كفرات اللكزس 2010

[مرووووق]

ياجماعه السلام عليكم

عندي واحد من الربع شرى جيب لكزس 2010 ووده يغير الكفرات بسبب قوه ضرب المطاب علما انها من نوع دانلوب مقاس الجنط 20 والهواء بالكفر 30 يسئلني اي نوع كفرات اركب فبماذا تنصحون ياهل الخبره

[fahad86]

المشكله من الجنوط كل ماكبر الجنط صار مطبه اقسي الموتر

[مرووووق]

والله هذا نفس كلامي له بس يقول ان نصحوه شباب بكفرات ميشلان يقولون اللين

[أبو عابد2000]

إذا هو يبي اللين خله ياخذ فالكن ( FalKeN ) ياباني ممتاز ولا بعد ضد الحرارة :)

[أبو أسامة]

يا أخي الكريم المشكله من مقاس الجنط أنا معي الباترول الجديد 2010 جنط عشرين الموتر وش حلاته لكن المشكله بالجنط وحاولت أغير نوع كفره البردجستون وفكيت ميشلان من موتر خويي راعي أرمادا 2010 جنط عشرين طلع أحسن من البردجستون اللي راكب عليه بشيء بسيط ما يستاهل أغيره حالياً بعدين نصحوني أصحاب المحلات بالدانلوب لكن من تجربتك بانت بعدين قلت أركب جنط أصغر لكن ماودي يشوه المنظر العام للسياره

[مرووووق]

شكرا للاخوان اخي ابو اسامه يعطيك العافيه وكيف البطل معاك ترى معي فتك 2008 وبغيت اشري بطل الدروب ونصحوني اخواني بان انتظر شوي لين يبان وشو من لحيه رايك يهمني بحكم تجربتك للسياره وانا شفت تصفيحته من تحت وماادري السياره بالعقوم كيف ماتعلق

[راعي السلقه]

السلام عليكم ورحمه الله وبركاته

بالنسبه للاخوان للي كفراتهم قاسيه .. يفضل تحط بالكفر 40 لمده يومين او ثلاثه بعدين نسم الكفر

لـ15 مده يومين او ثلاثه بعدين عبه مره ثانيه لـ40 واجلس نفس المده بعدين 15 واجلس بعد نفس المده

الحين تكون مرنت اسيام الكفر بشكل كبير وبقى الهواء الافضل انك تحط فيه 25 بس مايكون هواء

الافضل تستخدم نيتروجين وهذا تلقاه عند محلات الكفرات الكبيره والمشهوره .. اذا كنت راعي تحميل او خطوط او تتعدى سرعه ميه

دائما حط بالكفر 30 .. قيمه النيتروجين هي 10 ريال لكل كفر تقريبا ..

البيرجستون و الميشلان اقسى انواع الكفرات اما الدونلوب يعتبر من الكفرات المتوسطه .. الين الكفرات هو الهانكوك والشاهين

لكن بشكل عام ..اي كفر يحتاج تمرين بعد ذلك يكون مريح

---------

قاعده عامه .. كل مانقصت الهاوء بالكفر كل ماكان اقصر بعمر الكفر واطول بعمر السياره من التفكك وانت بالخيار

بين السياره والكفر ..

------

ملاحظه اخيره اثناء فتره التمرين لازم ماتتعدى سرعه ستين تقريبا .. لانه اذا كان مليان ومسرع بتفكك السياره واذا كان منسم ومسرع بتخرب الكفر

والمشكله ان الكفر كل ماصار اسيامه كثيره زي البيرجستون والمشلان صار عمره اطول اذا كان مليان اما اذا كان لين يبدأ بالتشقق لان الاسيام ماتتحمل

وزن السياره وهي منصفطه .. لكن بعد التمرين الجيد والدقيق بإذن الله يكون الكفر لين ومريح وعمره اطول...