المساعد الشخصي الرقمي

مشاهدة النسخة كاملة : ابحث عن شاحن للبطاريه على الطاقه الشمسيه


الوراد
22/09/2010, 05:39 PM
بسم الله

السلام عليكم ورحمة الله

اخواني

ابحث عن شاحن لبطارية السياره (بركب احتياطيه) وين احصله وهل هو فعّال وينفع في حالة اني اشحن بطاريه استعمله للأناره بالبر حيث اني اشبك شريحة الطاقه الشمسيه على هالبطاريه وبالنهار تنشحن

لأني مابي اشبك بطاريه ثانيه جربته من قبل بس انه تغث خصوصا مع السيارت الجديده (الالكترونيه)

الي عنده خبر والا معرفه تكفون لايبخل علي بأي معلومه

جزاكم الله خير
مكشاتي كوكتيل
22/09/2010, 06:11 PM
فكرة حلوة وأعتقد أنه من الممكن تنفيذها .

فقط لوح خلايا شمسية وبطارية إحتياطية للتخزين (أعتقد أن ذلك أفضل من توصيل اللوح بالبطارية الرئيسية)
لاتكب البيالة
22/09/2010, 06:19 PM
السلام عليكم
فيه شي اسمه منظم شحن هذا اللي انت تبي يعني ينظم شحن البطارياات من الالواح الشمسية
الوراد
22/09/2010, 07:20 PM
شكرا اخوي مكشاتي كوكتيل على التعليق

اخوي لاتكب البياله
انا ابي اشحن بطاريه مركبه بالسياره للأناره فقط وما استعمله للتشغيل ولا لأي امر يخص السياره

لانه اذا بكشت لي 4-5 ليالي وكل ليله بشغل الانوار 5ساعات تقريبا هالبطاريه(الاحتياطيه) بتنتهي قوته ولازم تنشحن

العام الماضي كنت اشبك به سلك اطلعه من الولاعه واشحن به البطاريه حقت الانوار وانا امشي بالسياره
بس الحين مابي اي علاقه بين بطارية السياره وبطارية الانوار
asdali
22/09/2010, 10:54 PM
بتحتاج منظم شحن ولوح شمسي وبطارية واسلاك

اللوح الشمسي عشان يكون فعال يبغالك قوة 60 واط او اكثر عشان تشحن البطارية خلال 3 ساعات من النهار
الخفاره
23/09/2010, 12:57 AM
http://ramsond.com/proddetail.php?prod=SPM050&cat=SOLAR

ان شاء الله يفيدك هالموقع
الوراد
23/09/2010, 12:53 PM
اشكر جميع من اضاف معلومه او تعليق

بارك الله فيكم

اخويasdali
هل تقصد لو كان الواط اقل معناته ان البطاريه تحتاج لفترة شحن اطول؟؟؟

اخوي الخفاره
اشكرك على الرابط
ولكن سعر ال50واط اكثر من 2000 ريال او كما هو مذكور السعر المقترح520دولار

ما كانه غويليه شوي!!!
اسير الغضا
23/09/2010, 12:57 PM
انا اذكر كد شفت صوره لسيارة كشاته خواجات الشبك اللي يربط به الاغراض فوق اطرافه عباره عن الواح للطاقه الشمسيه
اسير الغضا
23/09/2010, 12:58 PM
http://ramsond.com/proddetail.php?prod=SPM050&cat=SOLAR

ان شاء الله يفيدك هالموقع

من نفس الموقع فيه الصوره ذي
http://www.ramsond.com/solarpanel/solarchargecontrollerconnectionsunshield12V.jpg
asdali
23/09/2010, 01:25 PM
اكيد بس لو تحط الف واط برضه بتشحن في حدود 3 ساعات حماية للبطارية من الشحن السريع . وكل ما كن الواط اقل اخذت فترة اكبر وتوجيه اللوح الشمسي ضروري جدا خاصة اذا كان الواط ضعيف 25 واط او اقل .
انصحك تشتري من الامارات السوق الصيني بتلقى الـ 50 واط بحدود 700 ريال او حولها والصناعة صينية بس جودتها عالية ما تخاف عليها .
بالتوفيق
solarman82
05/10/2010, 12:29 AM
اخي العزيز انشاءالله اقدر افيدك بمشاركتي انا عندي بطارية جاهزه نظام سستم فيه عدد اثنين لمبة كبيه واناره تكفي خيمه 4في4تقريبا او اكثر ومعاها شاحن تلفون سياره اكثر من نوع وليه كفالة سنه كامله مع اللوحه الشمسيه والاناره وكامل العمر الافتراظي للمبات خمس الى سبع سنوات تقريبا والسستم كامل سعره 48دينار كويتي وفي اصغر منه بسعر 27دينار كويتي وطبعا الكبير يشتغل من 6الى 8ساعات والصغير من 8الى 10ساعات اتمنه اكون فدتك