المساعد الشخصي الرقمي

مشاهدة النسخة كاملة : وين أحصل بطارية بانوسنك


الرسيفر
19/09/2010, 03:46 AM
يا جماعة أنا أشوف بالموتر بطارية بانوسنك جاية معه شد بلد ونا ودي أركب بطارية جديدة نفسه لأني بصرحة دورته ولا حصلته .
نبي المساعدة وين المحل اللي يبيعه ؟

وهل هي أفضل أو إيسي ديلكو ؟
لأن راعين المحلات يقولون خذ أيسي ديلكو أفضل .
نبي العلم والشور المضبوط ولكم مني وافر التقدير والاحترام .
عـبـود 911
19/09/2010, 05:39 AM
تلقاها كثير في محلات البطاريات في شارع الريل ...

بس احتمال ان جودتها ما تكون نفس جودة اللي جايه مع السيارة شد بلد !!

موفق ...
بعيد الهقاوي6
19/09/2010, 09:30 AM
البانوسنك افضل من اي سي دلكو بمراحل بس مهي منتشره وماعليها طلب


المشكله ماراح تلقى منها تاريخ جديد اكثر الموجود له سنه واكثر وهذا يضعف الجوده


اي سي دلكو سيئه جدا ومدتها سنه الى 18 شهر بالكثير بشرط يكون تاريخها جديد
ابوناصر3
20/09/2010, 03:52 AM
انصحك ابعد عن الي سي دلكو تراها رديئة بالحيل ودورلك الكوري سواء باناسونيك او هانكوك ممتازة واسعارها حلوة على حسب الانبير والله يوفقك.......
راعي ذرف
20/09/2010, 04:02 AM
اخوي بطارية الباناسونك تلقاها عند موزعيين بيع الزيوت والبطاريات

بالنسبة لها ممتازة جدا كتجربة واحلى من ايسي ديلكو
الرسيفر
20/09/2010, 06:08 AM
يا جماعة اللي يعرف محل يبيعها في القصيم الله لا يهينه يمسط باسم المحل هنا
قطب 999
20/09/2010, 09:48 AM
شف عندك المحيميد اللي بشارع الخبيب يمكن تلقا اللى تبي والبانسونك الموجوده تايلنديه واللي تجي مع السياره يابانيه
عاشق الفكسار
20/09/2010, 12:30 PM
فيه محل في شارع الريل اسمه باناسونيك ما يبيع الا بطاريات بس يعني هو الموزع
تلقاه في نهاية الشارع وانت اتجاهك غرب يجيك عاليمين
الرسيفر
20/09/2010, 12:43 PM
فيه محل في شارع الريل اسمه باناسونيك ما يبيع الا بطاريات بس يعني هو الموزع

أخي الغالي : أين يقع شارع الريل بالضبط .
راعي ذرف
20/09/2010, 01:33 PM
والله انا بحائل
اشوفها لك بكرا ان شاء الله
عاشق الفكسار
20/09/2010, 02:51 PM
أخي الغالي : أين يقع شارع الريل بالضبط .

في الرياض حول الغرابي
http://maps.google.com/?ie=UTF8&ll=24.641551,46.719843&spn=0.002828,0.004823&z=18

اسم الشارع عمر المختار بس معروف انه شارع الريل
رقبة حاشي
21/09/2010, 08:03 AM
شف وانا اخوك ابعطيك معلومات مفيدة انشاالله ...
الى منك جيت مع شارع الريل متجه غرب وقبل ماينتهي الشارع فيه لفه يمين تلف معها متجه للشمال هذا الشارع مليىء بالكفرات والبطاريات (اللي فيه يبيعون ويشترون الكفرات المستعمله) امش معه لين يجيك حرف تي خذ يمين المحل اللي على شارعين لا ماهو هو .
شف مباشره المحل اللي بجنبه بيدك اليمين ( انا شريت منه برمضان بطارية باناسونيك 115 أمبير ب 320 ريال وحسب الرجيع ب 50 ريال ) البطاريه القديمه نفسها بس 90 أمبير خدمت سنتين و 6 شهور وضعفت قليلا لم تخرب بالمره يعني ممكن انها تنشحن من اللي بصناعية الدايري بس قلنا نغيرها افضل ما دام ان الواحد حصل البطاريه ) لاحظ صنع في اليابان محفور وليس ستكر ...
من الملاحظات ... ان البطاريه تعبئه بس خلال مدة استخدامي لها زودت مويتها 3 مرات لعدد 3 عيون فقط والباقي ما نقص . بطاريه متينه وقويه لابعد الحدود
ارجو ان تعم الفائده للجميع ..... أخوكم / رقبة حاشي
راعي ذرف
21/09/2010, 10:13 AM
اخوي والله حاولت اليوم اخها لك لكن وجدت الموزع ماطلبها له سنه
ولكن الاخوان بيض الله وجيههم ماقصرو والله يجزاكم الجنة

ملاحظة سبق واشتريت باناسونك 115 ولكن هذه ليس قوه البطارية وانما
تعادل 80 امبيير المهم بكل الاحوال البطارية ممتااازة جدا لكن احرص على الماء

والف شكر للجميع

هذا رقم الموزع بالرياض ممكن يطلبها من الوكيل 014466456 تحويلة457 زين الراشدي
الرسيفر
21/09/2010, 10:22 AM
أشكركم على التفاعل في الموضوع

وهذا خبرنا في نشامى مكشات

بس معقولة ما توجد بالقصيم دورت في محلات في بريدة ولا حصلت يقول وش تبي به خذ إيسي ديلكو أضمن .

فالله لا يهينكم اللي يعرف محل بالقصيم ممكن يذكر لنا المحل ويفكنا من عنوة الرياض تعرفون الرياض عقب ساهر صار سالفة . وشكر لكم جميعا .