اطلب رايكم .. في جنوط الربع ..

[عميل فدرالي]

السلام عليكم ..

انا بحمد الله وفضلهـ .. اشتريت جيب ربع 2011 ..

وارغب اركب له جنوط ..

ومحتار بين ال 17 و 16 ..

ومحتار كذالك بالكفرات ..

وانا ادور الجنط والكفر المريح والي شكلة جميل والي ممشاهـ بالبر زين ..

ولو يحصل صورهـ للجنط والكفر يكون افضل

شكرا لكم ..
اعذب تحيهـ ,../

[هاوي سمر]

وعليكم السلام

هلا فيك اخوي عميل فدرالي

ومبروووك الموتر ما شاء الله والله يعطيك من خيره ويكفيك شره

اما بالنسبه للجنوط انا معي شاص 2009 ومركب عليه جنوط فراشه مقاس 16

بس منب راعي نصب ولا يهمني الشكل بالحيل

والجنط مقاس 16 احسن بالبر بكثير من ال17

وبعدين ال17 بسرعه ينكسر ويقطم المسامير عليك

وذا كنت راعي مطاعس ومركب جنوط 17 يبي ينعدم عليك مساعد الدركسون ويبداء يهرب زيت

اما اذا كنت راعي نصب وبر على خفيف ركب فراشه 17

وذا تبي شكل مقبوووول جدااااً ومطاعس وبر وفله ركب مقاس 16

والله يوفقنا وياك للي فيه الخير

[عميل فدرالي]

يعطيك ربي العافية ياهاوي سمر .. ع الرد الرائع .. لاكن

جنوط مقاس 16 وش الفكرات الي تصلح لها .؟؟ وهل فيها سلبيات ؟

وياليت بصوره لها .. !! اذا حصل لك ..

[شهراني وأفتخر]

السلام عليكم مبروك الموتر والله يعطيك خيره ويكفيك شره
أفضل الجنوط النجمه تويوتا حقت الشاصات مقاس 16
والكفرات دنلوب شاهين

[عميل فدرالي]

وعليكم السلام .. امين جزاك الله خير ..

لاكن النجمة افضل من الفراشة ؟

[عميل فدرالي]

للرفع ؟؟ ..

[abo turki]

على البركه الموتر ,والله يطعمك خيره ويكفيك شرهـ .
قالو لك الاخوان ان كانك منتب راعي بر بالحيل ولا انت براعي مطاعس خذ 17 وقفه ازين ولا فرق ..

اما ان كنت راعي بر فلا تعدى 16 ممشاهن ازين من ال17 لان ال17 ثقال وال16 خفيفات وكثير من جنوط ال17 اشوفهن منشعرات ولا ادري وش السبب بعكس 16

لكن ان كانك تبي بر ووقفه بنفس الوقت خذ لك فراشه 16 مكحلات هن ازين شي تقريبا من وجهت نظري .
وبالنسبه للكفرات فيه عندك الهنكوك لينات وازين وقفه .

والله يكتب لك الي فيه خير .

[اسير الغضا]

هنا والله اعلم حصر لجميع الجنوط اللي يركبن على الربع والشاص
http://www.mekshat.com/vb/showthread.php?p=1403352

[اسير الغضا]

وانا ارشح الجي تي اولا

واذا تبي شكل لاتعدى الفراشه وكحلهن

والله يطعمك من خيره ويكفيك شره ويكفيك عيون بني ادم

كرر من هالدعاء
اعيذك بكلمات الله التامه من كل عين لامه ومن كل شيطان وهامه
و
اللهم اني اسألك من خيره وخير ماصنع له واعوذ بك من شره وشر ماصنع له
واذا خليت الموتر واقف خوف ان يجي ضرر ولا صدمه ولاسرقه
استودعه الله((استودعك الله الذي لاتظيع ودائعه ))

[عميل فدرالي]

جزاء الله خير كل من رد علي من الاعضاء الاكارم .. وتبين لي ان ال 16 افضل شي .. لاكن الكفرات لم تتبين لي لاني محتار بين الدنلوب والهانكوك .. ؟؟ لا ادري ما الافضل ؟ بالبر ويتحمل حرارة ولا يزلق بالماء ..

[اسير الغضا]

اشوف اكثر الناس معهم دنلوب

بس يوم صاروا يكتبون بالقلم على الجنط كثر الهانكوك

والهانكوك افضل للبر لانه الين بس عمره مايطول ومايصلح تنسم له بالديره

لو تسئلن عن رائيي

اكيد ان الموتر بالديره اكثر من تواجده بالبر لذالك دنلوب
والله يكتب الصالح

[حرة عويرض]

وعليكم السلام

هلا فيك اخوي عميل فدرالي

ومبروووك الموتر ما شاء الله والله يعطيك من خيره ويكفيك شره

اما بالنسبه للجنوط انا معي شاص 2009 ومركب عليه جنوط فراشه مقاس 16

بس منب راعي نصب ولا يهمني الشكل بالحيل

والجنط مقاس 16 احسن بالبر بكثير من ال17

وبعدين ال17 بسرعه ينكسر ويقطم المسامير عليك

وذا كنت راعي مطاعس ومركب جنوط 17 يبي ينعدم عليك مساعد الدركسون ويبداء يهرب زيت

اما اذا كنت راعي نصب وبر على خفيف ركب فراشه 17

وذا تبي شكل مقبوووول جدااااً ومطاعس وبر وفله ركب مقاس 16

والله يوفقنا وياك للي فيه الخير


لامزيد على ماذكر الاخ :good2::good2::good2: ولاتنسى ان 16 ارخص واخف بالتطعيس

واذا تبي جنوط وكفرات مستعمله استعمال خفيف 3 اشهر فقط

جنوط فراشه 16 وكفرات هانكوك بس يبي لهن تغطيس وتبي تستانس بهن

تلقاهن عند بنشر محطة الحفيتي بالسالميه حادهن ب 1400 ....

[حرة عويرض]

جزاء الله خير كل من رد علي من الاعضاء الاكارم .. وتبين لي ان ال 16 افضل شي .. لاكن الكفرات لم تتبين لي لاني محتار بين الدنلوب والهانكوك .. ؟؟ لا ادري ما الافضل ؟ بالبر ويتحمل حرارة ولا يزلق بالماء ..

فيه رقم على الكفر يبين لك مدى انزلاقه في الماء من عدمه تلقاه يبدا من a b c

كل واحد له قدره تختلف عن الاخر في مقاومة الانزلاق

الهانكوك اللي عندي بصراحه درجتهن b يعني متوسط

على فكره انسى شي اسمه مزاعق بالهانكوك مالهن صوت ابد ابد

المزاعق والله بالدنلوب .... يصرخ ذاك مايزاعق :D

[عميل فدرالي]

الف شكر لك اخي اسير الغضا افدتني كثيرا .. ولا يهونون الرجال

ويا حر عويرض .. بالسالمية بي محل .. وما تدري كم سعر الجديد ؟

وانشاء الله نبحث عن حق الانزلاق هذا // لاكن الصوت حسافة هههههههه

[هاوي سمر]

الهانكوك ممتازه بالنفود بالحيييل


واحسن من الدنلوب بالنفود


وراعين النصب ما يركبون الى هن عشان الكتابه الي على الكفر عريضه و حلووه


بس عيبها انها لينه مررره يعني اذا بغيت تدخل فيها منطقه جبليه لازم تعبي الكفرات 50 او 45


عشان ما يصعرر عليك الكفر او ينشق


بعكس الدنلوب الدنلوب ممتازه في النفود وفي الاراضي الجبليه


ونا افضل الدنلوب من وجهت نظري الشخصية


وبالتوفيق يا الغالي

[عميل فدرالي]

حياك يالغالي .. لاكن ما الفرق بين الهانكوك ال 45 وال 65 ؟؟

[falcon449]

على البركه الموتر ,والله يطعمك خيره ويكفيك شرهـ

[عميل فدرالي]

امين جزاك الله الف خير ..