انتبهو من محلات الزيوت

[send1398]

السلام عليكم

يا اخوان سمعت من مصدر ثقه ان بعض او اغلب الله واعلم

ان حقين الزيت يلعبون بالزيوت

قل كيف ؟

عنده كباسه بالمحل ولزقات ويشتري زيوت براميل ويعبي ويكبس وعليك الحساب !!!
يعني تزوير يعطيك على انه 10/30 وهو غير وانت تمشي واجد تحسب ان زيتك
سنع
---

من يأكد الخبر او ينفيه لانه ما ودي اظلم احد لاكن الحقيقه دخلني الشك

وصرت اشتري الزيت من قطع غيار ثقه بعد والله يستر :(

[لاتكب البيالة]

كل شي وارد خاصة من الجنسية اللي عادة تعمل بمحلات الزيت

[حزوبر]

السلام عليكم
من امن العقوبه ساء الادب
مشكور اخوي

[راعي ذرف]

الله لا يحلهم وان شاء الله كل واحد يقع في شر اعماله
والدعوه ليس لاصحاب تغيير الزيت انما على المراقبين من التجارة
ان بلغت لم تستفد وان تركتهم مصيبه

[صعصعه]

كل السوق الحين غش × غش
حسبي الله عليهم من جنسية
يبي يغشني بكفرات قديمه عيني عينك
لكن الله قدّر عليه من يسرق مسدس الهواء اللي يفك الصواميل قيمته 700 ريال

ماقصرت اخوي send1398 (http://www.mekshat.com/vb/member.php?u=162939)
بيض الله وجهك على التنبيه

[كبسولة2]

الشرهة على مفتشين وزارة التجارة والبلديات

أين هم من هولاء اللصوص

[rigidman]

اخي الكريم عندك دليل !!؟

انت جبت الموضوع والمفروض تثبته وموضوعك يسوي بلبلة ولا له اساس .

لان الاصل البراءة .

[ترهيم]

بنسبه لتجربتي مع الحركات هذي ...
طبعاً التجربه على دبة مويه وليست زيت ... بس الموضوع مقارب .
دخلت احد المحاط على الخطوط السريعه واشتريت 3 دبات مويه الكبيره الي سعرها 6 ريال ... المهم وحده منهم كانت تهرب ومحملين اغراض ماودنا تتبلل طبعاً واقفين للحين المهم دخلت المحل قلتله غير الدبه تهرب مويه مع الغطى قال اخينا بالله بـــس والله ويفك الغطى ... ويجيب غطى جديد ماكبس ويركبه في الدبه بدال الاول واضربها بيده والله وينكبس الغطى كانه جديد (طبعاً عنده كرتون زي حق المويه مليان غطيان جديده تحت الطاوله ) ... قلت هذا شغلك انا وش دراني الحين ان الدبات الباقيه مو معبيها لي من البزبوز ... والله وارجع باقي الدبات واشتري بدالها تراتين مويه ابو 3 ريال مغلفه بكرتينها والله يستر لايكون بعد كابسها ومغلفها هو ...
يشهد الله هذا الي صار ومعي اثنين من الزملاء شافوه معي .
طبعاً الموضوع عن الزيت لكن على قولتهم الي سوى كذا في المويه كيف الزيت !!

[أبو نـآيف]

يسويها ابو يمن

عليكم بالهنود اطيب منهم

[سحاب1]

حسبنا الله ونعم الوكيل ..

[namsh]

صادق أخونا راعي ذرف . وأزودكم من الشعر بيت انسوا أنكم تطلعون بشي من وزارة التجارة . إذا المحاكم ماطلعنا منها بشيء كيف تبون التجارة تفيدكم .. أقول . ياقلب لا تحزن

[احساس الصمت]

صادق أخونا راعي ذرف . وأزودكم من الشعر بيت انسوا أنكم تطلعون بشي من وزارة التجارة . إذا المحاكم ماطلعنا منها بشيء كيف تبون التجارة تفيدكم .. أقول . ياقلب لا تحزن


هذ الكلام وإلا بلاش (لا فض فوك)

[عزالصديق]

والله انا شايف بنشري صاحبه سعودي بعد مايغير زيت السيارات ياخذ العلب ويكبها على راسها في برميل كبير يعني مخلط من كل نوع والي يبي يغير منه بسعر رخيص

[ابو مكازي2002]

والله مهو ماكله الي هذا المواطن المغلوب علي امره من الي ما يخافون من الله
لا رقابه ولا شي
مشكور علي التنبيه
تحياتي

[ابو خطاب]

دائما ما يغلق مراقبين الامانه محلات زيوت لهذا السبب الذي ذكرت .. وغلبها تكرير الزيت المستعمل ... يعني دليل كلامك ما تقف عليه الامانه بشكل مستمر ولو ندر..
لذلك الافضل شراء كرتون زيت من محلات مشهورة ومعروفة ببيع الزيت جملة.

[معدي المرقاب]

لاحول ولا قوة الا بالله

[رواق]

رح اشتر لك كرتون زيت من الصناعية أرخص وأضمن

[راعي ذرف]

المشكلة ماهي بالبنشري ثقة او لا
كان فيه زيوت عليها سعرها 13 ريال ولما تروح تاخذه من الموزع ب 9 ريال وانا كنت اآخذهن ب 9ريال من الموزع
هنا المشكلة يعني صارت فزعة لاصحاب البناشر والمستهلك على الله او
فيد التجارة فازع مع ربعة ابو يمن ؟!
عليك الحساب

[WWS]

دائما ما يغلق مراقبين الامانه محلات زيوت لهذا السبب الذي ذكرت .. وغلبها تكرير الزيت المستعمل ... يعني دليل كلامك ما تقف عليه الامانه بشكل مستمر ولو ندر..
لذلك الافضل شراء كرتون زيت من محلات مشهورة ومعروفة ببيع الزيت جملة.


بيض الله وجهك أخووي أبو خطاب

خذ لك من الجمله و ريح بالك
:good2::good2::good::good:

[التل الصامت]

[يسويها ابو يمن

عليكم بالهنود اطيب منهم:mad::mad:

الهنود يا اخوك يسوون العجايب والله لو تلحقهم وتراقب بس تعرف اني صادق الا خلك عندك غيير الزيت عند الفلبيني او مراكز خدمة متميزة ولها سمعة زينة ودمت سالم:good2::good2:

[ملك الفكتوريا]

الله يستر الواحد صار يخاف من كل شئ ما عاد فيه شئ مضمون



وانتبهوا من حركة جديدة



يجي ويمسح زيت على السيفون ويمرره على الحديد والمقصات وشوي من الكارتير

ويقول تهريب



انا نزلت ودايم انزل معه ولقيت التهريب ماله وقت توه مهرب


قلت لا خل السيفون عادي

وقلت له امسح وانا معه تحت وكان جايب مفك السيفون مدري وش يبي يسوي وانشب له ولا تهريب ولا هم يحزنون وهذي حركة جديده


والادهى من هذا كله يسرقون الصاموله حقت الزيت

[العتيبي 88]

صدقت اخوي الله يستر بس والله الحين تلاعب بكل شي ماعاد باقي شي مافيه غش
حسبي الله ونعم الوكيل

لاهنت يابعدي على التنبيه ....

[ابوغزاي]

نصيحة لااحد يحط سيارتة ويقول للعامل غيرزيت وسيفون ويمشي ويخلية لانك بذلك شجعتة على الغش الامن رحم اللة 0حصل معي موقف ذهبت لاغيرالزيت والسيفون وطلبت منة يوريني السيفون وجابة وشفتة وطبعاالزيت جايبة معي اشتري بالكرتون 0وترى بعض الزيوت مغشوشة يعني معادتكريرها المهم حط السيفون جنب الكفرتحت السيارة وتضاهربانة قاعد يفكة وهويلمعة ويمسح الغبار اللي علية ورجع الجديدفي مكانة طبعا الحركة مشت علي ربط الصرة و صب الزيت ودفعت الحساب وشغلت ومشيت والبيت قريب من الورشة ولماوصلت البيت دخلني شك من تصرفاتة وهوتحت السيارة هذايوم اللة اراد ان يفضحة نزلت الفرشة ودخلت تحت السيارة واذابالسيفون القديم لم يغيرة والسيفون هذا اعرفة زين لاني اشتريتة من الغرابي 0المهم رجعت لة واناh والاهم من ذلك اني ماعطيتة فرصة لتمرير الكذبة حتى لايكررهامع الغيرحاول يحلف وينكرولاكن لامجال خليتة يفك القديم ويركب الجديد ويضيف الزيت اللي نقص على حسابة وبعد التهزيئ اللي جاة بدءيعتذرويقول انت زبون وسوف اعملك خصم0 ذكرتة باللة وانصرفت0 طبعامن الجنسية اليمنية 0اللة يهدي ضال المسلمين00

[ناصر]

شكرا لك اخي على التوضيح

انا احرص دائما ..تكون علبة الزيت اثناء التغيير
ليست بلاستيك .. يضرب العلبه قدامي بمفك ويغير زيت الموتر

[send1398]

شكرا للجميع المشاركه والافاده فجزاهم الله خير

بعض الناس يمكن يخبط موتره بسبب هذا الشيء والله يستر

[قازان]

ليش ما تسوون زيي

أنا أشتري الزيت والسيفون من الوكالة

ولا أغير إلا عند محل بنشر واحد أعرفهم ويعرفونني وهم من أهل البلد ليسو أجانب

لا تقولون مو معقول محل واحد

هي تبديلة زيت كل 7000 كيلومتر يعني مرة كل شهر ونصف أو شهرين

تحياتي لصاحب الموضوع وللإخوة

[اسير الغضا]

خوذو من المحلات الثقه وهجو عن البناشر ارخص وازين

[سوبر مكشات]

بكم سعر البرميل الترا

7 20-50

ووين يباع

[سوبر مكشات]

نصيحة لااحد يحط سيارتة ويقول للعامل غيرزيت وسيفون ويمشي ويخلية لانك بذلك شجعتة على الغش الامن رحم اللة 0حصل معي موقف ذهبت لاغيرالزيت والسيفون وطلبت منة يوريني السيفون وجابة وشفتة وطبعاالزيت جايبة معي اشتري بالكرتون 0وترى بعض الزيوت مغشوشة يعني معادتكريرها المهم حط السيفون جنب الكفرتحت السيارة وتضاهربانة قاعد يفكة وهويلمعة ويمسح الغبار اللي علية ورجع الجديدفي مكانة طبعا الحركة مشت علي ربط الصرة و صب الزيت ودفعت الحساب وشغلت ومشيت والبيت قريب من الورشة ولماوصلت البيت دخلني شك من تصرفاتة وهوتحت السيارة هذايوم اللة اراد ان يفضحة نزلت الفرشة ودخلت تحت السيارة واذابالسيفون القديم لم يغيرة والسيفون هذا اعرفة زين لاني اشتريتة من الغرابي 0المهم رجعت لة واناh والاهم من ذلك اني ماعطيتة فرصة لتمرير الكذبة حتى لايكررهامع الغيرحاول يحلف وينكرولاكن لامجال خليتة يفك القديم ويركب الجديد ويضيف الزيت اللي نقص على حسابة وبعد التهزيئ اللي جاة بدءيعتذرويقول انت زبون وسوف اعملك خصم0 ذكرتة باللة وانصرفت0 طبعامن الجنسية اليمنية 0اللة يهدي ضال المسلمين00





تصرفك مب سليم

لو انا مكانك ارجع له ويكب الزيت كامل ويغير السيفون والزيت على حسابه

واقوى عجراء على راسه \

وبخاخ احمر اكتب على جدار المحل وجبهته انه حرامي

واحلى عجراء على راسه

وابن ابوه يتكلم

تلقاه يدربيك يقول هذا على نياته

------------------
وين يباع البرميل حق الزيت الترا7 20-50


موفقين

[الحرالاشقر]

السلام عليكم
الله يفكنا منهم
اليوم انا شريت زيت كاسترول جي تي اكس
كرتونه بـ 295
حسبي الله عليهم مغير يرفعون سعره

[جساس1]

اغلب السيفونات اللي بالبناشر صينية وتقليد يستوردونها من الصين تكلفهم حدود ثلاثة ريال وتوقف الشحنة في سنغافورة أو ماليزيا وتبدل أوراق المنشاء والفواتير على أساس إنها من هذه الدول وتنباع عندنا بـــ خمسة وعشرين وأنت طالع