ابغى اسئلكم يالاجواااد؟؟؟

[المضطر]

السلام عليكم ورحمة الله

ياجماعه الخير الشتاء مقبل علينا انشاءلله وانا من سكان الرياض والسيارة لك عليها""

السوال- ابغى محل قريب وزين:good: نكشت فيها ونطبخ والين اظلم الجو دخلنا الديرة ونا احب الكشتات ومعي البزيرات تكفون افيدوني ياناس :l:l

[جرير]

حياك وبياك
الله يصلح لك الذرية
ان كنت من شمال الرياض مالك الا الثمامه تعد المطار
وتلفت واختار سواء بالليل والا النهار زينه وامينه
ابعد عن الطعوس ومطفقها ... موفق

[ساهر حايل]

الله يصلح ذريتك ياغالي ويفيدونك الاخوان انشاء الله

[سبتان]

لاتقلق من هذا الموضوع . إن كنت من شمال الرياض فالحزوم التي حول المطار أهدأ من الثمامة .
وإن كنت من جنوبه فاخرج مع طريق الحاير واتجه جنوب إلى أن تعدى الحاير وانزل بعدالحاير للوادي . وموفق خير...

[الكونترولCONTROL]

تستطيع السير ( شمال غرب ) إلى مزارع الدرعية و العمارية فهي أصلح للسيارة
من المناطق الرملية التي تضر بالسيارة و تؤدي إلى عطلها و خرابها
وجهة نظر

[العاذر]

وين موقعك علشان نفيدك ان شاء الله

[You Like Me]

وعليكم السلام والرحمه
افادوك الاخوان اذا كنت بشمال الرياض
اما اذا كنت بغرب او جنوب الرياض
المحليه على طريق حفيره نساح او طريق ضرماء لا اعرف بماذا يسمى
لكن اذا اخذت مخرج ضرما قبل التفتيش تجد اماكن على اليمين وعلى اليسار
بس انتبه بعض الاماكن ماتنفع إلآ لسيارات الدفع الرباعي بعضها وليست جميعها
لكن الاجواء هناك رائعه
كلها سواءً المحليه او على طريق ضرماء اماكن هادئة وتجد حولك اغلب المتواجدين عائلات

[المضطر]

وين موقعك علشان نفيدك ان شاء الله
انا موقعي بالرياض البديعه

[صقرحايل]

ماشاءالله تبارك الله
ويفيدونك الشباب

[ابورايف]

عندك شعيب الحاير قريب ورائع للعوائل
الله يصلح لك الذرية
وتقبل مروري

[السلمان2010]

صدقت اخوي ابورايف
وعندك بعد طريق الخرج قبل ماتوصل التفتيش وانت طالع من الرياض على اليمين
موفق خير انشاء الله

[المكحل/ابو]

شف يالحبيب
اكشت شمال المجمعة انت والاولاد الله يخليهم لك بالفياض والشعبان
واذا اقبل الليل ادخل المجمعة خذ شقة تروش بعد الرحلة ثم نم انت والاولاد الله يخليهم لك
واكشت من بكرا بعد ثم قبل الليل لايردك الا الرياض
تحياتي

[عاشق السيل]

مدامك ساكن غرب الرياض أنصحك تنزل لنفود المزاحمية تراها نظيفة بالحيل وفيه أماكن تقدر تدخل بسيارتك وتكون على جال الرمل ،، البزران الله يصلحهم تراهم ما ينبسطون إلا بالرمل !!!

موفق لكل خير أخوي .....

[ملقاط بن جمر]

أفادوك الإخوان والأجواد .. لكن أبدلي بدلوي :

بما إنك من البديعة .. مالي في جنوب الرياض والأماكن اللي هناك ..

لكن بقول لك مكان ممتاز جدا وتطلع السيارة فيه ونفاة ولا إزعاج ولا شيء ابد والسيارة تطلع فيه ولا فيه أي مشكلة .. موتري لومينا

بوابة مرزعة الملك فهد من جنوب .. خلك مباري السور وكنك رايح للمستوصف لين يجيك مفرق يسار رح معه
واختر لك مكان مناسب ..

أرض طيبة .. والإسفلت قريب .. ومكان مناسب للوصف لومعك أحد و مناسب للعوايل .. ولا هنا عزوبية أبد..

موفق للخير أخوي ..

[المضطر]

أفادوك الإخوان والأجواد .. لكن أبدلي بدلوي :



بما إنك من البديعة .. مالي في جنوب الرياض والأماكن اللي هناك ..


لكن بقول لك مكان ممتاز جدا وتطلع السيارة فيه ونفاة ولا إزعاج ولا شيء ابد والسيارة تطلع فيه ولا فيه أي مشكلة .. موتري لومينا


بوابة مرزعة الملك فهد من جنوب .. خلك مباري السور وكنك رايح للمستوصف لين يجيك مفرق يسار رح معه
واختر لك مكان مناسب ..


أرض طيبة .. والإسفلت قريب .. ومكان مناسب للوصف لومعك أحد و مناسب للعوايل .. ولا هنا عزوبية أبد..



موفق للخير أخوي ..

جزاك الله الف خير وجعل والديك في الجنة

[المضطر]

مدامك ساكن غرب الرياض أنصحك تنزل لنفود المزاحمية تراها نظيفة بالحيل وفيه أماكن تقدر تدخل بسيارتك وتكون على جال الرمل ،، البزران الله يصلحهم تراهم ما ينبسطون إلا بالرمل !!!

موفق لكل خير أخوي .....
جزاك الله الف خير وجعل والديك في الجنة

[المضطر]

شف يالحبيب
اكشت شمال المجمعة انت والاولاد الله يخليهم لك بالفياض والشعبان
واذا اقبل الليل ادخل المجمعة خذ شقة تروش بعد الرحلة ثم نم انت والاولاد الله يخليهم لك
واكشت من بكرا بعد ثم قبل الليل لايردك الا الرياض
تحياتي
جزاك الله الف خير وجعل والديك في الجنة

[المضطر]

صدقت اخوي ابورايف

وعندك بعد طريق الخرج قبل ماتوصل التفتيش وانت طالع من الرياض على اليمين

موفق خير انشاء الله

جزاك الله الف خير وجعل والديك في الجنة

[المضطر]

عندك شعيب الحاير قريب ورائع للعوائل
الله يصلح لك الذرية
وتقبل مروري
جزاك الله الف خير وجعل والديك في الجنة

[ابن حرمل]

هلا وغلا اخوي المضطر
فيه شعيب صلبوخ ممتاز وخط سهل ويبعد عن الرياض 45 كيلومتر وشعيب غيانه بعده بخمسه كيلو شجر وسلم وممتاز بس خل معك كل اغراضك وبعدها شعيب حريملاء وكلها على خط واحد
والموقع الاخر شعيب دقله على خط القصيم يجيك كبري دقله على اليسار تدخل شوي تشوف الشعيب قدامك
اتمنالك التوفيق وسعه الصدر وارجو تاخذ معك كل احتياطاتك لسلمتك واولادك واعرف ان الطلعه تمشيه وسعه صدر فلا تتعجل وكن مرتاح البال لتتم فرحتكم
بالتوفيق
:good2:

[المضطر]

هلا وغلا اخوي المضطر

فيه شعيب صلبوخ ممتاز وخط سهل ويبعد عن الرياض 45 كيلومتر وشعيب غيانه بعده بخمسه كيلو شجر وسلم وممتاز بس خل معك كل اغراضك وبعدها شعيب حريملاء وكلها على خط واحد
والموقع الاخر شعيب دقله على خط القصيم يجيك كبري دقله على اليسار تدخل شوي تشوف الشعيب قدامك
اتمنالك التوفيق وسعه الصدر وارجو تاخذ معك كل احتياطاتك لسلمتك واولادك واعرف ان الطلعه تمشيه وسعه صدر فلا تتعجل وكن مرتاح البال لتتم فرحتكم
بالتوفيق

:good2:

جزاك الله خير والله يحرم وجهك عن النار امين

[ابن حرمل]

هلا وغلا
انشالله بنزل اليومين الجايه وصف وكروكي للمكاشيت للمنطقه القريبه من الرياض

[النايف999]

فيه مكان زين وقريب لك ومسفلت

ادخل لبن واتجه الى نادي الرياض وخله على يمناك ووجهك غرب الين ماينتهي الطريق ويجيك اجباري يمين ادخل يمين وفيه نزله انتبه لها وانزل تحت بتلقى شعيب هذا وقت الامطار تلقاه يمشي واذا تبي رح قدام مع الاسفلت الين يجيك يمين ويسار يمين ينزلك تحت للشعيب لكن انا انصحك تروح يسار الين توصل لسد المهديه في اماكن زينه قبل السد تشوف السد من فوق وفيه اماكن زينه تحت بعد السد عالعموم من يوم ماتنزل بتلقى اماكن كثيره وسهله على السياره والاماكن هذي تزين مع الامطار وميزتها قريبه من مكانك

[صقر نجد99]

اخوي المضطر ماشاء الله على الشباب ماقصرو كل ماجيت ابوصفلك مكان لقيتهم واصفينه لك وانت تستاهل

كل خير ونحمد الله ونشكرة .

مايمدي الواحد يطلب طلب او مشورة الا الكل يقدم لة المساعدة والمشورة وهذا من فضل ربي ثم بفضل منتدانا والقائمين علية من مشرفين واعضاء .

تحياتي للجميع

[شعيب النمر]

السلام عليكم ورحمة الله

ياجماعه الخير الشتاء مقبل علينا انشاءلله وانا من سكان الرياض والسيارة لك عليها""

السوال- ابغى محل قريب وزين:good: نكشت فيها ونطبخ والين اظلم الجو دخلنا الديرة ونا احب الكشتات ومعي البزيرات تكفون افيدوني ياناس :l:l


حياك الله اخوي وان شاء لله لاخوان ميقصرون معك ؟؟؟
ياليت توضح لنا مالونته لك باللون الاحمر ماذا يعني لم افهمه؟؟؟؟؟

[المضطر]

حياك الله اخوي وان شاء لله لاخوان ميقصرون معك ؟؟؟


ياليت توضح لنا مالونته لك باللون الاحمر ماذا يعني لم افهمه؟؟؟؟؟

معناة الاولاد(البزارين):good2:

[ابن حرمل]

السلام عليكم ورحمه الله وبركاته
كما وعدتك اخي المضطر هذا رابط لروضه خريم بالوصف
http://www.mekshat.com/vb/img]http://www.mekshat.com/pix/upload04/images183/mk178242_karaym 1.jpg[/IMG]
img]http://www.mekshat.com/pix/upload04/images183/mk178242_karaym 1.jpg (http://www.mekshat.com/vb/img]http://www.mekshat.com/pix/upload04/images183/mk178242_karaym 1.jpg)[/img]

[ولد حربmaged]

افادوك النشاما جزاهم الله خير وعندك شعيب المسعودي في سعد وشعيب الحاير ممتاز الله يسترعليك انت وبزرانك