التعديل الرهيب لجير الجمس و التاهو و بسعر.. .. !!!!؟ ابو حمزة [الأرشيف]

مشاهدة النسخة كاملة : التعديل الرهيب لجير الجمس و التاهو و بسعر.. .. !!!!؟ ابو حمزة

mohannadAs

18/09/2010, 09:01 AM

شرايكم بتعديل بسيط و خفيف لكن تأثيره كبير ........... :good2:
لا و ابشركم رخيص ,,,,, وممكن تبدلها بنفسك اذا عندك خبرة بسيطة
اول شي التعديل ما له تأثير سلبي بل بالعكس تبديلات الجير بتصير انعم و اقوى و عند الدوس فل راح تشوف اداء مو طبيعي و تحس ان ااموتر اختلف و بتسمع فركة الكفر على الثاني و الاحلى و اللي يهمنا ان الجير بيمسك عزم بعد التبديل واللي هو مهم اثناء التطعيس شوف المقطع لجمس مبدل السيرفو و انتبه على صوت الكفر في الثانية 2 من المقطع

u8AF2u4Zwzg

طيب الاهم .... السيارات اللي ينفعها هذا التعديل او الترهيم
هي اي سيارة من جنرال موترز فيها جير 700R او الاحدث 4L60E
باختصار
الجمسات مكاين 350
الشفرات مكاين 350
التاهو
و هذي كل السيارات اللي ينفع لها تعديل سيرفو الكورفيت
1982 Chevrolet Blazer/GMC Jimmy

1982-1996 Chevrolet Caprice
1985-2005 Chevrolet Astro/GMC Safar
1991-1992 GMC Syclone
1989-2003 Chevrolet S-10/GMC S-15/Sonoma
1989-2005 Chevrolet S-10 Blazer
1989-2001 GMC S-15 Jimmy
1990-1996 RWD Cadillac Fleetwood/Cadillac Brougham/Cadillac Limo
2002-2009 Chevrolet TrailBlazer/GMC Envoy
1992-1993 GMC Typhoon
1984-2003 Chevrolet Suburban
1993-2003 Chevrolet Van
1994-1996 Chevrolet Impala
1994-1996 Buick Roadmaster
1995-2003 Chevrolet C/K
1995-2003 Chevrolet Tahoe/GMC Yukon
1999- Cadillac Escalade
2002- Chevrolet Avalanche
2004- Hummer H2
2004-2007 Buick Rainier
2004- Chevrolet Colorado//GMC Canyon
1988-2006 Holden Commodore
2004-2006 Pontiac GTO

,
,
,
,
,
,
التعديل عبارة عن قطعة في الجير و تسمى السيرفو servo و هذي صورة لها القطعة اللي باللون الاحمر

http://i420.photobucket.com/albums/pp282/ssgjurista/4L60E/74-1E.gif

طيب ,,,, السيرفو الي يجي شد بلد بنبدله بي سيرفو لسيارة كورفيت طبعا عارفينها
كل اللي سوا التعديل هذا مو مصدق الفرق في الاداء ....
شرايكم نوضح أكثر,,,,,,,,,,,

السيرفو

http://i36.photobucket.com/albums/e47/fatkidkustomz/vette%20servo/ServoInstall001.jpg

سيرفو شد بلد يسار و سيرفو الكورفيت يمين (عسى الله يجعلكم من اهل اليمين)

http://i36.photobucket.com/albums/e47/fatkidkustomz/vette%20servo/ServoInstall005.jpg

صورة أخرى

http://i535.photobucket.com/albums/ee355/stadt11/2006GMCSierra/Stock_CorvetteServo.jpg

http://i998.photobucket.com/albums/af103/wesley0230/DSCN0395.jpg

طيب شلون التركيب .......
شوف المقطعين و احكم و على فكرة ما يحتاج تنزيل الجير لان السيرفو واضح من جهة المرافق وليس السائق..

طريقة الفك

4WpjGQnEixo

طريقة التركيب

YfPgBUH6Ru0

اه نسيت شي مهم جدا ......:D
السعر .........................
.................
......................
اقل من 20 دولار ؟!!!!!!!!!!!!!!
معقول ؟؟!!!!!
شوف بنفسك
:good2:
:good2:
http://www.google.com/products?hl=en&client=gmail&rls=gm&biw=1280&bih=709&q=corvette%20servo%20ebay&um=1&ie=UTF-8&sa=N&tab=wf

مجنون نحم

18/09/2010, 09:26 AM

تبارك الله بس وين نسويها في اي ورشة ؟

mohannadAs

18/09/2010, 09:32 AM

تبارك الله بس وين نسويها في اي ورشة ؟

حياك اخوي مجنون نحم .... من المقطع اعتقد اى ورشة جيرات تسويها بس تحرى الافضل احسن

صاحب الكشتات

18/09/2010, 09:41 AM

أخوي المهندس اسعفنا حنا يأهل الاند كروزر تماتيك ماله شي في هالتعديلات او غيرها يقوي العزم

xX_أبهاوي_Xx

18/09/2010, 09:45 AM

بسم الله ماشاء الله عليك يبو حمزة

كبير ياغلآهم في طرحك

ومميز في جميع مواضيع

تقبل مروري يالغالي

mohannadAs

18/09/2010, 09:49 AM

بسم الله ماشاء الله عليك يبو حمزة

كبير ياغلآهم في طرحك

ومميز في جميع مواضيع

تقبل مروري يالغالي

مرورك على راسي يا ابهاوي الله يحيي اصلك........
لنا قعدة ان شاء الله

prof2

18/09/2010, 10:00 AM

موضوع تشكر عليه والله وحبيت اسألك عن جمس 8100 يركب السيرفو حق الكورفت عليه؟
هل القطعة هذة موجودة في الرياض؟

mohannadAs

18/09/2010, 10:31 AM

موضوع تشكر عليه والله وحبيت اسألك عن جمس 8100 يركب السيرفو حق الكورفت عليه؟
هل القطعة هذة موجودة في الرياض؟

بالنسبة لل 8100 الجير اللي عليه مختلف تماما نوعه اعتقد Allison اللي يظبط عليه فقط
700R
4L60
4L60E
4L65E
و حتى 4L80E او جير 900 اللي يجي على جموس 454 ما يركبله

Moshakes13

18/09/2010, 10:41 AM

والله موضوع رهييييييييييييييييييييييييييييب
ويستاهل 5/10 مش 5/5 :)

سهل الله دربك
ويسر الله امرك
وجزاك الله خير الجزاء

mohannadAs

18/09/2010, 10:47 AM

والله موضوع رهييييييييييييييييييييييييييييب
ويستاهل 5/10 مش 5/5 :)

سهل الله دربك
ويسر الله امرك
وجزاك الله خير الجزاء

مشكور يا مشاكس 13
و لك بمثل ما دعيت لنا
كلمات حلوة من رجل اخلاقه حلوة...... اشكرك:heart:

ابومهند 2

18/09/2010, 10:59 AM

الله يعطيك العافيه
بس ودي اسأل مايضر القير
لانه لوحده يفرط عليك ومافيه احد ماوضب الجربوكس الا القليل

عاشق z71

18/09/2010, 11:09 AM

تاهو2007

18/09/2010, 11:45 AM

مرحبا أخوي ... هل تركب على التاهو 2007............. واذا ماتركب ممكن نركب اللي ذكر الأخ عاشق z71 شيفت كيت المسمى بترانز قو

تناهيت

18/09/2010, 11:47 AM

بالنسبة لل 8100 الجير اللي عليه مختلف تماما نوعه اعتقد allison اللي يظبط عليه فقط
700r
4l60
4l60e
4l65e
و حتى 4l80e او جير 900 اللي يجي على جموس 454 ما يركبله

السيرفو ما يركب على قير الــ8100 لأن قيره 4l80e ......>وانصحك تبرمج القير + المكينة +تركب له مبرد قيرأكبر = يعطيك اداء قوي جدا (من واقع تجربه سابقة مع 8100)

اخوي مهند اعتقد ان البرمجه تفي بالغرض بدل السيرفو وأكثر اماناً

السيرفو تقدر تقوله عمله او وظيفته مثل بلف الحرارة يزيد من ضخ الزيت للقير اثناء تبديلاتة + على حسب ما قرأت انه يفضل تركيب مبرد قير اكبر اذا تم تغيير السيرفو

وللعلم السيرفو يجي للقير التماتيك فقط

تحياتي

mohannadAs

18/09/2010, 12:59 PM

هذي القطعه عزمت اركبها واستعديت من كل النواحي ماباقي الا اطلبها خصوصا بعد ماشفت الامريكان شلون يمدحونها

المهم في صديق لي راح يبرمج سيارته عند هشام الملا

وقلتله اسال عن السيرفو هذا

جاوبه هشام وقال مايصلح ومامنه فايده بالعكس يمكن يظر }}} هذا كلام هشام بنفسه

اضافه يقول الا ان تصير تبديلات القير حاده وهذا مع الوقت يظر

يقول اذا تبي قير قوي ويتحمل ركبله شيفت كيت المسمى بترانز قو وهذا شهير جدا ومحد يخفى عليه وسعره بحدود 700 ريال

نورت الموضوع ...
بس اذا تضر ليش gmc تصنعها و تركبها على الكورفيت ؟
شي ثاني وظيفة السيرفو انه يضغط على الباند (القطعة الهلالية الصفراء) للغيار 2-4 عن طريق ضغط الزيت
لاحظ الصورة
http://www.furiousperformance.com.au/store/images/categories/Instructions_0120_LRG.jpg

و الباند (القطعة الهلالية الصفراء)
بدوره يمسك الدرام اللي فيه كلتشات لاحظ الصورة كيف الدرام محروق بسبب ضعف السيرفو

http://i21.photobucket.com/albums/b299/lockdoc/95%20Free%20Astro/Tranny%20Rebuild/4L60Rebuild080.jpg

الفرق الوحيد بين السيرفو الكورفيت عن العادي هي المساحة و هي اكبر في سيرفو الكورفيت بي اكثر من 30 % فتمسك باحكام اكثر ....
الشفت كت ممتاز و رائع بس الفكرة انه اغلى و اصعب في التركيب
و الفكرة من الموضوع انه اصلا تعديل رخيص و شاكر مداخلتك اللي اثرت الموضوع
و فرصة لنصيحة اذا جير سيارتك تعبان و في بداية تفويت لا تسوي التعديل

mohannadAs

18/09/2010, 01:15 PM

السيرفو ما يركب على قير الــ8100 لأن قيره 4l80e ......>وانصحك تبرمج القير + المكينة +تركب له مبرد قيرأكبر = يعطيك اداء قوي جدا (من واقع تجربه سابقة مع 8100)

اخوي مهند اعتقد ان البرمجه تفي بالغرض بدل السيرفو وأكثر اماناً

السيرفو تقدر تقوله عمله او وظيفته مثل بلف الحرارة يزيد من ضخ الزيت للقير اثناء تبديلاتة + على حسب ما قرأت انه يفضل تركيب مبرد قير اكبر اذا تم تغيير السيرفو

وللعلم السيرفو يجي للقير التماتيك فقط

تحياتي

تحياتي يا اخ تناهيت و احنا الاثنين يجمعنا حب هالجموس :D
شاكر مداخلتك الكريمة ..
بس بالنسبة للبرمجة ما فهمتك تقصد نفس الباور بروجرامر power programmer
اعتقد انك تبرمج نقطة الشفت يعني تاخر النقلة يا ريت توضح اكثر اكون ممنونك
و ما يحتاج مبرد اكبر لما تبدل السيرفو مع اني دايم افضل يكون في مبرد في اجواء الخليج :s حتى بدون تعديل السيرفو ×
مشكور على الاضافة و ان شاء الله نتواصل أكثر أخ تناهيت :good:

abo-yara

18/09/2010, 04:22 PM

يعطيك العافيه فكره بحاول اسويها

الفيصل97

18/09/2010, 05:53 PM

ألنشمي

18/09/2010, 06:00 PM

بسم الله ماشاء الله عليك يبو حمزة

http://public.bay.livefilestore.com/y1p-VKCmo9E7AVVgcG3QIut79Fy-OX6nefgekRklbasMpH6oPoEni1spBXyOzfpUTxnV9Sr5st3Q3x wqoSzAcjt6A/%D9%85%D8%AA%D9%85%D9%8A%D8%B2.gif?psid=1

مميز في جميع مواضيع

تقبل مروري يالغالي

prof2

18/09/2010, 07:00 PM

شاكر لكم على المعلومات القيمة

ابوخالد64

18/09/2010, 09:17 PM

طيب اخ محمد مادام الكلام عن القير

وش رايك وبقية الاعضا بقير ال 2500على 1500

طبعا أقصد الجموس والشفرات

بن غدير

18/09/2010, 11:14 PM

موضوع بطل يامهند وانا من راي بان السيرفو اداء ومحافظه على الكلتشات اكثر من السيرفو العادي

وعلى فكره من وجهة نظري بان السيرفو نظامه نفس نظام الترانس قوه ولكن ؟؟

((الترانس قوه)) للأداء العالي يعني اذا كانت المكينه عليها اقراض تزويد فالأفضل ترانس قوه لأن القير راح يكون عليه لوود او قوة اكثر لذلك لابد من الكت شفت التانس قوه للقير

اما ((السيرفو)) يصلح للقيور اللي ماعليها اداء عالي جداً يعني خفايف وبصراحه يطرب وعجبني كثير ويحافظ على اداء القير ايضاً

مشكووووووووووور يامهند وموضوعك بطل ... http://75.126.184.24/vb/images/smilies/icon15.gif

ابومازن2

19/09/2010, 02:24 AM

موضوع اكثر من رائع ومثل هذة المواضيع الي نبحث عنها ونتمني وجود مثل هذة المواضيع لكي تعم الفائدة للجميع .
تحياتي لك وتقبل مروري العطر

الباترول دمي

19/09/2010, 05:50 AM

مشكور اخوي على هذا العرض الممتاز

mohannadAs

19/09/2010, 10:13 AM

تحياتي لكم والله موضوع على كيف كيف وجميل جدا
والصراحه ان تنورت الله ينوركم على المواضيع هذي
بس الي ابيه اوصل له يعني الترنز قو والا السيرفو؟
انا مركب مركب بس الافضل اي (الاكوس هذا والا هذا) ههههه
تحياتي لكم على الموضوع وراعيه

الشفت كت اللي من ترانس جو اكيد ممتاز دام السعر مب عامل رئيسي عندك فركب شفت كت
مع ان في ناس مركبين الاثنين:)
تحياتي لك يالغالي و يعافيك

mohannadAs

19/09/2010, 10:20 AM

طيب اخ محمد مادام الكلام عن القير

وش رايك وبقية الاعضا بقير ال 2500على 1500

طبعا أقصد الجموس والشفرات

حياك الله يابو خالد........... شوف في المكانيكا و الترهيم مافي شي ما ينفع
بس السعر هو اللي يحكم
4l80e اللي هو جير الجموس 2500 رائع و قوي جدا بس يبيلك واحد محترف ترهيم يظبطه سكبه و داير والاهم برمجة و راح يكلف حيل اذا شغل نظيف
بينما بسعر اقل تقدر تظبط جير 4l60e او جير 700 يشيل مرتاح 600 حصان
فما الافضل برايك

شاري الوقفه

19/09/2010, 11:13 AM

و اللي يهمنا ان الجير بيمسك عزم بعد التبديل

اولا اشكرك للمره الثانيه :good2:

ثانيا هل دوره نفس دور الاوفر درايف في الفوردات فكتوريا و ماركيز . والاوفر درايف يمسك العزم ومايرجع لنمره ثقيله بسرعه . ويستخدم في طلوع العقبات الصعبه . يعني يريح الكلتشات من التبديلات المتكرره.

تقبل تحياتي

شاري الوقفه

19/09/2010, 11:19 AM

mohannadAs

19/09/2010, 01:51 PM

اولا اشكرك للمره الثانيه :good2:

ثانيا هل دوره نفس دور الاوفر درايف في الفوردات فكتوريا و ماركيز . والاوفر درايف يمسك العزم ومايرجع لنمره ثقيله بسرعه . ويستخدم في طلوع العقبات الصعبه . يعني يريح الكلتشات من التبديلات المتكرره.

تقبل تحياتي

حيا الله ابو ريماس ...........
مسكة العزم اللي اقصدها ان ما راح يكون في تفويت ولو بسيط من الكلتشات لان الباند مسكته اقوى خصوصا في حالات التحميل القاسي مثل القلص و السحب وطلوع المرتفعات

yukon-gt

19/09/2010, 06:38 PM

الله يعطيك العافية على الموضوع الاكثر من رائع وان شاء الله سيتم تغيير القطعة
والله يطرح فيك البركه قل امين

email man

19/09/2010, 07:25 PM

مميز بطرحك وشروحاتك وجاهز لكل شي :good2:
بارك الله فيك وفي مجهودك

ابومساعد

20/09/2010, 01:19 AM

جزاك الله خير

sa-z71

20/09/2010, 02:39 AM

والله موضوع مفيد
وودنا نتأكد من عدم ضرره على القير .

وأبشرك موتري يفحط بالثاني . ماشاء الله تبارك الله

أشكرك على الموضوع المبدع

You Like Me

20/09/2010, 03:31 AM

الله يعطيك العافيه
موضوع وشرح رائع ومميز
لك التحيه

mohannadAs

21/11/2010, 09:47 AM

شاكر لكل من زارني و نور الموضوع

قناص*07

21/11/2010, 05:03 PM

الله يعطيك الف عافيه

بس هل يركب على القير العادي 2500

ابوصالح77

22/11/2010, 02:03 PM

موضوع ممتاز
بارك الله فيك
تقبل مروري

ابوعابد2500

22/11/2010, 04:52 PM

طيب عندي كابرس 95

رقم القير كم علشان اطلب القطعه ذي واركبها

واذا تبي تفزع لي عطنا الرابط مباشره حق الشراء

mohannadAs

22/11/2010, 10:50 PM

الله يعطيك الف عافيه

بس هل يركب على القير العادي 2500

هلا بالقناص .....القطعة هذي بس للاوتوماتيك
و شاكر مرورك

mohannadAs

22/11/2010, 10:51 PM

موضوع ممتاز
بارك الله فيك
تقبل مروري

و الله مرورك على العين و الراس
و بارك الله فيك يا اخي

mohannadAs

22/11/2010, 10:56 PM

طيب عندي كابرس 95

رقم القير كم علشان اطلب القطعه ذي واركبها

واذا تبي تفزع لي عطنا الرابط مباشره حق الشراء

4l60e هذا رقم القير
و هذا الرابط يالغالي
http://cgi.ebay.com/ebaymotors/ws/eBayISAPI.dll?ViewItem&item=290394857151&crlp=1_263602_304652&ff4=263602_304652&viewitem=&guid=1afcad291230a0268424b344ffe7dc1d&hlp=false&rvr_id=172528689664&ua=WVS%3F&itemid=290394857151

a_b_c_d

23/11/2010, 02:09 AM

ماشاء الله حركه حلوه بس الجمس راح خلاص
اخوي ما تشوف لي اذا كانت تركب على الهايلوكس او اي قطعة ثانية

ابوعابد2500

23/11/2010, 04:03 PM

4l60e هذا رقم القير
و هذا الرابط يالغالي
http://cgi.ebay.com/ebaymotors/ws/eBayISAPI.dll?ViewItem&item=290394857151&crlp=1_263602_304652&ff4=263602_304652&viewitem=&guid=1afcad291230a0268424b344ffe7dc1d&hlp=false&rvr_id=172528689664&ua=WVS%3F&itemid=290394857151
لا هنت وبيض الله وجهك

طيب الصابونه 92 لاحد الزملاء اذا تركب هذه القطعه لان القير عادي وليس الكتروني مثل 95

مسمار شداد

06/01/2011, 12:07 AM

هل ينفع للتاهو z71 2001

mohannadAs

06/01/2011, 12:15 AM

هل ينفع للتاهو z71 2001

ينفع يا طويل العمر
اي جير 700 او 4l60 >>>> اي الاليكتروني و العادي ( الغير اليكتروني)

ayaqaz

07/01/2011, 11:49 PM

ما شاء الله تبارك الله..

موضوع مميز بالفعل..

عندي سوبربان 2005 مكينته 1500 وما أعرف رقم القير!!

هل ينفع عليه هذا التعديل؟

وماهي المخاطر المحتملة بعد التعديل؟

وهل ينباع سيرفو الكورفيت عندنا بالسعودية؟

وبكم يتم تركيب السيرفو الجديد في ورش الجربكسات؟

كثرت أسألتي عليك يا أخ mohannadAs ..

وجزاك الله خير مقدما..

mohannadAs

08/01/2011, 08:32 AM

ما شاء الله تبارك الله..

موضوع مميز بالفعل..

عندي سوبربان 2005 مكينته 1500 وما أعرف رقم القير!!
4l60 هذا رقم الجير عندك

هل ينفع عليه هذا التعديل؟

ينفع ان شاء الله

وماهي المخاطر المحتملة بعد التعديل؟

للان ما حصلت القطعة و اتمنى لو احد جرب يفيدنا من متابعتي لمنديات اجنية ما لقيت ابدا تعليق سلبي على هذا التعديل بل اعتقد انه افضل للكلتشات

وهل ينباع سيرفو الكورفيت عندنا بالسعودية؟

اكيد موجود قطع للكورفيت لازم تدور عند الوكيل و تشوف

وبكم يتم تركيب السيرفو الجديد في ورش الجربكسات؟

ياريت اقدر افيدك بس للاسف انا من سكان الكويت .... السموحة

كثرت أسألتي عليك يا أخ mohannadAs ..

احنا في الخدمة

وجزاك الله خير مقدما..

شاكر مرورك و يجزيك خير

ولد القاضي

08/01/2011, 12:49 PM

خشم الرثمه

08/01/2011, 03:51 PM

الله يعطيك العافيه..أخ محمد

موضوعك..لا يعلى عليه...

أتمنى أحد من الشباب إلي ركب فعلا...

يقول لنا..من وين إشترى القطعه وبكم ومن ركبها له وكيف موتره بعد التجربه...

ولد القاضي

10/01/2011, 09:09 AM

أخوي بارك الله بك مارديت على إستفساري

mohannadAs

10/01/2011, 12:34 PM

بسم الله الرحمن الرحيم
اخوي انا عندي كابرس موديل 93
وجمس يوكن 2001
ياليتي اعرف وشي القطع الي تركب عليهن

وعندي استفسار الكابرس احيانا او ماشغل يتاخر التعشيقة الثانية
وبعد مشكله ثانية فيه انه بعد مايعشق الثالث او الرابع احس الموتر يثقل بعدين يرجع عزمة
ياليت تفيدوني ولكم الشكر

اولا سامحني ياخوك الوقت ما يسعفني ارد على الاسئلة بالسرعة الكافية
فمنك السموحة
بالنسبة للكابريس اذا المكينة 350 فالجير 700 او 4l60 و اي واحد فيهم يركبله السيرفو ان شاء الله
اما لليوكن 4l60e م ان شاء الله يركب ايضا
القطع هي اللي جات في التقرير اللي هي سيرفو الكورفيت
بانسبة لثقل السيارة هذي لازم تتفحص في ورشة متخصصة و انا وا ودي افتي لك و اقولك كلتشات ولا سولنويد ( سويتشات) ولا اقول بدل شي و يطلع شي ثاني و صدقني ما احد يقدر يشخص العطل من خلف شاشات الكمبيوتر ..... لازم ورشة و يتم فحص
Transmission Line Pressure
او اي فحص هم ادرى فيه
اتمنى اكون افدتك و سامحني على التاخير