أريد تركيب ريموت تشغيل السيارة

[Abu7asan]

هل يوجد محل في الغرابي أو أي مكان في الرياض يركب ريموت تشغيل السيارة عن بعد وشكراً للجميع

[satam1389]

اكيد الغرابي كله محلات تركيب ريموت
تقبل مروري

[يكفيني نظرة]

يسعدني ان اكون اول من يدلي بدلوه..
من ناحية الريموت فأنصحك انك ماتركب اذا انت من اللي يحافظ على سيارته ويخاف عليها..
سيارتي باترول بالتوقيع فيها ريموت فتح ابواب فقط ويشتغل على كيفه مره يشتغل ومره لا، غير انه يمس كهرب السياره وممكن يسوي مشاكل..

[لاتكب البيالة]

يسعدني ان اكون اول من يدلي بدلوه..
من ناحية الريموت فأنصحك انك ماتركب اذا انت من اللي يحافظ على سيارته ويخاف عليها..
سيارتي باترول بالتوقيع فيها ريموت فتح ابواب فقط ويشتغل على كيفه مره يشتغل ومره لا، غير انه يمس كهرب السياره وممكن يسوي مشاكل..
نفس الكلام
انا ركبت ريموت فتح ابواب ويفتح ويصك على كيفه
النصيحة اذا بغييت تركب رح للعليان لان خابر عندهم فني كهرب سعودي دارس الكهرب دراسة

[ن م ر]

لا أنصحك بتركيبه

ريموت التشغيل يعدم عليك السلف ومضاره أكثر من فوائده وتزداد الخطورة إذا كان موترك قير عادي وتركته بنمره وشغلته بالريموت
تخيل تضغط عليه مرتين متتاليتين بالغلط وش يصير؟؟
تخيل احد الصغار طاح في يده هالريموت وجلس يضغط باستمرار ؟

استثني من ذلك اللي يجي في السيارة من وكالتها ريموت تشغيل
لأنه في الغالب تضغط زرين مع بعض لزيادة الأمان

[سرطوقا]

تبي النصيحه لاتركب

اخوي مره من المرات شاري كرسيدا من دكتور 94 جي ال على عزها طبعا يالبيه بس :)

المهم وقف السياره وراح المسجد الظاهر انه لمس الجهاز ، وطلع من المسجد لقى السياره حآظنـه الجدار هههههههههه

لاتركب أنصحك :)

[بليزر 1]

انصحك بجهاز اسمه كارماندر موجود في الغرابي عند الحوشاني

[a7md07]

وش نوع موترك عشان ادلك على محل يضبطه لك

[أبووسم]

زي ما قالك راعي البياله

رح للعليان على طريق خريص ممتاز جداً و عنده عدة أنواع طب و تخير فيها

[Abu7asan]

سيارتي اكستيرا قير عادي 2008 فيها ريموت من شركتها لكن أريد ريموت لتشغيل السيارة فقط رحت للغرابي لمحلين يقولون في السيارة أمان ولازم الغاء برمجة السيارة حسيت أن ماهم فاهمين الإ تركيب زنون وشاشات فمشيت وخليتهم ورجعت المنتدى وحصلت ردود ماشاء الله على الاخوان فالبعض أرى منهم الرفض وأشكرهم على النصح ولكن الانسان طماع مازال عندي أمل فالمسألة كل يوم في تطور وأشكر الاخوان بليزر 1 (http://www.mekshat.com/vb/member.php?u=80938) و لاتكب البيالة (http://www.mekshat.com/vb/member.php?u=109738) و أبووسم (http://www.mekshat.com/vb/member.php?u=87453) a7md07 (http://www.mekshat.com/vb/member.php?u=45589)على تفاعلهم مع موضوعي وسوف أزور الحوشاني والعليان بإذن الله وأفيدكم بما أصل إليه :good2:
(http://www.mekshat.com/vb/member.php?u=45589)

[You Like Me]

بالتوفيق لك يالغالي

[Abu7asan]

رحت للعليان خريص مافي فايدة على العموم شكراًللجميع

[3zyiz]

ياخوان انا سيارتي سلفرادو 2007 غمارة ستاندر لا ريموت فتح ابواب ولا تشغيل عن بعد
ركبت ريموت فتح واغلاق الابواب شغال تمام التمام والجمدلله مافيه اي مشاكل مثل ماقالو الاخوان .. تم التركيب في الغرابي

الان افكر اركب تشغيل عند بعد وتشغيل بصمة
الي يعرف محل معين فاهم وشغله صح يدلني
لحد يقول العليان والا دبي ! ابي محل سعره رخيص اومقبول
لان العليان ودبي وغيرهم هذولي اسعارهم ماتتدخل مخي والشغل بالنهاية واحد