تلخبطت الاوراق والرحله عائليه وفزعتكم

[نسناس الهبوب]

السلام عليكم ورحمة اللة وبركاتة


إخواني اعضاء المنتدى تحية طيبه وبعد كنت قد عقدت العزم على الذهاب الى اندونيسيا بصحبة احد الاصدقاء لاكن قدر اللة وصارت له ظروف وحلت ام العيال محله وقالت: رجلي على رجلك قلت ابشري وابني عمره 3سنوات بيروح معنا, الحين الوضع تغير والمشكله مابعد حجزت ولاشي
الموعد للرحله الاسبوع القادم بتاريخ 10/26 .....
المده 15 يوم
الميزانيه 15000 شامله كل شي
ارجو المساعده في وضع جدول رحله طبعا جاكرتا يوم واحد يكفي والجبل احبه وكذلك باندونق
ابي خطوط طيران مريحه وسعرها مناسب
شاكرلكم تعبكم معي وجزيتم خيرا

[فزّااع]

تبي الصراحة انصحك بموقع رهيب جدا وراح يحلون مشكلتك بأسرع وقت ممكن

افتح قوقل واكتب هنا اندونيسيا وراسل الشباب المتخصصين وان شاء الله يرتبون اوراقك

[نسناس الهبوب]

تبي الصراحة انصحك بموقع رهيب جدا وراح يحلون مشكلتك بأسرع وقت ممكن

افتح قوقل واكتب هنا اندونيسيا وراسل الشباب المتخصصين وان شاء الله يرتبون اوراقك
على اسمك بيض الله وجهك

[محرين باالخير]

ياخوي اندونيسيا ماتصلح للعوائل وخاصة هالحين موسم امطار عندهم راح تتعب انصحك علي ماليزيا افضل وخاصة سعر التذكره متقارب

[فزّااع]

الله يوفقك ويسهل سفرتك بس الله الله بالتقرير نبي نشوف ابداعك بالتصوير

انت شوف الموقع ونسق معهم وراح تدعي لي

[ksa1ksa]

ماليزيا اشوف انها افضل للعوائل

[جلمود الحره]

الاخ العزيز اللي ناوي اندونيسيا

ادخل على موضوع الاخ منتعش في منتدى الرحلات السياحيه عنده بعض التفاصيل للرحله والله يهنيك وتروح وتجي بالسلامـــــــــــه ِ:good2:

[ابويزيد1]

اندونسيا افضل للعوائل بالنسبة لميزانيتك لانها ارخص في هذا الوقت من السنة ولان ماليزيا اصبحت عملتها معادله للعمله السعودية واذا كنت تبي جدول مرتب هذا ايميلي بعد أذاً الادارة atheer60@hotmail.com (atheer60@hotmail.com) لاني ولله الحمد واصل منها في شهر شعبان هذه السنة وبنسبة للطيران نظام ترانزيت ( الخطوط الامارتية قمه في الخدمة) او خذ .... انت عارف ( دايركت ) بس تحمل بعض ..... او خطوط طيران بتافيا اندونوسية موجودة في السعودية لها مكتب ورخيصة جداً او البسفيك اير لاين خطوط صينية انت وخياراتك ومنه العديد والقطرية افضل الموجود بس حححححححححححححححححححره في الاسعار
وسفره موفقة :good2:

[صقرحايل]

ماشاءالله تبارك الله
والله لو تاخذ نصيحتى وتجلس انت واهلك با الديره
او سافر لم ديره قريبه باالسياره لاسمح الله لو صار شى تقدر تجى او احد يقدر يجيك ياخى انت عائله
والله واحد من اشباب راح لم اندونوسيا هو واهله
قبل رمضان با شهر وصار عليه حادث هناك هو
وبناته والله فك بناته وهو ترقد با المستشفى 15 يوم
والله لو تشوف حالة اهله كيف تمرمطو والله انك ماتسافر ولا تطلع السعوديه شبر ومعك عائله
ونصيحه اخوك الى يبى مصلحتك لاتسافر لم اديار البعيده ونت بكيفك
وتقبل مرورى ونصيحتى لك وشكر

[نسناس الهبوب]

الله يجزاكم خيرجميعا ومشكورين على المرور والله يكتب اللي فيه خير