الدعامات الامامية

[اكليل الجبل]

السلا م عليكم

شباب حبيت اسأل عن الدعامات الامامية انا مركبة على جيب باترول مثل دعامات الدوريات بالضبط هل يمنعها الفحص الدوري ولا عادي تكفون قولو لي ابروح لهم بكرة الصباح ان شاء الله .

[الفارس الاسود]

لاعلم لدي

بس نصيحتي فكها وانا اخوك كلها اربع مسامير

وبعد عن الشر وغنيله

[ولد وايل..]

العلم إن الفحص يردها...

أنا اقول فكها أريح لك ...

ما تسوى فكتها ..

الله يوفقك

[ديراب]

انا مجرب طردوني على طول
فكها اصرف
اما الدعامات العادية تجي كامل الوجة عادي ما يقولون شي

تقبل مروري ي الغلا

[راعي الطلعات]

هذولي يبون فلوس فا توقع انه يدورون اي عذر علشان يسقطون الموتر فا فكها عند الورش الي جنب الفحص وافحص عندهم قبل كلش ثم توكل على الله

[عاشق السيل]

أنا مركب دعامة للباترول حقة المواهب ورحت مرتين للفحص وماقالوا شي ،،

وبعدها ركبت دعامة المميز وفحصت الموتر وبرضو ماقالوا شي ،،

طبعا الكلام على الفحص الدوري بالرياض ....

[دايم السيف]

اذا وصلت الفحص اسأل اهل الورش هم اللي يعطونك العلم الأكيد
وتقبل تحياتي

[هبــ حريملاااء ـبوب]

توني فاحص الدقس قبل رمضان وما قالوا شي

[اكليل الجبل]

الله يجمل حالكم على الردود اللي تشفي الصدر


رحت اليوم الصباح من بزوغ الشمس وان مسنتر عندهم واول واحد لدرجة ان الفلبيني حقد علية يقول باقي مابي قسل ايون انا (بامبعد غسل عيونة ) قلت انت عيونك خلقة توحي انك نايم .... المهم بعد الفحص ردوني قالو مافية لازم تشيل الدعامة .. وانا اروح للمدير بعد مارسلني علية موظف الاستقبل رجل في قمة الاخلاق انت ياموظف الاستقبال المهم رحت لمة وشرحت له الوضع قلت لة الدعامة صغيرة ولا تغطي على النور قال دام ماتغطي على النور ابشر ولا يهمك وانا ارجع للفلبيني حقي والله حول الساعة 10 وعيونة زي ماهي تقول نايم ... وعلى طول رشاف توقيع المدير وقام ركب الايستكر ومشينا وعلى المرور وخلصنا ولله الحمد ....