وشلون الموتر ماتقلب مع المناطط بها الطريقه

[اسير الغضا]

السلام عليكم ورحمة الله وبركاته

اخواني الكرام

حقيقه انا مستغرب بالحيل:D

من الحركه ذي بدون مايتقلب الموتر فقلت اكيد به تجهيزات معينه ترسي الموتر بهاذي الطريقه

الصراحه الواحد يرتاح باله لاصار يقطع درب وعر وكله سيوف لان نسبة الانقلاب صارت اخف
وبدون طفاقه لاكن الواحد يفعل الاسباب

فالسؤال وش هن التجهيزات :good:ياجماعة الخير

iEyzfXmaviM
8sQXOAQ7Fg0

[You Like Me]

وعليكم السلام والرحمه

ياساتر
اللي بالمقطع الثاني صاحب الربع إنتحاري
الله يكفينا الشر ... ... ...
بالنسبة للتعديلات والله علمي علمك
وإن شاء الله نلقى الإفاده من احد الاخون
تحياتي لك

[راعي الطلعات]

اتوقع السرعه لها دور اضن لو هدا من السرعه يمكن ينقلب والله اعلم

[أبو حـــمد]

عندي يقين انهم تحت تاثير مخدرات او خمور خاصتا الثاني

[MOHAMMED..]

الله جعلي مركب معة
وجعلي مشري موترً منه
أتوقع انه ما ركب شي ستر من الله فقط لا غير

[الجني العبد]

والله أتوقع الطفاقه والجزامة له دور ..
الرجال ميت قلبة ،، قلب ولا ماقلت متساويه عنده ..

[Asser9]

zghllUnIfXI




هذا مقطع مصور بحايل ..


والموتر وكاااالة .. :good2:

[صقرحايل]

ماشاءالله تبارك الله
والله ان كبدى زامت على
الله يهديهم والله المستفيد ابو هنود با الصناعية

[تناهيت]

ر اعي الربع الأبيض ودي اطل في مخه واشوف وش فيه ....>مدري وش اقول سووووووواق او مهبول وبايع عمره

اعتقد ان الموتر طبيعي ما فيه اي تعديل خاصة في التعليق اما نشاط الموتر موب طبيعي ابد ..>فيه ترهيم

الله يستر على اهل قطر من هالموقع بالذات لأني شفت مقاطع تخوف فيه ...>ما حولك الا بحر مهنا مفر يا راس نفد او محيط

[كم كيلو باقي]

هذولا شباب قطر .. الله من الرجة بالطعوس الله يهديهم

[الشنه]

اعوذ بالله ميته قلوبهم بس فله بعدين مافيه ثبات ولا شئ انت تقدر تسوي زي كذا

تعال امش 160-180 واقعد تكسير في الطعس

ماشاء الله قياده

[ابو العز بلس]

وعليكم السلام ورحمة الله وبركاته

والله شيء

[يكفيني نظرة]

اتوقع مساعدات لأن لها اكبر دور بتثبيت الموتر بعد ستر الله ( عن تجربه)..

[ولد وايل..]

القلب أول شي


القيااااااااااااادة من الدرجة الاولى ((( والقيادة المهارية مهوب المستسوقييين !!))

[اسير الغضا]

خخخخ
الموتر بلاده ماتسوي كذا المساعدات واليايات لابد

اتوقع شاركين الكارونه

الله يهديهم لاكن المقصد نستفيد علشان تكون نسبة الانقلاب اقل اذا صارت دروب مكاشيتنا وعره

[رساويxp]

ما اتوقع فيهـ تعديل ابد

لكنــ هي على القلب

[moafaq999]

الله المستعان والله يستر عليهم

هذا تهور وليس فن في القياده هذي سياره لا تعرف الفن

الله يهديهم

[اسير الغضا]

طيب ياجماعة الخير

انا ودي احد مقاطع استعراضاتهم بس به موسيقى

الموتر رفيع وخليه يدور حول نفسه على سرعه ولا يقلب
لو هو شد بلد كان قلب

[no fear 78]

التكرار يعلم الشطار

[ابوصالح77]

هلا بك أخوي أسير الغضا
ما فيه شك أنهم سواقين وميته قلوبهم
لكن المواتر معدلة بلا شك سواء اليايات والمساعدات أو الماكينة .

[ابونبيل]

هذا الله ستر عليه

ولوه مو مسرع كان شت بطن الموتر

[؟طيب الذكر؟]

الشعب القطري شعب مافيه مخ بالعربي واذا جت على المواتر ترى كل تعاديلهم خفيفه هدرزر وفلتر بس القياده والفن والخبال له دور وكل هذي المقاطع بطعس السيلين في قطر كم مرة جلست اناظرهم واتحمد ومن بين عشره واحد منقلب والامر عادي
الله يستر عليهم وعلى الجميع

[عزالصديق]

التعود والسواقه وتحظير الذهن لها دور في الي شفتو

[ساحووق]

ياااااادافع البلا

والله من الخبال الزاااااايد والتهور اللي مامنه سسسسنع

[رحال300]

عندي يقين انهم تحت تاثير مخدرات او خمور خاصتا الثاني
حرام تضلم الشباب وانت مو داري عنهم
لو هم تحت تاثير مخدر كان مامسك الموتر كذا كان قلب فيه 100قلبه ماوصل المرقا
السواقه لها دور كبير والباترول القديم معروف متماسك جدا
وشف اصحاب المرهمات مايرهمون غيره لائنهم عارفين الموتر زين

[ابو مكازي2002]

الله يهديهم ان شاء الله والله انتحار هذا الي يسوونه
تحياتي

[ابن عكاش]

التعديل في السيارة لايمنع الإنقلاب يمكن يقلل من الخطورة و اللي يونه في المقطع قيادة تهورية لها دور في المحافظة على ثبات الموتر لكن ماتمنع من الإنقلاب وتلقاه قد انقلب وتعال شف حقين التفحيط تشوف سواقه وتهور شي مهوب طبيعي لكن في الغالب مايسلمون من الحوادث وادخل اليوتيوب بتلقى حوادث انتقلاب في العديد في قطر
الله يحفظ الجميع من كل شر

[اسير الغضا]

يعني المسأله
مابه اكثر من ياي استرالي ومساعدات استراليه تقريبا

بالنسبه للاستعراض اللي نسميه التفحيط سألت
يقولون
الكفر اذا احتمى يزلق ولاصار بالون ماله مواطي مايرد الموتر ولايقلب
والمكينه اذا صارت قويه ترده عن القلبه مايهمم ذا

اهم شي بالنفد

[مخاوي العشه]

الله يستر بس



شف المقطع هذا
حتى المصور قال عيا يقلب
ههههه

HNYw0AS30OA

بالتوفيق

[اسير الغضا]

ناظروا المقطع ذا

الموتر راسي بالحيل

اي واحد يعرف ان الربع قلبته سريعه مب معقول المقطع
UW8uO9_jt0U

[asdali]

ناظروا المقطع ذا

الموتر راسي بالحيل

اي واحد يعرف ان الربع قلبته سريعه مب معقول المقطع




ما قلب لانه ما لف الموتر بسرعة .. لاف الطارة بشويش

[اسير الغضا]

ماتوقع الطاره له دخل
فيه مقاطع الطاره عكس الموتر يعني ترده ولا يقلب

شكلهم فاكين سسته التحميل علشان مايناقز الموتر

[عيش صحاري]

ماشاء الله قلوب جباره

[vxr99]

حد علمي معروف فالامارات وقطر انهم يغيرون مساعدات ويسمونها جامبينات
مخصصه للبر سعر شوي غالي بس انه افضل من شد البلد وامانها اكثر

[mis7l]

ما شاء الله
ترى السواق له دور في السيطره

[abo turki]

هذولا هم شباب قطر والامرات ما يتفاهمون الا بالسرعه بالنفود ,

مستحيل تلقاهم يمشون بهداوه حط رجلك على آخر البنص وكل يوم على سياره يفضخ ويكسروهذا من بطر النعمه ,,

والموتر الربع هذا اكييد انه مركب له مساعدات ويايات ومرهم مكينته ,,

لكن يا زينه لا من طلعت تمشي بهداوه ورواقه ..

مشكوور ع المقطع .. لا هنت

[وحش القفار]

اتذكر موقف لي قديم من زود الغشامة خذيت المنعطف بسرعة زايده شوي ومع الماء حاص الجيب وبكل سهولة فلت الجيب مني وقلب واللي انت تشوفه من الشباب فن ومهارة علية في القيادة+المغامرة بجنون مع اني متأكد
ان بدايتهم مثل حالتي ههههههههههههههه:):):):):)

[صاحب الكشتات]

يعطيكم العافية لكن السعودي غطا على القطريين

[البرتقالي]

عادي جدا كنت اسويها وانا اضحك ايام المراهقه
وعلى ماقال ابن سعيد الله يرحمه
ليه طبعك تغير كيف قلبك سلا هههه

[اسير الغضا]

منورين ياجماعة الخير

[التعـ King ـديل]

يالبا النيسان وبس

في كل مكان يبرد التسبد

اخوي Asser9 (http://www.mekshat.com/vb/member.php?u=170057) ودي اعرف وش مناسبه مقطعك بالموضوع ؟

[الطالبي007]

لو مركب أفضل مساعد فالعالم والله ما عملت الي عمله راعي الربع .
من الواقع<<بعض الناس يقلك لو أموت فحادث فأنا شهيد..هذيل يمكن فاهمين السالفة غلط

[مضيع نعوله]

هذا جنوان القياده التحدي يحصل بين الشباب دااائم على السياره

انا كنت مثلهم لكن عقلت الحمدلله

كان معي شروكي كان التحدي وصول قمه طعس كنت في نساح المحليه الى الخراره جنوب الرياض
كانت بعض الطعوس عباره عن جبال مغطاء بالنفود صعبه تطلعا حتى برجولك لكن الجنون الهبال
طلعناها بالسياره وخربنا السياره بعدها تجلس اليساره بالورشه سبوع خساير

كنت بعد كل رحله اذا مريت مره اخرى للموقع اتذكر اقول عن نفسي انا مجنون اطلع الطعوس هذي
اندم اتحسف

لكن تحدي يضيع الواحد

[اسير الغضا]

الله يعطيكم العافيه

[مكشآتي للآخر]

التزويدات: كاااام كبريتر خصوصآ المقطع الثاني_ كاام استيج 3 او 2
وحاف رأس المكينة شوي وهدرز وفلتر
بتقولي شلون دريت شف يوم قطع
وشابك الكرونة بـعد شي إكيد هاذا الي مايخلية يقلب

[الحر503]

ما شاء الله عليهم ,,,

سواقين من الدرجه الاولى

[كثير السؤال]

التزويدات: كاااام كبريتر خصوصآ المقطع الثاني_ كاام استيج 3 او 2
وحاف رأس المكينة شوي وهدرز وفلتر
بتقولي شلون دريت شف يوم قطع
وشابك الكرونة بـعد شي إكيد هاذا الي مايخلية يقلب

اذا شبك الكارونه تصير الموتر معرضه اكثر للانقلاب هذا اللي انا اعرف
وتشوف هل الرفع يشركون الكارونه علشان يرفع مع اللفه

[اتجاه السحاب]

الله يستر بس



شف المقطع هذا
حتى المصور قال عيا يقلب
ههههه

HNYw0AS30OA


بالتوفيق
المرقى عادى جدا مابه زود علشان يقلب..

[fj43 الفيصل]

خل رجلك على الدعسة (الابنص او البنزين ) ولا تشيلها ابد ابد ابد

[سيف الظفير]

السلام عليكم


السبب يا اخوان في اليايات الاسترالية والمساعدات الاسترالية


هم يركبونها وهي اقوى واقسى وهي بنفس الوقت بإذن الله تساعد على الرساوة


وانا مركبها على لاندكروزر 2009 وكل الربع مركبينها شئ ثاني تحس بقدرتك على التحكم بالسيارة في البر والجلد والردميات وفي النفوذ لا صرت ضارب العروق الموتر ما يلعب ولا وجهه يناقز ويطامر

ابد شااااااد شدة وحدة وفيه تماااااااااااااسك عجيب

وهذا الطعس اللي في المقاطع

اعتقد انها عند صبخة بيروت ( كما يسمونها )

وكنت فيها قبل ثلاث اسابيع مع اخويانا
ومسألة المخدرات وغيرها اللي يقول هالكلام اقوله اتق الله ولا تخليها في ذمتك

هذولا سواقيييييييين ووالله شفناهم بالعين المجردة شئ خيالي ناس اهل رملة فيهم خبرة ماهي طبيعية
والله انه ينطح العرق الواقف من كبرة ويقصه ويعديه بـ 3 كيلو وحنا ندور مدخال نزرق معه (( نسايس العرق ونباريه ))


وهذي صورنا

في الطريق من السعودية

http://www.9ksa.com/up/get-12-2011-9ksa_com_cr3272o2.jpg

الى المعزب ابو سعد الله يطول بعمره في طريقنا له في قطر الشموخ


http://www.9ksa.com/up/get-12-2011-9ksa_com_sg0l900k.jpg



هذي الصورة والله اعلم بنفس الطعس


http://www.syartk.com/vb/uploaded/811/01324083819.jpg

[سيف الظفير]

http://www.syartk.com/vb/uploaded/9/31324134592.jpg

http://www.syartk.com/vb/uploaded/9/51324134592.jpg

http://www.syartk.com/vb/uploaded/9/61324134592.jpg

[سيف الظفير]

http://www.syartk.com/vb/uploaded/9/31324134592.jpg

http://www.syartk.com/vb/uploaded/9/51324134592.jpg

http://www.syartk.com/vb/uploaded/9/61324134592.jpg



http://www.syartk.com/vb/uploaded/811/21323604127.jpg


http://www.syartk.com/vb/uploaded/811/01323605234.jpg

[سيف الظفير]

حد علمي معروف فالامارات وقطر انهم يغيرون مساعدات ويسمونها جامبينات
مخصصه للبر سعر شوي غالي بس انه افضل من شد البلد وامانها اكثر


اليايات يالغالي اسمها اولد مان يركب الكت كااااااامل 4 يايات و 4 مساعدات


او النوع الثاني ايكون او الثالث ليفلز وكلهاااااااا قوووووووية ولها ضمان وهي حقت راليات وانا واعوذ بالله من كلمة انا مركبها على موتري ولا اكتب الا من خبرة

[مُستحيل]

ساترن الله عليهم

[سليمان الربيعان]

عندي يقين انهم تحت تاثير مخدرات او خمور خاصتا الثاني

هلا اخوي لا تحطه بذمتك ناس نعرفهم مجنون تطعيس وغيره
مهنا اعقل منه بالديره ومحافظته على صلاته ودينه
تقبل تحياتي...

[سليم بن عزوز]

ترى اهل الطيور ما من بعايد :p
يفقدون العقل في عدة مواضع منها:
الى صار وحش وهده فصيل ونقط هو واياه بالخضيرا وراعيه يطرد وادلى عليها الوحش وهو بعيد وراعيه يالله يحقه بالعين :eek:
http://t0.gstatic.com/images?q=tbn:ANd9GcT0xi0MgRsUaWcv2DQ1Ud_thasNtQ8hj ZKxuNamD7tr3X6rxEyy
الظاهر هاك الساعه تصير الارض سمردح :D
مابالعين الا سماء وطير وحبارى
واهل الطيور عندهم قصص واجد عن ضرب الجروف والسوافي

واهل الارانب
http://t1.gstatic.com/images?q=tbn:ANd9GcQ7YBu0lmhlLPURvpcgfbic3He_DbnhN bGCRIGza7bT7-baqDnw

ولايهونون اهل الجوني صاروا يسمونه ابو كرتيل


وكم نفس راحت بسبب تهور سواء تطعيس والا طرد صيد
واخرها قبل تقريبا شهر وكلكم سمعتوا عنهم
http://t2.gstatic.com/images?q=tbn:ANd9GcQCB2Z4YPjIDah2L_OCbzWTR5KscCFDL ZTzNsaDLGIEEjoCV_1B

والتطعيس حدث ولا حرج من الخساير بالارواح والممتلكات

اسف ياراعي الموضوع ان موضوعك عندي اخذ منحى اخر
بس هذا اللي بخاطري وحبيت اقوله