وش رايكم ابشري خزان الوادي وشكلي جزمت عليه نصايحكم

[كثير السؤال]

كما هو بالعنوان

انا محتار وش اشتري من الخزانات عطونا العلم اللي يدسم الشارب

افكر بالوادي لانه خزان عجيب ويشترى بماء الذهب بزابيزه وكل حاجه به مصنوعه باحتراف

وش رايكم

[كثير السؤال]

هاه اروح اشريه اولم 600 ريال

[عبدالله614]

طيب انت بنفسك مدحته وش تنتظر ماتشتريه

[خيال الغلبا]

لاتستعجل

الدعوى فيها غش

انتظر وساوافيك بالتفاصيل

قيمته الحقيقية كما افاد المصنع الذي يتعامل مع الوادي هي 200 الى 300 ريال فقط

[كثير السؤال]

لاتستعجل

الدعوى فيها غش

انتظر وساوافيك بالتفاصيل

قيمته الحقيقية كما افاد المصنع الذي يتعامل مع الوادي هي 200 الى 300 ريال فقط
افا ياذا العلم
وش البديل طيب

[العاذر]

طيب المصنع وين موقعه نروح نشريه منهم ارخص ولا مايبيعون

وش العلم كثر الكلام عطونا الزبده يالنشاما

[اسير الغضا]

عليك بخزان الوطني او خزان الزامل وخل عنك الوادي

[ابوناصر426]

البدائل كثيرة

خل عنك الحرامي خزان الوادي

http://store2.up-00.com/Sep10/28Y54655.jpg

[اسير الغضا]

خزان الوادي غالي

فيه الوطني مصنوع من البولي ثلين امتن واكثر تحمل من الوادي واكثر اعتماديه حسب ماسمعت
http://www13.0zz0.com/2010/01/19/08/888982158.jpg
http://www5.0zz0.com/2010/01/19/08/519941640.jpg

على مااظن انه يباع بالسنيدي وبرق الحيا ومعرض الشركه بالرياض والقصيم وشايفه عند المرباع

وللعلم اسعاره ارخص من خزان الوادي

[اسير الغضا]

http://store2.up-00.com/Sep10/28Y54655.jpg

[سعود محمد]

موضوعك رايق اشهد انك جبتها

[كثير السؤال]

اجل الخزان غالي هونت عنه
الوطني ارخص

[تناهيت]

http://store2.up-00.com/Sep10/28Y54655.jpg

[تناهيت]

http://store2.up-00.com/Sep10/28Y54655.jpg

[سرطوقا]

لا اله الا الله

[برق4]

*** ارخص خزان للماء من برق4 *** (http://www.mekshat.com/vb/showthread.php?t=114606)

هذا مكفيني ولا عليه غبار وبخمسين ريال ارجو مرورك الكريم على هذا التقرير

[المطيري305]

:no2: لنقاطع اللصوص الجدد :no2:

[أبوعسكر]

اخوي تناهيت الله يجزك خير على النصيحه عندي سؤال هل لهم معرض في الرياض وين موقعه

[عبدالاله 123]

نصيحه شوف البديل ولاتذهب للصوص الجدد وهو الوادي

[عبدالاله 123]

نصيحه شوف البديل ولاتذهب للصوص الجدد وهو الوادي

[غياض حائل]

:no2: لنقاطع اللصوص الجدد :no2:

[ابوعزااام]

(((والله على ماأقول شهيد)))

:pاشتريت قبل 5 سنوات خزان الوادي ((صدر)) يعني الواقف المهم ما كمل سويعات حتى ظهر مع الماء قطع صغيرة من نفس المادة المصنع:( منها الخزان عادي تصير بأحسن العوائل... غسلته عدة مرات نفس الشي
اتصلت بالوكيل عشان الضمان:no2:قال عطنا الخزان ونشوف .. بعد فترة ما هي بسيطة قال نبدله لك:good2:قلت كلام جميل خذيت البديل وكانت حالته لك عليه:eek:المهم طلع نفس الشي... الصدر ضاق واتصلت على الوكيل قلت مابي الخزان ابي قروشي$قال ابشر :looney:؟؟؟؟؟؟؟ ((ضف وجهك))
المهم كتب الله ان راعي المحل اللي شريته منه ((رشيد اللي يبيع في برق الحيا يمني الجنسية )) رحوم :o قال لاتصيح خلاص ابدله لك واعطانن تانكي ستنل استيل على كيف كيفك .. المهم يقولي لاتفضيه من الماء والى يومك ممتاز جدا ..:hot:
الـــــــــــــشـــــــــــــــا هــــــــــــــد:
خـــــزان الـــــوادي فــــاشـــل جـــــدا

[ن م ر]

أنصحك بهالخزان بشدّه

اشهد انه خزان لا بغيتوا الصدق

تراه اذا عبيته ماء لين الاخير يمتلي ... واذا فتحت البزبوز وتركته يخلص <<< أظنها ميزه هامّه جداً
لا وازيدكم من الشعر بيت ممكن يفزع معك يشب النار ويسوي القهوه
وممكن يقهوي الرجال ويذبح لهم على قولة لافي الغيداني : محتزم ويعشي الضيفان ويغديها

بس ترى كل هذا ما يجي الا بعد عشرة سنين ما يجي بين يوم وليله


الا على فكره ؛؛

طار مني حوالي 4 مشاركات أحد عينهن ؟؟ :j < الله يذكرك بالخير يا رواق

[رواق]

و أضيف على كلام اخوي نمر ( الله يذكره بالخير هههه )

ترا حتى الصيد إذا طبخته بموية من هالخزان يصير طعمه بالراس .. أجل اكسسوارات على الفاضي

[ن م ر]

و أضيف على كلام اخوي نمر ( الله يذكره بالخير هههه )

ترا حتى الصيد إذا طبخته بموية من هالخزان يصير طعمه بالراس .. أجل اكسسوارات على الفاضي


رواق ياخي لا تجلس كذا
قم دور معي مشاركاتي اللي انحذفت والا تبيها مثل موضوعك اللي انحذف ولا لقيته الا في تشليح قلايع وادرين ثاني مطب على اليسار

ههههههههههههههههه

[ولد الزويد]

ارجو,منكم,افادته

[التميمي محمد]

خزان الوطني موقعه امام نادي الرياض مباشره في ضهرت لبن

و اسعاره تتفاوت من 200 ريال و انت نازل

اغلى واحد عنده الي يحي واقف خلف المرتبه

يشيل 95 لتر

و ب200 ريال

و عليه ضمان سنتين

[مجنون باترول4800]

والله انك سياسي
ومنسم يا راعي الموضوع:d:d

[ن م ر]

فيه فرع لخزان الوطني نسيتوا تذكرونه :
وانت مع الدائري الشمالي متجه للدمام لا تروح للدمام ادخل مع المخرج حق شارع خالد بن الوليد ( أنكاس )
واتجه مع المخرج جنوب وابتل بتجيك إشارة فوق تحت تعدها وابتل لين تجيط اشارة تقاطع وهالإشارة تراها جديدة المقصد تلقى خزان الوطني على يمينك عند الاشاره تكون الساعه << مسك خط هههههه

وللمعلوميه جيته قبل شوي الساعه 10 ونص مساء بتوقيت الرياض وما جاورها ولقيته مقفل وعنده اعلانات خزانات السيارات مثل خزانات الزامل اللي باعها على خزان الوادي

[الفيصل2009]

http://img105.herosh.com/2010/09/22/2003140.jpg (http://www.herosh.com/)

[اسير الغضا]

عضوية خزان الوادي
http://www.mekshat.com/vb/member.php?u=45169

[ابوصالح77]

والله انك سياسي
ومنسم يا راعي الموضوع:d:d

وش يسوي ما دام إذا كتبنا شخطين يزعلن ................. نحذفن

[ابوناصر426]

السلام عليكم ورحمه الله وبركاته

http://store2.up-00.com/Sep10/28Y54655.jpg


يقول المولى عزوجل

( وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللّهَ إِنَّ اللّهَ شَدِيدُ الْعِقَابِ )


كاتب هذه السطور من الناس الذين انخدعوا بدعاية "خزان الوادي" ودفعت مبلغ 560ريال مقابل خزان سعة 145 لتر، مع العلم بان الخزان سعره الحقيقي ب 200 ريال.

وقد اصابني كما اصاب غيري من المكشاتية عدوان و ظلم، ونحن نطالب بوقف هذا العدوان والظلم، لكي لايقع على بقية اعضاء مكشات وزواره، لذا نطالب بوقف دعاية "خزان الوادي" لكي لا يقع العدوان والظلم على ضحايا جدد، كما نطالب باعادة المواضيع التي تحذر من "خزان الوادي".

واتمنى من ادارة مكشات ان تخاف الله، ولا تقدم حقها الخاص "قيمة الاعلان $ الذي دفعه خزان الوادي" على حق اعضائها وهو حق عام.

في حال حذف هذا الموضوع، ولم يحذف دعاية خزان الوادي، فهذا تعاون على الاثم والعدوان من قبل ادارة مكشات.

حسبي الله ونعم الوكيل

ابو ناصر

[ابوفهد225]

عندك خزان الوطني يمدحونه

وعلية عرض ايضاً اذا ماني واهم 190 ريال

[الربذي]

عينوا خير خزان الوادي جاه حقه خلاص انتى شهور العسل يوم يلعب علينا وانتهت اللعبه قيم اوفر

[سعود محمد]

عينوا خير خزان الوادي جاه حقه خلاص انتى شهور العسل يوم يلعب علينا وانتهت اللعبه قيم اوفر

:good2::good2::good2::good2::good2::good2::good2:: good2::good2::good2::good2::good2:

[عبد الله 99]

ههههههههههههههههههههههههههههههههههههههههههههههههه
الله يرجك يا نمر انت و رواق والله اني صرة ادخل لها المواضيع اقرا الردود و اضحك مدري منقهر او منغبن
مدري وش اسوي بس حسبي الله عليهم و بديت ارحم ادارة مكشات كل واحد يذب اقتراح من جهه تقطعون من الردود و المواضيع المحذوفه لدرجة صار مشرفين الكاميرات يجتمعون معهم بخصوص خزان الوادي
تقبلو مروري

[عبد الله 99]

بدا العد التنازلي من المشرفين لحذف الموضوع ترقبوووو الحذف

[ابوغزاي]

اللي عندة معلومة عن مصنع المختارالحجم والسعر لايبخل علينا

[ن م ر]

موضوع الرجال طار للمرة الثانيه

[سعود محمد]

السلام عليكم

[شاص]

الأخ اللي سأل عن مصنع المختار .. معرضه سلمك الله بأول الخرج وأنت جاي من الرياض يجيك على اليمين قبل الإشارة الأولى أو بعدها تقريباً إذا ماني غلطان لأني زرته قبل 3 سنوات ولعلي أبحث عن رقمه.. منتجاتهم من البولي أثيلين والجودة لا بأس بها والمقاسات حسب ما أذكر حدود 70 لتر أو تزيد قليلاً لكن اللي ما أعجبني تصاميم خزاناتهم حيث أنه ليس لديك خيارات كثيرة فالموجود على شكل مكعب مستطيل شوي يعني ماعنده خزان أرضي مسدوح ولا قائم خلف المرتبة يعني يأخذ حيز من السيارة من وجهة نظري .. الخزان اللي عنده فيه ميزه عن غيره من المصانع هو خزان سيارة بسعة 350لتر تقريباً لكنه مايركب إلا على سيارات الحوض الكبيرة (الشاص،الجمس،الفورد،...)

[ابوغزاي]

الأخ اللي سأل عن مصنع المختار .. معرضه سلمك الله بأول الخرج وأنت جاي من الرياض يجيك على اليمين قبل الإشارة الأولى أو بعدها تقريباً إذا ماني غلطان لأني زرته قبل 3 سنوات ولعلي أبحث عن رقمه.. منتجاتهم من البولي أثيلين والجودة لا بأس بها والمقاسات حسب ما أذكر حدود 70 لتر أو تزيد قليلاً لكن اللي ما أعجبني تصاميم خزاناتهم حيث أنه ليس لديك خيارات كثيرة فالموجود على شكل مكعب مستطيل شوي يعني ماعنده خزان أرضي مسدوح ولا قائم خلف المرتبة يعني يأخذ حيز من السيارة من وجهة نظري .. الخزان اللي عنده فيه ميزه عن غيره من المصانع هو خزان سيارة بسعة 350لتر تقريباً لكنه مايركب إلا على سيارات الحوض الكبيرة (الشاص،الجمس،الفورد،...)

اللة يعطيك العافية 0 بالنسبة للخزان 350 اللي يركب بالحوض كم سعرة وهل هومضمون ومجرب من ناحية تغيرطعم الموية000 وبيض اللة وجهك وماقصرت

[ابن عكاش]

يالغالي ورا ما تشتري خزان ألمنيوم حق السنيدي فيه سعات مختلفه ومبطن ومعه لي وبزبوز شريته بـ630 ريال سعة 100 لتر انا مجربه ومجرب الألمنيوم بشكل عام واشوف ان الألمنيوم اثبت جدارته وانه افضل حتى من السيل لا يتغير طعم الماء و لايصدأ ابد حتى لو تحطه في البحر شف اهل السواحل يحطون بيبانهم ألمنيوم لأن جوهم يعدم الحديد
والستل من وجهت نظري غالي وإذا كنت ماتعبيه دايم ممكن يصدي وغلباً مايصدي من عند اللحام
هذي وجهة نظري وانت لك الأختيار

[سعود محمد]

وش سالفة هالمواضيع كل شوي ياطاير موضوع ياراجع موضوع ويحذفون التواقيع صايرة الدعوة خذني جيتك اتمنى من ادارة مكشات تعلمنا تقول لا عاد تتكلمون في موضوع خزان الوادي وخلصنا اما ان كل شوي حذافين ومرجعين هذا دليل ان في الموضوع شي والله اعلم به