مشكلة ياأخواني في هايلكس ديزل أرجوا الدخول..

[هاوي الكشتات9]

السلام عليكم ورحمة الله وبركاته
كيف حالكم عساكم بخير
لا أطيل عليكم
أخواني أنا لدي هايلكس ديزل 2006 وعندي كم مشكلة أريديكم تحلونها لي لإني والله مالقيت حل قلت مالي إلا الله ثم أخواني في مكشات...
أولا: السيارة تصرف ديزل بشكل غير طبيعي تخيلوا أعبي السيارة فل أمشي من القصيم ما أوصل للرياض إلا والسيارة فاضية مرة وهالكلام هذا مابدا يصير تقريبا إلا قبل ثلاثة شهور فقط ولا أول أعبي السيارة من القصيم أوصل الرياض فيها ثلاث أرباع التانكي والممشى بالخط واحد يعني 130 بالكثير أول وألحين ولا يوجد هناك تهريب ولا شيء ما أدري ماالمشكله ؟؟؟
ثانيا: الموتر ضعف عزمه بشكل ملحوظ أول كانت تجيب 170 بالراحة ألحين يالله بالله تجيب 150 إذا مارده الهواء وأيضا بالطلعات يالله تمشي تحصلن أمشي قبل الطلعه 140 ماآصل راس الطلعه إلا والأمبير على 80 والكلام هذا بطلعة الغاط أغلبكم ممكن يعرفها وأنا والله لست من محبين السرعه لكن أحيانا تحدك الظروف وتسرع وأيضا صوت المحرك زاد نسبيا وأنا محافظ عليها مره من جميع النواحي فعسى ولعل أن أجد حلا لهذه المشكلة؟؟؟
أخيرا أدري إني طولت عليكم لكن تحملون والمشكله الأخيرة هي: إني إذا كنت مشغل المكيف والسيارة واقفة ترتفع الحرارة مع العلم إني توي مغير ماء الرديتر حق السيارة حطيت ماء رديتر أصلي حق مرسيدس وأيضا المكيف بالظهر حار مايبرد وكذلك بالليل بس بالليل إذا صرت ماسك خط فقط أما بالنهار لا واقف ماشي المكيف حار وتراي شيكت على الفريون عند أكثر من كهربائي وقالولي سليم ياليت من عنده خبره ولو شيء بسيط يفيدنا وتحملونا وما لكم إلا الأجر والدعاء بإذن الله وأعذروني على الإطالة

[هاوي الكشتات9]

للرفــــــــــــــع!!!

[قيس 2]

عين ماصلت على النبي
امزح اخوي يمكن السياره مبوشه اوفلتر الهوى يبي غيار او تنضيف بلوف
السياره كد جاتها حراره ؟؟
والمكيف اذا السياره تحتر اكثر من الطبيعي لايمكن يبرد

[هاوي الكشتات9]

عين ماصلت على النبي
امزح اخوي يمكن السياره مبوشه اوفلتر الهوى يبي غيار او تنضيف بلوف
السياره كد جاتها حراره ؟؟
والمكيف اذا السياره تحتر اكثر من الطبيعي لايمكن يبرد
حياك الله أخوي
وشلون مبوشه مافهمت؟؟
وترى فلتر الهوا جديد يمكن البلوف
والسيارة كد وصلت حرارته للنص تقريبا
وجزيت خيرا على ردك

[قيس 2]

يمكن تنقص زيت
اوربما الطرنبه حقت الديزل تبغالها توظيب

[هاوي الكشتات9]

يمكن تنقص زيت
اوربما الطرنبه حقت الديزل تبغالها توظيب
ياهلا أخوي قيس
ايه هي تنقص زيت بس ماتنقص إلا إذا أبطى زيت ماتغير يعني إذا مشيت عليه 5 آلاف تقريبا يبدأ ينقص
طيب الطرنبه حقت الديزل توظيبه غالي وإلا رخيص؟؟

[ذيب زلفاوي]

غريبه عندنا 2006 ديزل ماشي 210 الاف ماشاء الله عزمو ممتاز بالنسبة للديزل ماتحس انك راكب ديزل بالخط تجيب 170 واذا كان فيه هوا ولا شي 160 والمكيف لضهر ماعليه يبرد من عرفته وهو كذا والحراره انس شي اسمة حراره وصراحة ماقد مسكت خط بس استلمته فتره وصرا اعبيه كل 4 او 5 ايام 15 ريال

[الوانيت1]

ياهلا أخوي قيس
ايه هي تنقص زيت بس ماتنقص إلا إذا أبطى زيت ماتغير يعني إذا مشيت عليه 5 آلاف تقريبا يبدأ ينقص
طيب الطرنبه حقت الديزل توظيبه غالي وإلا رخيص؟؟

ولاااااايزال السؤال بدون أجابه ......!!!!!! ؟؟؟؟؟

[@قرناص@]

وعليكم السلام ورحمة الله وبركااته

سبحان الله نفس المشكله الموجوده عندي ........!!

العزم ماعاد فيه عزم وصرفيه ولا بنزين!!

لاكن المشكله والله العالم من التيربو الموجود ...... ودورته فالتشليح مالقيته يروح على طوول وسعره من 1800 الا 2000 ريآل ,,

والوكاله بـ 4000 تقريبآ ...... لاكن تآكد من طرنبة الديزل ومن البخاخات ........

علما ان المشكله عندي مازالت موجوده ..........

[على رمشي تمشي]

اخاف يبي له تصفيه مكينة بالنسبة للضعف اما صرفيه الديزل ما ادري والله بس يمكن عادي طبيعية لو تلاحظ الهايلكس البنزين يصرف

[هاوي الكشتات9]

غريبه عندنا 2006 ديزل ماشي 210 الاف ماشاء الله عزمو ممتاز بالنسبة للديزل ماتحس انك راكب ديزل بالخط تجيب 170 واذا كان فيه هوا ولا شي 160 والمكيف لضهر ماعليه يبرد من عرفته وهو كذا والحراره انس شي اسمة حراره وصراحة ماقد مسكت خط بس استلمته فتره وصرا اعبيه كل 4 او 5 ايام 15 ريال
جزاك الله خير أخوي ذيب زلفاوي على مشاركتك
والظاهر والله أعلم أن الديزل توافيق هههههههه
شكرا لمرورك العطر

[هاوي الكشتات9]

ولاااااايزال السؤال بدون أجابه ......!!!!!! ؟؟؟؟؟
حياك الله أخوي الوانيت
والسؤال لعل الله يجيب من يجيبنا عليه
وجزيت خيرا على التعقيب

[هاوي الكشتات9]

وعليكم السلام ورحمة الله وبركااته

سبحان الله نفس المشكله الموجوده عندي ........!!

العزم ماعاد فيه عزم وصرفيه ولا بنزين!!

لاكن المشكله والله العالم من التيربو الموجود ...... ودورته فالتشليح مالقيته يروح على طوول وسعره من 1800 الا 2000 ريآل ,,

والوكاله بـ 4000 تقريبآ ...... لاكن تآكد من طرنبة الديزل ومن البخاخات ........

علما ان المشكله عندي مازالت موجوده ..........
حيا الله أخوي قرناص
صدقت العزم مافيه عزم والصرفية ولا بنزين
لكن أنت تقول المشكلة من التيربو يعني التيربو تعبان لازم تغيير ؟؟
طيب وشلون افحص طرنبة الديزل لأن تخبر الورش يتعلمون على سياراتنا!!
وشكرا على مرورك..

[هاوي الكشتات9]

اخاف يبي له تصفيه مكينة بالنسبة للضعف اما صرفيه الديزل ما ادري والله بس يمكن عادي طبيعية لو تلاحظ الهايلكس البنزين يصرف
ياهلا أخوي على رمشي تمشي
اللي فهمت من كلامك أن المكينة يبيله توظيب ولا؟؟
وبالنسبة للصرفية لا والله ياأخوي الديزل معروف مايصرف أبد ولا يقارن بالبنزين بتاتا
وشكرا على مرورك..

[N-xterra]

سبب المشكلة الله يحفضك هو البخاخات تحتاج وزن أو تبديل ....... سبق وحصلت معاي نفس المشكلة وأزيدك من الشعر بيت ممكن تتطور وتصير السيارة تدخن أبيض كأنها مبوشة

الحل انك تروح لم مختصين طلمبات الديزل وهم بالعادة محلات مو ورشات وتقول لهم الطرمبة والبخاخات تحتاج ميزان ، يفكون لك البخاخات ويفحصونها ويركبونها على آلة لوزن بخاخات الديزل التكلفة يمكن 150 الى 250 ريال ، طبعا يجب ان تقوم بتبديل الفلترين بتوع الديزل اللي جنب المكينة أولا

إذا انحلت المشكلة فكان بها أو يلزمك تخليهم يوزنون لك طلمبة الديزل واحتمال تحتاج الى فك وتصليح بعض الخوابير في داخلها

السالفة كلها على بعض فلاتر + وزن بخاخات + توظيب طلمبة الديزل = 600 الى 800 ريال ..... هذا خبري قبل 4 سنوات

أما التيربو فيجب أن تشيك عليه بإنك تفك اللي الرئيسي اللي راكب على التيربو وتخللي واحد يدعس للسيارة وأنا طالع داخل وشف مروحة التيربو هي تدور أم لأ ، واحتمال يكون فلتر الهواء عندك ما اتغيد من وكالتها وهو سبب المشكلة يكون مقفل والمكينة ماتقدر تسحب هواء

تحياتي لك

[هاوي الكشتات9]

سبب المشكلة الله يحفضك هو البخاخات تحتاج وزن أو تبديل ....... سبق وحصلت معاي نفس المشكلة وأزيدك من الشعر بيت ممكن تتطور وتصير السيارة تدخن أبيض كأنها مبوشة

الحل انك تروح لم مختصين طلمبات الديزل وهم بالعادة محلات مو ورشات وتقول لهم الطرمبة والبخاخات تحتاج ميزان ، يفكون لك البخاخات ويفحصونها ويركبونها على آلة لوزن بخاخات الديزل التكلفة يمكن 150 الى 250 ريال ، طبعا يجب ان تقوم بتبديل الفلترين بتوع الديزل اللي جنب المكينة أولا

إذا انحلت المشكلة فكان بها أو يلزمك تخليهم يوزنون لك طلمبة الديزل واحتمال تحتاج الى فك وتصليح بعض الخوابير في داخلها

السالفة كلها على بعض فلاتر + وزن بخاخات + توظيب طلمبة الديزل = 600 الى 800 ريال ..... هذا خبري قبل 4 سنوات

أما التيربو فيجب أن تشيك عليه بإنك تفك اللي الرئيسي اللي راكب على التيربو وتخللي واحد يدعس للسيارة وأنا طالع داخل وشف مروحة التيربو هي تدور أم لأ ، واحتمال يكون فلتر الهواء عندك ما اتغيد من وكالتها وهو سبب المشكلة يكون مقفل والمكينة ماتقدر تسحب هواء

تحياتي لك
جزاك الله خيرا أخي N-xterra وكثر الله من أمثالك ولا حرمك الله الأجر وجعل ماقلته في ميزان حسانك
أخي أنا بإذن الله أبسوي اللي قلتلي كله وعسى ولعل بإذن الله تنحل المشكلة وبالنسبة لفلتر الهواء مغيره أنا قبل فترة لكن أبشوف ذولي وإن شاء الله تروح المشكلة

[@قرناص@]

جزاك الله خيرا أخي N-xterra وكثر الله من أمثالك ولا حرمك الله الأجر وجعل ماقلته في ميزان حسانك
أخي أنا بإذن الله أبسوي اللي قلتلي كله وعسى ولعل بإذن الله تنحل المشكلة وبالنسبة لفلتر الهواء مغيره أنا قبل فترة لكن أبشوف ذولي وإن شاء الله تروح المشكلة


اخوي N-xterra يتكلم عن الموديل القديم .....

اما الجديده 2006 وفوق ..... الطرمبه والبخاخات كلها كهرب ...

واذا تعطلت تغير بالكامل ماظنتي بتلقى من يصلحها .... وانصحك تروح للوكاله تفحص وتريح دماغك ,, :)

[هاوي الكشتات9]

اخوي n-xterra يتكلم عن الموديل القديم .....

اما الجديده 2006 وفوق ..... الطرمبه والبخاخات كلها كهرب ...

واذا تعطلت تغير بالكامل ماظنتي بتلقى من يصلحها .... وانصحك تروح للوكاله تفحص وتريح دماغك ,, :)


ياهلا أخوي @قرناص@ نورت الموضوع
يعني مافيه شيء اسمه توظيب ولا شيء للموديلات الجديدة الله يعين لازم نغير جديد
على كل حال جزيت خيرا على تعقيبك

[N-xterra]

اخوي n-xterra يتكلم عن الموديل القديم .....

اما الجديده 2006 وفوق ..... الطرمبه والبخاخات كلها كهرب ...

واذا تعطلت تغير بالكامل ماظنتي بتلقى من يصلحها .... وانصحك تروح للوكاله تفحص وتريح دماغك ,, :)


لأ أخوي الله يصلحك نفس القديمة بس زاد عليها التيربو - الطرمبة صار فيها تغييرات بسيطة عشان صوتها يكون أخف وهذا سبب ان ال 2006 أقل صوت من 2005 لكن ممكن تتصلح ومافيه طرمبة ديزل كهرب ، صحيح فيه سلكين طالعات منها وهاذولي عشان تقدر تطفي المكينة وهو يتم عن طريق( ريقوليتر ) ... مرشح كهربائي .... يقوم بقطع الديزل عن البخاخات عندما تطفئ السيارة وبالتالي ينطفئ محرك الديزل

رح لحقين الطرمبات ولو الشنابر والتيربو سليمات بإذن الله بتظبط

تحياتي

[@قرناص@]

لأ أخوي الله يصلحك نفس القديمة بس زاد عليها التيربو - الطرمبة صار فيها تغييرات بسيطة عشان صوتها يكون أخف وهذا سبب ان ال 2006 أقل صوت من 2005 لكن ممكن تتصلح ومافيه طرمبة ديزل كهرب ، صحيح فيه سلكين طالعات منها وهاذولي عشان تقدر تطفي المكينة وهو يتم عن طريق( ريقوليتر ) ... مرشح كهربائي .... يقوم بقطع الديزل عن البخاخات عندما تطفئ السيارة وبالتالي ينطفئ محرك الديزل

رح لحقين الطرمبات ولو الشنابر والتيربو سليمات بإذن الله بتظبط

تحياتي


والله ياخوك مالي علم عنها ..

لاكن مريت اليوم كذا محل وورش مختصه بـ الديزل (بخاخات وطرمبة الديزل )

يقول اكشف لك العطل اما التصليح لآيوجد من الـ2006 وفوق

تغيرها من الوكاله اذا فيه عطل ......!ّ

والله أعلم:)

[هاوي الكشتات9]

لأ أخوي الله يصلحك نفس القديمة بس زاد عليها التيربو - الطرمبة صار فيها تغييرات بسيطة عشان صوتها يكون أخف وهذا سبب ان ال 2006 أقل صوت من 2005 لكن ممكن تتصلح ومافيه طرمبة ديزل كهرب ، صحيح فيه سلكين طالعات منها وهاذولي عشان تقدر تطفي المكينة وهو يتم عن طريق( ريقوليتر ) ... مرشح كهربائي .... يقوم بقطع الديزل عن البخاخات عندما تطفئ السيارة وبالتالي ينطفئ محرك الديزل

رح لحقين الطرمبات ولو الشنابر والتيربو سليمات بإذن الله بتظبط

تحياتي
جزاك الله خيرا أخوي N-xterra على التوضيح والصراحة إستفدت منك كثيرا

[هاوي الكشتات9]

والله ياخوك مالي علم عنها ..

لاكن مريت اليوم كذا محل وورش مختصه بـ الديزل (بخاخات وطرمبة الديزل )

يقول اكشف لك العطل اما التصليح لآيوجد من الـ2006 وفوق

تغيرها من الوكاله اذا فيه عطل ......!ّ

والله أعلم:)


جزاك الله خيرا على مرورك وعلى سؤالك أصحاب الورش وأيضا ماعندك مشكلة زيادة الخير خيرين وجزيتم خيرا

[هاوي الكشتات9]

أخوي N-xterra رحت اليوم لحقين الطرمبات أجمعوا كلهم إنه ماتوضب على كلامهم لإنها إلكترونية لازم جديدة وأنا والله ماأدري يمكن أنهم غلطانين وش رأيك وش السوات نغير ولا وش أزين؟؟
وجزيت خيرا أنت والإخوان على وقوفكم معي وجعل ماقدمتموه لي في ميزان حسناتكم..

[@قرناص@]

أخوي n-xterra رحت اليوم لحقين الطرمبات أجمعوا كلهم إنه ماتوضب على كلامهم لإنها إلكترونية لازم جديدة وأنا والله ماأدري يمكن أنهم غلطانين وش رأيك وش السوات نغير ولا وش أزين؟؟
وجزيت خيرا أنت والإخوان على وقوفكم معي وجعل ماقدمتموه لي في ميزان حسناتكم..


هل تاكدت من المشكله ؟؟

عندك البخاخات وطربمة الديزل ؟؟

طبعا مثل ماذكرت لك انها لاتصلح ولاتوضب .. الحل تغيرها لاكن لازم تاكد من المشكله هل هي من الطربمة ولا من البخاخات . :)

[هاوي الكشتات9]

هل تاكدت من المشكله ؟؟

عندك البخاخات وطربمة الديزل ؟؟

طبعا مثل ماذكرت لك انها لاتصلح ولاتوضب .. الحل تغيرها لاكن لازم تاكد من المشكله هل هي من الطربمة ولا من البخاخات . :)


لا والله ماتأكدت من المشكلة أباتأكد إن شاء الله وأشوف

[حسين السبيعي]

مشكلتك عدم تغيير فلتر الديزل بنتظام مما سبب انسداد طرنبة الديزل عليك بتغيير فلتر الديزل وهو موجود في الرفرف اليسر دخل الكبوت ونشاء الله تنحل المشكله

[هاوي الكشتات9]

مشكلتك عدم تغيير فلتر الديزل بنتظام مما سبب انسداد طرنبة الديزل عليك بتغيير فلتر الديزل وهو موجود في الرفرف اليسر دخل الكبوت ونشاء الله تنحل المشكله
جزيت خيرا أخوي حسين على ردك وجزاك الله الجنة ولا يهونون الإخوان

[حبل الوريد]

الله يعينك

الديزل كله ما ينفع مع الوالد 2005 ما مشت الا 130 رايح يوضبه

عطيا الله البنزين القديم والبقر