رسميا : فورد تطلق 2011 فورد F-150 SVT Raptor رابتور بأربعة ابواب

[مخاوي نجد]

رسميا : فورد تطلق 2011 فورد F-150 SVT Raptor رابتور بأربعة ابواب

http://images.thecarconnection.com/med/2011-ford-f-150_100320892_m.jpg

قامت فورد مؤخرا باضافة موديل جديد للفورد F-150 SVT Raptor رابتور بأربعة ابواب وسوف يتم اطلاقه كموديل 2011 . الفورد F-150 SVT Raptor رابتور هي اول سياره مصممه للسرعات العاليه على الطرق الوعره من قبل شركه مصنعه رسميه وهو يجسد سبب تفوق وسيطرة شاحنات فورد خلال 33 سنه الماضيه في جميع النواحي .

http://www.fordmuscle.com/blog/FMBlogImages/Capito.jpg
( جوست كابيتو Jost Capito وهو رئيس سيارات فورد ذات الاداء العالي العالميه director of global performance vehicles and motorsports business development)


قال جوست كابيتو Jost Capito " عندما اطلقنا الفورد F-150 SVT Raptor رابتور معظم الزبائن ذهلوا بقدارت هذه الشاحنه " وقال ايضا " باضافة موديل SuperCrew ( اربعة ابواب ) قمنا بتوسيع تعددية الفورد F-150 SVT Raptor رابتور لليستمتع به عدد اكبر من محبي هذه الشاحنه التي توفر اداء عالي على الطرق الوعره لامثيل له في اي شاحنه اخرى " .

سوف يتوفر 2011 فورد F-150 SVT Raptor ربتور بموديلين :

1) موديل SuperCab ( بابين ) .

http://svtusa.com/wp-content/themes/arras-theme/library/timthumb.php?src=http://svtusa.com/wp-content/uploads/2010/04/RaptorwhiteT.jpg&w=630&h=250&zc=1

2) موديل SuperCrew ( اربعة ابواب ) .

http://svtusa.com/wp-content/themes/arras-theme/library/timthumb.php?src=http://svtusa.com/wp-content/uploads/2010/05/raptorsc21.jpg&w=630&h=250&zc=1

المواصفات

* محرك 8 سلندر سعة 6.2 لتر ويولد 411 حصان وعزم 434 رطل ( وهو المحرك الاساسي للجميع الموديلات ) لليصبح الفورد F-150 SVT Raptor رابتور الاقوى في فئته ( فئة شاحنات النصف طن ) .

http://0.tqn.com/d/trucks/1/0/W/F/1/RPTR_Eng.jpg

* ناقل حركه اتوماتيك مكون من 6 سرعات .

* قوة سحب ب 8,000 رطل ( 3 طن و 628 كيلو ) .

* تم تعديل صوت العادم للاعطاء صوت قوي مناسب يدل على قوة هذا المحرك .

* اضافة رسومات على الكبوت اختياريه .

http://images.thecarconnection.com/med/2011-ford-f-150_100320897_m.jpg

وغيرها من مواصفات الفورد F-150 .

الصور :

http://images.thecarconnection.com/med/2011-ford-f-150_100320889_m.jpg

http://images.thecarconnection.com/med/2011-ford-f-150_100320894_m.jpg

http://images.thecarconnection.com/med/2011-ford-f-150_100320893_m.jpg

http://images.thecarconnection.com/med/2011-ford-f-150_100320890_m.jpg

http://images.thecarconnection.com/med/2011-ford-f-150_100320891_m.jpg

http://images.thecarconnection.com/med/2011-ford-f-150_100320900_m.jpg

http://images.thecarconnection.com/med/2011-ford-f-150_100320899_m.jpg

http://images.thecarconnection.com/med/2011-ford-f-150_100320898_m.jpg

[NissaN 1990]

كفو والله شكله يجمع بين النشاط والفخامه بس لو يجي منه غماره كان كلام ثاني ،،

[rpk]

صراحه شكله هجومي وجيد بس سعره مبالغ فيه عند الوكيل وطلبيه بعد

[بعيد الهقاوي6]

ماشاء الله تبارك الله


افتقدنا مواتر البر الحقيقيه في السيارات الحديثه لكن الرابتر اعتبره موتر بر درجه اولى حتى المواتر القديمه

اقل صلابه منه وانا اعتبره موتر رالي حقيقي

[الشنه]

لا تستعجلون وتغركم المظاهر
كم سيارة فورد نشوفها في الحزوم في الشعبان وفي الظهار

ونيت الفرد فاشل محلياً
ويحتاج وقت طويل ليثبت وجوده

اذا المسأله شكل فهو 10/10
واذا الشغله اداء
اقول غيره اجدر منه
حتى يثبت لنا العكس

[غالي]

قمه ماشاء الله

والافضل منه غماره ونص

ومكينته 6.2 !!!! قمة القوه على ونيت

مشكور اخوي

[همس الغدير]

اهم كم السعر ؟؟؟

[مضاد]

لا تستعجلون وتغركم المظاهر
كم سيارة فورد نشوفها في الحزوم في الشعبان وفي الظهار

ونيت الفرد فاشل محلياً
ويحتاج وقت طويل ليثبت وجوده

اذا المسأله شكل فهو 10/10
واذا الشغله اداء
اقول غيره اجدر منه
حتى يثبت لنا العكس
اولاً تعليق بسيط على اخوي الشنه
يالغالي وكم موتر جبار مثل الفكسار والباترول وغيره من السيارات الدسمه
تفتقر بعض الاشياء من قوه وصلابه وسائق مثل المثل الي يقول مفتح بندق عمى ما افلح
وبالنسبه للاداء كلن يغني على ليلاه

صراحه موتر شكلياً لا يعلى عليه تحس انه حق مداهمات
وبقوه جباره وزين انه طرح منه غمارتين عشان الواحد يتمغط:)ويرقد

[الجندي2005]

السعر يأخوان كم ،،،،،،،،،،،،،،،،،،،،،،،،،،




،

[رفيع المقآم]

لا تستعجلون وتغركم المظاهر
كم سيارة فورد نشوفها في الحزوم في الشعبان وفي الظهار

ونيت الفرد فاشل محلياً
ويحتاج وقت طويل ليثبت وجوده

اذا المسأله شكل فهو 10/10
واذا الشغله اداء
اقول غيره اجدر منه
حتى يثبت لنا العكس

الله أكبر الحين صار الفورد فاشل من اللي شال ابو وجدك يمكن قبل لا تطلع على الدنيا هو اللي شالهم مايصير فاشل ولا السواقين اختلفو وصارو يعتمدون على الدبل والدف لك والاشياء اللي ماكانت موجوده انا اتوقع لو تعطي هالفورد واحد من كبار السن ليلعب به لعب وش بعد بدون الدبل يالغالي تخيل نطلع النفورد على ددسن وعمي اللي يسوق ولا تغريزه ولا تدقيره بس السواق سواق ويعرف النفود من وين تنضرب وكيف يوقف السيارة
بيني وبينك على السواق
شف يالغالي انا نكي منوتي الشاص لكن الحق يقال ولا نتحيز ونتعصب بالحق

[ابن عكاش]

انا اتوقع لو تعطي هالفورد واحد من كبار السن ليلعب به لعب وش بعد بدون الدبل
يالغالي الأولين كان يقضون لزومهم والحمدلله يعني مهوب اهل كثرة دوران ولا مراقا ولا احتراف لكن الشباب التالي طلعو علوم السيارات كلها من قوة مكينة وتحمل وغيرها مع اني ما اأيد بعض التصرفات لكن تبقى اثبات حقائق وايضاً الشيبان يوم طلعت الياباني ما اعجبهم لكن يوم جربوه واثبت جدارته تركو الفوووود

[بن سليمان]

ودي اشوف مجاكر بينه وبين الباترول بس ودي اشوف قوة المكاين الرهيبة
400 حصان مقابل 411 حصان


لا تستعجلون وتغركم المظاهر
كم سيارة فورد نشوفها في الحزوم في الشعبان وفي الظهار

ونيت الفرد فاشل محلياً
ويحتاج وقت طويل ليثبت وجوده

اذا المسأله شكل فهو 10/10
واذا الشغله اداء
اقول غيره اجدر منه
حتى يثبت لنا العكس



يالغالي الأولين كان يقضون لزومهم والحمدلله يعني مهوب اهل كثرة دوران ولا مراقا ولا احتراف لكن الشباب التالي طلعو علوم السيارات كلها من قوة مكينة وتحمل وغيرها مع اني ما اأيد بعض التصرفات لكن تبقى اثبات حقائق وايضاً الشيبان يوم طلعت الياباني ما اعجبهم لكن يوم جربوه واثبت جدارته تركو الفوووود

لا تجربونه ما يبي الفورد تجريب ****** قد جربه بالبيت الأبيض خبيره

شركة فورد تبيع من ونيتات فورد سنويا اكثر من نص مليون مهوب واقفة على سوقكم وهو اللي يتصدر المبيعات الان
وعلى الشركات الثانيه ان تدعو بسلامة المقاطعة العربية لشركة فورد عام 1966
والا الناس ما تركت الفورد والهرجة من اول للفورد
لو ما صنعت فورد إلا هذا الوانيت لكفاها

[رفيع المقآم]

يالغالي الأولين كان يقضون لزومهم والحمدلله يعني مهوب اهل كثرة دوران ولا مراقا ولا احتراف لكن الشباب التالي طلعو علوم السيارات كلها من قوة مكينة وتحمل وغيرها مع اني ما اأيد بعض التصرفات لكن تبقى اثبات حقائق وايضاً الشيبان يوم طلعت الياباني ما اعجبهم لكن يوم جربوه واثبت جدارته تركو الفوووود


يالغالي انا راكب مع عمي يقولي تبي نرقى هالطعس ولا ذاك شرايك وش تبي يعني يطلع ام القوة القير يحن حن ماتصدق ولازم لازم يطلعها لو ايش
يالغالي اللي يقهرني ان شركت فورد جبارة ومعروفة ويجيك واحد مطفي النور يقول فاشل خلاص طيب هو فاشل اصنع لنا واحد طيب افشل منه اصنع لنا اهم شي سيارة
>>بيني وبينك هياط الحق يقال فورد من أقوى الشركات قديما وحديثا

[azd]

وانيت الفورد اكثر مبيعا فى امريكا فى شهر اغسطس 2010عدد47000
سياره

[مخاوي نجد]

فورد F-150 SVT Raptor في عمان ( المقاطع تحتوي على موسيقى )


المقطع الاول


subke5pejaw






المقطع الثاني

RIp9n_hBGNw






المقطع الثالث

tmPNmKeZDrc





</p></p></p></p>

المقطع الرابع في دبي

VWPM_ndJj0I

[ساحووق]

كل السيارات طيبه بس كثروا فلوووووسكم

[الخادم]

يعطيك الف عافية
الشكل مسكت و لكن العمل

[ياسر العضيله]

السياره شكلها جباره لاهنت

[التاكسي]

اذا مني غلطان فورد شركه يهوديه

[سرطوقا]

وحش الفورد :)

[عبادييي]

اذا مني غلطان فورد شركه يهوديه

يالغالي

شف التجار السعوديين لعب ونصب وهو مسلمين

اما شف شركة فورد اذا كانت يهوديه فهي شركة محترمه امينه

وهذا الي يهمنا

وحتى الرسول كان يتعامل مع اليهود

[tlk_2003]

ننتظر يجرب ونحكم عليه بعدها

الله يعطيك العافيه

[رمح الطنايا]

على قولة بن هذال من دون صهيون بذتنا صهينا ماعليك من الحكي
النصب والسرق عندك هنا يشلحون الموتر من يطب الميناء ويغيرون
اجهزته بصينيه والاصلي يبيعه عليك بالدبلات يشلح السياره تشليح
ويبيعك اياها مفصخه ماودنا نسمي

المهم سعر الموتر كم ماضنه رخيص اللي هذه مواصفاته

[شبح الصحراء]

سيارة جبارة ولكن يعيبها طول الشاصي وهذا العيب موجود في اغلب سيارات الحوض الأمريكية فهي مناسبة للحمولة الكبيرة ولراحة الركاب ولكن طول الشاصي يعرضها للتعلق او للتغريز بعكس الشاصي القصير كالهايلوكس والددسن مثلاً .


المواصفات


* محرك 8 سلندر سعة 6.2 لتر ويولد 411 حصان وعزم 434 رطل ( وهو المحرك الاساسي للجميع الموديلات ) لليصبح الفورد f-150 svt raptor رابتور الاقوى في فئته ( فئة شاحنات النصف طن ) .

انا ماني فاهم فئة نصف طن؟ هل المقصود ان حمولتها نصف طن؟ يعني معقولة حمولتها اقل من حمولة الهايلوكس والددسن؟! المفروض ان حمولتها اكثر بكثير بحكم حجمها .

[مخاوي نجد]

فورد 150 Raptor لشرطة أبوظبي




http://www.snyar.net/wp-content/uploads/2010/09/500x_adpolice2.jpg (http://www.snyar.net/wp-content/uploads/2010/09/500x_adpolice2.jpg)

[سلطان تميم]

الله يعطيك العافيه على الموضوع الجيدى صراحه سياره ممتازه

[راسم الكلمة]

بارك الله فيك

بس محد عطانا الأسعار !!!!

[عآشق الحره]

انا سألت عنه بمعرض جده الدولي الله واعلم ناسي قبل كم شهر 220الف هذا ابو غمار ونص ..ازيدها كم الف واخذ فكسار لك وللزمن

[بوسعود70]

شكرا على هل الموضوع وماقصرت والسياره جباره 6.2 هذى مكينت سوبر

[Al-harbe]

ماشاء الله

[((ابوملاك))]

من تكلم بغير فنه اتى بالعجائب قال ايش قال فورد غير اعتماديه

اكثر سيارة مشت بالعالم هي فان من شركه فورد وصلت للـ 1.200.000 ميل

فورد معروفه بقوة تحملها ورخص قطع غيارها وبالاضافه الى ان افضل وكيل عندنا هو وكيل فورد لا من تعامل ولا من رخص قطع الغيار

بالله اللي ماساق وانيت فورد لا يتكلم ويكرمنا بسكوته

[راسم الكلمة]

انا سألت عنه بمعرض جده الدولي الله واعلم ناسي قبل كم شهر 220الف هذا ابو غمار ونص ..ازيدها كم الف واخذ فكسار لك وللزمن


220 الف !!!

غالية بالحيل

[كموص]

سمعت من الأقدمين أنهم كانوا يغنون لها ( أنا الفرت حمال الأسية , أذا دخلت السفلت أبي السهية ) .
لاشك بأن سيارات الفورد سيارات جامدة وجبارة الطرق بجميع صعوباتها منذ أكثر من نصف قرن , وقبل وجود الأسفلت كانت سيارات الفورد هي الأولى للسفر ألى مكة المكرمة والمدينة المنورة والرياض والطائف وشمالا وجنوبا , كانوايسمونها بساط الريح , وأما الأسعار بيد جبروت الوكلاء , والله المستعان .

[بن سليمان]

سيارة جبارة ولكن يعيبها طول الشاصي وهذا العيب موجود في اغلب سيارات الحوض الأمريكية فهي مناسبة للحمولة الكبيرة ولراحة الركاب ولكن طول الشاصي يعرضها للتعلق او للتغريز بعكس الشاصي القصير كالهايلوكس والددسن مثلاً .

انا ماني فاهم فئة نصف طن؟ هل المقصود ان حمولتها نصف طن؟ يعني معقولة حمولتها اقل من حمولة الهايلوكس والددسن؟! المفروض ان حمولتها اكثر بكثير بحكم حجمها .
الهايلوكس والددسن فئة وهذا الوانيت فئة
وبالنسبه للتسميه ( حمولة نص طن ) الوانيتات في امريكا كانت تصنف في القديم من اول ظهور لها على حسب حمولتها وكان موجود ( 1/2 طن و 3/4 طن و 1 طن ....الخ ) واستمرت الى يومنا هذا رغم ارتفاع قدرتها على التحميل


فورد 150 Raptor لشرطة أبوظبي




http://www.snyar.net/wp-content/uploads/2010/09/500x_adpolice2.jpg (http://www.snyar.net/wp-content/uploads/2010/09/500x_adpolice2.jpg)



الصراحة عرفوا يختارون


انا سألت عنه بمعرض جده الدولي الله واعلم ناسي قبل كم شهر 220الف هذا ابو غمار ونص ..ازيدها كم الف واخذ فكسار لك وللزمن
كيف سعرها 220 الف وسعره الرسمي من الشركه 38.260 الف دولار أي ما يعادل 143.475 الف ريال سعودي
وهذا رابط موقع الشركة

http://www.fordvehicles.com/trucks/f150/trim/?trim=raptor

[حسين السبيعي]

الشكل قوه وهيبه والفعل الله واعلم