هايلكس83هام جدا

[الدفرنسين]

ياشباب شريت هايلكس 83 ودي ارفعه اول شي البودي وثني السست وارفع الواجهيه وش احسن ورشه تسوي لي الشغل هذا.طبعا في القصيم الي يعرف وين اصلحه يدلنا عليه الله لايحرمه الاجر ويفرج له

[هاوي الكشتات9]

والله يابن الحلال أخبر عنيزة يشتغلون شغل بالشغلات ذي أنت وين ساكن؟؟

[الدفرنسين]

يالحبيب انا حول عنيزه

[وش احط اسم]

عندك السيف والتويجري ببريده

[اسير الغضا]

انت منين يابعدي علشان نحاول نفيدك

[اسير الغضا]

ابقولك شي اذا قوست السست لازم تركب مساعدات في اكس ار 97 اظن انه هو اللي يركبونه الشباب لان المساعد الصغير يبي يطق عليك لانك رافعه واثنين من ربعي صارلهم الشي
واشهر واحد يقوس السست بعنيزه السوري اللي عند الدوار بالصناعيه بعنيزه ومايحتاج تعني روحك اقرب ميزان عند بيتكم واحرص انك ماترفعه بالحيل سمعت انه يضر يعني عن مقاس الوكاله ارفع 5 او 6 سم

بالنسبه لترهيم المساعد مااعرف الا السيف ببريده والصمعاني بتشاليح بريده وكلهن ماادلهن اسمع بهن

وبالنسبه لرفع الموتر من قدام نفس الشي الميزان وسهله اظنه مسامير بس واحرص ان الوجهيه تصير نازله عن الخلفيه ب1سم علشان الهوا
يعني مثلا ترفعه 5 سم من ورا و4سم من قدام

اذا كنت شاري الموتر للتطعيس

انصحك بالاتي مراوح كهرب سوبارو المقاس الكبير

صاجه حديد لحماية اسفل السياره

المساعدات قدام اذا ماركبت حدا اللي اقولك ماينفع للتطعيس ولا بريال
مساعدات غاز بلاستين او صكص اهم شي يصير قوي ولاتقرب الزيت لانه يخلي وجه الموتر يلعب وينفقع المساعد

اذا كنت ناوي على مراقي طوا وسيوف ومهابد ومناطط وتبي الموترلا راسيه دبل مساعدات قدام

ولعلمك انا مالي بالشغلات ذي لي ربع راعين هبال واركدو الحين عقب ماكسروا مواترهم

وتدبيل المساعد قدام بعنيزه مااعرف الا وحده
وببريده عندك السيف والصمعاني

اذا كنت تبيه للتحميل التقويس ماينفع لازم جلب بين السست

[الدفرنسين]

جزاكم الله خير صلحت الموتر عند واحد بالرياض يعرف لهن مره والي يبي يسوي مثلي اعلمه من طق طق لسلام وعليكم

[سرطوقا]

لي عوده وتواصل معك اخوي الدفرنسين

[أطلال نجد]

83 إلى الحين يمشي ؟!