برمجه مفتاح الفتك

[مرووووق]

ياشباب طاحت البطاريه وغيرتها و برمجه المفتاح خربت فيه طريقه ابرمجه علما اني شاريه من الجبر والان اقرب وكاله الحمراني 300كم يبرمجونه ولا ايش الحل د
اخوكم

[راعي السلقه]

اذا كنت قريب من عنيزه رح لمحل الوهابي .. بعض الوكالات تبرمج عنده!!

[N-xterra]

أكثر محلات المفاتيح يبرمجون اليوم ، وبالعادة البطارية لي طاحت ماتخرب برمجة المفتاح تأكد من البطارية جرب تحط بطارية أخرى غير الجديدة اللي أنت ركبت لأن الفتك لو كان انبرها أقل من شد البلد مايشتغل

تحياتي

[«نجم الخير»]

السلام عليكم اخواني ور حمة الله وبركاته

الصراحة نقل الخبرات والمعلومات من شخص لاخر هذا من باب عدم كتمان العلم اللي حذرنا منه الرسول صلى الله عليه وسلم .
من هالمنطلق انا لقيت لقكم طريقة لبرمجة ريموت الباترول واللي جابها واحد اسمه ( فتك جدة )

وحبيت اشاركم بمعلومة بسيطة عن طريقة برمجة ريموت الباترول
وانا جربت الطريقة على موتري سوبر سفاري 2005 واعتقد الموديلات الجديدة مافيها مشكلةبس ماقد جربتها على موديلات اقدم وهذا للمعلومية

انا تعطلت البطارية في موتري وغيرتها بس بعد ماغيرتها الريموت ماعاد اشتغل
رحت وكالة الحمراني(فرع المحجر) بجدة وقالي مهندس الاستقبال والله جهاز البرمجة خربان راجعنا بعد اسبوع
قلتله كم تبرمجونه قال 150 ريال
المهم قلبي مو مرتاح منه قلت خلني اروح للفرع الرئيسي طريق المدينة
وبالصدفه طلعت اعرف مهندس الاستقبال وبعدالسلام و كيف الحال ولازم تعشا عندنا
قلتله السالفه كامله
وهنا وقعت المفاجأة قال بلا جهاز برمجة بلا هم اللي رحتله ماعنده سالفه قلت طيب كيف موظفينه قال هي وقفت على هذا بس
المهم قال جب الموتر بس وسوا العمليه قدامي ما اخذت خمس دقايق
وخلاني اسويها انا بعد وهو معي لين ضبطت

والطريقة سهله بس يبيلها انتباه وخفة يد

بسم الله نبدأ :
1- افتح باب الموتر واركب (لاتقفل الباب)
2-حط المفتاح محل التشغيل وخله على off
3- والباب مفتوح قفل (السنتر لوك) وافتحه
4-صك الباب وقفل (السنترلوك) وافتحه
5-نروح للمفتاح ونحطه على on (من دون تشغيل السيارة) وبعدين نرجعه off نكرر العملية 6 مرات (نحطه على off في الآخير)
6-راح يأشرالفلشر مرتين
7-هنا انتبه والرموت مكانه) اضغط على زر الفتح في الرموت (وخلك ضاغط عليه لاتفكه) وبيدك الثانية اضغط على زر القفل في الرموت ثلاث مرات (وانت معلق على زر الفتح) مع المرة االثالثة فك الازراز (الفتح والقفل) في نفس الوقت واللحظة
8-راح يأشر الفلشر مرتين
9-الان شغل السيارة
10- راح يأشر الفلشر ايضا وهذا يدل على انتهاء العملية
11-طف الموتر وجرب الرموت وافتح وقفل على كيفك

كل الشكر لاخونا فتك جدة

[قناص الطايف]

بسم الله الرحمن الرحيم


مليوم شكر لصاحب الموضوع ولا توفيه جربت الان على مفتاح
جديد وفعلا التطبيق شغل الموتر وقفل وفتح .....بيض الله وجهك
اخي الكريم والشكر موصول لمنتدانا الغالي على حفض الموضوع والرجوع اليه .


والسلام عليكم

[نواف685]

رحم الله والدينا ووالديكم هذي المواضيع اللي تفيد
ارشح تثبيت الموضوع

[الصخري]

بيض الله وجهك
ارجو تثبيت الموضوع