حسين الاحمد لتاجير قوارب الصيد با الدمام ؟

[حسين الاحمد]

لمن يريد تأجير قارب الصيد با الدمام لدي قارب ومواصفاته كا التالي :
1- الطول = 9 امتار
2- العرض = 2.5 متر
3- توجد به مضله + اناره
4- مكائن عدد =2 يماها القوه 115 لكل واحده منها
5- عدد الاشخاص المسموح لهم با الركوب = 8 اشخاص
ووقت الرحله = مفتوووووووووح من الساعه الثانيه ظهراّ
اما با النسبه لأجار القارب هو = 1200 ريال شامل الاكل والشرب وعدة الصيد والطعم
وان كان عليك الطعم والاكل والشرب فسعر الاجار 900 ريال

للمواصله معي الرجاء الاتصال على جوال رقم 0559771245


والاهم من ذالك هو المتعه وكسب رضاكم

والله ولي التوفيق
اخوكم حسين الاحمد

[طير حر]

الاخ حسين الاحمد
السلام عليكم ورحمة الله وبركاته

اولا الله يرزقك من حيث لا تحتسب
ثانياً هل يوجد اماكن جيده للغوص والصيد بالمسدس في منطقة الدمام والاماكن المجاوره لها
على سبيل المثال شعاب مرجانيه او حطام سفن قديمه غير المقابله لميناء الدمام

لك تحياتي

[حسين الاحمد]

والله في اماكن كثيره لكن يبالها غواص عدل يعني العمق يوصل فيها الى 12 متر 13.5 متر وفي الى التسعه متر على حسب المواقع يا غالي

مليانه با الفسكر والشعري ونادر ما نحصل فيها الهامور لانه بصراحه ما مره غصت فيها اللهم اني على الطراد با الخيط اصيد في ها المواقع وعلى رايت خويي الغواص بو سعود يقول المكان الي فيه الفسكر فيه الهامور لانه اكيد فيه الشعب المرجانيه والفسكر يقول خويي الغواص ما يعيش الا في مناطق فيها شعب مرجانيه وصخور هذا والله على ما اقوله شهيد

[حسين الاحمد]

وحياكم الله على المرور

[طير حر]

الله يعطيك العافيه وما قصرت يالغالي
انشاء الله بيننا اتصال وتنسيق ومن جهة الغوص لا تشيل هم الشباب كلهم خواصين محترفين مرخصين من منظمة بادي للغوص
انما اهم شي ما يكون في تيارات

واذا ممكن كم تكلفة رحلة الغوص

لك تحياتي

[حسين الاحمد]

حياكم الله ...الرحله يا غالي من غير الطعم والاكل والمشرب 900 ريال ومفتوح التايم عندك من الساعه 2 ظهراً الين ما تقولي يا الله خلينا نطلع
ولو ترد علي على الجوال وتتفاصل معي عن الامور الاخرى سواء عن الرحله او المواقع بيكون افضل يا اخي العزيز
هذي من جهه اما من جهة التيارات فانا يا اخي العزيز ادخل على موقع في الانترنت اشوف فيه احوال الطقس كل مره اذا الوضع ما يسمح با الدخول وفيه هوه وتياراات ليش اتعبك وتعب حالي اقولك انه مافي رحله في اليوم الي تحدده لو كان فيه رياح او تياراات

احدد لك يوم يكون الطقس فيه مناسب جداً على شان كذا اقولك تواصل معي با الجوال افضل

اخوك / حسين الاحمد

[abuufahad]

سعرك جدا مناسب والله يوفقك

وان شاء الله بينا تنسيق

[رمثان155]

جزاك الله خير ....

[ابو سمر]

الله يوفقك أخي الكريم وما قصرت على الكلام الطيب ..

[اسلس]

الله يرزقك بالزبائن الطيبين
تستاهل كل خير

[فهد33]

هلا أخوي البحار ...حسين الأحمد والله اني ماأحب ريحة السمك لكن ياخوي عرضكم يشهي ولو ألاقي أحد من الرياض يشجعني على الرحلة جيتكم طاااير وصرت زبون مميز:):d

أخوك/ فهد

[حسين الاحمد]

مشكور اخو ابو فهد ومشكوراخي العزيز رمثان واخي الغالي ابو سمر واخي العزيز اسلس واخي الكريم فهد 33 على مرورك وحاظر لكم كلكم يا جماعة الخير الطراد طرادكم قبل لا يكون طرادي والي تامرون عليه انا حاضر واهم شي كسب الاخوه والصداقه قبل اي شي ثاني

ويا حبييب قلبي يا فهد 33 ترا السمك الي تطلعه من البحر طازج غير الي تشوفه با السوق جرب الطازج وراح تقول لا طازج الا الطازج ههههههههه

والله يوفقكم ويسعد قلوووبكم

اخوكم / حسين الاحمد

[البحريه]

الله يرزقك من اوسع ابوابه و يعطيك العافيه على تفاعلك مع الردود

انا اشهد ان الكلام الحلوا يكسب الناس و يوطد التعارف بارك الله فيك.

[طير حر]

الاخ العزيز ابو علي
شرفني الاتصال بك والتعرف عليك وانشاء الله سوف يكون لنا لقاء في القريب العاجل
مع تمنياتي لك بدوام الصحة والعافيه

[حسين الاحمد]

الله يطولي عمرك اخوي البحريه وان قيمت كلامي بأنه حلو هذا لانك انت الحلو وترى الناس كلهم بحلاوتك فديتك

وانشاء الله يا رب ان الله يرزقني ويرزقك ويرزق كافة الناس اجمعين

حبييبي طير الحر انالي نالني الشرف بمكالمتك اليوم وبا العكس وربي افرح لا شفت ناس ذووق وكلامهم مرموق مثلكم وشرواكم واعيد واقول ترا الطراد لكم انتم مو لي انا والي تامرون عليه باي وقت ترا انا حاظر

اخوكم في الله / حسين الاحمد

[حسين الاحمد]

وشكراً على المرور

[حسين الاحمد]

ومشكورين على المرور

[t.d.m.c]

يعطيك العافية اخي الكريم ومثل ماقال ابو فهد نحن من رواد الشرقية وفي القريب العاجل نحتاج طلعه
^_^

[حسين الاحمد]

حياكم الله انت ويا ابو فهد وانا في الخدمه يا غالي

[حسين الاحمد]

وشكراً على المرور

[wawy]

مراحب اخوي الكريم

شكله طرادك في المزروعية

تطلع الي ابو سعفه غوص اولالالا
وسعر الايجار عندك لمدة 12 ساعه او 24 ساعه

[حسين الاحمد]

اي نعم في المزروعيه وابو سعفه ما اعرف ها المنطقه صرااحه انا عندي مناطق غيرها كثيره وعندي كم منطقه للغوص ومدة الاجار عندي مفتوح التايم فيها يا اخي الفاضل

[طير حر]

الله يوفقك اخي حسين وانشاء لنا لقاء

وش صار على السلم انشاء الله جاهز

[حسين الاحمد]

والله جالس ابحث عنه لكن انشااء الله على القريب العاجل رااح اركبه

[طير حر]

بالتوفيق واول ما يركب عطني خبر على الجوال وانشاء الله نطلع سوى

تحياتي

[حسين الاحمد]

انشاء الله لا يهمك

[هاوي فياض]

الله يوفقك اخوي حسين
وان شاء الله يكون بيننا اتصال
تحياتي ,,

[حسين الاحمد]

الله كريم يا غالي

[حسين الاحمد]

ومشكورين على المروور يا اخوتي وانشاء الله يا طير حر انا الحين وصيت على سلم وان شاء الله جا في الطريق

تحياتي للكل

[abuufahad]

اخوي حسين لو ماحصلت سلم حاول تتواصل مع اخونا ابو تركي فهو ركب سلم رهيب عاملينه في الصناعيه وغير مكلف وصرنا زباينه على طول :)

[طير حر]

ومشكورين على المروور يا اخوتي وانشاء الله يا طير حر انا الحين وصيت على سلم وان شاء الله جا في الطريق

تحياتي للكل

الله يعطيك العافيه وانشاء الله انا اوابو فهد من اول المرافقين

[jgjc]

الله يعطيك العافية
وتقبل مروري

[حسين الاحمد]

عيوني لك يا غالي وللغالين الاخوان المشاركين في الموضوع ومشكورين على المروور يا طير حر ويا jgjc تحياتي لكم

اخوكم/ حسين الاحمد

[abuufahad]

وش صار على السلم اخوي حسين :)

[حسين الاحمد]

شكلي والله بجيبه من البحرين لانه مو راضي يجيبه الي وصيته كل اشوو اليوم وباجر اليوم وباجر والله شفتكم ولا شفته الى الحين هههههههههههههههههههههههههههههههه

اصبرو علي اشووي بس يا حبايب وانشااء الله خير واحب اقول للكل
الصيد وفير وفير وفير حييييييييييييييل ها اليومين والله الى درجه ما تتوقعونها

تحياتي

اخوكم في الله /حسين الاحمد

[لؤلؤة تاهيتي]

ياليت تحط صورة للقارب ابو احمد
نبغى نطلع طلعة عائلية للصيد

[حسين الاحمد]

انشاء الله تامر امر وراح احطله صور من كل جانب حتى انك تشوف مفاتنه هههههههههههههههههههههههههههههههههههههههههههههههههه هه

[lebman]

صباح الخير ابو علي كيفك شو اخبار الليلة فاضي ؟ بدنا نطلع انا والشباب بس موضوع السلم ههههههه
تعبنا المرة الماضية لازم تشوف حل قريب وبدنا محادق بعيدة فيها خيرررررررر رح اتصل فيك للتنسيق

[النارية]

الله يرزقك
بتوفيق

[حسين الاحمد]

اهلين حبييبي شو اخبارك واخبار الشبااب انشاء الله مناح ؟؟

انشاء الله بسوي واحد بس الاغلبيه نصحوني با البحرين وراح اروح لجل خاطر ها الكرسي

تحياتي ابو حسين

[لؤلؤة تاهيتي]

الله يعطيك العافيه

[بني شيصبان]

الله يوفقك

[حسين الاحمد]

سوري كتبت كرسي والمقصود سلم اوكي سوري على الغلط المطبعي ومشكورين حبايبي على المرور بني شيصبان وانت لؤلؤة تاهيتي

اخوكم حسين الاحمد

[abuufahad]

اخوي حسين شكل السلم بيطول :) :) بس ماراح نفوت الطلعه معك ان شاء الله

[حسين الاحمد]

حياك الله حبييبي من غير شي بسلم ولا بدون الطراد طرادك فديتك

[abuufahad]

تسلم والله وما تقصر ان شاء الله يكون بينا اتصال قريب

[ss22ruw]

يعطيك العافيه أخي الغالي و أن شاء الله لنا طلعه قريبه معك

على فكره... كيف اللفاح وهل ممكن نلفح معك ولا بس حداق؟

اخوك/ ابو فارس

[1بوخالد]

اصبرو علي اشووي بس يا حبايب وانشااء الله خير واحب اقول للكل
الصيد وفير وفير وفير حييييييييييييييل ها اليومين والله الى درجه ما تتوقعونها

تحياتي

اخوكم في الله /حسين الاحمد

السلام عليكم
ابوعلي كلامك اللي فوق يهيض المشااااعر :hot:
لأنه وبصراحه تامه الأسبوع اللي طاف طلعنا من الجبيل في الليل وصاحب الطراد قال الصيد على كيف كيفكم وتالي طلعنا بصيد كم حبة فروخ شعري! وقال لنا لو كنتو جايين الصباح افضل!! وقالو الشباب حنا فيها ليه نرجع الدمام وفي راسنا حب ما انطحن خلونا نطلع الحين وكان الوقت بعد الفجر ونسق لنا راعي الطراد مع شخص آخر وطلعنا وما درينا ان السالفه كلها لفاح وقال لنا ما راح تلحقون من كثر اللي بيطلع معانا!!! وقسم بالله ما طلع معانا إلا كنعده وحده وسط وكأنها تقول بجبر بخاطركم وزهقنا وطلعنا بغله تضحك وحنا قضينا في البحر تقريبا اكثر من 12 ساعه!
عموما شكله المشكله فينا وحظنا ردي :D لأننا نشوف غيرنا طالعين ومعهم سمك مقاس تماسيح.
فأتمنى ان كتب لنا الله نطلع معاك هالأسبوع اننا نلاقي شي يسر الخاطر ويطحن الحب اللي في راسنا.

وآسفين على الإطاله
تحياتي
أبوخالد

[حسين الاحمد]

حياك الله اخوي ابو فهد وش الاخبار انشاء الله تمام ؟؟
انشاء الله تكون بخير وعافيه ومشكور على مروورك

اما با النسبه الى الاخ ss22 والله الفاح في منطقه لفحنا فيها لكن ما طلع يعني معنا الا الدويلمي فا الفاح مو لهناك في المناطق الي اعرفها مره قرووب الفحو والله وطلعو كنعد ودويلمي اما با النسبه للحداق فا الحداق ماشي حاله كبير وصغير يعني ووسط ماشي حاله

وبا النسبه الى الاخ ابو خالد

حياك الله الطراد طرادك وطراد الاخوه كلهم فهمت اما با النسبه للصيد مضمون ولالا انا ما اقولك مضمون يا اخي العزيز ولا اشتري سمك في بحر انما كذا اقروب طلعتهم وتوفقو في الصيد ووقت الي انا قلت عنه صيد وفير كان يوم 13 ليلة 14 وليلة 14 بيوم 15 والله الصيد فيه ما توقف واحجام مثل ما تفضلت مخدات تماسيح وفي صغير ووسط بس الاكثر صرااحه الكبار والوسط وها اليوميين فيه صيد بس مو على طول لا وقت السمره تشوووف في صيد ما يوقف ووقت تشوف الصيد قليل ويرجع الى وقت ما يقف فيه الصيد عرفت اهي مراعي تسمر عليها وتشووف انشااء الله الرزق والرزق با الااول والاخر على الله مو على شي ثاني

وانا الي اسف على الاطاله وتقبلو تحياتي

اخوكم / ابو مشعل

[حسين الاحمد]

حياكم الله

[abuufahad]

ابو مشعل اشوف هالايام الجو طيب وش رايك تعوضنا عن الطلعه الماضيه :)

[حسين الاحمد]

انشاء الله خير لكن يا اليت تتصل فيني يا غالي

[kabtn]

السلام عليكم
ممكن صور للقارب الله يعطيك العافيه

[حزين الكون]

اخوي حسين للاسف ليه مقفل جوالك يوم الاربعاء ويوم الخميس ..

كان ودي نطلع معك بس للاسف ماصار نصيب ..

وان شاء الله بعد العيد باسبوعين بيكون لنا طلعه صيد

[حسين الاحمد]

انشاء الله يا كبتن بزودكم با الصور للقارب

وانت يا حبييب قلبي يا حزن الكون والله الاربعاء والخميس اكون في البحر ومافي ابراج يا غالي فممكن انت تتصل علي وانا اكون في البحر

يا ليت تتصل فيني يا حزن اليوم لو بغيت بتشوف جوالي انشاء الله شغال

اخوكم / بومشعل

[حسين الاحمد]

حياكم الله

[حسين الاحمد]

ولكمو للكل

[حسين الاحمد]

الصيد يا شبااب ها اليومين حلو جداً لا يفوتكم لي عنده طراد خل يشد الرحيل ويدخل وبيلاااااقي الخير با الجعيمه وحوليها الصيد وفيييييييييييييييييييييييير

[abuufahad]

الصيد يا شبااب ها اليومين حلو جداً لا يفوتكم لي عنده طراد خل يشد الرحيل ويدخل وبيلاااااقي الخير با الجعيمه وحوليها الصيد وفيييييييييييييييييييييييير



اخوي حسين ترى هالاسبوع فاضين ياريت اذا فيه ترتيب تعطيني خبر :good2:

انتظر اتصالك ;)

[حسين الاحمد]

والله علمتك يا غالي انه الاجواء طيبه لكن يا حبييب قلبي محجوز الطراد هذا الاسبوع وخيرها بغيرها على قولك يا حبييبي

[حسين الاحمد]

اهلا وسهلاً بكم جميعاً

[حسين الاحمد]

يا اخواني الاعزاء تنبيه لمن يريد تاجير القارب

على كل قروب يريد تاجير القارب الاتصال قبل بثلاثت اياام لليوم الي يبي يطلع فيه يعني على سبيل المثال
تبي تطلع يوم الاربعاء تدق علي يوم الاحد وهكذا وان دقيت قبل الطلعه بيوم فا انت وحضك ممكن يكون محجوز وممكن لا يا اخواني الاعزااء

والسلام خير الختام

اخوكم / بوشعل

[حسين الاحمد]

الصيدها الايام يا اربع حلو ووفير

[حسين الاحمد]

كيف الصيد ها اليويمين يا الربع ؟؟

الي عنده بوت في الشرقيه يعلمني الله لا يهينه

اخوكم / حسين الاحمد

[حسين الاحمد]

يا شاباب اهل الشرقيه ابي افهم

الصيد ها اليومين ظعيف ولا انا يتراوالي ؟؟؟؟

عن جد ها اليومين ما سوه الواحد من يدخل البحر على شان الصيد الا من معه قراقير ولا مواقع ممنوعه وهو مسموح ان يصيد فيها

وتحياتي / اخوكم بو مشعل

[اليارم]

بوعلي ان شالله تكون بخير وعافية جهز الطراد جايينك في شهر 4 والصراحة انك ايودي وشهم ولي الشرف اتعرف عليك وعلى نواخذة الدمام

[حسين الاحمد]

اعيوني لك يا غالي وانا اقول الصيد جاي في ربييييييييييع لانه ربيع شهر الخيرات يا بعدي وكل من يدخل البحر انشاء الله ما يطلع خايب

اخوك حسين الاحمد

[حسين الاحمد]

يا اخوان الحين انا في هذه الايام موقف الطلعات لكن في شهر اربعه بيبدء التاجير

[حسين الاحمد]

مرحبا فيكم ي االربع ووفقكم الله

واخبار ساااره جداً موسم الصيد هاذي ايامه يا غلاااي انت وياه

[salahhakim123]

السلام عليكم اخي الكريم اود ان اشتري قارب طوله من 7 الى 9 امتار مستعمل بحاله جيده الرجاء ولو عدك او تعرف احد الاتصالر بي 0562445455 صلاح ابو خالد وشكرا جزيلا لك

[حسين الاحمد]

والله في واحد اشووف راعيه وارد عليك

[بو لولو]

خوي ابو علي ان شاء الله لنا طلعه قريب في هالقمرة ..
لكن ايش الطعم اللي يفضل نوفرة وكم كيلو .. ؟

[حسين الاحمد]

والله حبييبي ابو لولو الطعم اهو المفضل عندي الخثاق والساردين بس الاكثر الخثاق على شان البحر الي عندنا في الشرقيه اغلبيت الصيد يكون فيه با الخثاق اما با النسبه لعدد الكيالو المطلووبه للطعم على حسب الاشخاص

[رسيس نجد]

بالتوفيق للجميع

[حسين الاحمد]

الله يطولي عمرك رسيس نجد

[muktar]

جزاك الله خير واسال الله ان يرزقك بالزبائن الطيبين مثلك

[حسين الاحمد]

مشكور يا مختار على كلامك الطيب وعلى مرورك يا غالي :)

[حسين الاحمد]

مشكورين جميعاً

[حسين الاحمد]

ابي امسح بعض الردوود الي انا حاطها كيف الي يعرف يعلمني لا هنتو

[حسين الاحمد]

ما احد يتجاوب معانا يا شباب وهذي مشكلة المنتدى

[موهبة]

أخوي حسين
اللي أعرفه إنك تقدر تمسح وتعدل سواءً موضوع أو رد حتى لو مضى عليها كم ساعة. ولكن بعد كم يوم ما أعتقد.
وش رايك تراسل المشرفين لأن عندهم خيارات كثيرة وإن شاء الله ما يقصرون معك.
بالتوفيق يا غالي.

[حسين الاحمد]

مشكور اخوي موهبة ع مروورك وعلى ردك الجميل