أين أجد هذا الجهاز ؟

[عاشق الجبل]

السلام عليكم ورحمة الله وبركاته


قرأت في أحد الصحف المحلية خبر وصول جهاز السيفتي بلس ( المانع للإنقلاب بإذن الله )

لدى ميزان الدرع في مدينة الرياض

وأخوكم يدق سلف ومايرده إلا الموقع

لقيت المسئول هناك وسألته : عندكم جهاز سيفتي بلس ؟

الزول : نعم عندنا وهذا شريط فيديو عن عمل هذا الجهاز ( الجهاز على شكل مساعد طويل )

شفت الشريط حاط فيه راعي كابرس يمشي 140 كيلو في الساعة تقريبآ ويضرب عليه الكفر الأمامي

وكأن شيئآ لم يكن

قلت : يازول هذي ماهي سرعة أبي شي يمسك الموتر على سرعة 200 ماتشوف موتري رفيع من

كفرات البالون ؟

قال : طيب جيب سيارتك على الرافعة

قاموا يتمقلون بسيارتي من تحت ( يبون يشوفون هي ذكر وإلا أنثي ) :)

طبعآ لسان حال الأخ ( غيام ) يقول النيسان أنثي والتايوتا ذكر :)

ما أطول عليكم

قال الزول : سيارتك مافيها قواعد اللي يركب عليها الجهاز

قلت: وش الحل ؟

قال : لازم نعمل لها قواعد .

قلت : طيب بكم ؟

قال : بــ 2400 ريال .

قلت : لا والله ما أشتريها بها السعر لو أنقلب باليوم 3 مرات ( أمزح ) :)

السؤال : هل أحصل هذا الجهاز بالأمارات أو آي دولة ثانية ؟

[البرحه]

السلام عليكم

هههههههه سبحان الله ...... والله نفس الشي صار معي

اول ما شفت الجهاز في الاعلان ما تشوف الا عجتي طاير قلت كانه بميتين ابتهور واركبه

ويوم قالوا سعره قلت اقول لا يكثر !! وبعدين ليش الباترول ماله قواعد اكيد السوداني هذا دكتور موب مكانيكي


واما لقوة الجهاز فميه فالميه موجود في الامارات وتلقاه بربع السعر بعد !!!!!

يا رجال توقع والحافظ الله ومركب بلون وبتمشي متين انت ووجهك هاه خخخخخخخ


والسلام عليكم

[محب الشمال]

ماني متاكد على العموم
فيه اذا ماني غلطان مؤسسه الشاطري في طريق النهضة عندهم هذا الجهاز واعتقد انهم هو الوكيل
بس ماني متاكد من المعلومه
بس الاكيد انه في مؤسسة الشاطري بطريق العروبه بس اني نسبت حق ايش بالظبط لكن والله اعلم انه شي يخص السيارات
والله اعلم اني ماني غلطان
باختصار رح للشاطري في طريق النهضة ودور عليه وشوف ايش الهرجه

[عاشق الجبل]

الأخ البرحه : باين عليك قعيطي أصلي ( تتهور بدفع 200 ريال ) عزالله مافيه آمل تركب تيربو :)


صدقت أخوي محب الشمال

الأن ذكرتني محله اذا مانقل تراه قدام ملاهي الحكير بالربوة من جنوب


الله لايهينك :)

[خطير]

الله يعطيك العافيه
انا اذكر واحد من الشباب مركبه على جمس ايام 95 ركبت معه
وكنا نمشي 170 وانفقع الكفر الامامي ولا صار لنا شي والحمد لله
والظاهر كان يقول ان وكيله بمخرج 14 وشكرا للجميع .

[عاشق الجبل]

تسلم ياخطير :)

[غيّام]

تلقاه زين ماقال محب الشمال وكيلها الشاطري
انا ركبتها على جمس اهلي وهي عمليه لكن اذا ضرب عليك كفر واشتغل المساعد خلاص معد ينفع مره ثانيه لانه استخدام مره وحده بس
لكن الظاهر انها ماتركب على التيتان !!!!

[عاشق الجبل]

هذي والله مشكلة !!!

أستخدام مره وحده بس !!!

هونت لو قالوا بــ 1000 ريال :(

[ماجد الشمري]

اخوي عاشق الجبل ..
مادامك راح تدفع انا عندي لك نصيحة افضل .. سلمك الله ركب كفرات رن فلات واللي تمشي بعد ما يضرب الكفر بعد وهي غالية لكن اتوقع ارخص من انك تركب هذا الجهاز ..






اخوكم ماجد الشمري

[salehhd]

وين ممكن احصلة في الشرقية

[عاشق الجبل]

الأخ : ماجد الشمري

المشكلة أن الكفرات اللي أبيها للجيب تكون رفيعة وحقت بر ( بالون )

[الضاحي]

يا إخواني

الله يحفظنا واياكم من الحوادث والمصائب قولوا آمين :o

الحل عندي وهو رخيييييييص وان شاء الله مضمون :good:

سق بشويش ... بس . ليه العجلة ؟؟ :director: والله انك لو حسبت الفرق في الوقت بين واحد يسوق بسرعة 200 وواحد يسوق بسرعة 140 وكلهم طالعين من الرياض للدمام تلقى الفرق ما يزيد عن نص ساعة أو أقل بعد :confused: . هل فرق مثل هذا يسوى انك تغامر بحياتك وحياة اللي معك واللي في السيارات اللي حولك علشانه؟ حتى لو ساعة أو أكثر والله ما تسوى :no2: . وتلقى الواحد فينا يفجر موتره بالسرعة علشان يوصل ثم اذا وصل تلقاه يتسدح ويتبطح ما عنده شغل :looney: .

يا جماعة اركدوا وترى هالأجهزة مساااااااعدة فقط ولا فيه اي شيء يضمن لك انها بتشتغل في اللحظة اللي تحتاجها فيها أو انها حتى اذا اشتغلت فانها بتنفع وبترد السيارة لا تنقلب :alarm: . هذا مو معناه اني ضدها بس قصدي حتى لو قررتو تركبونها فلا بد من الحذر وعدم الإعتماد عليها فقط .

والله أعلم وسامحونا على الإطالة :type: .

محبكم : الضاحي .

[عاشق الجبل]

والله ياخوي الضاحي كلامك كلام عقل :)

لكن الشكوى على الله ......... نسأل الله أن يهدينا ولا نسرع :)

[salehhd]

يا إخواني

الله يحفظنا واياكم من الحوادث والمصائب قولوا آمين :o

الحل عندي وهو رخيييييييص وان شاء الله مضمون :good:

سق بشويش ... بس . ليه العجلة ؟؟ :director: والله انك لو حسبت الفرق في الوقت بين واحد يسوق بسرعة 200 وواحد يسوق بسرعة 140 وكلهم طالعين من الرياض للدمام تلقى الفرق ما يزيد عن نص ساعة أو أقل بعد :confused: . هل فرق مثل هذا يسوى انك تغامر بحياتك وحياة اللي معك واللي في السيارات اللي حولك علشانه؟ حتى لو ساعة أو أكثر والله ما تسوى :no2: . وتلقى الواحد فينا يفجر موتره بالسرعة علشان يوصل ثم اذا وصل تلقاه يتسدح ويتبطح ما عنده شغل :looney: .

يا جماعة اركدوا وترى هالأجهزة مساااااااعدة فقط ولا فيه اي شيء يضمن لك انها بتشتغل في اللحظة اللي تحتاجها فيها أو انها حتى اذا اشتغلت فانها بتنفع وبترد السيارة لا تنقلب :alarm: . هذا مو معناه اني ضدها بس قصدي حتى لو قررتو تركبونها فلا بد من الحذر وعدم الإعتماد عليها فقط .

والله أعلم وسامحونا على الإطالة :type: .

محبكم : اضاحي .

كلام سليم 100%

والحافظ الله قبل كل شي

[السمح]

وأنا من الناس اللي جرب هالمساعد قبل أكثر من 15 سنة أول ما وصل عند الشاطري .
ركبت واحد على جيمس صالون ، وعلى جيمس ونيت حق البر ... صح غالي ، ولكن يستحق ... ولا تقول لي يا بو منصور لو أنقلب ثلاث مرات باليوم حتى لو إنك تمزح :D .
بتشوف السيارة تغيرت على طول من حيث الدركسون يكون أثقل والسيارة أرسى على الخطوط الطويلة ، أما في البر والهويات والمناورة في الطرد في الصحراء فهو مسكت .. صدقوني .
المهم هو جزء منه يمسك الذراع والجزء الثاني يكون في الشاص أو أي مكان ثابت ... وهو هيدروليك ، وغير صحيح إنه يستخدم مرة واحدة ،،، اللي في الجيمس الوانيت فكيته وركبته على أكثر من سيارتين بعد ذلك وآخرهن على جيب في إكس آر ولكن آخر مرة فكيته لاحظت إنه خفيف وما يضغط فأخذته لعند الشاطري وقالوا خلاص انتهت صلاحيته .. والمشكلة ما يركب على السيارة اللي معي الآن .. وإلا لن أتردد في تركيبه .
لكم تحياتي

[عاشق الجبل]

صدقت أخوي salehhd الله خير حافظ


حياك الله أخوي السمح :)

وشكرآ على ردك وتوجيهاتك والظاهر أني أبركبه إن شاء الله .

[العطة]

السلام عليكم ورحمة الله وبركاته

بعض الجيوب مثل الباترول القديم والشيروكي تجي بمساعد دركسون (نفس فكرة سفتي بلس) ورخيص (اذكر سعر مساعد دركسون الشيروكي اصلي 285 ريال ) ممكن تولف لك واحد على سيارتك اقل من نصف السعر اما القواعد فيه سوداني خبير له ثلاثين سنة في شارع الغرابي يركب قواعد اسم المحل السبيعي

اخوكم بوعبدالاله

[abu rashid]

والله هو ممتاز بس غالي
وحنا مطافيق يبيلنا دسته منه ويالله تلحق
وانت ياعاشق الجبل لازم تركبه لان موترك مرتفع وماشاء الله عليه شكله طياره تفووووووووووووووووووه
ومركب بالون بعد مشكله

اقول خرخش مخباتك وركبه لاتجيب في نفسك العيد
وشكراااااااا