نبت في راسي نخل...

[path se]

السلام عليكم
يا أخوان معي باثفندر 2005 se
ومع ولد عمي نفس الموتر ونفس المواصفات
لكن
أنا إذا أسرعت ووصلت 200 كم ياقف الإنبير وكأن السيارة تفرمل عشان ما يتعدى
حتى جربت بنزلة ونفس الكلام (موتري وكالة) .
ولد عمي (الموتر وكالة) يقول ما ياقف إلا على المسمار(ما شاء الله )يعني يتعدى 200 وزيادة.
السؤال وش الفرق ؟
مع العلم إن السيارتين متطابقات بجميع المواصفات بالتمام.
وأزيدكم من الشعر بيت هو محمل عفش وأنا تانكي ماء 64 لتر فقط لا غير.
أفيدونا.

[بيق مان]

السرعة مافيها خير .. وش 200 الله يصلحك

[المهاوش]

لاحول ولاقوة إلا بالله ... ماشاء الله 200 ... الله يحفظكم من السوء بس ... والله أن أمشي 160بعض الأحيان وأخاف لا قدر الله ينفجر كفر والا يطلع علي شىء في الخط ... 140 كويسه عشان السيارة جيب .

[ولد وايل..]

الله يحفظنا وياك...


200 كثيره على الباث صدقني...


أتوقع له علاقه بأنك حريص على تشييكات الوكاله ولا قد دخلته الوكاله والفصله هذيي تجي من الوكاله برمجه او شي زي كذا..

[ساحووق]

الموووووووتر يييييفصل على 200؟؟؟؟

[لاتكب البيالة]

200 وعلى جيب الله يفتح على قلبك

[كم كيلو باقي]

الله يكفيك شر السرعة بس

ماتخاف انه بحكم الإنتحار ؟

[قليط]

انا اعلمك اذا قلبت تعرف وش السبب اوكي


الله يصلحك كل مطرود ملحوق انت ضيعت وقتي سلام

[hadaj]

200 يادافع البلا وين تبون ؟!!

[ن م ر]

اخي العزيز خذ لك كرين واقلع النخل اللي في راسك وحطه في حوشكم

الموضوع وما فيه ان موترك فيه فاصل للسرعه مثل اللي في الجمس واللاندكروزر واغلب السيارات العائلية

الأهم من ذلك كله ان سرعة 200 سواءاً على جيب والا غيره تعتبر ضرب من الجنون والمخاطرة بالأرواح

وانتبه مره ثانيه لا ينبت في راسك نخل عشان سرعة 200

تحياتي لك وبالتوفيق

[سرطوقا]

يمكن انت عشانك تحب السرعه حطوا لك فاصل على موترك :)

[أبو محمد2010]

لا حول ولا قوة الا بالله...

يا أخي حرام عليك ما عندك أم ما عندك أب ما عندك زوجة ما عندك أبناء ما عندك إخوان...

[path se]

شكراً لكل من رد
ولا تفهمون غلط ما أتعدى 160 إلا نادراً وعلى طول أهدي ما وصلت 200 إلا مرتين أو ثلاث للتجربة ..
الموضوع وما فيه استفسار فقط لا غير..
إذا كانت المسألة فاصل من الوكالة طيب ليش هو ما فيه فاصل( ولد عمي)؟

[عبدوش]

اتوقع المشكله من الانبير ماينزل ولا الموتر يمشي اكثر

[سبتان]

ياصاحب الجيب ارحم نفسك ومن معك تمشي 200 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يقول أحد العلماء رحمه الله أن هذا يعد انتحار. وأنت تعلم حكم المنتحر في الشرع . بارك الله لك في موترك وأرشدك إلى سرعة لاتضرك ولاتضر غيرك ...
وحتى وإن كانت التجربة . فالتجارب أحياناً تأتي بالمصائب ..

[بدر الشويلعي]

اول شي الله يفكك من السرعه ومخاطرها

ثاني شي يمكن موتر ولد عمك ملعوب بالبرمجه حقته عشان كذا مايفصل او العكس

ثالث شي النخل برحي ولا ربيعه ولا روثانه > امزح

الله يكره السرعه في نفسك اخوي

[.أبوعبدالرحمن]

الله يهديك بس ، عساك تلقح النخل ؟ هههههههههههههههههههههههههه


الحمدلله سيارتي موديلها 2003 وانا اللي فاكها وكالة وماشية الحين تقريبا 155 الف كم ولا قد مشيتها 180 كم/س

لأن الواحد ما يبي ينتحر وانت عارف جزاء الانتحار ، وبعدين انت المفروض انك تفرح سيارتك ما تمشي 200 كم/س


لكن انتبه على نفسك وانا اخوك وخل منك السرعة

[ابو خطاب]

اخي العزيز خذ لك كرين واقلع النخل اللي في راسك وحطه في حوشكم

الموضوع وما فيه ان موترك فيه فاصل للسرعه مثل اللي في الجمس واللاندكروزر واغلب السيارات العائلية

الأهم من ذلك كله ان سرعة 200 سواءاً على جيب والا غيره تعتبر ضرب من الجنون والمخاطرة بالأرواح

وانتبه مره ثانيه لا ينبت في راسك نخل عشان سرعة 200

تحياتي لك وبالتوفيق

هههههههههههههههههههههه :d: d: d: d: d: d: d: d

[تناهيت]

توني واصل ولله الحمد من خط طويل خويي يملك باث فاندر 2005 ...اتعبه الخط وشفته مرهق قلت وقف بسوووووووووووووق عنك وياليتني ما قلته

اقسم لكم اني امشي 140 ونا على اعصابي طبعا معدل مشيي 125 -140 لن الموتر خفيف ولا فيه رساوه ابد ودعسته خفيفه ..........<وانت تبي تمشي عليه 200 لو مرسدس لاتجازف تراها قفش اي غلطه تضع نفسك ومرتادي الطريق في خطر
اسمحو لي هذي السيارة حدها 140 واعتبر نفسك مجازف .......>وهذي هي السرعة المعقوله في الخطوط
اخوي صاحب الموضوع انتبه لنفسك فيه ناس تبيك وفيه مجتمع بحاجتك لا تدمر نفسك
ولا تلوم الأعضاء لأنهم ناصحين لك ويبون الخير لك

[بيق مان]

توني واصل ولله الحمد من خط طويل خويي يملك باث فاندر 2005 ...اتعبه الخط وشفته مرهق قلت وقف بسوووووووووووووق عنك وياليتني ما قلته




اقسم لكم اني امشي 140 ونا على اعصابي طبعا معدل مشيي 125 -140 لن الموتر خفيف ولا فيه رساوه ابد ودعسته خفيفه ..........<وانت تبي تمشي عليه 200 لو مرسدس لاتجازف تراها قفش اي غلطه تضع نفسك ومرتادي الطريق في خطر
اسمحو لي هذي السيارة حدها 140 واعتبر نفسك مجازف .......>وهذي هي السرعة المعقوله في الخطوط
اخوي صاحب الموضوع انتبه لنفسك فيه ناس تبيك وفيه مجتمع بحاجتك لا تدمر نفسك


ولا تلوم الأعضاء لأنهم ناصحين لك ويبون الخير لك

يازين كلام العقل
قال 200 قال

[الصارم 444]

هذا فاصل للسرعة واحتمال يكون ابن عمك فاك الفاصل

تقدر تفكه لكن يلعب بالسيارة

انصحك بعدم فكه ووعدم السرعة

الله يستر عليك وعلينا وعلى المسلمين من شر الحوادث

[ارقد يا ساهر]

اخي العزيز خذ لك كرين واقلع النخل اللي في راسك وحطه في حوشكم

الموضوع وما فيه ان موترك فيه فاصل للسرعه مثل اللي في الجمس واللاندكروزر واغلب السيارات العائلية

الأهم من ذلك كله ان سرعة 200 سواءاً على جيب والا غيره تعتبر ضرب من الجنون والمخاطرة بالأرواح

وانتبه مره ثانيه لا ينبت في راسك نخل عشان سرعة 200

تحياتي لك وبالتوفيق
هههههههههههههههه هو صادق
خووووووووش رد :good2:

[السد الغزير]

ياخي ارحم نفسك . واذا منتب راحم نفسك ارحم اهلك اللي وراك من المصايب والاخبار الشينة ولاتنسى انهم ينتظرون مجيك للبيت سالما معافا . وانت تبي تزود عن الـ200 ؟

طيب تراك سويت اللي براسك وطاحت النخلة اللي في راسك وتعديت الـ200وين تبي تروح ؟

واذا منت راحم نفسك واهلك . ارحم المساكين اللي في الخط لاتصدمهم ولاتوذيهم ,. واذا منتب صادمهم ولاموذيهم لاتروعهم ياخي مال الناس ذنب في اللي انت تسويه .


وثاني شي الموتر مفصول من الوكالة . للسلامة . فابحث انت بنفسك عن السلامة لاتجعل الوكالة هي من يبحث السلامة لك وللناس . تحياتي

[قرم العيال]

هذي سرعه الباث 200 فقط لانه فيه فاصل

فك الفاصل يمشي تحت 200

[الطالبي007]

الباث فندر يجيب اكثر لكن هناك فصلة لأن السيارة اصلا خفيفة وأي مشكلة في سرعة 160 وفوق ===انتحار تعرف شو يعني انتحار لان السيارة قوطي ببسي ببساطة ...
ولا تخلي النخل يطلع مرة ثانية...

[path se]

أبشركم جثيت النخل من راسي..
ولا عاد به سرعه..
140 وبس ..
وجزاكم الله خير على كل نصيحه ..

[صيادالجبيل]

باث انا كنت جاهل امشي مسرع وانفجر معي اكثر من مكينة وانا احمد الله على السلامة من السرعة تبي نصيحتي تعوذ من الشيطان وخل عنك 200 اذا كنت على سيارة جديدة وحقت خط خل ممشاك 140بالكثير
وأمسك نفسك لين تتعود على تهدية السرعة وبتشوف الدنيا كلها تتغير عليك وبترتاح راحة كنت فاقدها من سنين وبتشوف الي على يمين الخط والي على اليسار وتوصل ان الله ستر عليك وانت مبسوط والي يمشي 200 يمكن ان الله ستر علية يوصل قبلك ب 20 دقيقة بالكثير اذا كانت المسافة 400 كيلو السرعة ماوراها الا التعب النفسي والتوتر اسأل الي لهم 22سنة خطوط طويلة ويسوقون سواقة قليل الي يسوق مثلهم السرعة ضيااع ومايدري عنها الأنسان الا اذا حصلة موقف والا اذا تركها خل عنك 200 ان بنشرت صارت علوم وترى الكفر يبنشر وهو جديدتوة طالع من الوكالة والله يستر علينا وعليك وعلى المسلمين اجمعين

[بن حريول]

لا ااااحووووول
200
ليه يخوي السرعه ما فيها خير

[ابوصالح77]

أبشركم جثيت النخل من راسي..
ولا عاد به سرعه..
140 وبس ..
وجزاكم الله خير على كل نصيحه ..



ما دامك جثيت النخل ووعدتنا إنك ما تعدى الـ 140 ، وطاح اللي في راسك من المقاوم والمسابق
أبعلمك وش السبب :
موترك فيه فاصل ، وموتر ولد عمك ملغي الفصلة
وأكثر السيارات تفصل على الـ 185

[ابو خطاب]

أبشركم جثيت النخل من راسي..
ولا عاد به سرعه..
140 وبس ..
وجزاكم الله خير على كل نصيحه ..

كم اخذ عليك الكرين ؟؟ :d :d :d