لأهل الجيوب نبي نلبّس الشنطة وش التلبيس والطريقة الزينة ياليت صور

[ALBDRANE]

http://www.mekshat.com/pix/upload04/images181/mk34504_ssss.jpg


نبي مشاركة وتفاعل من الأعضاء الكرام
الصراحة أبي البّس الشنطة والأبواب الخلفيه تلبيس محترم وقوي يتحمل حطيبات و عفش وكرف مليت من الفرشات والحوسه ولاكن أبي خبرتكم وتجاربكم والي عنده معلومات عن النوعيات والخامات والطريقة والأسعار لا يبخل علينا وياليت لو يكون فيه صور تدعم المشاركة
و أقرب محلات التفصيل لي هي الغرابي في الرياض والسيارة فتك .
بأنتظار أرائكم وتحياتي للجميع

[عين حصنان]

وعليكم السلام و رحمة الله وبركاته

ركب التلبيس الجاهز حق السنيدي

متين قوي و عملي

تقدر تفكه بنفسك و تغسله و تخزنه ... وتركبه في اي وقت

انا اشوف انه افضل من التلبيس الثابت

بارك الله فيك على طرح موضوع مفيد وقابل للنقاش و الاراء

[ALBDRANE]

بتوصل المشاهدات 100 والردود 1 وين الناس على الاقل زيدو مشاركاتكم

للرفع

[abumohammad99]

عندك الجاهزات مثل السنيدي وبرق الحيا..

وعندك تفصيل من الغرابي ,, فصل الشكل اللي تبي وحط المخابي اللي تبي..

[اسير الغضا]

عليك بالتنزاني وانتبه بعضهم يهك عليك يقول تنزاني وهو صيني

له شي يميزه اظن انه اللون اللي بالوجه غير اللي منداخل

وترى مكان استفسارك غلط مكان استفسارك عدد وادوات الرحلات

راعين عرف بالامور ذي واسأل العضو سرهيد

[طحنون]

يالحبيب اسمع شوري
لا تحرم نفسك من متعه اسيات الوكاله
اهم شي تلبس العازل الارضيه ببلاستيك سمك 5 ملي
والاسيات الباقيه خلها زي ماهي استمتع بسيارتك
اذا اتسخت او انعدمت فيه شي اسمه تنظيف وتلميع واذا مافيه فايده نجدها تنجيد على ذوقك ومنها يكون تغيير

لا تصير مثلي لبست الاسيات من القماش التنزاني القوي حتى فقد الراحه ونعومه الاسيات ويوم جيت ابي ابيع السياره
اللي شراها مني استغرب من الاسيات جديده هو تهنا فيها الله يهنيه ونا رحت فيها

ألا اكرفها ووسع صدر

[على رمشي تمشي]

والله شف اذا تبي بس الشنطه فيه محل اسمه اليوسف بشارع الكهرب إلى به مستشفى اليمامه يفصل لك على الكيف وتنزاني جلد ومبطن بسفنج انا ركبته حتى لو ينكب ماء
ماينزل تحت تشوفه يطفح بس تمسحه ويروح وزين وقوي ومتين
اما حق السنيدي مع احترامي الشديد مش حالك على طول يتقطع

[ابوصالح77]

أخوي بالنسبة لتلبيس الشنطة
من واقع تجربة الأفضل إنك تفصل قماش ياباني مثل الراوية
لأن الصيني يتقطع بسرعة وأما التنزاني فيتغير لونه إضافة إنه يمسك الزيوت والدهون

[ALBDRANE]

بيض الله وجيهكم ولا قصرتو وشكلي بروح لمحل اليوسف الصراحه الجاهز مثل حق السنيدي أحسه يستهلك حسب ما سمعت

[You Like Me]

الله يعطيك العافيه
اخوي albdrane على طرحك لهذا الموضوع
بالنسبة لمحل اليوسف لعل اخوي على رمشي تمشي يذكر لنا
التفصيل كم يستغرق من وقت والسعر الله يجزاك خير

[سفاري نجد]

السلام عليكم ورحمة الله

حياكم الله ,,,

انا مع رأي اخوي على رمشي تمشي ,,,

عندي حق اليوسف تفصيل له اكثر من 5 سنوات كرف وزي قماش الروايه اخذته على ما اذكر بـ 160 ريال

يمنع التسرب وثابت اللون ويتحمل الحطب كل سنه اغسله مره وفيه بطانه ان شاء الله بركبه هالاسبوع !

قبل رمضان فكيته من مكانه عشان اغسله وانظفه ,

حق السنيدي شكل وتفصيل زين بس الجوده يمسك الزيوت واثار القدور وعلى كلام يتسرب الماء منه !

[لاتكب البيالة]

السلام عليكم
نصيحتي ان بغيت الشراع اللي يتحمل عليك بالتايلندي بلاستيك قوي جدا ولا ينقطع ولا تفكر ان الماء يسرب
طبعا يكون تايلندي والجزء اللي يكون على المرتبه يكون تنزاني عشان ما يحتر

[ALBDRANE]

الله يعطيك العافيه
اخوي albdrane على طرحك لهذا الموضوع
بالنسبة لمحل اليوسف لعل اخوي على رمشي تمشي يذكر لنا
التفصيل كم يستغرق من وقت والسعر الله يجزاك خير


مكثور الخير يالغالي

سفاري نجد ماعنا وعن محل اليوسف بس الوصف وين مكانه بالضبط

لا تكب البياله نصيحتك على راسي من فوق تحياتي

[عاشق السيل]

سفاري نجد ماعنا وعن محل اليوسف بس الوصف وين مكانه بالضبط




طريق خريص باتجاه الشرق من مخرج 13 وعلى طول امسك الخدمة وتجاوز إشارة هوندا وقبل توصل لإشارة خالد بن الوليد يجيك شارع على يمينك ( الإمام الشافعي ) رح يمين باتجاه الجنوب وبعد 500 متر تقريبا يجيك محل اليوسف على اليمين وإذا جيتهم قل وين عبدالحميد ،، وقله أنا جايك من أبوتركي وماتشوف إلا اللي يرضيك إن شاء الله ....

وصف ثاني : من إشارة حرس الحدود في شارع أحمد بن حنبل اتجه شمال مع شارع الإمام الشافعي ويصير مستشفى اليمامة على يمينك واصل مسيرك وبعد كيلو تقريبا يجيك مديور ( يوتيرن ) ارجع معه باتجاه الجنوب وبعد 100 متر يجيك المحل على يمينك ...

[ALBDRANE]

طريق خريص باتجاه الشرق من مخرج 13 وعلى طول امسك الخدمة وتجاوز إشارة هوندا وقبل توصل لإشارة خالد بن الوليد يجيك شارع على يمينك ( الإمام الشافعي ) رح يمين باتجاه الجنوب وبعد 500 متر تقريبا يجيك محل اليوسف على اليمين وإذا جيتهم قل وين عبدالحميد ،، وقله أنا جايك من أبوتركي وماتشوف إلا اللي يرضيك إن شاء الله ....

وصف ثاني : من إشارة حرس الحدود في شارع أحمد بن حنبل اتجه شمال مع شارع الإمام الشافعي ويصير مستشفى اليمامة على يمينك واصل مسيرك وبعد كيلو تقريبا يجيك مديور ( يوتيرن ) ارجع معه باتجاه الجنوب وبعد 100 متر يجيك المحل على يمينك ...


أقول بيض الله وجهك ....والله يسهل لك كل أمر عسير

[قنااااص]

جزاك الله خير أخوي على طرحك هذا الموضوع الراااائع