الكشاف مرمل هل من حل ؟ [الأرشيف]

مشاهدة النسخة كاملة : الكشاف مرمل هل من حل ؟

rigidman

25/09/2010, 10:09 PM

السلام عليكم ورحمة الله وبركاته

عندي كشافات الجيب اللي في الصدام مرملة وهي من زجاج هل هناك حل لهذا الترميل وجزاكم الله خيرا .؟

ALBDRANE

25/09/2010, 11:33 PM

ولا وأحد رد أبشر بسعدك الحل أما أنك تغيرها وبتلقى شبيه الاصلي بمحلات الزينة

أو أنك تروح لمحلات التلميع المشهوره يلمعونها لك الثنين بحدود 100 ريال

غالي

26/09/2010, 06:05 AM

عندي نفس مشكلتك اخوي

كشافات سيارتي قزاز رحت للتمليع الساطع الي في شارع العروبه شرق عمارة المملكه

وقال الفلبيني ماتتنظف :(

يقول لو انها بلاستيك ماعندك مشكله

لكن بالله عليك اذا لقيت لك حل علمني تكفى على الخاص ولا عليك امر اخاف ماادخل الموضوع هنا وانا بحاجة تنظيفها

شكرا لك

ولد وايل..

26/09/2010, 06:14 AM

لالا لا تغيرها ولا شي وانا اخووك...

ررح محلات (( تلميع الزجاج))

ومحلات تلميع الأنوار

أعرف لك محل بالدمام ((نسيت اسمه بس هو لما تجي على شارع سعوود تلف مع طريق سيهات يسار (( ووجهك شمال) تمشي شوي يصير على يدك اليسار

هذا يجلون لك القزاز جلي قسم بالله يطلع يلق لق

أنت اسأل ولمع بس لالالالالالالا تغيره بتجاري ولا تخسر تغيير قيمه اصلي..

بالتوفيق

alannaby

26/09/2010, 06:35 AM

اعرف محل اسمه الدري ببريدة على طريق الملك فهد هذا تخصصه يشيل الترميل عن طريق التلميع

برج المعيدي

26/09/2010, 06:51 AM

طير المحبه

26/09/2010, 06:58 AM

سو كل شئ الا إنك تبدل الاصلي بالتجاري

كم كيلو باقي

26/09/2010, 07:21 AM

شف وانا اخوك .. أول شيء لازم تلمع الاصطبات

واذا لمعتها مر على شركة ثري إم ولا شركة في كول يركبون لك بلاستيك شفاف فوق الاصطبات بس

ويحميها بإذن الله

طبعا بمحلات الزينة يركبونه لك بعشرين ريال .. بس يحطون تجليد عادي نفس تجاليد كتب المدارس
وممكن مع الشمس يلصق بالاصطبات ويخربها اكثر

rigidman

26/09/2010, 01:33 PM

جزاكم الله خيرا ورحم الله والديكم

اخ غالي ابشر ان عرفت حل بكون عندك خبر

اخوي ولد وايل الله يثيبك ويرحم والديك المحلات كثر في الشارع اللي ذكرته ، بس انت متأكد يلمعون الكشاف ! لاني سمعت محلات تلمع القزاز حق الغمارة مو الانوار . و ان شاء الله ابحث عنه وارد لكم خبر .

اطيب تحية

ولد وايل..

26/09/2010, 04:09 PM

^^^

هلا بك وأنا اخوووك...

متأأكد انهم يلمعووون الكشااافات انا ملمع عندهم كشافات باث فاندر وكانت قزاز ومرممممممله بيضاااء...

ولمعوها صارت مرايه ماشاء الله...أخبر أخذوا حوووول 80 او اقل

abumae

26/09/2010, 04:21 PM

عندك محل اسمة ارمز بالدمام الخضرية والثقبة الصناعية يضبطون الزجاج 100%

ولد وايل..

26/09/2010, 10:28 PM

الله يذكرك الشاهاااده يا أبو مي...

اي بالله ارمز ...

يلمعه لك يطلع وكااااااااااله ..!!

بالرياض فيه محلات بس ما عندي علم دقيق ...

بالتوفيق

rigidman

27/09/2010, 06:31 PM

للاسف الكشاف به كسور كبيرة لايمكن ان ينفع معه التلميع. وجار البحث عن حل .

شكر خاص للاخ ولد وايل وجميع من رد وقرأ

اطيب تحية

اسير الغضا

27/09/2010, 06:42 PM

اكيد لهن حل مافيه شي ماله حل دور واسأل عن تلميع الزجاج ودور بالمواقع الاجنبيه ان كنت تعرف انجليزي

ورح لساكو او اوايكيا عندهم كل شي وخذ المحلول ووده لم حقين التلميع يزبطونه لك

انا منول عندي ددسن قديمه قزاز رحت لمحل زينات بابا هنود وفكفك والدينه وفك الشمعات ونظفه بتايد من منداخل وبرا وحاس شوي بالصوابين وربط الربله مزبوط وماعندك ازين منه

rigidman

27/09/2010, 06:44 PM

اكيد لهن حل مافيه شي ماله حل دور واسأل عن تلميع الزجاج ودور بالمواقع الاجنبيه ان كنت تعرف انجليزي

ورح لساكو او اوايكيا عندهم كل شي

جزاك الله خير اخوي اسير

ان شاء الله لي من اسمي نصيب ماني من النوع اللي ييأس . وجار البحث عن حل .

اطيب تحية

rigidman

29/09/2010, 01:08 PM

السلام عليكم ورحمة الله وبركاته

تم ايجاد حل للزجاج المرمل حيث ان احد الكشافات به كسر لايصلح معه استخدام الصنفرة او التلميع والاخر به شطب بسيط .

ففضلت اصلاح الاثنين في مكان واحد ، قمت بزيارة احد المعارف يعمل لدى مصنع الزامل للزجاج فتم ازالة او بتر واجهة الكشافين وقاموا بتركيب واجهة اخرى ثم تصميغها جيدا والصمغ يتحمل حرارة الاضاءة والجو . والحمدلله على فضله واحسانه .

صورة احد الكشافات قبل القطع

http://www.mekshat.com/pix/upload04/images181/mk149201_20100926048.jpg

بعد تركيب الواجهة الجديدة

http://www.mekshat.com/pix/upload04/images181/mk149201_20100929050.jpg

اشكر لكم جميعا معاونتي بارائكم وتقبلوا خالص التحايا

انتهى بحمد الله

غالي

29/09/2010, 06:05 PM

ماشاء الله تبارك الرحمن

شغل نظيف الله يوفقك ويستر عليك