للبيع ( ونيت =بكب ) جمس مخززززززززززززززززززن موديل 2006 دبل

[مميز11111]

بسم الله الرحمن الرحيم

السلام عليكم ورحمة الله
(ماشاء الله ماشاء الله ماشاء الله )
((((( الله لايحلل ولايبيح من يبخس السلعة بأي طريقة كانت )))))

(ماشاء الله ماشاء الله ماشاء الله )
للـــبــــيــــع

النوع / جي إم سي

الحجم / 2500HDشاص طويل

واااااااااااااااااااااارد / الجميح


العداد/ 38000 فقط (ثمان و ثلاثون ألف كم فقط قابل للزيادة)

اللون / ابيض


اوتوماتيك
دبل ارضي
نظيف جدا جدا جدا



الصيانة وتغيير الزيوت وفلتر الهواء والزيت كل 3000 كم فقط ( في الوكالة )

خالي ولله الحمد من الرش او الحوادث


الريااااااااااااااااااااااااااض


للمفاهمة والإتصال جوال رقم ( 0506666834 ) ابو رائد


(((((((( اكرر الله لايحلل ولايبيح كل من بخس السلعة بأي طريقة كانت وكذلك من يدخل ويكتب كلام وقصده يصرف الناس عن السلعة ))))))))




واليكم الصور





http://www.mekshat.com/pix/upload04/images161/mk163039_mm1.jpg







http://www.mekshat.com/pix/upload04/images161/mk163039_mm3.jpg

[شخًااااط]

كم سيم اخوي وكم حدك ؟

[مميز11111]

هلا بك شخاط
مالي حد
عطنا سومتك

[مميز11111]

لا إله إلا الله

[مميز11111]

سبحان الله وبحمده سبحان الله العظيم

[احمد الشمال]

ماشاء الله تبارك الله
الله يرزقك البيعة اللي تسرك
تنبيه: الشتاء قرب اذا ماانت محتاج قيمته لاتبيعه ماشاء الله الموتر نظيف جداً
وبالتوفيق ان شاء الله

[الكاشتn97]

الله يرزقك البيعة الطيبة

[راعي عدوان]

ماشاء الله جديد

[سااااااكت]

ماشاء الله نظيف
وجديد
والله يرزقك
بالبيعه الطيبه

[مميز11111]

احمد الشمال الله يرحم والديك ويغفر لك ويرزقك من فضله الواسع

[خلوي]

ياخوي أنت روعتنا ماخليتنا نفكر نسومه, افضل انك اتحده وانا اخوك, واذا السعر مناسب انا شراي أن شاء الله

[الجو ربيع]

((((( الله لايحلل ولايبيح من يبخس السلعة بأي طريقة كانت )))))
... جزالك الله الـــ 1000ــــف خير ...
مابين البايع والشاري يفتح الله

بارك الله فيك
الله يرزقك انشاء الله

[مميز11111]

ياخوي أنت روعتنا ماخليتنا نفكر نسومه, افضل انك اتحده وانا اخوك, واذا السعر مناسب انا شراي أن شاء الله
الاخ خلوي ليه روعتك؟؟
السيارات هذي معروفة اقيامها وانا اخوك سم السلعة بحقها اللي متعارف عليه وتستاهله ولاتبخس السومه وانا اخوك ولا ترتاع ولاشي
وقبل ماتسوم اذا انت فعلا شراي ادخل المعارض وشف اسعارها
بس فيه ناس ماتخاف الله تدخل وتعذرب بشتى انواع العذاريب اللي اصلا ماهيب موجودة في السلعة ويلفون ويدورون بس همهم بخس الناس واذية خلق الله
( بالنسبة للحد مالي حد بارك الله فيك )

[كوتشي]

بعد التحليل والتدقيق فيما حصل خارج المنتدى وبمشاركه من بعض الاعضاء القديرين في هذا المنتدى
تم اكتشاف المشكله
اولاً اخي الكريم صاحب الموتر
لا يجب وضع عبارات او جمل في الموضوع مثل ((((( الله لايحلل ولايبيح من يبخس السلعة بأي طريقة كانت )))))
فقط اعرض الموتر واكتب جمل جميله الله يسلمك
مثل
نبي سوماتكم الطيبه او اي شي مثل كذا
وبالنسبه للاخ شاهي حلو
اخي الكريم اذا ما تعرف قيمه الموتر حاول تراسل الاخ على الخاص او تكتب له في العام
بآنك رغبان في الموتر وتبقاه يحده عليك
او تتفاهم معاه بآنك ما تعرف اسعار الموتر هذا واذا سومتك ب 40 الف قول بعدها اذا عجبتك يالحبيب ولا اعتبرها فتح باب
من غير ولا يكثر لان الكلمه ماهي مضبوطه
وعموماً حصل خير وحنا هنا اخوان
والغلط طبعاً بعد الاخذ بعين الاعتبار كل كلام الاخوان وتدخيل كافه البيانات في جهاز العصبيه والتسبب في خلق الله
تبين ان الغلط يحط على الاثنين
واتمنى منكم كل شخص يعتذر للآخر
والسلام عليكم ورحمة الله وبركاته

[حاضرين]

يااخ
السلام عليكم ورحمه الله وبركاته
الي يعرض سلعته للبيع ويتركها للسوم
صاحب السلعه عارف كم يبي يبيع ولايزعل من السوم
وبين البايع والشاري يفتح الله
وانا اسوم بــــــــــ(55000)
ان جازتلك السومه هذا جوالي 0504355424
وصامل وشراي
والله يرزقنا ويرزقك من واسع فضله

[بن شمروخ]

ماشاء الله تبارك الرحمن

الله يبعد عنك باخسين السلع ....

قبل فترة دقيت على شريطي قريب لي سألته عن موتر قال تبي سعره ولا سعر الشريطية

قلت لاثنين

سعر الشريطية 11

حق الموتر 16 ...
حسبي الله عليهم ....

يا مميز ...

السوم بالمعارض موتر أخو موترك موديل 2006 حق أرامكو ماشي 143 ألف كيلو وفية ضربة بالصدام والبدي

مسيوم بـ 48 ألف

وهذا موديل 2007 والممشى فرق 100 ألف وباسم راعيه وكالة ...سيم بـ 55 ألف

2000 فرق الموديل 5000 ألاف فرق الممشى 3000 نظافة الموتر واستخدام شخصي

أقل شي تسومونه بـ 60 ألف وهذا بعد مو حقه ....

الله يرزقك يالمميز

[astra]

السلام عليكم
بالنسبة لكلامك يا اخ شمروخ ليه ما اتجيب لصاحب الوانيت زبون بالستين اللي تقول.

[أطلال نجد]

ما شاء الله تبارك الله ..

يستاهل الله يرزق البايع والشاري

[مطيعيس]

ماشاء الله تبارك الله

[مطيعيس]

ماشاء الله تبارك الله

[حاضرين]

يااخ بن شمروخ
شغلك هذا شغل شريطيه
والله انا ماني شريطي لاكن سالت واحد صاحب معرض برياض
مثل هذا بس اقل منه بالنضافه وماشي اكثر
قالي من الـــــ45 الي الــــ50 علي حسب شده رغبتك للسياره
وهذي السياره ماشاء الله
نضيفه وعجبتني
والله يقدم مافيه خيرلي ولصاحب السياره

[faisalkhalidi]

والله الموتر من خبرتي فالسوق في عالي الستيانات والي يخبر يوعرف ويقدر النظيف بيعرف قصدي والموتر يكفيك منه ركزته ماشاءالله صقر

الله يرزقك البيعه الي ترضيك وعزالله ان كانه مثل ماقلت انه موتر بيرضي راعيه وابدور لك زبون ان شاء الله