أشتري جيب شاص ولا هايلوكس ؟؟؟

[عاشق التيتان]

السلام عليكم ورحمة الله وبركاته
أشتري جيب شاص ولا هايلوكس و وش أزين (الشاص) السعودي ولا الخليجي

[salehhd]

السلام عليكم

اذا كنت راعي بر خذ الشاص وانت مغمض لاكن احسب حسابك حق صرفية البنزن
واذا طلعاتك للبر قليله قخذلك هايلوكس

في شاص جديد شفتة من نيسان وشكله حلو وجهية باترول وبدي شاص وشكله احلى من التويوتا

[عاشق التيتان]

مشكوور أخوي salehhd على المعلومات
على فكره كم سعر الباترل شاص وكم سعر الشاص تويوتا الخليجي والـ هايلوكس 4×4 :confused: :confused:

[عاشق الجبل]

وعليكم السلام

أصبر ياعاشق التيتان وراك نسيت التيتان

أصبر وطق لك واحد وأنا أخوك :)

[salehhd]

والله وانا اخوك ما عندي خبر على الاسعار

بحاول اذا لقيت وقت امر الوكاله واسألك

[انا ناصر]

شاص وتوكل على الله

[القناص]

شاص باترول وتوكل على الله يبدأ من 79الف جديد

[قناص السليمي]

شاص وبس
شاص وبس
شاص وبس
شاص وبس
شاص وبس
شاص وبس
شاص وبس
شاص وبس

[اسيزو 4x4]

شاص تويوتا ممتاز ولكن البنزين يا سنايدي مشكلة

وإلا هايلوكس غمارة دبل 4x4


.

[جلوبلستار]

إذا تبي شوري ... اشتر هايلوكس دبل .... الشاص يستخدم للمهمات الصعبة الي ما يقدر عليها الا الشاص بمعنى ان الشاص سيارة خاصة للمهمات الصعبة فقط ... أضرب لك مثل ... واحد يبي يشتري بندق للصيد .. وعرض عليه شوزل ام خمس ورشاش كلاشنكوف ... وش يشتري ؟ اكيد بيشتري ام خمس .

[محب الشمال]

انا اخالف اخوي جلوبستار في رايه
حتى لو اشتري كلاشيكوف احتياط لانه ممكن تحصل البندق الصيد بسهوله اكثر من الكلاشنكوف
والمثل يقول الزيادة ولا النقصان
من رايي طلع شاص لانه ممكن مرات تكون عندك مهمة صعبه في احد نفود الدهناء او الربع الخالي ... اسأل الله انه يسهل لك كل رحلاتك وطلعاتك ومشاويرك
تفرق في حاجه وحده اذا كان عندك عائلة صراحه الهايلكس افضل بس خله دفرنيسين
والله يعطيك خير السيارات ويكفيك شرهن وجميع المسلمين

[ريح السيل]

السلام عليكم
نصيحه شاصي تويوتا وبس ونحصلك ديزل فالحمد لله
والسلام
خير الكلام ماقل ودل

[البرحه]

السلام عليكم

ما تجي المشاوره كذا !! شاص والا هايلكس .... خذ شاص ....طيب شكرا ؟؟

كل واحد وله حاجته في الموتر ! يعني يختلف من طلعاتك والركاب الي معك وكم دراهمك


يعني اذا انت راعي بران وتحب تدلع روحك وتبيه ما يوقف بك ولا يركب معك احد فالشاص زين بس طرف دراهمك !

وان كانك بعد راعي بران وتبي غمارتين وتبيه يمشيك في البر وتبي حوض فالدفرنسين الغمارتين ممتاز والسعر معقول


والصراحه انا اشوف انه عندنا قليله الحاجه للشاص يعني اغلب الطلعات الهايلكس يفي بالغرض الا ماشاء الله

والي يبي موتر يجمع بين الحوض والمراتب والقوه فالهاليلكس الدفرنسين الغمارتين ممتاز ( او اي وانيت دفرنسين غمارتين)


وانت ومزاجك لكن المفروض تقول لنا هل عندك موتر ثاني والا لا يعني تبيه للبر ولا لكلش عشان نعطيك الشور الطيب

وشكرا