كما وعدتكم ... صورة الجيب بعد تركيب الفيتك 4800

[عاشق الجبل]

السلام عليكم ورحمة الله وبركاته


http://www.muslmh.com/save/29/shas.gif

[البحري ولبري]

دووووووووووووس ياخنفووووووووووووس مرعب الفنفوووووووووووووووووووس......................... .بلعاافيه يارب...............يعطيك خيره ويكفيك شره

[عاشق الجبل]

تسلم وجزاك الله خير :)

[Mohammad]

مممكن الشرح يا عاشق الجبل..والله يبارك لك

[أبو فراس]

السلام عليكم ورحمة الله وبركاته

ممكن شرح وافي عن الفيتيك لاني اول مرة اسمع عنه

احسب انه نوع من الكيك او من الحلويات

[حرباش]

-
-
-
-
ماشالله تبارك الله

يعطيك خيره وكفيك شره اخوي عاشق

وينك لك فتره كنك اللي مختفي عسى ماشر


صراحه حركات اخراجيه للصور شي خيال أول مره يمر علي كذا
يستاهل ابو فتك


تحياتي لك حرباش

[عاشق الجبل]

الأخ : محمد ..................... حفظه الله


بالنسبة لمكينة الفيتك فهي نوع جديد ومطور من مكائن النيسان والتي تم تزويد الصوالين بها من

موديل 2002وما فوق وكلمة فيتك أختصار للأحرف : v t c

حيث أن مكائن النيسان في تطور مستمر بعد أن تجاوزت قوة الــ 4200 ثم 4500 ثم 4800 وحتى الــ 8 سلندر ( الأرمادا )

والفيتك مزودة بعامودين تيمن و24 صمام وبخاخ عالي الجودة وبقوة 280 حصان قابلة للزيادة عن طريق التيربو أو غيره

قيمتة المكينة تتراوح من 14500 وحتى الــ 16000 وذلك حسب نظافتها وموديلها .

حيث يجب قبل تركيبها من سيارة الى أخرى مراعاة الأتي :

1- الحصول على جهاز كمبيوتر السيارة .

2- الظفيرة .

3- قربة الهواء مع الحساس .

4- مفتاح ( السكيورتي )

5- طرمبة البنزين .


لكي يستطيع الكهربائي بعد الإنتهاء من تركيب المكينة توصيل كل مايتعلق بالكمبيوتر .


وهناك قطع أضافية يمكن تركيبها رغبة في زيادة قوة السيارة .




الأخ أبوفراس : تم الشرح وإن شاء الله نأكل الحلويات بأفراحك :)



الأخ : حرباش

الإنقطاع يالغالي بسبب السيارة

والحمدلله أنتهت كل العقبات ومابقي إلا التيربو والكمبيوتر الإضافي ( الموتيك أم 4 ) الذي يتم تعديل

الكمبيوتر الأصلي عن طريق بحيث يعطي قوة أضافية ويوفر صرف البنزين نوعآ ما .




وعذرآ عن التقصير

[turhob]

الله يعطيك العافية وشكرا لكرمك بالمعلومات والصور الجميلة ( ماشاء الله )

[الراعي الرسمي]

ماشاء الله الموتر للبيع[/size]

[الظبي]

بصراحه ماشاء الله على السياره وعلى راعيها انشاء الله تعطيك من خيرها وتفكك من شرها وشر العيون الحاسده
وتقبل تحياتي

[عاشق الجبل]

الأخ : turhob لاهنت يالغالي


الأخ : الراعي الرسمي ( الموتر يفدى مواطيك ) والموتر للإستخدام وليس للبيع


الأخ : الظبي لاهنت يالعزيز وجزاك الله خير

[المسفهل]

ما شاء الله تبارك الله .. الله يطعمك من خيره ويكفيك شره .. آمين
هذا الشغل اللي عليه العلم .. بهذا يصير معك سيارة بر
تصبر على طبيعة بلادنا القاسية .. ورمالها العاتية ..

[salehhd]

ما شاء الله

يعطيك خيرها ويكفيك شرها

وياليت صور تطعيس لها وكيف عزما معاك في البر

[عاشق الجبل]

الأخ : المسفهل ( شكرآ على المرور ) والمشروع القادم إن شاء الله ( مكينه وقير ودبل vxr ) على جيب ربع

الأخ : salehhd تشوف صور السيارة في الطعوس قريبآ إن شاء الله وبعد مايبرد الجو :)

[عاااااشق ربع]

بسم الله الرحمن الرحيم
مشاء الله تبارك الله

الله يعطيك خيرره و يكفيك شره


بس لازم تعطين دووره !!!!!!!!!!!

[ع.ف.الدرويش]

ما شاء الله تبارك الله

الله يطعمك خيرهـــا ويكفيك شرهـــا.. ومنها إلى الأفضـــل إن شاء الله

طلب بسيط لو تكرمت.. نبذة شاملة وموجزة عن الإضافات والتعديلات على نفس المركبـة بشكل عام..!

ودمت بخير.. عبدالرحمـــن

[عاشق الجبل]

الأخ : عاش ربع ( أبشر بالسيارة يوم كامل إذا أنت عاشق ربع نيسان طبعآ :) )


الأخ : عبدالرحمن

سبق أن شرحت في نفس الموضوع عن السيارة

عمومآ يالغالي سيارتي موديل 88 وكل شي فيها مغير ( مكينة قير شكل خارجي )


المكينة : مكينة جيب باترول موديل 2002

الشكل الخارجي : مغير الى موديل 99 وخطوط خليجة

القير : باترول موديل 94

كبوت مفصل من الصاج الخفيف بسبب رفع المكينة وبحثآ عن نقص وزن السيارة .

الحوض ملبس بالكامل ألمنيوم ملي ونصف

يوجد بها ( بلالين ) مثل الهيدروليك لكن على الهواء اذا نزلت السيارة من الخلف بعد التحميل مر على أقرب بنشر وزود البلالين

بالهواء ( من 10 وحتي 100 ) وتشوف السيارة متساوية من الخلف والأمام وكأن مافيها حموله .

فرارات ( فلنجات ) أمامية أوتماتيك بمجرد تعشق الدبل يشبك عامود الدبل وإذا فصلت الدبل يفصل معك عامود الدبل ولايحتاج

تنزل وتفرها بيدك .

صدام خلفي مميز مع التبريزه ( خليجي )

تضمين كامل مع التربيط عند ورشة النويصر ( بــ 1500 ريال ) ومستحيل تسمع قربعة في السيارة والحمدلله .

جلد بودي بالكامل

جلد سست

جلد أذرعة ومقصات

مساعدات خلفية أسترالية

تانكي بنزين خلفي تحت في نهاية الحوض مكان السبير سابقآ(140) ليتر

تانكي فيبر خلف الغمارة 120 ليتر

تسليك وتجهيز للكهرباء :


قارمن النوع الجديد

جهاز أرسال آيكوم

لمبه تحت الصدام الخلفي

لمبة لأنارة الحوض من الداخل

لمبتين من الجوانب عند كل بزبوز من التانكي .

تم تركيب بالون 900 على 16 ( بعد تصوير السيارة )

وسيتم تركيب ( سفتي بلس ) المانع للإنقلاب إن شاء الله ولكن ليس من السعودية لأرتفاع سعره




آمل أني قمت بالواجب أخوي عبدالرحمن :)

[ع.ف.الدرويش]

السلام عليكم ورحمة الله وبركاته

عاشق الجبل.. حقيقة اشكرك على التجاوب السريع وايضاً على الاجابة
كفيت ووفيت
وبارك الله فيك
والله يطعمك خيرها ويكفيك شرها

شكراً لك من القلب.. ودمت بخير

[شاص]

ماشاء الله تبارك الله .. شغل متعوب عليه .. الله يطعمك من خيره ويكفيك شره
من خلال تجربتك واستعمالك هل ظهرت لك أي مشكلات في التعديل ؟؟

[عاشق الجبل]

لاشكر على واجب أخوي الدويش


الأخ : شاص

لابد من مواجهة بعض المشاكل مثل :

تسكير الكبوت عن طريق تفصيل كبوت جديد ... حيث تلاحظ رفع الكبوت من الوسط كما هو في الصورة

الكنداسة الوسطى تحتاج تغيير بسبب كبر المكينة وكذلك الراديتر يجب تغييره الى رصتين ألمنيوم ويفضل تركيب راديتر Vxr لأن راديتر الــ4800 طويل ولايركب على الباترول الموديل القديم إلا عن طريق قص جزء من الشاص وهذا صعب ويؤدي الى تضعيف الشاص من الأمام .

توليف واقي حراري بين الهدرز ( القزوز ) وليات التكييف .

تغيير نظام قربة الهواء الأصليةعن طريق توليف قطعة ( قاعدة ) للفلتر الخارجي

آمل أن تكون الإجابة وافية أخوي شاص

[غيّام]

عشت وعشعشت ياراعي النيسان شويه عاشق للنيسان ابو القرقعه
الله يعطيك خيره ويكفيك شره هذا وانا اخوك اللي يبرد الكبد مهوب التيتان اللي مدري وش يبي
التيتان اللي يشريه لايتعدى التحليه والتخصيصي يطلع شطارته على الارصفه
الا على فكره كم اسعار الربع السفاري موديل 2004 او 2003 نضيف يمدحونه في الضلع
خل بالك وسيع ياعاشق الجبل تراي احب المزح لايجي في خاطرك شئ
اخوك
غيام

[عاشق الجبل]

هلا بالشيخ غيام

ليه الزعل :)

نعم النيسان أبو القرقعة وشفط البنزين ( الحق حق ) :)

لكن وأنا أخوك محركاته تطق للتايوتا بعشر أصابع وهذا بشهادة الميكانيكيه والتجارب

والوعد الرمله ونشوف الشواص التايوتا وهي ترشق زيت الدبل وتكسر الكوارين :)

وياليت عبداللطيف جميل يشيل طفايات الحريق من الشواص والأرباع ويحط بدالهن عامود فقري وكم ضلع لأن الواحد اذا

قنص على شاص تايوتا وإلا جيب ربع ماينزل إلا فنيلته متعديه أذانه :d

معليش لاأحد يزعل وترى عندي جيب صالون تايوتا شوفوه جنب صورة الباترول تحت الشجرة

والصراحة ( تايوتا موتر الوعر والمكاسب ) :)

[خطير]

ماشاء الله لااله الا الله على هالموتر
شغل اخوي جاء القميري يالله خل نجرب المبروك . . . .

[عاشق الجبل]

أبشر يبوعبدالرحمن بس عجل علينا :)

[البرحه]

السلام عليكم

الحين رد الباترول وجب الباترول وبركب مكينه للباترول..........

ولا تعلمني انه حوض !!! :confused: مالك حق

ما تدري اني اقدر الباترول الحوض ؟ :rolleyes:


والله انه اعز موتر على قلبي هو الباترول الحوض :good:

لكن الصراحه تفو تفو تفو تفو تفو تفو تفو ما شاء الله لا الاه الا الله

وش ذالنظافه وش ذالمكينه لا لا موترك شي ثاني ضيعت معه انا :D


لكن الصراحه بعدتجربته مع اخوي موديل 99 اكتشفت انه موتر البر الحقيقي بدون منافس :good:


لانه خفييييف تفوق على التويوتا في النفود :eek:

وقيره فيه قوه ميب طبيعيه تحس اذا عشقة ان معك قير صح

يا ويلي عليه بس

لو يرخص بس :j

الله يعطيك من خيره ويكفيك شره



مع العلم ان مكانة الهلي في القلب محفوظه
v
v
v
v
v

[عاشق الجبل]

هلا براعي البرحه :)

كانك بالرياض فأبشر لك بدورة لمدة ساعة مجانية

أو أركب معي 10 دقايق لكن تقضب زين :)

[اسيزو 4x4]

السلام عليكم ورحمة الله وبركاته

بسم الله ماشاء الله تبارك الرحمن

الله يعطيك خيره ويكفيك شرة

لا إلة إلا الله

أخوي الغالي كم موديل الجيب اللي معك وكم أسعارة مستعمل

وكم أسعار موديلا 93 و94و 95 الحوض الله لا يهينك

[عاشق الجبل]

الأخ : اسيزو

سيارتي موديلها 88 وشكلها موديل 99






موديل 93 = من الــ 17000 الى 18000 ريال

موديل 94 = من الــ19000 الى 20000 ريال

موديل 95 = من الــ 21000 الى 22000 ريال

موديل 96 = من الــ 23000 الى 24000 ريال

موديل 97 = من الــ 25000 الى 26000 ريال

موديل 98 = من الــ 27000 الى 28000 ريال

موديل 99 = من الــ 29000 الى 30000 ريال

هذا اذا هي نظيفة

[اسيزو 4x4]

السلام عليكم ورحمة الله وبركاته

عز الله أنك نشمي وراعي فزعات :good:

والله ما قصرت يالغالي :)

ولكن سؤال أخير >>> أعرف إني أشغلتك بس سا محنا :D :D

الخطوط اللي على موترك خليجي صح ولكن وين ألقاها ؟؟

[عاشق الجبل]

تراك أشغلتني ( أمزح والله ) :)

الخطوط خليجية وأبشر لك بطقم موجود عندي هدية إذا أشتريت لك باترول حوض :)

[اسيزو 4x4]

يا سلام عليك والله ما قصرت يالنشمي

وإن شا الله نشتري حوض وبعدين نحلها هههههههه

وكثر الله خيرك وكفيت ووفيت والنعم بك يا بعدي

...

[عاشق الجبل]

تسلم يالغالي :)

[Khalid AlGhamdi]

ماشاء الله تبارك الله ، الله يعطيك من خيره ويكفيك شره ، شكله كلفك واجد لكن عساها ان شاء الله تبرد القلب :)

بخصوص الفرارات اخوي عاشق الجبل انا معي باترول 95 ومالقيت فرارات الا يدوي ، ياليت تدلني على مثل اللي ركبت وكم يكلف وجزاك الله خير :)

[عاشق الجبل]

عندي لك طقم كامل مستخدم ونظيف والسعر 850 ريال

[Khalid AlGhamdi]

ارسلت لك على الخاص :)

[انا ناصر]

وشذا ترا ابا انهار مانقو على الصور هذي شكرا على كل شي

[عاشق الجبل]

الأخ : أبومعاذ ........... رديت عليك :)


أخوي ناصر ( وش دعوا ) كلنا لك :)

[عاشق الأشهب]

الله يعطيك عافية

[عاشق الجبل]

وإياك ياعاشق الأشهب

[جمران]

الله يوفقك ويسمح دروبك
مع المكينة الجديدة وأنا أشاطرك
الرأي أن الباترول محركاته أقوى
.بكثير من التويوتا وهو الي يصبر.
والمفروض الاسم هذا له(قًطَاع الأوعار)
الله يوفقك ويبارك لك بالباترول..
تقبل تحياتي
----------
أخوك جمران

[عاشق الجبل]

لاهنت أخوي جمران

[خطير]

اخوي عاشق كني بديت اقتنع اشري نيسان
لو قدر الله وصار صدق وش منك عانيه

[شـهـاب]

ماشاء الله


الله يعطيك خيره ويكفيك شـــــــــــــررهـ

[عاشق الجبل]

الأخ : خطير ...... ابشر لك بورقة زرقاء 500 ريال :)


تسلم أخوي شهاب

[أبوأحمد98]

مشاء الله لا اله الا الله ...هذا الموترالي يبردالسبد ..الله يطعمك خيره ويكفيك شره ..راحه خدمه نشاط مشاءالله موتر فعلا عملي بمعنى الكلمه ..بالتوفيق اخوي عاشق الجبل

[خطير]

تسلم اخوي عاشق
يامل الغنات واليسر .......

[عاشق الجبل]

لاهنت أخوي : أبوأحمد98


واياك أخوي خطير :)