هل فيه وكيل لهذه السياره في السعوديه

[alamri111]

السلام عليكم



بالبلدي00أبغا أعرف فيه وكيل لهذه السياره في السعوديه إلي بتفكك من مذلة
أصحاب الشقق المفروشه والفنادق 0أما لوأحصلها با السعوديه بها المواصفات
والتجهيزات فبتكون حصوه في عيون الأستغلاليين من أصحاب الشقق والفنادق
إلي ذالينا في كل صيفيه 00


فأأرجو من الأخوان إلي يعرف عن هذه النوعيه من السيارات وكيف الحصول عليها بأي طريقه كانت
فلا يبخل علينا وله الشكر الجزيل


صور السياره


http://www.jayco.com/g/db/gallery_picture_1704.jpg




http://www.jayco.com/g/db/gallery_picture_1920.jpg



http://www.jayco.com/g/db/gallery_picture_1831.jpg



http://www.jayco.com/g/db/gallery_picture_1879.jpg




http://www.jayco.com/g/db/gallery_picture_1881.jpg




تكفون يا جماعه الفزعه لأنها بتكون الضربه القاضيه للجشع في الصيفيات

[الصارم 444]

السيارة حلوووه


لكن اتوقع سعرها راح يكون غالي


اشوف سيارات مثلها واقفه عند الصالة اللي عند تقاطع الملك فهد مع خريص باتجاه الغرب الظاهر اسم الصاله العربة

[غالي]

السيارة حلوووه


لكن اتوقع سعرها راح يكون غالي


اشوف سيارات مثلها واقفه عند الصالة اللي عند تقاطع الملك فهد مع خريص باتجاه الغرب الظاهر اسم الصاله العربة


قصدك اسم الصاله (مملكة السيارات)


على كل اخوي السياره وارد فورد


وبإمكانك الاستفسار منهم

موفق

[حزوبر]

السلام عليكم
يا خوي ارسلنا تكفى ، ابي اقضي شر العسل بالصمان:d، وأبيها حصوه في عيون ، المشرفون على السياحه في مصايفنا، إلي تركوا الدرعا، ترعى

بالنسبة للسياره هذي، أعتقد انها فورد، ووكيلها المعروف توكيلات الجزيرة

[hightech]

ـ السيارة هذي يجيبونها طلبية من امريكا واسم الشركة اللي تصممها كان عندي موقعهم بس نسيته وبحاول اجيبه لك وسعرها حول الستين الف دولار على شكل مجلس واكيد الغرف اغلى .
ـ اتوقع لو تبحث عن مستعمل بتحصل شي مناسب ورخيص تعرف الامريكان ماعندهم لاصمان ولا دهنا ولابزارين راسه وراس عجوزة حب ابدي

[السد الغزير]

هذي اللي يعافيك ماتجي جاهزة من الوكيل .

هذي تطلبها انت بنفسك وتصميمها انت اللي تسويه بنفسك . او يعطونك قوالب جاهزة ويخيرونك بينها عشان يسونها لك . وبعدين تجيك في البحر على كونتينر او باخرة . على حد علمي


هذي كرفانة مبسطة .

[ساحووق]

اذا شرينا هالسياره نبا نبيع بيوتنا خلالالاص ههههههههه


واعتقد سعرها ناااااااااااااااااار

[ابوتركي1431]

والله الفلة صدق
توفر على نفسك مصاريف الشقق

[الفنطاس]

اخوي يعطيك العافية هذا الشكل يركب على السيارة التي ترغب في شرائها ومتوفره في امريكا بكثره وموجودة دبل حسب الطلب وابحث في موقع ebay ان شاء الله تحصل على طلبك

[YOU1]

هذا طال عمرك كرفان... يجي منة انواع .. فورد وجمس وشفر ودوج... ويجي احجام ومواصفات وسعره مستعمل ماهوغالي....ويجي بجميع الكماليات من مكينة كهرب ووحدة تكييف وثلاجه وغساله وطباخ غاز,,,يعني بيت متكامل للسفر والرحلات..

[التعـ King ـديل]

قيمتها قيمه دبلكس في ضاحيه لبن

سعرها يتجاوز ال 450 الف

تلاقيها عند مملكه السيارات والله يعينك على الغلا

[عبد الله 99]

اوووه لا تذكرني كان عندنا وحده قبل خمس سنين موديلها 99 بس مشكلتها السرعه على الخطوط يالله تجيب ال120 بالطقاق و الي عندنا كانت شفر و فيه موجود مثلها و ارخص من مملكة السيارات بكثير اذا كنت ماسك طريق الثمامه و تعديت دوار منتزه الديره رح سيدا تعدا فانتزيلاند و تلقها على يمينك بعد المحطه كل ذولا يبيعون هناك و اسعار القديمه يعني 99 و نازل تلقاها بحول السبعين ثمانين الف حسب نظافتها
و ما اتوقع انك بتلقى جديده مثل حقة مملكة السيارات و نصيحه اذا كنت بتشتري اشتر الي تكون كابينة السواق تابعه مع السياره بينهم ستاره موب تصير غماره بلحالها
اتمنى اني افدتك

[سرطوقا]

فيها دبل ؟


هههههههه

موفق يـ/ الغالي :)

[ابومساعد]

تفضل اخي العزيز هذا موقع سيارات الفان وتقدر تصمم سيارتك على كيفك
http://www.explorervan.com/

[.أبوعبدالرحمن]

حلوة الفكرة

مرة رحت اودي سيارة لصيانة وكالة فورد وقالوا لي تاخذ ساعة قلت اجل اخذ لفة بالمعرض حقهم ولقيت وحدة برا زي اللي في الصورة عندهم ، يعني أتوقع لو تمرهم بتلقا لكن ممكن يكون طلبية ولا فيها كلام من ناحية سعرها راح يكون غالي بالحيل ، ولكن لو لفيت على حقين الصالات مثل الفالح والبيان الجديد وغيره يمكن تلقى عندهم استخدام امريكي نظيف

لكن نصيحة خذ اللي غمارته مشبوكة مع المقصورة

والله يوفقك

[rpk]

وكاله فورد تجيبها لاني قد شفت زيها في حوشهم قبل شهرين

[gihad]

وكيلها فورد بس ماتجي هنا عن طريق فورد الجزيرة

[رفيق الوقت]

السيارهـ هذي روعهـ .. وما اتوقع تبي تكوون با السعوديهـ
الا اذا طلبيهـ
..
او نفش الشركهـ حي تفيدكـ

[الحاكم575]

فية زيها عند مملكة العربة للسيارات في شارع التحلية

[You Like Me]

اهم شي قلهم دبل والا لا تاخذها هههههه
اتذكرها زمان كانت بكثرة نشوفها بكل مكان
لكن الحين قليل تشوفها .. اتوقع انها طلبية خاصه
او مالك الا المستعملات مثل ما ذكروا الاخوان

[ولد الزويد]

شقق,متنقله

[مسنع ربعة]

اذا هذي أبي أطلعها للبر أجلس فيها أجلس بالبيت أبرك لي

[alamri111]

السلام عليكم

أشكر جميع الإخوه الكرام على الردود السخيه

وأنا من أمس وأناأدور بها المواقع ولقيت شي يروع وسعره غالي لاكن من الله ولا منة خلقه وعلشان
تفتك من جشع وطمع وإستغلال وإنتهازية وحقد وسرقة أصحاب الشقق الى ماهيب مفروشه مافيها إلى فرشه 50 في 50 وبيالة شاهي

وإن شاء الله اجيب وحده وأترززبها قدام أصحاب الشقق(كي يزدادوغيضاً) وأشوف الحسره في عيونهم



ويمكن أخذ ويمك أخذ وكاله بعضها وش دراكم يضع سره في أضعف خلقه

ورح أزودكم ببعض الصور الجديده با الإضافه للأسعار إن أمكن