استفسار عن مكان تفصيل توانك بولي ايثلين

[عاشق المزون]

السلام عليكم ورحمة الله اخواني بعد التحية وين احصل محل او مصنع يفصل توانك بلاستيك من مادة البولي ايثلين على حسب الطلب يعني اعطية الابعاد ويفصل في الرياض وشكرا

[اسير الغضا]

مالي علم

انت دور مصانع الخزانات الزامل مثلا لان مادة الولي ثلين نفس خزانات البيوت وكلن عنده الماده يمكن يعجنوه ويخبزه على ماتبي((دعابه

[عاشق المزون]

مشكور اخوي اسير الغضا خزانات الزامل في الرياض ماغيرهم حقين خزانات البيوت ؟ لاني اتصلت على المختار في الخرج وماحصلت عندهم الى جاهز فقط مافية تفصيل !!!! ومشكور جاري الاتصال بهم

[اسير الغضا]

مب شرط الزامل اي شركة خزانات منازل اهم شي الماده بولي اثلين

اظن في ماده ثانيه يقاله فيبر جلاس

[رواق]

حسب علمي مايفصلون لك على كيفك

لازم تكون بكميات تجارية ، يعني انت تصمم لهم الشكل والمقاسات وهم ينفذون نموذج اما بالحديد أو بمعدن آخر .. ويحطونه في المكينة والمكينة تصنع عليه

هذا مجرد توقع

عموما مصانع الزامل لهم فرعين في طريق مخرج تسعة

واحد وانت رايح شرق بعد إشارة السيف يجيك على اليسار

الثاني وانت رايح غرب بعد نفق عثمان بن عفان ادخل الخدمة يجيك على اليمين

[عاشق المزون]

مشكورين ياشباب وفعلا اعتقد انهم يفصلون قالب يعني الظاهر مافيه امل احصل شي حسب الطلب سواء فيبرقلاس او بلاستيك الله يعين على سعر الالمونيوم وبس هههههه

[اسير الغضا]

خل عنك الامنيوم الستلانس ستيل ازين

[عاشق المزون]

هلا اخوي عارف انه مسكت وقد جربتة حدود 5 سنوات ايام الاندكروزر وكنت شارية 1000 ريال حجم 120 لتر وبعتة بـ 800 ريال لان الاستيل ارتفع سعرة وكنت عند مواهب نفس الى فصلي قبل 5 سنوات وقلت كم سعر 320 لتر ستيل قال حدود 4300 ريال هههههههههههه طيب والـ 120 لتر قال 1800 ريال ؟؟؟؟؟؟ قلت سم ابشر سلام عليكم ورحت لم سوافي وقلت هلا سوافي بكم تفصل الالمونيوم 320 لتر قال 1600 ريال شف الفرق وانا مقتنع ان الاستيل افضل بس قلت خل اشوف الفيبرقلاس والبولي ايثلين اثرة المذهوب مهب على كيفك تفصلة مشكلة ؟؟؟؟