((( الحر)))
02/08/2002, 03:53 PM
يا صقر واهنيك لك جناح تطير=ليطرى لك نزعت وطرت يم الهوا
بين قلبي وبينك فرق والله كبير=لي كفخت انطلقت ولي كفخت التوى
انت حايم وانا بالقاع دوبي أسير=في صحاري زماني ذيب ليلي عوى
فوق جوك سحاب وحدر جوي هجير=القدم فوق رمضا والخفوق اكتوى
الحذر ياصقر لايشبكونك أسير=ويل صقرٍ يتله مربطه لى نوى
برقعته الليالي فوق وكرٍ قصير=عقب صفقة جناحه بالهوا لى اهتوى
كل حرٍ إلي ضاق انتهض للمطير=حومته بالسما ساعه لقلبه دوا
واعذاب الجناح الي يجره كسير=كلما فز مكسور النواهض هوى
خالد الفيصل
بين قلبي وبينك فرق والله كبير=لي كفخت انطلقت ولي كفخت التوى
انت حايم وانا بالقاع دوبي أسير=في صحاري زماني ذيب ليلي عوى
فوق جوك سحاب وحدر جوي هجير=القدم فوق رمضا والخفوق اكتوى
الحذر ياصقر لايشبكونك أسير=ويل صقرٍ يتله مربطه لى نوى
برقعته الليالي فوق وكرٍ قصير=عقب صفقة جناحه بالهوا لى اهتوى
كل حرٍ إلي ضاق انتهض للمطير=حومته بالسما ساعه لقلبه دوا
واعذاب الجناح الي يجره كسير=كلما فز مكسور النواهض هوى
خالد الفيصل