طيري مريض وأتمنى القى العلاج عندكم ؟!؟؟

[مجنون قنص]

السلام عليكم ورحمه الله وبركاته


عندي طير من العام قبل لا أربطه كان يحكك براسه لي طاح الريش الي براسه ( علباه \ غاربه ) (( براسه من الخلف ))

وأثناء الربطه الحمدالله الله سبحانه وتعالى اتمم على الطير قرناسه وطلع اليش الي براسه


والحين رجع الطير يحك من جديد وقاعد يطيح الريش الي براسه اشوي اشوي

للعلم الطير ما فيه قمل وللتأكيد رشيته دوا حق القمل

ووديته للمستشفى واحد يقول فطريات والثاني يقول قمل

ومع العلم عطيته دوا الفطريات وستمريت عليه أكثر من 3 شهور ولا في فايده بلمره ولا تحسن الطير

[ابوفهيدالسهلي]

اخوى اتوقع انالطير فيه كويه عن الصرعه والله العالم

[مجنون قنص]

لا يا الغالي الطير على أيدي من هو فرخ ووحش مافيه اله العافيه والحين عمره خامس مافيه لا كوية صرع ولا قالها الله الطير سليم ولله الحمد ...

بس الحكه الي فيه

[ابوفهيدالسهلي]

اخوى استخدم الزيت الزيتون الاصلى حطه على المكان يمكن يكون عنده التهاب والله اعلم

[بوار]

اخوي جرب الثوم المطحون وحطه على مكان الريش
وبعدها استخدم له الفتامين مع العلف

[وكري نجد]

اتوقع البرقع مضايقة على شان كذا وهو في المربط ماحك

[قرناس شاهين]

والله ياخوي من يحك الطير راسه اصرخ عليه مدام وله علاج ينفعه

بس حط زيت الزيتون في راسه وغير البرقع وحط الطير فالشمس مده مب طويله بس زينه

ان شاء الله يصير احسن

[صقار محترف]

جرب الشامبو

[طاسان]

في الربطه تعافى الطير ونبت ريشه معنى ذلك فية مشكلة في البرقع يمكن يسببله حساسية أو التهاب حاول تغير برقعه واذا كان هادي لاتبرقعه الا عند الظروره

[skeet]

الله يشفيه والله ياخوك مادري شقولك

[مونس خويه]

افادوك الاخوان والله يشفي طيرك

[ابو مكازي2002]

المشكلة في البرقع تقبل تحياتي

[yasser1389]

غير
البرقع ..

[ابو فهاد0]

المشكله في البرقع حاول انك تغيرة لانه مضايق الطير وعشان كذا يحك راسه
لانك انت تقول ان الطير في الربطه مايحك راسه والحين يوم انك نقلته يحك راسه هذا بسبب البرقع
انت غير البرقع واشتريله برقع زين وشوف التغير اللي بيجي ياهو على الحال نفسه والا تغير ايجابي

[تمياط]

اخوي برقع الطير ضيق غيره وان شاء لله يتعافا وشكرا

[أبوفرحان]

افاااااااااااااااااادوك

[مجنون قنص]

يمال العافيه جميع ولاهنتوا على مشاركاتكم معي


يا جماعه أنا غيرت البرقع والوكر والسبوق والجرير و الدس

وكل شي جديد ولله الحمد بس مافي فايده

ومكان الحكه الي براس صايره حمره شوي