ماهو الحل مع الكسالى والطفيليين في البر؟؟

[حب البر]

السلام عليكم ورحمة الله وبركاته ..
في الفترة القادمة يبدا موسم الرحلات البرية والكشتات وشبة النار وعلوم الرجال والوناسة ووو الخ ولكن كثيرا مايعاني مرتادي البر واهل الرحلات عموما من بعض اعضاء الرحلة من الكسالى ( العجازين ) اوالطفيليين الذين يحضرون الرحلة بدون ( قطه ) اضف الى ذلك انهم كسولين ..يعني جمعوا بين التطفل والكسل .
الكثير منا قد يجامل هذه الفئه من الناس والقليل منا يصارحهم بالحقيقه ويعتب عليهم .
ولكن ماهو الحل ؟ خصوصا اذا كانوا اصدقاء قدامى ولا يخلون من الطرافه وروح النكته !! يعني احراج .
اتمنى ان يدلي الجميع بدلوه في هذا الموضوع بكل صراحة ووضوح.

[ABU SALEM]

عندي لك سالفه
كان فيه واحد نوى الحج واتفق له مع تاس انه يخاويهم ويوم جاء يمشي راح لابوه يسلم عليه ويتوادع منه
ويخذ منه نصيحه تفيده قال له ابوه (يا ولدي اذا شفت الرجاجيل رافعين اذانيهم نزل اذانيك وخلك في حالك ولما نزلوا اذانيهم فارفع اذانيك واشتغل عنهم)
مشوا الرجاجيل وكل ما جاوا ينزلون العزبه والا فراش والا شي شل فراشه الي يخصه ونزله وهم يطبخون ويشتغلون وعلى ذا الحال ومن اول الطريق طويل اول يوم وثاي يوم وثالث يوم تضايقوا منه والي يقول ما فيه خير والي يتعذر عليه والي يقول ليه تجيبونه امحق خوي وهو ساكت على وصات الشايب لين مل كلهم من الثاني والرجال ما على باله صارواكلهم تعبانين من الشغل وجلسوا ويقوم الرجال ويرفع اذانيه وهو الي يجلس ويقوم لهم في العزبه وهو ساكت ما يقول سو والا جيبوا والا خلص الملح والا والا السكر ما غير يشتغل وهو ساكت ويرجعون من الحج وهم ذا الحال لين وصلوه في بيتهم ويوم نزل كلهم سلموا عليه وطلبوه انهم اذا هم بيحجون السنه الجايه انه يخاويهم.
من شوري خل عندك صبر على اخوياك واذا هم كفوا ما عليك من عذاريبهم الثانيه الي ما تنزل من قيمتهم زي الكذب والا العيب والا الامور الرديه الي تنزل من قيمة الرجال وباقي الامور بسيطه

[اسهيل]

عندي لك سالفه
كان فيه واحد نوى الحج واتفق له مع تاس انه يخاويهم ويوم جاء يمشي راح لابوه يسلم عليه ويتوادع منه
ويخذ منه نصيحه تفيده قال له ابوه (يا ولدي اذا شفت الرجاجيل رافعين اذانيهم نزل اذانيك وخلك في حالك ولما نزلوا اذانيهم فارفع اذانيك واشتغل عنهم)
مشوا الرجاجيل وكل ما جاوا ينزلون العزبه والا فراش والا شي شل فراشه الي يخصه ونزله وهم يطبخون ويشتغلون وعلى ذا الحال ومن اول الطريق طويل اول يوم وثاي يوم وثالث يوم تضايقوا منه والي يقول ما فيه خير والي يتعذر عليه والي يقول ليه تجيبونه امحق خوي وهو ساكت على وصات الشايب لين مل كلهم من الثاني والرجال ما على باله صارواكلهم تعبانين من الشغل وجلسوا ويقوم الرجال ويرفع اذانيه وهو الي يجلس ويقوم لهم في العزبه وهو ساكت ما يقول سو والا جيبوا والا خلص الملح والا والا السكر ما غير يشتغل وهو ساكت ويرجعون من الحج وهم ذا الحال لين وصلوه في بيتهم ويوم نزل كلهم سلموا عليه وطلبوه انهم اذا هم بيحجون السنه الجايه انه يخاويهم.
من شوري خل عندك صبر على اخوياك واذا هم كفوا ما عليك من عذاريبهم الثانيه الي ما تنزل من قيمتهم زي الكذب والا العيب والا الامور الرديه الي تنزل من قيمة الرجال وباقي الامور بسيطه
والله نك صادق اذا كان خوياك اذا هم كفو ماعليك من غذاريبهم والله اني لقوم وخدم خويي لو كان اعجز واحد بس يكفني مرجلته ووقفاته معك وعجز مهب عيب فيه ناس ماهب راعين كشته بس واذا كشت جلس رجال مالي ثوبه وينفعك في امور ثانيه

[العميد ابواروى]

وعليكم السلام
اقسمهم قسمين
الاول الي لا يهش ولا ينش يعني لا سواليف ولا فلة حجاج
هذا خل اطعامك له صدقه وقل اللهم اجعل ثوابه لأبي وامي
والثاني الي المهرج الي يضحك ويدخل السرور على افراد الكشته
فهذا خلها اجرته وحق اتعابه
بكذا تريح حالك
سلام يالحبيب

[N A S E R]

+السلام عليكم ورحمة الله

في البداية تعجبت من موضوعك
لأن الخوه في الطرقه والمكاشيت محد يشكي من خويه
حتى لو بدا من خويك قصور تصبر عليه وهذا حقه عليك ،،
وحقيقه إستغربت أن أحد يشكي من خوة ربعه وعلى الملأ !

بعدما قرأت مشاركات abu salem و اسهيل و العميد ابواروى
قلت أن موضوعك سيعود بفائده على القراء في ظل هذه المشاركات
العاقله والتوجيه السليم

بارك الله فيك وفيهم

،،

[عبدالله الجري]

وعليكم السلام
اقسمهم قسمين
الاول الي لا يهش ولا ينش يعني لا سواليف ولا فلة حجاج
هذا خل اطعامك له صدقه وقل اللهم اجعل ثوابه لأبي وامي
والثاني الي المهرج الي يضحك ويدخل السرور على افراد الكشته
فهذا خلها اجرته وحق اتعابه
بكذا تريح حالك
سلام يالحبيب


حكم يابو أروى
درر .. درر ... أجل أتعابه
هههه
مت من الضحك
تذكرت ربعي

تصدق إن نصف ربعي مايعرف يزين القهوه . وإذا زين الشاهي سولف بها شهر
هههههه
ولي معهم أكثر من عشرين سنه كل درب نضربه سوى

......
ماعليك أخي الحبيب منهم أهم شئ تطرب نفسك وتعزها ، ولا صار مافيهم الرديه ، يكفيك نصفهم بباقي الواجب
الناس أشكال وأنواع وأبيض وأسود وطويل وقصير وفي النهاية يكملون بعض

[Makaveli]

السلام عليكم ورحمة الله وبركاته ..
في الفترة القادمة يبدا موسم الرحلات البرية والكشتات وشبة النار وعلوم الرجال والوناسة ووو الخ ولكن كثيرا مايعاني مرتادي البر واهل الرحلات عموما من بعض اعضاء الرحلة من الكسالى ( العجازين ) اوالطفيليين الذين يحضرون الرحلة بدون ( قطه ) اضف الى ذلك انهم كسولين ..يعني جمعوا بين التطفل والكسل .
الكثير منا قد يجامل هذه الفئه من الناس والقليل منا يصارحهم بالحقيقه ويعتب عليهم .
ولكن ماهو الحل ؟ خصوصا اذا كانوا اصدقاء قدامى ولا يخلون من الطرافه وروح النكته !! يعني احراج .
اتمنى ان يدلي الجميع بدلوه في هذا الموضوع بكل صراحة ووضوح.

والله الحل خلي قلبك جامد وأرميها على بلاطة , لأنهم لو خططوا بطلعة راح تتفاجأ أنهم يتشرطون من بداية الطلعة !!!
مافيها زعل أطلع القطة من عين أهلي قبل الغريب إلا الوالدين أقصد

إن لم تكن زاحفاً أكلتك الزواحفُ

[غيث الحيا]

شف من واقع تجربة أفضل الحلول توزيع المهام والمسؤوليات من بداية الرحلة ومن لحظة الوصول
....
فمثلا الخيمة على فلان وفلان والطبخ على فلان والقهوة والشاهي على فلان وغسيل مواعين غداء الخميس على فلان وهكذا
حتى تتم جميع الأعمال وكل واحد يعرف شغله والمطلوب منه وبالطريقة هذي تقطع الطريق على الكسالى والاتكاليين ويرتفع الحرج وكل واحد يعرف شغله والمطلوب منه ولو ذكروه خوياه مايصير بنفسه شيء لأن الاتفاق منذ البداية.
(واللي أوله شرط آخره نور) :) .. تحياتي

[حب لاينتهي]

انا اقول يومرون واحد من البدايه

ويقسم الشغل بينهم بالتساوي وكلن يرتاح

والي مهوب عاجبه لايروح

مشكور على الموضوع

[هويدي]

العجاز ازين مابه ينقي الرز على قولتهم ينفع وهو قاعد :)

اللي بيشتغل الله يقويه واللي مب مشتغل الله يهديه

اهم شي الوناسه .. مش ماله داعي تخرب وناسك ووناست اخوياك علشان فلان سوى وعلان ماسوى

[jma]

بصراحة هناك فيه ناس لما يطلع معك كشتة يبط قلبك وخصوصاً اذا كان دافع في القطة تلاقيه يفكر انه داخل فندق
وبقية الي معه خدم لابو الي جابه
انا اقول لا و الف لا احنا طالعين نكشت وننبسط مع البعض والجميع متساوين
اذكر لك احدى الحوادث الي مرت علي كنا طالعين برحة صيد لمدة يومين وكنت انا مع احد الاخوان الي نصيد والحمد لله توفقنا وكان الصيد كثير
المهم قررنا نمرح في مكان ونجهز العشاء ونسمر طول الليل
لما وصلنا المكان المقصود ونزلنا العفش اشوف الجماعة نزلوا البالوت والي نزل التلفزيون وقعدوا يلعبون ويتابعون التلفزيون(كشتة خكارنه تلفزيون وبالوت) ولما طلبنا منهم يساعدونا في تنظيف الصيد كل واحد ولاكنه يسمعك خليت الامور تمر بهداوة وجهزت العشاء انا وصاحبي كون الاشخاص من اخويان صاحبي يعني مالي مونة على احد ولما جهز العشاء قلت يمكن يحسون ويحطون العشاء او يغسلون المواعين مافيه فايدة منهم ولما شفت ربعي كذا قلت لصاحبي اعذرني ماتعودت اجامل وانافق ولازم اقول الي بقلبي بعدها قال خذ راحتك وانا معك قمت اخذت من السيارة اربع فشقات شوزن واحطهم في النار تحت القدر وافجر الدنيا كلها واشغل السيارة واتركهم
ومنها ماعاد اطلع مع مثل هذه الاشكال الي اعتبرهم قثا يضيقون الخلق
وعذراً على الاطالة
والي يبي يطلع وينخدم خله يتاجر له خادم معه احسن له

[العميد ابواروى]

من جد اخوي عبدالله
اهم شي انك انبسطت هههههههه
من جد اعرف واحد ما يطلع الا بخمسمائة ريال . ، لا وحجز بعد

[النمرالأليف]

هؤلاء اسميهم بثرين والبثارة مشتقة منهم ولك خيارين
الأول : إما أنك تحتسب الأجرفيهم وتتصدق عليهم
الثاني:أو تأتي بخيزرانة وتربطهم بطلحة وتجلدهم حتى تطيب خاطرهم ويطيب خاطرك منهم وهذا الخيار الأصلح من وجهة نظري والرأي لكم

[الكونترولCONTROL]

الخويا بالطلعات ليسوا دائما على ما تتمنى !!
فيه أحد تشريه و تشري طلعته معك و عساه ما يقط و لا يعمل أي جهد !!
و منهم من لو يقول لي انه طالع شمال و كل شيء عليه كان تركته و طلعت جنوب
و منهم من يحرجك و كل مرة يكون ( جيد معزب ) و هذي صعبة !!
فالتكاليف ليست كل شيء ... و اللين مع خوياك زين و تقدير الأوضاع الإقتصادية مطلوب
ذكرتني بواحد يقول : أنا ادلكم المحل الزين !! و أعزم لكم فلان و فلان

[عبدالله الجري]

من جد اخوي عبدالله
اهم شي انك انبسطت هههههههه
من جد اعرف واحد ما يطلع الا بخمسمائة ريال . ، لا وحجز بعد

كني عرفته ، ويمكنه اللي أنا خابر
________________

طيب فيه ثالث ماذكرتوه ؟

اللي إذا طلع ثقيل طينه :eek:، وإذا رحت وخليته أعدمك :butt3: :mad:

أنا أسميه النشبه:(

لكن بالأخير نقول ، من توكل على الله فهو حسبه

[العاذر]

من المرؤه والشهامة وشيم العرب

ان تكون خدوم في السفر وهذا ليس عيبا

العيب أن تجلس وغيرك يشتغل هذا هو العيب

[jma]

من المرؤه والشهامة وشيم العرب

ان تكون خدوم في السفر وهذا ليس عيبا

العيب أن تجلس وغيرك يشتغل هذا هو العيب

بيض الله وجهك هذا الكلام العدل

[ftc]

والله وانا خوك مرينا بها الرجال الي زي كذا خاصة الي مايدفع القطه او الي يجيب شي يسكتك به مثال القطه 200 ريال
يجيب40 ريال زي كذا وش تسوي معه وخاصه انه من اعز الاخوياء حالتة الماديه احسن مني بس اهم شي انه يوسع صدري هذا اهم شي عندي الفلوس تروح وتجي بعض الناس شهم وطيب بالحيل بس إذا جاء طاري الفلوس لاعد تدور احد هاذي مشكله
والله بس مالك الا الصبر

[محمد باحاج]

ونعم الشورى
ونعم بكم جميع

[عليم العطش]

اذا كانوا اصدقاء لك لازم تحملهم لانك من اختارهم اصدقاء لك.
لكن اقول خلك وسيع بنايد لانك منتب مطاولهم والستر ازين وتحملهم لانك بذلك
تكسب احترامهم .
والهون احسن مايكون.
لا هنت

[النوبل]

الخويا بالطلعات ليسوا دائما على ما تتمنى !!



فيه أحد تشريه و تشري طلعته معك و عساه ما يقط و لا يعمل أي جهد !!
و منهم من لو يقول لي انه طالع شمال و كل شيء عليه كان تركته و طلعت جنوب
و منهم من يحرجك و كل مرة يكون ( جيد معزب ) و هذي صعبة !!
فالتكاليف ليست كل شيء ... و اللين مع خوياك زين و تقدير الأوضاع الإقتصادية مطلوب



اذا كانوا اصدقاء لك لازم تحملهم لانك من اختارهم اصدقاء لك.
لكن اقول خلك وسيع بنايد لانك منتب مطاولهم والستر ازين وتحملهم لانك بذلك
تكسب احترامهم .
والهون احسن مايكون.
لا هنت




وأزيد على كلامهم


قبل التفكير في الطلعه .. منهو خويك ألي بتطلع معه ؟
فأولآ اختر أخوياك الي أنت خابرهم وخل القطه آخر شي .
لأن الأخوياء يختلفون فأنت ماتبي خوي يقط ويطرح عنك بعض الشيئ .
تبي خوي سند لك لو صار من الأمور شي
وسيع صدر ونيس عاقل حكيم رزين ذو خبره في الطلعات (خابره من قبل) قبوله قبول رجاال.
ثانيآ أذا ألي بيخاويك أول مره تطلع معه فهذي لمصلحتك (الطرقه محك الرجال) تعرف معدنه ووشهو من رجال.
ثالثآ اذا خاواك من هالنوعيه (البثر الكسول وألي قطته تمشية حال) وأول مره تخاويه .
وسع صدرك ومش الأمور ولاتنكد طلعتك وأنتبه منه في الطلعات القادمه



وأسأ الله لي ولكم التوفيق

[حب البر]

بارك الله في الجميع ..ومثل ماتوقعت سوف تكون الردود والمشاركات كثير لان المعانات مع هذه النوعية من الناس ازلية منذ القدم وكتب عنها طرائف وقصص .
انا شخصيا لا اعتبر هؤلاء القوم معضلة او عقبه في التخطيط لرحلة برية ولكن فقط احببت ان يطرح الموضوع كي نستفيد ونطلع على تجارب بعضنا البعض في مثل هذه الامور . ورسام الكاريكاتير القدير عبدالسلام الهليل خصص فترة الشتاء للتعليق على طلعات البر .

[alssare]

السلام عليكم
مشكور على الموضوع
والله اني اشكي من مثل ذا الناس كثيرا لكن وش تسوي تروح لحالك؟
اهم شي طال عمرك انبسط وطنش
وترى الناس مهم حصل الاماتحصل من رفقته مايسرك لوماتحصل الاثواب الجماعه في الصلاه.
ايضا الرسول صلى الله عليه وسلم اوصى عند السفر ان يكون المسافرون 3فاكثر
والجنه من غير ناس ماتنداس والله اعلم

[اسير الغضا]

سبق كان لي زملاء دراسه
طلعنا جميع اكتشفت انه ماعندهم دبره وعقبه بديت مااطلع مهم وش ناقص غثا


بالنسبه للطلعات اللي مايجيب شي ماله مجال لان غالب الطلعات يكون لهن تقسيم بالبدايه
فلان عليك العزبه فلان عليك الحطب
ولا فلان عليك الفطور وفلان عليك الخيمه

طبعا الواحد يراعي الظروف ومب مشكله مرة يشيل عن خويه لاكن اذا طولت المسأله اعتقد ان خويك يقول بنفسه لقيت واحد مهكاكه ويزود الجرعه

اعرف واحد من الزملاء اذا جلست معه ماتقدر تحررك من مكانك يحب يشيل كل الطلعه انت يبي منك السواليف والعلوم السنعه والوناسه واللباقي عليه واذا حاولت ولزمت زعل عليك

[نسناس ليل]

اتركهم عنك ترا كلهم يجبووون :)الحرقااااان

[أبو هطل]

وعليكم السلام
اقسمهم قسمين
الاول الي لا يهش ولا ينش يعني لا سواليف ولا فلة حجاج
هذا خل اطعامك له صدقه وقل اللهم اجعل ثوابه لأبي وامي
والثاني الي المهرج الي يضحك ويدخل السرور على افراد الكشته
فهذا خلها اجرته وحق اتعابه
بكذا تريح حالك
سلام يالحبيب


والله انك جبتها ياذيب وهذا الصح :good2:

[حب البر]

http://www.mekshat.com/pix/upload/images3/CART2%5B1%5D.gif

[القفص الطاير]

اخي السايل الناس ماهم سواواطبعهم تختالف

[حياتي البحر]

يا خوك ما همني احد اللي بيشتغل حيه الله والا ما يبغى حيه الله وسيد القوم خادمهم

[حكيم المدينة]

http://www.mekshat.com/pix/upload/images3/cart2%5b1%5d.gif



ذكرتني بواحد يقول : أنا ادلكم المحل الزين !! و أعزم لكم فلان و فلان




الكاريكاتير في الصميم

[النوبل]

http://greatchannel123.webs.com/hotfile%20thanks%20and%20more%20amnination/2ic6wx0.gif


يا خوك ما همني احد اللي بيشتغل حيه الله والا ما يبغى حيه الله وسيد القوم خادمهم

[عاشق القيلات]

خلهم يامشيت
امزح,,,,,,,
لابد راع البر يكون طويل البال وخاطره زين
وفي الأخير هؤلاء اخوياك

[البلوغرانا]

يعني طلع معك الشخص او ركب سيارتك لازم تذله كل شخص حر بنفسه يبي يشتغل حياه الله ولا على راحته

وانا من خلال الردود اتضح لي انه هناك تفكير سطحي لمفهوم الطلعه ترى الطلعه للوناسه وتغيير الجو مو

لتحكم بالبشر واسوي عليهم قائد اطبخ نظف شيل حط واذا الواحد يسوي شي فلازم يكون من هوى نفسه مو اجبار

تقول عسكريه وترى المسأله مو مسأله كسالى اذا انت تبي تشتغل وتشي وتحط هذا شي راجعلك ما احد اجبرك

يعني تشتغل مثلي يا اغلط عليك هذا مو منطق

وردي هذا ليس موجهه لكاتب الموضوع

[السلمان2010]

والله اعجبني موضوعك والله يعطيك العافيه

[حب البر]

بيني وبينكم زبدة الكلام ان الشخص الي مايجي منه شر وفي حاله ولا يمشي بالنميمة حياه الله

[برق الرمة]

والله وانا خوك مرينا بها الرجال الي زي كذا خاصة الي مايدفع القطه او الي يجيب شي يسكتك به مثال القطه 200 ريال
يجيب40 ريال زي كذا وش تسوي معه وخاصه انه من اعز الاخوياء حالتة الماديه احسن مني بس اهم شي انه يوسع صدري هذا اهم شي عندي الفلوس تروح وتجي بعض الناس شهم وطيب بالحيل بس إذا جاء طاري الفلوس لاعد تدور احد هاذي مشكله
والله بس مالك الا الصبر

[مزون المدينه]

الدنيا ماتجي على كيفك أبد ..
ومن الأخوه أنكم تصبرون على خويكم ...
وراح يتغير معكم ويتحسن ..
وحاولوا أنكم توضحون له بأي طريقه حتى يحس انه مسوي خطأ وراح يتغير ...

والحل الأخير أنكم إذا جيتم تطلعون لاتكلمونه وحاولو أنكم توضحون أنكم طلعتم حتى يفكر يقول لماذا لم يخبروني بالطلعه
وبعدين الرجال يفكر بخطاه ويعدله ..

أنا من ناحيتي من البداية نقية أخويا والحمد لله ماشفت مثلهم ...

تحياتي

[العاذر]

وفيه حل انك تاخذ لي وتمحطه لين يعظ الأرض (( آآآآآض ))
ون كانه برد صب عليه من بارد خله يشاااااهق
:p:p:p
المهم
احسن حل انك ما تاااااااخذ معك عجاااااز ابدا
قلعته وان جا لا تنس التمحييييييييييييط (( آآآآض ))

[في خاطري شي]

ربك يعين
..................

[فياض الربيع]

اشوى ان طلعاتي كلها مع اخوياي من يوم نمشي لين نرجع

مسوين جدول ونمشي عليه كلنا استلامات مثل العسكر وان كان خويك

تعبان تقوم عنه ويستلم استلامك هههههه وماشين عليها طول السنين اللي راحت

والله ان بعضنا انه يشتغل وهو مهوب عليه شئ اليوم والحمد لله مرتاحين

والله لايغير علينا

[فياض الربيع]

يعني طلع معك الشخص او ركب سيارتك لازم تذله كل شخص حر بنفسه يبي يشتغل حياه الله ولا على راحته

وانا من خلال الردود اتضح لي انه هناك تفكير سطحي لمفهوم الطلعه ترى الطلعه للوناسه وتغيير الجو مو

لتحكم بالبشر واسوي عليهم قائد اطبخ نظف شيل حط واذا الواحد يسوي شي فلازم يكون من هوى نفسه مو اجبار

تقول عسكريه وترى المسأله مو مسأله كسالى اذا انت تبي تشتغل وتشي وتحط هذا شي راجعلك ما احد اجبرك

يعني تشتغل مثلي يا اغلط عليك هذا مو منطق

وردي هذا ليس موجهه لكاتب الموضوع

المسأله ماهوب اني اغلط والا مااغلط ان شاء الله مايصير غلط

لكن ربع تعاونوا ماذلوا لابد من تقسيم المهام في الطلعه ولوا ادري ان معنا

واحد عجاز اوبخيل في الطلعه والله العظيم اجلس في بيتنا افضل لي البخل والعجز

صفات مكروهه يصير صاحبها مكروه عند الناس ولا احد يبي خوته

[NAIFAT]

والله يالربع مهوب معقول ان الطلعه بيصيرون كلهم عجازين .. يكفي 3 اشخاص يقومون بكل شي .

والواحد لازم يكون سياسي ومزوح . ذبات على العجازين ومزوح حتى لو خاطرك مهوب زين عليهم . على الاقل لايطبخ ولا يغسل . امدح قهوته وشاهيه اذا صلحها وكل ماخرمت قل ماودك يبو فلان تصلح مثل شاهي هاك الحزه ؟ وامدحه . شوي شوي . الا والرجال تلقاه يغسل مواعين ويبلشك وش اشيل ووش احط . وتراها مجربه .

[عاشق ورق]

فيه اضافة بسيطة
بعض الاخويا يشغلك ويسوي نفسه شقردي ويزين الي يحب ثم يشغلك في طايح العفش بكثر القرق والتمنن
هذا والله اني مابيه يلمس شيء ابيه يقعد ويريحنا كن ميعرف يشتغل الاهو

[حب البر]

والله ان الشغل في الكشتات ممتع ويوسع الصدر وكل شي كوم وغسل المواعين كوم خصوصا في الشتاء اذا صارت المويه جامده :D ولاتكلم العجاز عنها


http://www.alrassxp.com/uploaded2/12944/61233578548.jpg

[طفران بس بطران]

هتصدقون اني ماودي بالطلعات الجماعية الحالي ون جا خويا طيب مايمنع اما الجمعة الكثيرو مادانيها

[اسير الغضا]

هتصدقون اني ماودي بالطلعات الجماعية الحالي ون جا خويا طيب مايمنع اما الجمعة الكثيرو مادانيها

وانا اخوك لاصارت جمعه عزيمه ولااجتماع رابطة الواحد يجي وينبسط

والواحد ماياخذ راحته الا اذا صار عند ربع يمون عليهم ولو كانو اكثار

[الربذي]

يعني طلع معك الشخص او ركب سيارتك لازم تذله كل شخص حر بنفسه يبي يشتغل حياه الله ولا على راحته

وانا من خلال الردود اتضح لي انه هناك تفكير سطحي لمفهوم الطلعه ترى الطلعه للوناسه وتغيير الجو مو

لتحكم بالبشر واسوي عليهم قائد اطبخ نظف شيل حط واذا الواحد يسوي شي فلازم يكون من هوى نفسه مو اجبار

تقول عسكريه وترى المسأله مو مسأله كسالى اذا انت تبي تشتغل وتشي وتحط هذا شي راجعلك ما احد اجبرك

يعني تشتغل مثلي يا اغلط عليك هذا مو منطق

وردي هذا ليس موجهه لكاتب الموضوع
;bl; كلامك بالصميم...لاننكر وفعلا هناك من يغث اذكر واحد مسمية عاشق روحه اذا شبينا النار جاب اللحم وقعد يشوي وياكل وتخيل يرفض يعطينا لو انا نبي نسوي الغداء مثلا ياخذ نص اللحم ويقعد يشويه ويعيي علينا ههههههههههههههه تصدق
وبس شرب شاهي ونوم ولا دخان يصدعك وسوالفه تجيب المغص اذا كان طالع معهم مااشفق على الطلعة

[ابن عاشور]

السلام عليكم ورحمة الله وبركاته ..
في الفترة القادمة يبدا موسم الرحلات البرية والكشتات وشبة النار وعلوم الرجال والوناسة ووو الخ ولكن كثيرا مايعاني مرتادي البر واهل الرحلات عموما من بعض اعضاء الرحلة من الكسالى ( العجازين ) اوالطفيليين الذين يحضرون الرحلة بدون ( قطه ) اضف الى ذلك انهم كسولين ..يعني جمعوا بين التطفل والكسل .
الكثير منا قد يجامل هذه الفئه من الناس والقليل منا يصارحهم بالحقيقه ويعتب عليهم .
ولكن ماهو الحل ؟ خصوصا اذا كانوا اصدقاء قدامى ولا يخلون من الطرافه وروح النكته !! يعني احراج .
اتمنى ان يدلي الجميع بدلوه في هذا الموضوع بكل صراحة ووضوح.


ياخوي وقعت على الجرح
في الملون بالأحمر

حتى إنك تكره الطلعة
ماأداني اللي نفسه ضعيفة

هو عادة واحد أو اثنين
والباقين نشامى

يجونك تقول ضيوف شرف
لاشغل ولامشغلة

ولايقدرون ظروف الربع
مرة كنت أمر بوعكة في الظهر
وطلعنا ومعي سرير يتسفط خاص للظهر
أحد الطفيليين سنتر على السرير طول الكشتة .. !
وأنا الله أعلم بحالي
مع أنني أنا اللي طابخ لهم وأكثر واحد مدح العشاء هو :mad:

عاد يقولون أنهم بيطلعون هاليومين
وأوريك إن ماخليته مثل الشغالة ماأكون ابن عاشور :D
والقطة 400
اللي بيجي يجي واللي مهوب جاي أبرك ساعة




،،،’’’’

فيه نقطة بخصوص القطة :
تجد بعض النشامى يستنكرها ويقول مهيب زينة
لكن من خلال تجربة إذا كانوا اللي يطلعون على قلب رجال واحد
ومابينهم إلا علوم الطيب وسعة الصدر ويمونون على بعض
تلقاهم ينتظرون وقت الكشتات والربيع حتى يطلعون باستمرار وعلى نظام القطة ..
لأنك تجد كل واحد يخلص ، وكل واحد حاس أنه مقدم شي ..

أما لو كان فيه شخص يتكفل بأمور الكشتة
تلقى الربع الباقين ضايقة صدورهم
وماتدوم الطلعات اللي كذا .. ويدخلها طابع الرسمية والكلافة ، .. وتنقطع

[مجنون باترول4800]

عندي لك سالفه
كان فيه واحد نوى الحج واتفق له مع تاس انه يخاويهم ويوم جاء يمشي راح لابوه يسلم عليه ويتوادع منه
ويخذ منه نصيحه تفيده قال له ابوه (يا ولدي اذا شفت الرجاجيل رافعين اذانيهم نزل اذانيك وخلك في حالك ولما نزلوا اذانيهم فارفع اذانيك واشتغل عنهم)
مشوا الرجاجيل وكل ما جاوا ينزلون العزبه والا فراش والا شي شل فراشه الي يخصه ونزله وهم يطبخون ويشتغلون وعلى ذا الحال ومن اول الطريق طويل اول يوم وثاي يوم وثالث يوم تضايقوا منه والي يقول ما فيه خير والي يتعذر عليه والي يقول ليه تجيبونه امحق خوي وهو ساكت على وصات الشايب لين مل كلهم من الثاني والرجال ما على باله صارواكلهم تعبانين من الشغل وجلسوا ويقوم الرجال ويرفع اذانيه وهو الي يجلس ويقوم لهم في العزبه وهو ساكت ما يقول سو والا جيبوا والا خلص الملح والا والا السكر ما غير يشتغل وهو ساكت ويرجعون من الحج وهم ذا الحال لين وصلوه في بيتهم ويوم نزل كلهم سلموا عليه وطلبوه انهم اذا هم بيحجون السنه الجايه انه يخاويهم.
من شوري خل عندك صبر على اخوياك واذا هم كفوا ما عليك من عذاريبهم الثانيه الي (ما تنزل من قيمتهم زي الكذب )والا العيب والا الامور الرديه الي تنزل من قيمة الرجال وباقي الامور بسيطه
عزالله انك وفيت وكفيت
وكلمك على متمه
لكن انا مافهمت للي بين القوسين
انت تقصد ان الكذب ما ينزل من قيمت الرجال؟؟؟

[حب البر]

بعض الشباب المذكورين بالموضوع تجده عندما يخطط لطلعة بر آخر من يحضر في البر . يعني على قولة المثل (انتم روحو وانا بالحقكم ) يعني ما يكلف نفسه شي من طق الخيمة الى تنزيل العفش وتضبيط الكشته .. ويجيك حول المغرب وكل شي جاهز هذا يوم الاربعاء طبعا.. واذا جاء يوم الجمعه اول من يمشي هو من صباح الله يدق سلف وما معه غير فراشه ولوازمه الشخصية فقط!!!!!

[الهرم]

كلام بالصميم

والله يابعض الربع

ماينفع لا طبخ ولا شوي

يمدد رجلينه وخذ تدبير

وراك ما تحط الرواق منا

غداك اليوم مو زي امس

الا ماجبتوا بارد


وسالفة القطه انسسسسسسسسس
ومن هالكلام اللي يرفع الضغط


لاكن أخذت درس والله ما عاد اطلع مع هالسلق

لو اطلع لحالي

بس للأمانه ربعي اعدهم بالاصابع اللي تحطهم على يمناك

[عاشق الماركيز]

الكسالى الي مايساعدونك بالغدى والاغراض سولك غدى يكفيك انت بالحالك ههههههههههههه امى الطفيلي اذا نه يعز علي حياه الله بدون قطه عزيز وغالي اما اذا صار واحد من الشباب جايبه الاحراج للي جايبه مو لك لكن طلعات البر فله ووناسه يعني ماتحس بهالامور لكن الكسالى بكل مكان

[طفران بس بطران]

اعلمكم وش زينة المكشات نصب الخيام والشغل وسعة الصدر اكره شي عندي اني اصير مثل مايقول ون ماتدخلهم الجنة ولاتدخلهم النار اعذروني على الامثال مارقدت

[Under_net]

الشخصية فوق مستوى التحمل :mad: :

اللي مايشتغل ودوم زعلان و معترض :
وين الشاي!
العشا تأخر !
المفروض الرحلة تترتب أفضل من كذا !
الطلعة اللي فاتت كانت أحلى !
لو كنت داري ماكن جيت !

هذا يحذف من قائمة الرحلات بلاعودة .. والبقية اخوانا ونستحملهم

[جروان]

فله وربك يحلها وسع صدرك

[شبح الصحراء]

هو فين الناس اللي تطلع معاهم البر اصلاً؟!! الناس مدري وش فيها السنين التالية خلاص بطلت تطلع بر ، كل خوياي تقريباً صارو مهم حقين بر وكل همهم التسدح قدام الدش والإنترنت والسواليف ولعب الورقه والأدهى والأمر لا قلت خلونا نطلع بر قالوا انت قديم البر والطلعات حقت مراهقين ! :mad: ، والشخص الوحيد اللي للحين يحب البر مثلي عايش في ديرة ثانية ، واضطريت اطلع البر لحالي وأحياناً مع المدام عشان كذا مستعد اطلع مع عجازين على الأقل القى رجال اسولف معاهم :( .

[نسناس غربي]

الكسول مثل ماقلت يجبه المدح والالحاح..يعني ارفعه فووووووق يجيك عل دمجته مايشوف وخذه معك في المشاوير الصعبه
مثل دوارة الحطب والا المسراح غبشه لدوارة الصيد والا مشاوير النواقص من الاغراض ركز عليه وتشوف يوم يطلع قلبه
"واسال مجرب"..

اما الطفيلي هذا مشكلته مشكله وخصوصا ان كان صاحبك من سنين
تخاف تقولها في وجهه يمكن الرجال مطفر وضروفه الله اعلم بها ومستحي يقول
ومن زود الموانه عليكم يعدكم مثل اخوانه ولا وده يتخلف عنكم..

لكن ليا صار مقتدر وانا متاكد من هالشي والله بقوله "بيني وبينه طبعا" ياولد استح عل وجهه تر قطتك مهب ناقصتنا ولازايدتنا
لكن لاتخلي للناس عليك درب عياره..<< يمكن يستحس ولا عاد يتعودها.

واذا تبي الراي الازين .. المكاشيت لسعة الصدر والنكد فيها مهب زين
اللي مهوب عاجبك حقره وكنه مهوب موجود واعتبره من اللحق اللي محضاره مثل مغيبه
واكيد ان خوياك فيهم الشقردي اللي تعتمد عليه ويطربك

[سوالف]

اهم شي بطلعات الربع ثم الربع ثم الربع
والناس ماهم سوا اهم شي الايجابيات اكثر من السلبيات


والله يوفق الجميع

[بوخليفه77]

والله انا احب الكشته لما تكون مرتبه
يعني من الاخير كل احد له شغل وماحب الرجال الي مكسل وقاعد ويحب الباقين يخدمونه
انا افضل اني ما يماشيني مثل هذا الصنف
والسموحه منكم
تحياتي

[مخاوي دابذريع]

أخوي حب البر ,,, ماسمعت المثل الي يقول (( كل بعقله راضي وماله ...لا)) لا صار خوي وعزيز ادمحها عنه اول مره وان كررها علمه مافيها شي والناس وانا اخوك يجوز لك واحد وعشره مايجوزون لك ماهي على الكيف وسع صدرك وترى الدنيا فـــــــــــــــــــــــــــــــــــــــــــــــــ ـــــــــــــــــــــــــــــــــــــانتا...

[abo_hoor]

السلام عليكم ورحمة الله وبركاتة

اخوي العزيز
في نظري ان اهم شي في الكشته التفاهم والاخوه الطيبه بين بعض
والاخلاق الحميده ومرعاة الله سبحانه بعدين تقول فيه ناس ماتدقع
قطه لازم وانا اخوك تراعي بعض الناس ممكن مايكون عنده شي او حالة ماديه ماتسمح وهني
تعذره وانت اللي تبديها وتدفع عنه
واهم شي بعد يكون شخص الكبير بينكم والفاهم ذو شخصيه تتصف بالحكمه وسعة الصدر
وباله طويل انه يكون الامير
اما بخصوص انه نصهم مايشتغلون بشي او انه متكاسل اذا متكاسل ليش رايح ويدور وناسه
مع ربعه مفروض يشتغل مع ربعه ويساعدهم مثلا فلان يسوي جاي وقهوه وفلان يدور حط وفلان وفلان وفلان
وعادي اذا اجتمعو مع ربعض بشغله وحده

[التعـ King ـديل]

انا عن نفسي بسفر او بكشته

ماافكر بفلان سوا ولا فلان ماسوا .. الحمدلله دايم امير ربعي بالكشته والسفر .. والشغل اطلب منهم يافلان سوو لنا كذا ويافلان هات كذا

والحمدلله انا اجرب الخوي مره اذا يعتمد عليه عز الله مكانه بموتري بكل مشوار واذا مايعتمد عليه هي الركبه الاولى والاخيره

[_دربيل_999]

يعطك ربي العافية موضوع رائع..
اخوي الله يحفظك الطلعة البرية وشبة النار بما أنها تعد من علوم الرجال
فلابد من تجاوز مايفعله الآخرين طالما أن الدعوى كسل وعدم مشاركة بالأمور المادية للرحلة..
فلكلٍ ظروفه وربما هذا الصديق الكسول واللي ماشارك في تكاليف الرحلة لديه ظروف تمنعه من المشاركة مادياً..
وربما هذا الكسل الحاصل منه هو ردة فعل من طريقة التعامل معه أو سماع بعض الكلمات من أصدقائه بهذا الشأن..
أعتقد أنه من العيب الإلتفات لمثل هذه الأمور حتى وان كانت طبيعة في الشخص فالحمدلله خيرات الله وفيرة وربي مان علينا بنعم كثيرة ..
فالشخص ينتبه لمايصدر منه هو شخصه فقط من تصرفات..!
ويغمض الطرف عن مايبدر من الخوي فالأمر لايستوجب التشنج وتعكير الأجواء
اللي مايقدر عليه خوينا إحنا نقوم به وفي الخفاء


اخوي الله يحفظك خوة الرجال لاتقدر بثمن ولايصاحبها شروط..
خوينا بنرحب فيه في كل الأوقات فحضوره معنا يسوى عندنا الشيء الكثير ومن المؤكد أن هذا الصديق يحب خوتك او خوتكم فمن غير المنطقي ان اتكلم او نتكلم مع هذا الخوي في أشياء تعتبر غيبية ولها مسبباتها ولكل ظروفه..
يمكن رفيقنا او صديقنا يمر بظروف تمنعه من المشاركة المادية فلايجوز بأي حال من الأحوال التفوه لو بحرف واحد لرجل يخاوينا ولو يأخذ اللي في جيوبنا..
يقولون العرب(الخوي في الذمة)ولا حددوا نوعه..


خوينا بنكرمه وبنشيله فوق رؤسنا ولا راح نلتفت لأشياءأخرى تعتبر غيبية ولها مسبباتها والناس ونخوك لها ظروفها..


بارك الله فيك


الروقي

[a7md al-q9em]

[QUOTE=_دربيل_999;5630426]
[COLOR=#000080]فلكلٍ ظروفه وربما هذا الصديق الكسول واللي ماشارك في تكاليف الرحلة لديه ظروف تمنعه من المشاركة مادياً..
وربما هذا الكسل الحاصل منه هو ردة فعل من طريقة التعامل معه أو سماع بعض الكلمات من أصدقائه بهذا الشأن..

[CENTER]يعني احسان الظن بخويك .. :D

[_دربيل_999]

بصراحة هناك فيه ناس لما يطلع معك كشتة يبط قلبك وخصوصاً اذا كان دافع في القطة تلاقيه يفكر انه داخل فندق

وبقية الي معه خدم لابو الي جابه
انا اقول لا و الف لا احنا طالعين نكشت وننبسط مع البعض والجميع متساوين
اذكر لك احدى الحوادث الي مرت علي كنا طالعين برحة صيد لمدة يومين وكنت انا مع احد الاخوان الي نصيد والحمد لله توفقنا وكان الصيد كثير
المهم قررنا نمرح في مكان ونجهز العشاء ونسمر طول الليل
لما وصلنا المكان المقصود ونزلنا العفش اشوف الجماعة نزلوا البالوت والي نزل التلفزيون وقعدوا يلعبون ويتابعون التلفزيون(كشتة خكارنه تلفزيون وبالوت) ولما طلبنا منهم يساعدونا في تنظيف الصيد كل واحد ولاكنه يسمعك خليت الامور تمر بهداوة وجهزت العشاء انا وصاحبي كون الاشخاص من اخويان صاحبي يعني مالي مونة على احد ولما جهز العشاء قلت يمكن يحسون ويحطون العشاء او يغسلون المواعين مافيه فايدة منهم ولما شفت ربعي كذا قلت لصاحبي اعذرني ماتعودت اجامل وانافق ولازم اقول الي بقلبي بعدها قال خذ راحتك وانا معك قمت اخذت من السيارة اربع فشقات شوزن واحطهم في النار تحت القدر وافجر الدنيا كلها واشغل السيارة واتركهم
ومنها ماعاد اطلع مع مثل هذه الاشكال الي اعتبرهم قثا يضيقون الخلق
وعذراً على الاطالة
والي يبي يطلع وينخدم خله يتاجر له خادم معه احسن له



اخوي jma
قرأت ردك كاملاً وهذا رأيك وأحترمه..
ولكن عندي بعض التعليق على بعض ماورد في تعليقك..

مسألة التلفزيون والبلوت أعتقد أنها طبيعية..
أنتم طالعين توسعون صدوركم ليش ما أخذت الموضوع بسعة صدر وخليت اللي يبي تلفزيون واللي يلعب بلوت
وأنت وخويك فيكم البركة وسويتوا سوايا الرجال
والدعوى يومين واللي ما اشتغل معك البارح بيشتغل بكرة

بكل صراحة أنت إستعجلت وردة فعلك تدل على استعجالك
فقرة وضع الرصاص في النار خطيرة على ارواح اخوياك

وتصرفهم أعتقد انه لايثير الى هذه الدرجة
بارك الله فيك الإنسان يراقب مايبدر منه هو نفسه من تصرف فتصرفك مرأتك التي تعكس ما بداخلك..

مالك ومال تصرفات الآخرين هذه طباعهم..
وضعك الرصاص في النار لايغير طباعهم وانما يغير نظرتهم فيك..

اخوي كتبت لك هذا الرد بإعتبارك أخ..أرجو أن لاتستخدم هذا الإسلوب مع من تعرف ومن لاتعرف فربما في يوم من الأيام يأتي بنتائج لاتكون في الحسبان وعندها لاينفع الندم

أرجو أن تتقبل ردي بصدرٍ رحب..
بارك الله فيك..

الروقي