ King ـديل]

السوزوكي افضل من الفرنشتر اربعه سلندر

لكن خذ لك مستعمل سته سلندر فرنشتر

[عبدالرحمن1980]

ابد خذ السزوكي وانت مغمظ ليش لان السزوكي ياباني ياباني اما الاندونيسي ما انصحك الابال6سلندر

[أبا مجاهد]

اخواني الافاضل/

عبدالله99

الشقردي999

ملك التعديل


عبدالرحمن 1980


يعطيكم الف عافيه يالذيابه ماقصرتوا...


لكن للمعلوميه الجراند فيتارا 4 سلندر واتوقع في الخليج مافيه 6 سلندر


فهل يكون الافضل؟؟؟؟؟؟؟

وهل جميع قطعه متوفره؟؟؟

[fof6666]

أخوي فكر بالباجيرو تراه2010 ب85000 طبعا 3500 سي سي تراه قوي وفخم
ولا فورتشنر 4 (انصح به من واقع تجربتي له)لأني حاليا أملك فورتشنر 2009 4سلندر قير عادي وزي الحلاوة معي

والسوزوكي قطعه غالية ويطيح سعره وشكله قبيييييييييح

[fof6666]

لا يفوتنك هالموترين
1-http://www.mekshat.com/vb/showthread.php?t=331518
2-http://www.mekshat.com/vb/showthread.php?t=329179

[مصلح بن بيئي]

حيا الله ابا مجاهد
الفورتشنر افضل مقارنة بالسوزوكي وبكل المقاييس بالقوة وقطع الغيار وحتى عند البيع

لاكن نصية لا تشتري فورتشنر 4 سلندر لان عزمه يجيك بارد وصوته تقل صوت حوار

عليك بــــ 6 سلندر

[MjNo0oN]

انحش من السزوكي

صحيح ان تفكيرنا متعلق بعدد محدد من السيارات

لاكن السبب يعود لقطع الغيار و توفرها وسعر وسهولة البيع في المستقبل

عموماً احد الاخاون قالك شف المستوبيشي وتراه احسن وافضل من السزوكي بمراحل من ناحية قطع الغيار واشوفه هاذي اليومين الناس باديه تطيح فيه وتشتريه بسبب المواصفات و السعر المغري

واذا نويت على الفورنتشر لاتفكر الا بلقير العايدي لان قير التماتيك على الv4 ضعيف جداً ومافيه عزم نهائياً

[رفيق الأمل]

تسلم ياخوي عموماً خذلك الفور تشنر إذا 6 سلندر وحبيت جير عادي او اتوماتيك فلا باس به اما إذا بغيت 4 سلندر فخلها جير عادي فأنا لدي الجيب فور تشنر 2008 جير اتوماتيك 6 سلندر ولا مشكلة فيها وسواقتها والله مريحه في البر وخصوصاً في الرمال الوعرة كنك ماسك لبن بالعسل في يدك عند سواقتها في البر

[هاوي سمر]

خذ العلم الي ما عقبه كلااااااام

اقرب من التايوتا يا مال الشحم

[_دربيل_999]

اخوي عليك بالمواتر المجربة في البر..الفورتشينر فكرة حلوة..
الفيتاراا..رح للبران ماتلقى للفيتارا أثر..

بارك الله فيك..

الروقي

[بن نويشر]

شف يالحبيب خذ العلم من مجرب ...

أنا كان معي سوزوكي فيتارا 6 سلندر ..
الموتر متماسك بس ضيق بالحيل وصغير وما يشيل شي ... وقطع غياره نار وما تلقاه إلا عند الوكيل ...

حالياً معي فورنتشر موديل 2006 قير توماتيك 4 سلندر ..
الحقيقة الموتر ممتاز بمعنى الكلمة وما به خلاف بالحيل وأنا فاكه جديد ووسيع ويشيل عفش وخاصة إذا استغنيت عن المرتبة الثالثة ، وترى السوزكي ما فيه مرتبة ثالثة إلا في الشاص الطويل .

يعنى من الأخير خذ فورنتشر ولا فيه حتى مقارنه أصلاً ..

وبالله التوفيق ،،،،،

[أبا مجاهد]

أشكر جميع اخواني اللي شرفوا الموضوع بردودهم الطيبه


وماقصرتوا يالذيااااابه

والحق اني محتار

لكن الله يكتب اللي فيه الخير

[غالي]

ياخي تقول شبابي يعني انت عزوبي ؟

ترا يجيبلك اف جي 2008 وانت تضحك

بس اسأل عنه في الرابطه واسأل برا الانترنت عن عيوبه وايجابياته

كذلك تجيب لك يوكون 2006 نظيف حيل اذا انت راعي عايله

وتجيب لك باترول سوبر سفاري 2005 و2006 على حسب النظافه والممشى

وتجيب لك جمس ونيت 2008 أو 2009الشكل الجديد اذا تبي ونيت

وتجيب لك باترول ربع عندك من الجديد عداد اصفار وانت نازل كانك تبي توزي دراهم معك

وتجيب لك مثل ماقالوا الاخوان باجيرو وفيه ترا 3 مكاين للباجيرو للمعلوميه فقط علشان تنتبه

وتجيب لك برادو اسأل عن اسعارها لكن اتوقع تجيب 2006 وحولها

وتجيب لك باث فايندر الشكل الجديد

وتجيب لك اكسترا برضو

....الخ

لكن نصيحه ابعد عن السوزوكي واحد من اخواني معه طبعا ماشاء الله قديم عنده لكن خرب عليه جنزير الدبل ووضب القير او المكينه وحده منها ناسي والله

واخوي كبير بالاربعينات ولا يتعدى 120 وحولها ولاهو راعي مقاومات ولا شيء وطلعاته للبر معنا كشتات خفافيه

الموتر موديله 98 وخرب عليه الدبل في 2002 او 2003 تقريبا والان حاطه للبيت مقاضي وطلعات خفافيه

لكن زبدة كلامي انه يشتكي من غلاء سعر قطع الغيااار

وترا فيه سيارات ثانيه

واذا انت معزم على هالثنتين الي حاطهم

طبعا بدون مقارنه الفورنشنر لكن اتمنى يكون 6 سلندر نصيحه علشان ماتسمع حنته ويريحك بالخطوط


موفق واسف على الاطاله

[شقران نجد]

لا تتعدى الفورتشنر يالزهراني وخل منك السوزوكي ......

ان بغيت شكل ولا حجم ولا بيع ولكن احرص على ال6 سلندر المبلغ اللي معك يجيبه

[وحش القفار]

من واقع تجربة انصحك بالتويوتا لأن الفيتار وغيره من السيارات التي تتعب في ايجاد القطع اما بسبب عدم توفرها او غلاء السعر فعندما تنتهي المرحلة الاولى من استخدام السيارة اللي هي بنزين وزيت تأتي في المرحلة الثانية التي يكون فيها الحاجة لقطع الغيار وكثرة الورش هنا سوف يتضح الفرق جليا امل ان الفكرة اتضحت لأن الذي لايبالي لنوع السارة هو المستخدم لفترة خمس سنوات فأقل ومن كان يقتنيها لفترة اطول لابد من الأحذ بالحسبان مسألة الصيانة و القطع وسهولة توفيرها والاسعار المناسبة لان اذا كان سعر السيارة عشرون الف وتحتاج لصيانة ثلاثة هنا القرار الصعب:rolleyes:

[أبا مجاهد]

أخواني الاعزاء/


غالي


شقران نجد


وحش القفار



يعطيكم الف عافيه يالذيابه ماقصرتم

[ابن عكاش]

لاتحتار يالغالي خذ فورتشنر 6سرندل بتلقى مستعمل نظيف بدراهمك شوري عليك
وان بغيت طلبك موجود