الزير للبيع !!!!!!!! ( جير )

[قنيص غبر]

السلام عليكم ...

والله كلي حرقة وانا اكتب الموضوع ..

ابتدي من وين ولا وش اقوول .. والله ماحدني لبيع الطير الغالي عندي اللا لاسباب خارج عن السيطرة .. الله وفقني واشتريت السنة هذي كم طير .. والزير ماقصر معاي وحبيت اعطيه حقه حق رجال يعرف قدر هذا الطير بما عرف عنه في مواضيع سابقه .. الطير كفا و وفا . صال معي جولات وطولات في المقناص والشاهد الله انه ماقصر معي لا في حباري ولا كراويين ولا ارانب .. وان شاءالله نذكر علوم الطير اللي هي كالتالي

http://www.mekshat.com/pix/upload04/images182/mk78179_dsc_0706.jpg



http://www.mekshat.com/pix/upload04/images182/mk78179_dsc_0054.jpg

http://www.mekshat.com/pix/upload04/images182/mk78179_dsc_0247.jpg




http://www.mekshat.com/pix/upload04/images182/mk78179_dscn0074.jpg




http://www.mekshat.com/pix/upload04/images182/mk78179_img_0199.jpg




ما نوع الطير جير حر . ثري كوارتر
ماعمرالطير ؟؟ : اربع سنين
ما(قياسه او وزنه)؟؟ : 17.5 في 17.5 وزنه 1260
مالمزرعه التي انتجته (للمفرخات والمهجنات) ؟؟ : HERMEN
أين مكان الطير حاليا (المنطقه / المدينه)؟؟: ابوظبي
ماهي الحاله الصحيه للطير؟؟ : سليم ولله الحمد
علوم الطير ؟؟ (للقرانيس البيتيه)
هل صاد الطير الحباري والكروان أو الارنب ؟؟ هدد حتى الاشباع .رصيدة من الحباري الى هاللحظه تعدى ال 80 حبارى وقابل للزيادة في اي لحظة . كراويين صاد معي كم واحد للامانة لاني ما اقنص كراووين . الارانب تعدى ال 50 . صلال وطيور البحر صايد كثير
هل الطير طلاع على الحباري؟؟ نعم
هل الطير راكد على التكايه ؟؟ 70% راكد
هل الطير يمسح على التلواح او يلاعب الشلو(خالي ) ؟؟ تلواح خالي والطير مرشح كبير في جوائز التلواح لكن ما اشتركت فيهن .. يطير تحت
هل توجد في الطيرعيوب (الارتفاع,الكوشه,نقل العلف,الصياح)؟؟
لا يوجد ولله الحمد طبوعه كلها زينه لكن فيه خرمه شوي في منسره
ماهو حدك في الطير أو اخر سومه للطير ؟؟؟ سيم عندي العام على 80 الف ولا بعته لاني ساير مقناص .. وحتى اعطي الطير حقه لاحد يسوم تحت ال عشرين الف ..
ملاحظات اخرى :
مال الحكي داعي . طير حشيم للي يحشم الطير . ويبشر بالعشا ان نقلته طير سبوق شوي عليه, سبق فوق العادي .. الطير للامانه مايرغب كثير في الحمام للعم هديتله كم مره حمام سلم وصاده .. لكن الطير يستصغر الحمام ..
الطير اشرط عليه السبق الفارط . واشرط عليه اذا طلعت على حبارى وطارت يمديلك تشربلك فنجال قهوه وتعدل الغتره لزوم التصوير بعدين, وبعدين اتهد واطمش .. واللي بيشارك في مسابقة التلواح .. الطير سبوق سبق غير عادي في التلواح .
في الاخير يا اخوان الطير غالي عندي واتمنى من اللي الله بيوفقه في الطير التوفيق .. السووم في المنتدى او عن طريق الايميل .. والطير في ابوظبي جاهز بس مايندعى الان . واذا كان الشراي في السعوديه او قطر بنحاول في التوصيل ...
(( اسمحلي يالزير :( ))
اي استفسار او معلومة انا حاضر .. ونسمع من الوجيه الطيبه

[قنيص غير]

الله يرزقك من واسع فضله

[عبدالرحمن السالم]

ماشاء الله تبارك الله ، الطير معروف ومزيون
الله يرزقك بالزبون الصامل ويوفقك يارب

[بدر المغيري]

الله يرزقك البيعه الطيبه

[راعي فتان]

طير فخم فل أوبشنز


على كلامك اللي يشتريه ما يحتاج شوزن

ما شاء الله تبارك الله

عسى الله يسهلك أمرك ويرزقك بالقيمه اللي تنسيك الزير

[@قرناص@]

وعليكم السلام ورحمة الله وبركاته ,, طير غني عن التعريف ......

الله يعوضك بآلي أطيب منه .. وتلقى الزبون الصآمل ألي يعطي طيرك حقه ,

[أبوإبراهيم1]

وعليكم السلام ورحمة الله وبركاته
تحية طيبة لك وللزملاء والاصدقاء في منتدى مكشات .
قنيص غير لااعرف احد يدخل الطير إلى السعودية ان تم البيع ولاكن
افتح باب السوم لطير 25000ريال خمسة وعشرون الف ريال

[صقار مبتدئ]

لالالالا الا الزير لا تفرط فيه نصيحة لوجه الله
ترى الخوي ينشرى بالذهب وهذا الطير مثل خويك الله يا مواضيع امتعنا بها الزير تبغى تحرم نفسك و تحرمنا انت حر

[skeet]

الله يرزقك

[قنيص غبر]

ابو ابراهيم سومتن طيبة من رجال طيب .. ونطلب الزود من عند اللحا الغانمة الطير يستاهل اكثر ..

[رمثان155]

الله يرزك البيعه الطيبه ....

[قنيص غبر]

صقار مبتدئ .. لا تزيدها تراها واصله عندي :) .. بس ان شاءالله اللي جابه يجيب غيره واريدة ياخذ فرصه ويكون لاعب محترف خارج البلاد خخخخ ..

[رفحاوي 999]

الله يرزقك

[أبو أمين]

مدري انت وش جاك لان الموضوع هذا خارج عن المألوف لكن الظروف تحدك على شئ ما تبغيه

الزير علي ب 26000 الف والتوصيل ما نختلف ان شاء الله

[الحمش1]

افـا اي والله افـا
وقـهههر خـله عندك طيب
لاتبيعه يمـكن الله يفرجها
بـع الطيور الي عندك وخـل
الـزير والله انه متعنا بصور هدد
وفيدويـو هدد وصراحـه مايـنتفرطـبه

[جير دبي]

السلام عليكم ورحمه الله وبركاته
اخوي قنيص غبر
الصراحه طير ماعليه كلام حرام ينباع ...
والله يرزقك ومعاوض خير
اخوك جير

[قنيص غبر]

ابو امين سومة طيبة ان شاءالله .. وصدقت غير عن المالوف .. بس اللا الشديد القوي .. اعرف اني اذا في شي بياخذ مكان الزير بيكون كفو .. ...

الحمش الله لا يوريك قهرر .. بس الخيل من خيالها . والطير من صقاره ابشرك بالعلوم الطيبة

[ذيب البر]

الطير علي ب 27000 كان الله كاتبه

[عسااااف]

الله يرزقك بالزبون الصامل اللي يعطيه حقه وزياده والله يعوضك باللي اطيب منه

[قنيص غبر]

ذيب البر سومة طيبة .. والله يكتب اللي فيه الخير ..

عساااااف .. اللهم اميين ..

[دكواااان]

تدور السنين والزير بقلبك وفكرك دار... واليوم يوم المدار للزير

ربي يرزقك من واسع فضله أن شاءالله ويرزق الشاري ويصون الزير من غلا راعيه قنيص غير..

بالتوفيق للجميع

[طريبيل]

السلام عليكم ورحمة الله وبركاته



اخوي الغالي قنيص غبــــــر



مساك الله بالخير انت والموجودين كلن باسمـــه



بصراحة ياخوي انا من المتابعين لهذا المنتدى الطيب منذ اكثر من 5 سنوات


وماشفت فيه الا اللحوات الغانمة شروى الموجودين



وبصراحة استمتعت بمواضيع وببطولات الزيــــر الله لايضره



وانا اعلنها لك وقداام الموجودين اذا بيعت الطيــــر هذي عشااان الحااجــــه .. ابشر بعزك وانا اخوووك اللي تبيــــه موجود طال عمرك ومابينا فرق ابد



واطلب القيمة اللي تبيها فالطيـــــر واعتبرها وصلت لك والطيــــــر خلــــه عندك واعتبره طيري وطيرك والحلال واااحد



اسمحلي طال عمرك .. ترى والله ماكتبت هالكلام الا لاني اعرف قيمة الطيـــر الغالي عند راااعية



ويعلم الله اني حاااس فيك وانت تكتب هالكلام عن الطيـــــــــر



وعسى الله يوفقك ويتبارك المبروك عندك او عند الرجال اللي يستاهله



اخوك طريبيل

[خلوي]

قنيص الله يمسيك بالخير, بخصوص طلع الطير هل يطلع على غير الحبارى؟ وهل يعرف الطياره؟ ونسوم اب 28 والله يكتب الي فيه خير وخيره

[النـادر]

اخوي قنيص لاتزعل لكنها والله عفوية عقب العشره والفله تكون النهايه كذاااا



دار الزمن واستدرك الوقت طيّب=وحول على راس النشاما بفلقه
يالزير حظك فالليالي مخيب=يالعنبو حظٍ تواليه علقه
من عقب مانته بالخظيرا تغيب=اليوم تعرض جبت بالنفس غلقه
وكلٍ يسومك من بعيد وقريب=مالك ثمن واليوم قيمتك شلقه
حتى على راعيك ماعدت هيب=غره جديد الريش مع زين خلقه

[ملاعب الريح]

اخوي قنيص لاتزعل لكنها والله عفوية عقب العشره والفله تكون النهايه كذاااا



دار الزمن واستدرك الوقت طيّب=وحول على راس النشاما بفلقه
يالزير حظك فالليالي مخيب=يالعنبو حظٍ تواليه علقه
من عقب مانته بالخظيرا تغيب=اليوم تعرض جبت بالنفس غلقه
وكلٍ يسومك من بعيد وقريب=مالك ثمن واليوم قيمتك شلقه
حتى على راعيك ماعدت هيب=غره جديد الريش مع زين خلقه

قصيده معبره صح لسانك والله يكتب اللي فيه الخير للشاري والبايع

ملاعب الريح

[العاتق]

لله يرزقك من واسع فضله و بالبيعه اللي تسر خاطرك وتفرج همك...

[سيف بن سالم]

عز الله انه طير يستاهل السومه الطيبه
و المقناص اللي يفرّج الخاطر


ان بعته . .ربي يرزقك بسومةٍ ترضي خاطرك و بطير ٍ مثله وابرك منه

و بالتوفيق

[$ تساهيل$]

الله يرزقك من واسع فضله

[النجم السماوي]

موفق ياقنيص لكل خير .............. لكن
.
.
.

الزير ياهل الزير لا ترخصونه = هيهات من (وقت ٍ مضا فات) هيهات
اليوم قمتوا للملا تذكرونه = والعام له صوله وجوله وغارات
وش صار فيكم يومكم تعرضونه = لو كان به غيره طيور ٍ كثيرات
ماهوب عاذركم ولو تعذرونه = طير ٍ مجملكم بكل المهدات
نمونة ٍ ماجاها بعدها نمونه = يطلع ويلحق كل فايت ليا فات

[google-999-]

^^ صح السانك
والله يرزقك قنيص غبر يالغالي ويفرجها
بوجييه المسلمين جميع

[قناص001]

الله يرزقك البيعه الطيبه



انصحك داام الطير علومه طيبه لا تفرط فيه


بالبركه للبايع والشاري

[ALAMIR]

ضاق صدري بسبب بيعه الزير


وعز الله اني استمتعت ببطولات الزير ومغامراته


:) ادري انه غاااالي ولكن خله موجود :dبالاحتياااط :)


على العموم الله يبااااارك للبايع والشاري

[ياس البوادي]

السلام عليكم يوم الطير غالي عندك شو اللي حدك تبيعة اذا هي ازمة ماليه فالك طيب اخوك يـــــــاس البوادي

[مشعل المشعلي]

السلام عليكم يوم الطير غالي عندك شو اللي حدك تبيعة اذا هي ازمة ماليه فالك طيب اخوك يـــــــاس البوادي


انا اشهد إنك كفو ياس البوادي واذا الطير غالي عليك


ماجمعنا مكشات الا اننا انصير مثل الاخوآن والي يضيمك يضيمنا


اخوك مشعل المشعلي

[عزوتي وايل]

هلابك ياقنيص غبر وش هالبيعه الله يعافيك هذا الزير وانا اخوك....!!

يمكن طيورك الجديده ماتفلح فالصيد وعقب تقوم تقصد وينك يالزير ولكن لاحياه لمن تنادي

الزير ماينباع حتى وانا اشوف كلامك وانت تعرضه كنك متردد فالبيع...!!

وهذي موجهه من الزير يقولك ( انا خويك بالليالي المعاسير%والا الرخا كل (ن) يسد بمكاني)

[قنيص غبر]

يا جماعة الخير .. مشكورين عالردود والله يبيض وجيهكم ...
الدعوة ترى مش فلوس ولا حاجة مادية ولله الحمد الخير عندنا وعندكم ان شاءالله .. وانا يا جماعة والله يوم عرضت الزير للبيع ترا ما عرضته اللا في مكشات . وناس كثيره في خاطرهم الطير . بس حبيت يروح الناس كفو راعيين مقناص مثلكم وشرواكم . وقلت يمكن حد من الاخوان يدور طير طيب قانص وهذا شي حصري لمكشات .. وانا واعوذ من كلمة انا ان شاءالله ان نقلت طير اعرفوا يا جماعة بنقل شي كفو مش ادنى عن الزير , وبتشفون كل شي يسركم ..

[صقار الصخيبري]

طيرن زين الله يبارك لشارى والبايع 000

[وقاااااد]

قنيص غبر وشلونك وشلون المزروعي ابو محمد
وش جاك على الزير
انا متقاعد من الصقاره العام ولا والله ماخليه يروح
واعطيه حقه وزود
موفقين خير

[صاحب نوماس]

ماشاء الله

طير طيب

عسى الله يرزقك الصامل

[محمد النعيمي]

موفق خير انشاء الله

[نصار الظفيري]

ماشالله الله يرزقك من واسع فضله

[أخو عيد]

السلام عليكم
والله يرزقك من واسع فضله

[ريش النعام]

السلام عليكم ورحمة الله وبركاته

عسى الله يبارك لك في الطير وعلي 30,000 الف ريال بشرط سلامه الطير
والله يكتب اللي فيه خير 0540428258 ابو عمر

[قنيص غبر]

السلام عليكم ...

بيض الله وجيهكم كل من سام الطير او ابدا اعتراضه في البيعة .. وبعد مشاورات قرر عدم البيع والله يرزقكم .. ارجوا اغلاق الموضوع

[يعنني قوي]

الله يرزقك ~