يا هل الفاندر غيرت الكفارات وطحت بمشكله !!!!

[عبدالله كاتب]

السلام عليكم
تعرفون يا هل الفندر مدى سوء كفرات البرجستون وقساوتها على السيرة طبعا انا قررت اغيرها واكرش ابوها وبعد اطلاعي على مواضيع سابقه للأخوان قررت اركب دانلوب وفعلا ركبته ما يحضرني مقاسه المهم انه ارفع شوي من البرجستون بس فرق في الراحه والليونه وعلى كلام ابو يمن انه حق البرادو المشكله اني اذا كسرت الدركسون شوي يطلع صوت الكفر يحك شوي بالبنسافه او البلاستك اللي بين الكفر وبين البدي
وش الحل جعلكم تحيون :confused:

[بــح ــر الــكــرم]

http://aljaazy.jeeran.com/fasss.gifhttp://aljaazy.jeeran.com/fasss.gif

*·~-.¸¸,.-~*عبدالله كاتب *·~-.¸¸,.-~*

أذا كانت السيارة خشتها نازله فأرفعها شوي


وأذا كانت مرتفعه والكفر حجمه تشوف انه كبير


يعني مافيه فراغ كافي بينه وبين الرفرف


فغير الكفر بواحد اصغر حجم من الاول


أتمنى أن أكون قد وفقت لحل المشكله


تحياتي لك


http://aljaazy.jeeran.com/fasss.gifhttp://aljaazy.jeeran.com/fasss.gif

[pathfinder]

شي طبيعبي يحك لان مقاس كفر البرادو 17-65-265........


يعني اعرض واكبر من كفر الباث........

[الجارمن]

اخ عبدالله
كما تعلم مقاس كفرات الباث فايندر 245-65-17
وهو متوفر بنوعين بريجستون وميشلان
اما كفرات الدنلوب فكما قال اخونا مقاسه 265-65-17
فالرقم الاول يخص ارتفاع الكفر من حافة الجنط إلى دعسة الكفر فمن الطبيعي ان يكون هناك احتكاك لان المسافة بين الكفر والنسافة لاتكفي لحجم الكفر اللي انت مركبه
اخ عبدالله تبي مشورتي
اخوك معه باث فايندر منذ اربع سنوات وكل ما قررت اغير الكفرات افكر بنوع غير البريجستون لكن ما لقيت افضل منه بشكل عام( المتوفر بهذا المقاس فقط الميشلان) ، صحيح ان البريجستون قاسي وصلب على السيارة لكن هو العملي لهذا النوع من السيارات
تصدق من شريته إلى الان ما انسلخ الكفر ولا مرة (على كثرة سفراتي عليه الرياض، الصمان ، الشرقية ..... الخ)
ام بخصوص الميشلان فعيبه ان جنبه لين مرة يعني اي احتكاك للكفر مع الجنب قل على الكفر السلام

بالمختصر المفيد خذ نصيحة مجرب
خللك على البريجستون افضل........ لك وللزمن

[غضنفر]

حل مؤقت هو انك تنسم الكفرات الى 25 وتنحل مشكلتك

[اسيزو 4x4]

أخوي مالك غير حلين

1- إما أنك ترفع وجة الموتر

2- تفك النسافات الأمامية

وأمل ان اكون افدتك

[عبدالله كاتب]

شكرا لكل الأحباب وممنون لكم على مشاركتكم وتقديم حلولكم واقتراكاتكم

المشكله اني من الناس اللي مقتنع بأن الوكاله ماتحط شيء عبث يعني لا تغير ولا تلفق بعدهم
المهم الدانلوب جلس معي 3شهور وابحاول اشوف كانه جاب قيمه طيبه بعته ورجعت للبرجستون والا صبرنا على الدانلوب وتحملنا حكته اللي ما تنسمع الا بكسر الدركسون مره
وشاكر ومقدر لكم مره ثانيه يا اخوان :)

[اسيزو 4x4]

نصيحة لا ترجع للبرجستون الأقشر

إذا أنت ناوي لا يفوتك الميشلان يوجد مقاس الباث فندر 17 مثل الوكالة بالضبط

[ولد الشايب]

السلام عليكم

أخ عبدالله الكاتب أنا مركب كفرات برادو 265/65/17 ما تحك بالرفرف أبداً وممتازه جداً

ولكن مقاس 275/65/17 تحك بالرفرف وسمعت اللي يركبونه يرفعون الموتر شوي من قدام

ويعتبر أفضل من البرجستون لليونة والسعر

[salehhd]

مالك الا حق الوكاله هوالبرجسنون فعلاً خشن شوي لاكن قوي وهادي في الطريق

وغير كذا يتحمل الكرف

[أبوناصر]

الله مدري أظن التغيير جيد

[ذيبان نجد]

:cool: طيب ليش ماتجرب ميشلان أعتقد أفضل من كفر الوكاله وخصوصاً انه يجي نفس المقاس
والله يكون في عونك :cool:

[حـاتـم]

السلام عليكم ورحمه الله وبركاته

هاذي اول مشاركه لي

المهم اخوي الكفر صح كبير بس ترى نفس الارتفاع 65 كلها 65 العيب بالعرض الدنلوب عريض علشات كذا يحك

تبي النصيحه واحد اعرفه مركب شاهين صحيح غاليه شوي بس ممتازه

وشكرا

اخوكم / حـاتـم

[path_poth]

اخوكم جرب كل الطرق للباثفاندر مالقى إلا حل 1 وهو
إنك تغير مقاس الجنط إلى 16

[شـهـاب]

نصيح شوف اخوك الي معه باث فاندر يقول ماتحك


يعني مر لك اقرب محل ميزان وقله بالله ارفع الوجه 2 سانتي وسعرها يمكن بـ(20) ريال بالكثير رفع الموتر



زان شاء الله تزين امورك


اسئل الله لكم ولي المركب الحسن المعين على الخير

[((أبو أسامة))]

ما دامك ركبت الله يمهلك

ولكن رداً على مادح البرجستون ....................... أنا جربت الباثفندر من موديل 99 ولا شفت أفضل من كفرات (( نتو )) ياباني أصلي ما فيها كلام ولا عيب غير شيء واحد إذا كنت تحب النفود تحفر ولازم تنوم الكفر على الجنط تحط 10 فقط

أما البرجستون فهي سيئة لجميع السيارات والناس يتذمرون منها لأنها صارت تجارية

[عاشق الأشهب]

أنصحك تركب تبريزه تلقاه عند الجمعان

[ابو الزحفان]

وش هي مشكلتك

[ابو الزحفان]

انصحك تركب كفرات ارموده

[nahham]

الميزان افضل شي وارخص شي

[ابوقاسم]

تقدر طال عمرك تقدم الوصلة البلاستك الي في الصدام من الداخل لان الاحتكاك يكون فيها لانها حماية للاضواء الي في الصدام من الاوساخ .........
واتمنى انك تستفيد وعطنا ما يصير معاك