جمس وانييت سييرا أو شفروليه سلفرادو

[راعي الدتسن]

السلام عليكم :)

كيف حالكم ان شاء الله انكم بخير

بصراحه ياجماعه بعد غلاء اسعار الجيوب اليابانيه بشكل فاحش ولا يطاق

قبل أمس كنت واصل لوكالة الجميح كنت ادور قطع غيار

وسييرا ملفته لنظري منذ فتره ( حاط عليه دوائر وعلامات استفهام );)

بصراحه نظرت لميزاته الخارجيه ومع سعره فيه تناسب

اللي اطلعت عليه بسرعه من ميزات

مكينه قويه - سعه بالداخل - قير عادي وأوتوماتيك ايضا (شبيه بنظام قير الباترول والميستوبيشي باجيرو ) - تانكي بنزين كبير (90 لتر ) - أيضا ليس مرتفع زياده أو طامن بزياده ( معناها نقدر نستخدمه للديره والبر سوا )

بصراحه خش مزاجي ، مع انه بيني وبينكم ماااأحب الأمريكي أبد أبد بسبب كثرة خراباته ودلوع ( ويازبده لا تموعين ...........)

بصراحه توقعت أنه شركة جمس مطلعين هالموتر بينافسون فيه شركات الياباني

من مواريه شكله مايخرب بلحيل نفس الموديلات السابقة

سعر غماره واحده ( حسب اخر اطلاع ) من 99000 الى 107000للغمارتين

بس الأسعار هذه على السيارات المعروضه الآن في الوكالة لأنه بينزل موديلات جديده وراح تتغير الأسعار


الكلام ياجماعه وش تقولون فيه ، وش تعرفون عنه من تجارب ربعكم واخوياكم
شكلنا بنودع الياباني بس

وش شفتوا من التجارب للسياره هذي؟

[google-999-]

والله انا ياراعي الددسن اهنيك صراحه
على الاختيار السيرا قووه جباره جدا وخاصه بالنفود
وتحمل يعني تقريبا يشيل دبل الي يشيله الشااص
والسلفارداو شكل مقدمتته خبال صراحه بس اقل من قوت السسيرا
بالظبط كما التاهو و اليوكن اليوكن اقوى بس شكله لك عليه والعكس بالتاهو
بس يبقى قوت الاثنين اقوى من جميع الجيوب
العيب الدبل فرار او الكتروني
لو انه ارضي افضل بس الزين مايكمل وانصحك بوارد بهبهاني الكويت ارخص من هنا بعد
\ والله يرزقك

[العاذر]

الايسوزو الونيت افضل منه مليار مره

[راعي الدتسن]

والله انا ياراعي الددسن اهنيك صراحه
على الاختيار السيرا قووه جباره جدا وخاصه بالنفود
وتحمل يعني تقريبا يشيل دبل الي يشيله الشااص
والسلفارداو شكل مقدمتته خبال صراحه بس اقل من قوت السسيرا
بالظبط كما التاهو و اليوكن اليوكن اقوى بس شكله لك عليه والعكس بالتاهو
بس يبقى قوت الاثنين اقوى من جميع الجيوب
العيب الدبل فرار او الكتروني
لو انه ارضي افضل بس الزين مايكمل وانصحك بوارد بهبهاني الكويت ارخص من هنا بعد
\ والله يرزقك

أكيد ياخوي الكمال لله سبحانه

لطن كيف السلفرداوا أقل قوه من السييرا

مو مكينتهم وحده ؟ والفرق بالشكل بس؟

غير كذا ليتك تقولي ايش الميزات الداخليه والخارجيه اللي فيه

[راعي الدتسن]

الايسوزو الونيت افضل منه مليار مره

ياليت تقولي بأيش ؟

وكم سعره لا هنت ؟

وأيش فرق الديزل عن البنزين من ناحيه القوه والعزم؟

وهل هو ينفع للاستخدام طويل الأمد؟

[راعي الدتسن]

ياجماعه ارجو ان تجيبوني على الموضوع

والله يعطيكم العافيه

[GS5]

وعليكم السلام

اخوي قوقل 999 غلطان بالمعلومه اللي الشفر عزمه اردا من الجمس لأن محركاتهم وحده و مابهن فرق ؟؟

وكانك ياراعي الدتسن ناوين على واحد الله يسهل لك و يكتب لك اللي به خير و يرزقك اللي ببالك و يوفقنا وياك

سير على بهبهاني بالكويت او اتصل عليهم و اسألهم عن الـ2500HD اشوفه ازين و خذه غماره ونص بعد ان بغيت ركاب يشيل و بغيت تحميل حمل و ان بغيت سحب فهو لها و ان بغيت رفعه و هيبه ماشاء الله تبارك الرحمن موتر 100%
والظاهر ان بهبهاني يسوي دايم عروض قبل الموديل الجديد للموديلات القديمه ..
و اشوف الشفر 2500 شكله اهيب بوجد من الجمس خصوصا وجهيته اللي كله نيكل ماشاء الله تبارك الله ..

2500
http://www.edmunds.com/pictures/VEHICLE/2010/Chevrolet/2010.chevrolet.silverado%202500hd.20312507-E.jpg

1500
http://www.edmunds.com/pictures/VEHICLE/2007/Chevrolet/2007.chevrolet.silverado1500.20103385-E.jpg

2500 جمس
http://www.edmunds.com/pictures/VEHICLE/2010/GMC/2010.gmc.sierra%202500hd.20312631-E.jpg

1500 جمس
http://www.edmunds.com/pictures/VEHICLE/2010/GMC/2010.gmc.sierra%201500.20311678-E.jpg


الله يوفقنا وياك و يستر علينا ..

[* ابو باسل *]

انا اجاوبك انا صلحت مقارنه كبيره بين الهايلكس الدبل والجمس السيرا 2010 وما خليت احد غير نشدته وسألته سألت الشريطيه في المعارض وسألت المجربين والمستخدمين للجمس وكانت جميع الامور الايجابيه لصالح الهايلكس ماعاد امر واحد وهو الضعف في المكينه والسبعه بالنسبه للركاب وكان الفرق حوالي 20 الف بين السياراتين الهايلكس حلوه وخفيفه وتقدر تتنقل بخفه في المدينه وصبوره في الاستخدام واي واحد يصلحها لك وتحصل قطع غيارها الجمس ثقيل في المدينه طويل ويهبل بك في كل مكان رايح تلف لازم تقدم وتريويس وتقروش خلق الله المواقف والله انك تبطي تحصل موقف بسبب طوله لازم تجلس تنتظر الين تطلع سياراتين ورى بعض وتحطه محلهم غير كذا لو خرب عليك خارج منطقة الرياض والا جده والا المنطقة الشرقيه شله على سطحه على شان تحصل الي يصلحه ويعرف له وغير كذا قطع الغيار مو متوفره في كل مدينه بس الهايلكس اقرب بنشري وانت مسافر اسفط عنده وصلح الي تبي وقطع غيارها متوفر في كل ديره واذا تبي تبيع على الخط بع يجيك الزبون الى عندك ويمكن اكثر من سعرها في المدن الكبيره وحتى لو غرزت ولا تعلقت في الطعس تقدر الجيوب تسحبها او احد يدفها بس الجمس كل راعي جيب يبي يعتذر صراحه والسبب كبر حجمه وثقله على السيارات الثانيه المهم من هالكلام من جميع البشر الين قررت اخذ هايلكس دبل 2010 واوفر بقيه المبلغ الهايلكس دبل وقير تماتيك والقير التماتيك يجي معه دف لوك اوتماتيك بدون زر نفس الي في الجمس والحمد لله الوضع ماشي وغمضت عيوني عن قوة المكينه الي موجوده في الجمس والمواصفات والوسع بالنسبه للركاب مقابل الايجابيات الاكثر للهايلكس وتصدق اني الى الحين يوم اشوف الجمس احبه بس يوم اشوف طوله وكبره احمد ربي اني ما اخذته .

[صوعان]

خذلك تاندرا ....ونم
فخامه نشاط مكينه لكزس 5700 وشكل

[راعي الدتسن]

انا اجاوبك انا صلحت مقارنه كبيره بين الهايلكس الدبل والجمس السيرا 2010 وما خليت احد غير نشدته وسألته سألت الشريطيه في المعارض وسألت المجربين والمستخدمين للجمس وكانت جميع الامور الايجابيه لصالح الهايلكس ماعاد امر واحد وهو الضعف في المكينه والسبعه بالنسبه للركاب وكان الفرق حوالي 20 الف بين السياراتين الهايلكس حلوه وخفيفه وتقدر تتنقل بخفه في المدينه وصبوره في الاستخدام واي واحد يصلحها لك وتحصل قطع غيارها الجمس ثقيل في المدينه طويل ويهبل بك في كل مكان رايح تلف لازم تقدم وتريويس وتقروش خلق الله المواقف والله انك تبطي تحصل موقف بسبب طوله لازم تجلس تنتظر الين تطلع سياراتين ورى بعض وتحطه محلهم غير كذا لو خرب عليك خارج منطقة الرياض والا جده والا المنطقة الشرقيه شله على سطحه على شان تحصل الي يصلحه ويعرف له وغير كذا قطع الغيار مو متوفره في كل مدينه بس الهايلكس اقرب بنشري وانت مسافر اسفط عنده وصلح الي تبي وقطع غيارها متوفر في كل ديره واذا تبي تبيع على الخط بع يجيك الزبون الى عندك ويمكن اكثر من سعرها في المدن الكبيره وحتى لو غرزت ولا تعلقت في الطعس تقدر الجيوب تسحبها او احد يدفها بس الجمس كل راعي جيب يبي يعتذر صراحه والسبب كبر حجمه وثقله على السيارات الثانيه المهم من هالكلام من جميع البشر الين قررت اخذ هايلكس دبل 2010 واوفر بقيه المبلغ الهايلكس دبل وقير تماتيك والقير التماتيك يجي معه دف لوك اوتماتيك بدون زر نفس الي في الجمس والحمد لله الوضع ماشي وغمضت عيوني عن قوة المكينه الي موجوده في الجمس والمواصفات والوسع بالنسبه للركاب مقابل الايجابيات الاكثر للهايلكس وتصدق اني الى الحين يوم اشوف الجمس احبه بس يوم اشوف طوله وكبره احمد ربي اني ما اخذته .
السلام عليكم

والله يعطيك العافيه على الرد الزين

يوم اني احط ببالي الجمس كنت اقارنه بكل من ( الباترول - اللاندكروزر - باجيرو )

لأنه كلهن نفس الحجم والشكل

لأنه بصراحه الهايلكس حلو وزين بس مايسوا قيمته - يعني قيمته أكثر من اللي يستاهلها -

وبصراحه احب اسألك

هل الهايلكس مريح وراسي بالخط ولا يلهب فيه الهوا؟

لأنه موديلاته القديمه كذا ، لدرجه انك ماتحب ولا تسافر فيه حتى

[محمد-الرس]

أقول توكل على الله واشر سيرا 2500hd
شوف الموديلات القديمة صبورة وقوة تحمل وقليل خرابها (حسب الاستخدام)
خخخ الايسوزو ...يكفيك أنها ديزل ..
والهايلكس تهجبك ومراتبها قاسية تجيب البواسير


>>>>السيرا مفخرة تمشي على كفرات أربع<<<

[Abu Mryea]

والله من وجهة نظري أن الموتر ( اللي هو الجمس والشفر )

ما يعلى عليه من جميع النواحي

وأنا قبل أمس في معارض النسيم - بالرياض

حصلت 2010 غمارة ونص z71

فل كامل - مكينة 5,3 - تشغيل عن بعد .. الخ

107 ألاف ... وأغلب الألوان موجودة

وحاول اذا بتاخذ ... يكون القير ( 6 نمر )

وبالتوفيق ان شاء الله

[((ابوملاك))]

اما اللي يقولون سوزو ولا تندرا ولا هايلوكس نيموا بس هههههههههههههه

شف طال عمرك اذا تبي تطيع كلام اخوك خذ اف 150 واذا تبيني اقنعك بالفيديوهات بعد بس قلي

فورد هي اساس الوانيتات

[نفود بريدة]

معليش مع احترامي للي يقارن الجمس السييرا بالهايلكس:mad:, من المهبول الي يقارن بينهم ! وش جاب الثرا للثريا ..!!:eek:

والله اني ودي أرد عليك يالي تقارن بالهايلكس ,, لكن المقام بيطول ولعلنا نختصر..:(

أول شي أخوي أنا أنصحك بـ حجم 2500HD اذا انت تبي موتر يكرف معك ولا يخرب:good2: .. لأن الحجم هذا عملي جدا لا قير ولا مكينة ولا دفرنس.. وتراه يجي دبل أرضي بعد . يعني عز الطلب ;) !

اما اذا انت تبي شي لين ومريح وحجم أصغر فعليك بـ 1500 . لكنه حساس مقارنه بحجم 2500 ..! ,, لكنه ليس خرابات كما يظن البعض .. لكن اللهم انه أقل اعتمادية من 2500 بفرق كبير نوعا ما !

أهم ايجابيات حجم 2500 :
التحمل..الاعتماديه..قوة السحب..قلة الأعطال لأنه مخصص للعمل الشاق..ارتفاع الموتر عن الأرض...لو تحمل عليه حمل الشاص مرتين وأكثر ما قال لا ما شاء الله ولا يضره ...الخ
أهم سلبياته :
كبر حجمه.. يأتي بمروحه كرنك وليست كهرب كما في 1500..قاسي مطبه نوعا ما.

أهم ايجابيات حجم 1500:
لين مطبه..يأتي بمراوح كهربائية.. أصغر حجم من 2500...الخ
أهم سلبياته:
حساس نوعا ما مقارنه بحجم 2500.. قوة السحب فيه أضعف من حجم 2500 بفرق كبير.. اذا كان الموتر بيقعد معك من 5 سنوات وطالع !اذا يبيلك تكون راكد عليه ولا تكرفه عشان يعيش معك.. حساساته كثيرة نوعا ما..

وأخيرا عليك بالسييرا لأنه هو المرغوب عندنا بالخليج .. وغير كذا شكله أفضل بالنسبة لي من السلفرادوا
وأما بالنسبة للغماره أو الغماره ونص أو الغمارتين .. فـ شف الي يناسبك أنت وترتاحله وكذلك بالنسبة لحجم الصندوق .. لأنه يأتي بأحجام وليس حجم واحد..!

والمعذرة ان كان نسيت شي

أخوك

[راعي الدتسن]

اما اللي يقولون سوزو ولا تندرا ولا هايلوكس نيموا بس هههههههههههههه

شف طال عمرك اذا تبي تطيع كلام اخوك خذ اف 150 واذا تبيني اقنعك بالفيديوهات بعد بس قلي

فورد هي اساس الوانيتات
هلا فيك اخوي والف شكر على ردك

ياخيي بصراحه من شاف خرابات الكراون فيكتوريا يبي يتلوع من الموديلات الثانيه

يعني ياخوي غير القوه وو اهم شي بعد الاستخدام طويل الأمد

ف ماأدري عن شركة فورد هل سياراتها ذات استخدام طويل الأمد أو لا؟

[راعي الدتسن]

والله من وجهة نظري أن الموتر ( اللي هو الجمس والشفر )

ما يعلى عليه من جميع النواحي

وأنا قبل أمس في معارض النسيم - بالرياض

حصلت 2010 غمارة ونص z71

فل كامل - مكينة 5,3 - تشغيل عن بعد .. الخ

107 ألاف ... وأغلب الألوان موجودة

وحاول اذا بتاخذ ... يكون القير ( 6 نمر )

وبالتوفيق ان شاء الله

هلا فيك أخوي والف شكر لك

طيب والغمارتين بكم بعد

وهل في الغماره ونص الغماره اللي وراه تشيل ركاب براحه ولا حق بزارين أو حق نوم بالسفريات؟ أقصد يعني نوم بالغماره اللي ورا

اعذرني ترا ماعرف عن السياره الا شكلها الخارجي عشان كذا اسألك

واي واحد جرب أو شاف يقولي لا هنتم

[راعي الدتسن]

الله يعطيك الف عافيه يانفود بريده على ردك التفصيلي

واتمنى انك توضح لي كم شي



أول شي أخوي أنا أنصحك بـ حجم 2500HD اذا انت تبي موتر يكرف معك ولا يخرب:good2: .. لأن الحجم هذا عملي جدا لا قير ولا مكينة ولا دفرنس.. وتراه يجي دبل أرضي بعد . يعني عز الطلب ;) !

اللي اخبره عن الدبل الأرضي انه يجي بالموديلات القديمه ، فهل هو يجي بالموديلات الجديده

قد سألت بالوكاله وقالوا لي لا انه مايجي ؟

لأني سمعت عن الدبل الكهربائي بالجمس انه يحتمي ويفصل ، فهل هذا صحيح؟



أهم ايجابيات حجم 2500 :
التحمل..الاعتماديه..قوة السحب..قلة الأعطال لأنه مخصص للعمل الشاق..ارتفاع الموتر عن الأرض...لو تحمل عليه حمل الشاص مرتين وأكثر ما قال لا ما شاء الله ولا يضره ...الخ

هل هالموديل مريح أيضا ، يعني لو ابمسك فيه خطوط رايح جاي ، هل هو بيكسر الظهر أو مب بلحيل؟

وغير كذا ، وشلون صرفيته للبنزين

خلنا نفترض ان السواقه عاديه وواحد راعي قومات قويه - بس مو مره يعني ( يعني خلنا نقول قومة واحد راعي عجله دايم) - وراعي سرعه (خلنا نفترض اسوأ الحالات:D)

كم بيجلس معه تانكي البنزين من كيلو ؟



وأما بالنسبة للغماره أو الغماره ونص أو الغمارتين .. فـ شف الي يناسبك أنت وترتاحله وكذلك بالنسبة لحجم الصندوق .. لأنه يأتي بأحجام وليس حجم واحد..!


هل الغماره أو الغمارتين بينهن فرق بتانكي البنزين من ناحية السعه

أيضا هل بينهم فرق من ناحية العزم أو النشاط


احب اشكرك جزيل الشكر على ردك والله يعطيك العافيه

[راعي الدتسن]

غير كذا ياجماعه وش رايكم بصرفيه البنزين؟

وكذلك اسعار قطع الغيار ؟

أيضا ودي أعرف الأنظمه اللي فيه ، لأني ناظرت فيه ولا مليان ازرار

وماهي المواصفات الداخليه اللي تجي فيه؟

[((ابوملاك))]

هلا فيك اخوي والف شكر على ردك

ياخيي بصراحه من شاف خرابات الكراون فيكتوريا يبي يتلوع من الموديلات الثانيه

يعني ياخوي غير القوه وو اهم شي بعد الاستخدام طويل الأمد

ف ماأدري عن شركة فورد هل سياراتها ذات استخدام طويل الأمد أو لا؟




اما عاد !

كراون فكتوريا قليله خراباتها ولا ماشفتها مع كل ذا الناس الا القديمات اللي كارفينهن كرف ولا يسمعون بزيت مايعرفون الا بنزين

بعدين معروف عن وانيت الفورد افضل الوانيتات مو من افضل الا افضل

ولو ما صارت المقاطعه كان شفت كل الشعب فرود

شف ذا الموضوع

http://www.mekshat.com/vb/showthread.php?t=339588

على فكرة ترا الفورد يجي

اف 150 يعني 1500طبعا

واف 250 سوبر دوتي

واف 350 سوبر دوتي

واف 450 سوبر دوتي

واف 550 سوبر دوتي

واذا براسك حب تبي تطحنه خذ

اف 650 سوبر دوتي
او
اف 750 سوبر دوتي

بس تراها تعتبر شاحنات اف 650 وزنها 5 اطنان من الفولاذ

واسعارها بمتناول الجميع اف 650 بـحدود الـ350.000 يعني حول اللكزس

[راعي الدتسن]

اما عاد !

كراون فكتوريا قليله خراباتها ولا ماشفتها مع كل ذا الناس الا القديمات اللي كارفينهن كرف ولا يسمعون بزيت مايعرفون الا بنزين

بعدين معروف عن وانيت الفورد افضل الوانيتات مو من افضل الا افضل

ولو ما صارت المقاطعه كان شفت كل الشعب فرود

شف ذا الموضوع

http://www.mekshat.com/vb/showthread.php?t=339588

على فكرة ترا الفورد يجي

اف 150 يعني 1500طبعا

واف 250 سوبر دوتي

واف 350 سوبر دوتي

واف 450 سوبر دوتي

واف 550 سوبر دوتي

واذا براسك حب تبي تطحنه خذ

اف 650 سوبر دوتي
او
اف 750 سوبر دوتي

بس تراها تعتبر شاحنات اف 650 وزنها 5 اطنان من الفولاذ

واسعارها بمتناول الجميع اف 650 بـحدود الـ350.000 يعني حول اللكزس
حلو

بس - وانت أدرى - ماتلاحظ انه الفورد وانيت رفيع بلحيل

يعني مايصلح لكل الاستخدامات

لانه اللي اقصده سياره تصلح لجميع الظروف

ديره - سفر - بر - استخدامات شاقه وناعمه

وأرجو أن تنورني وتفيدني اذا فهمت شي غلط أو ماتوضحت لي بعض الأمور

والله يعطيك العافيه

[راعي الدتسن]

وليتك بعد تفيدني بكم اسعارها ومواصفاتها (الداخليه والخارجيه) ومدى صرفيتها ؟

[نفود بريدة]

اللي اخبره عن الدبل الأرضي انه يجي بالموديلات القديمه ، فهل هو يجي بالموديلات الجديده

قد سألت بالوكاله وقالوا لي لا انه مايجي ؟

لأني سمعت عن الدبل الكهربائي بالجمس انه يحتمي ويفصل ، فهل هذا صحيح؟


الدبل الأرضي يجي بالموديلات القديمه والجديده .. القير العادي هو الي ما يجي بالموديلات الجديده..

لكن لاحظ.. ترا الدبل الأرضي لا يأتي بجميع فئات الموديلات الجديده .. لكنه يأتي ببعضها.. وان كان ما خانتني الذاكره هو يأتي بجميع الفئات ما عدا Z71 .. والله أعلم

وهذي صورة تثبت كلامي

http://dc07.arabsh.com/i/01870/h688orhnex5t.jpg


اما بالنسبة للدبل الفرار .. فهو على حسب استعمال الشخص لأنه هو يبيله رفاقه موب طفاقه ;) مثل الدبل القير

وعموما أنا أنصحك بالدبل الأرضي لاعتماديته وقلة أعطاله ...



هل هالموديل مريح أيضا ، يعني لو ابمسك فيه خطوط رايح جاي ، هل هو بيكسر الظهر أو مب بلحيل؟

وغير كذا ، وشلون صرفيته للبنزين

خلنا نفترض ان السواقه عاديه وواحد راعي قومات قويه - بس مو مره يعني ( يعني خلنا نقول قومة واحد راعي عجله دايم) - وراعي سرعه(خلنا نفترض اسوأ الحالات:D)

كم بيجلس معه تانكي البنزين من كيلو ؟



شف بالنسبة للراحه في فئة 2500 فهي أقل من الشاص والهايلكس بلا منازع .. لكن تعتبر قاسيه بالذات الغماره الواحده أما الغمارتين فهو أريح بلا شك.. واذا تبي الراحه حذ 1500 كأنك منت راكب ونيت ..

بالنسبة للصرفيه أنا والله ما جربت صرفية الجديد 2500 .. أنا جربت 1500 الجديد .. وصرفيته ممتازة جدا والله بالديرة والخطوط..

لكني جربت 2500 موديل 2002 .. بالديرة صرفيته عاليه والله باللحيل.. لكن بالخطوط ممتاز جدا جدا .. يمشيك 800 كيلو بالراحه اذا كان متوسط سرعتك 130 ..!




هل الغماره أو الغمارتين بينهن فرق بتانكي البنزين من ناحية السعه

أيضا هل بينهم فرق من ناحية العزم أو النشاط


احب اشكرك جزيل الشكر على ردك والله يعطيك العافيه



بتانكي البنزين ما اعتقد فيه فرق .. لكن تأكد أنت أكثر من باب الاحتياط والتثبت

أما العزم فأكيد فيه فرق موب هين .. الغماره أقوى عزم من الغمارتين بفرق.. لكن لا يدل ذلك على ان الغمارتين ضعيف .. بالعكس قوي بالنسبة لحجمه ..


ولا شكر على واجب وأنا أخوك .. لكن أهم شي قبل ما تقدم على شراء موتر .. أن تستخير بعد أن تستشير والله يوفقنا واياك

وأنت اسأل ناس مجربين .. لا تسأل ناس حقين وكالة يقولون :D .. تراهم بيبهذلونك..

وأهم شي شف أنت وش بتحتاج بالموتر .. لأن لكل شخص احتياجات .. كما أن لكل موتر قدرات وخصائص..

وبالنسبة لحجم 2500 تراه بيبهذلك بالشوراع الضيقه والمواقف الصغيره .. لأنه ما شاء الله حجمه صغير باللحيل :D..


وأي سؤال أنا حاضر قدر الإستطاعه

موفق وأنا أخوك

[abdul000]

بعد اذن صاحب الموضوع الشباب يقولون يحمل مثل الشاص واكثر تكفون عطونى العلم الاكيد كم كيس شعير يحمل بدون ماينزل؟ لان الشاص 11 سستة افزعو لشايبي الله يطول بعمرة يبية للمزرعه ذبحة القير العادي

[راعي الدتسن]

ياهلا والله أخوي نفود والله يجزاك خير على التفاعل

لكن تراي خايف اطق كبدك بكثر النشد ( تكفا لا ضاق صدرك قللي ;))


القير العادي هو الي ما يجي بالموديلات الجديده..

اللي شفته انه فيه قير عادي لكن نفس نظام الباترول والباجيرو ( تغيير باللمس ) ، وبصراحه ودي أعرف فعاليته وهل هو ممتاز ويصلح أو لا ، وهل هو فعال في النقل بين النمر أو لا ؟



اما بالنسبة للدبل الفرار .. فهو على حسب استعمال الشخص لأنه هو يبيله رفاقه موب طفاقه ;) مثل الدبل القير

وعموما أنا أنصحك بالدبل الأرضي لاعتماديته وقلة أعطاله ...

مهب اصلا بالحالتين الدبل مايبي له طفاقه ، قصدك هل أنه الدبل الفرار مايتحمل العمل الشاق من سحب قوي أو قلوص قويه أو تمشي بالبر كثير جدا ؟

لأنه قضيه انفصال الدبل الكهرب تخوف صراحه لا صرت بين النفود وبين هالدنيا كلها وفجأه لقيت كل شي - ماااابششش - وقتها راح تكون مصيبه

ولا وش رايك؟:D



شف بالنسبة للراحه في فئة 2500 فهي أقل من الشاص والهايلكس بلا منازع .. لكن تعتبر قاسيه بالذات الغماره الواحده أما الغمارتين فهو أريح بلا شك

معقوله ، اجل الجمس اقشر من الهايلكس ؟ بصراحه ماتوقعت كذا أو اني فاهم غلط
أرجو افادتي أكثر


بالنسبة للصرفيه أنا والله ما جربت صرفية الجديد 2500 .. أنا جربت 1500 الجديد .. وصرفيته ممتازة جدا والله بالديرة والخطوط..

لكني جربت 2500 موديل 2002 .. بالديرة صرفيته عاليه والله باللحيل.. لكن بالخطوط ممتاز جدا جدا .. يمشيك 800 كيلو بالراحه اذا كان متوسط سرعتك 130 ..!

صرفيه 2500 بالديره كم كيلو للتعبيه الوحده؟

وهل هناك طريقه ما لأضافه تانكي أكبر في حال احتياجي لذلك؟




وأهم شي شف أنت وش بتحتاج بالموتر .. لأن لكل شخص احتياجات .. كما أن لكل موتر قدرات وخصائص..


هو بصراحه أنا ودي بسياره ( شموليه ) يعني مناسبه لجميع الأغراض من بر - ديره - خطوط - استخدامات شاقه - راحه - صرفيه حلوه - قطع غيار منخفضه - سعر سياره مناسب- قدره على الاستخدام طويل الأمد

واذا انك خابر سياره ثانيه اتمنى تقترحها علي

لأنه بصراحه كنت خاط ببالي الباترول سابقا ، لكن بصراحه بعد غلاء سعره الفاحش جدا وبعض الشكاوي اللي صارت عليه صرفت النظر عنه

ولا زلت في البحث عن السياره الأنسب



وبالنسبة لحجم 2500 تراه بيبهذلك بالشوراع الضيقه والمواقف الصغيره .. لأنه ما شاء الله حجمه صغير باللحيل :D..

قصدك عن الغماره أو الغمارتين أو كلهن حتى؟




وأي سؤال أنا حاضر قدر الإستطاعه


الله يخليك ، ماقصرت والله أخوي ، واتشرف اني اتعرف عليك واكون واحد من اصدقاءك

[راعي الدتسن]

بعد اذن صاحب الموضوع الشباب يقولون يحمل مثل الشاص واكثر تكفون عطونى العلم الاكيد كم كيس شعير يحمل بدون ماينزل؟ لان الشاص 11 سستة افزعو لشايبي الله يطول بعمرة يبية للمزرعه ذبحة القير العادي
والله ياخوي مره وانا ماشي بالطريق قد شفت جمس سييرا محمل اكياس شعير واااجد ولا طاح بلحيل ، بصراحه حتى تحميله جاز لي ، واذكر انه محمل الى قبل التنده بشوي

بس اقولك للأمانه مدري بالضبط هل هو محمل شعير أو لا ، لكن انا قصدي انه محمل واجد ولا طاح بلحيل

وغير كذا سعر الجمس احسن من سعر الشاصي


لكن عاد مدري عن الوالد الله يحفظه هو من اللي ( شغل وامش ) وبس؟ ولا من النوع اللي يهتم بالسياره ويتابعها ؟

اتوقع انه الجمس يبي له متابعه

والله يقويك يارب

[راعي الدتسن]

صدق ياجماعه ، هل الجمس التالي يبي له متابعه ورد وهات وانتبه لا تنتبه ، ولا يمديك تاخذ راحتك

يعني أيش الصيانات الدوريه اللي لازم انتبه لها بالجمس؟

[نفود بريدة]

بعد اذن صاحب الموضوع الشباب يقولون يحمل مثل الشاص واكثر تكفون عطونى العلم الاكيد كم كيس شعير يحمل بدون ماينزل؟ لان الشاص 11 سستة افزعو لشايبي الله يطول بعمرة يبية للمزرعه ذبحة القير العادي


هلا بك أخوي

حمولة الشاص التويوتا = 1135 كيلو جرام تقريبا..

حمولة الجمس حجم 2500HD غماره واحده =
1902 كيلو جرام تقريبا للي ما فيه دبل..
1624 كيلو جرام تقريبا للي فيه دبل..

وهذه المصادر :

الشاص
http://www.toyota.com.sa/specs.asp?model_id=18

الجمس
http://www.gmc.com/2011sierra/2500HD/specsCapabilities.jsp



لكن أنا بسألك كم وزن كيس الشعير الواحد ؟ والشاص تبع الوالد الله يحفظه لك كم يشيل كيس شعير ؟

أخوك..

[نفود بريدة]

ياهلا والله أخوي نفود والله يجزاك خير على التفاعل

لكن تراي خايف اطق كبدك بكثر النشد ( تكفا لا ضاق صدرك قللي ;))





هلا بك أخوي ويا مرحبا..
حنا هنا نفيد ونستفيد..
ونحاول نفيد باذن الله على قدر معلوماتنا المتواضعه..
وعسى الله يوفقك لما فيه خير لك..




اللي شفته انه فيه قير عادي لكن نفس نظام الباترول والباجيرو ( تغيير باللمس ) ، وبصراحه ودي أعرف فعاليته وهل هو ممتاز ويصلح أو لا ، وهل هو فعال في النقل بين النمر أو لا ؟






وأنا أخوك وأنت أبخص.. هذا ما يسمى قير عادي .. اسمه تيبترونيك (Tiptronic transmission)

وهو يكون فيه التغييرات هكذا.. P>R>N>D>M وحرف الـ M يتكون من تغيرات 6 تغييرات تكون على شكل أرقام 1و2و3و4و5و6 ,,

أنت اذا بغيت تماتيك تحطه على الـD .. واذا بغيت عادي تحطه على الـM.. وتغير من خلال زر بالقير مكتوب عليه (+-) ..

وهذا القير هو فقط الي متوفر الآن على السييرا والجموس حجم 1500 و2500 .. لكن الي بـ حجم 2500 أقوى تحمل وأكبر حجم من الي بـ 1500 .. بفرق.

أما القير العادي هو الي يكون بكلتش مثل الددسن :D والشاص والهايلكس وغيرها.



مهب اصلا بالحالتين الدبل مايبي له طفاقه ، قصدك هل أنه الدبل الفرار مايتحمل العمل الشاق من سحب قوي أو قلوص قويه أو تمشي بالبر كثير جدا ؟

لأنه قضيه انفصال الدبل الكهرب تخوف صراحه لا صرت بين النفود وبين هالدنيا كلها وفجأه لقيت كل شي - ماااابششش - وقتها راح تكون مصيبه

ولا وش رايك؟:D




الي أنا أقصده ان الدبل القير كثير من الناس يشغله وهو يمشي بالبر وكثير منهم وهو مسرع من دون ما يوقف .. وكذلك يفصله من دون ما يوقف >>>>>>> وهذي هي الطفاقة :D:p

الدبل الفرار .. موب قضية انه يخرب على طول .. لا ,
لكنه يبيله واحد يعرف له يعرف كيف يشبكة وكيف يفصله وهكذا ..
لكنه أقل اعتمادية وتحمل من الدبل القير بفرق كبير .. لأن الدبل القير ما فيه كهرب أبد ..
بعكس الفرار فهو يحتوي على دينمو وظفيره كهرباء..
ولذلك تلاحظ جموس ارامكو اغليبتها ان ما كانت كلها تجي دبل قير موب فرار ,, لاعتماديته وجودته..

ادري ان كثرت قرق :p .. لكن الخلاصة :
الدبل القير اعتماديته وتحمله أقوى وأفضل من الدبل الفرار .. لأنه لا يحتوي على كهرباء.. وأي واحد يعرف كيف يستخدمه .. أما الفرار فهو مو كل واحد يعرف له لازم تقرأ قبل كيف تستعمله.. عشان ما يخرب عليك..
وهذا لا يدل على ان الدبل الفرار خايس وما ينفع.. لا بالعكس لكن مثل ما قلت لك.

فيه ناس لهم 4 سنوات وأكثر يستعملون الدبل الفرار ولا اشتكوا منه.. وفيه ناس مالهم سنه يستعملونه وخرب عليهم .. لأنهم ما يعرفون له.




معقوله ، اجل الجمس اقشر من الهايلكس ؟ بصراحه ماتوقعت كذا أو اني فاهم غلط
أرجو افادتي أكثر




لا لا وأنا اخوك ,, اقصد ان الهايلكس والشاص أقسى وأقشر من الجمس.. وأنا مجرب الاثنين.



صرفيه 2500 بالديره كم كيلو للتعبيه الوحده؟

وهل هناك طريقه ما لأضافه تانكي أكبر في حال احتياجي لذلك؟






اممممم تقريبا تعبيه فل (91) بـ 60 ريال وحولها وأنا يمشين بالديرة تقريبا 550 وفيها ( رجلي تميل الى الحراره بالديرة بسسب الزحمة الله يقلعه ).. الى ما تولع اللمبه .. واذا ولعت اللمبه يمشيك زيادة من 25 الى 35 او 40 كيلو تقريبا.

وبالنسبه لإضافة تانكي ما اعلم والله اسأل مجربين .. لكن ترا تانكيه كبير باللحيل باللحيل باللحيل بيكفيك وزيادة .. الا اذا كنت بتروح للربع الخالي :good2:




هو بصراحه أنا ودي بسياره ( شموليه ) يعني مناسبه لجميع الأغراض من بر - ديره - خطوط - استخدامات شاقه - راحه - صرفيه حلوه - قطع غيار منخفضه - سعر سياره مناسب- قدره على الاستخدام طويل الأمد

واذا انك خابر سياره ثانيه اتمنى تقترحها علي

لأنه بصراحه كنت خاط ببالي الباترول سابقا ، لكن بصراحه بعد غلاء سعره الفاحش جدا وبعض الشكاوي اللي صارت عليه صرفت النظر عنه

ولا زلت في البحث عن السياره الأنسب




ههههههههه وأنا أخوك الظاهر ياله ياله يصنعون لك سياره خاصة تناسب متطلباتك ما شاء الله..:D

شف الجمس حجم 2500HD : بر, خطوط, استخدامات شاقة , سعر مناسب = خذ ولد ..

اما بالنسبة لـ الديرة فهو حليل( لكن بيبهذلك شوي بالمواقف والشوراع الضيقه),
وأما الراحة فهو مثل ما قلت لك ,
وأما الصرفية فـ الخطوط والسفر ممتاز جدا جدا , لكن بالديره وسط >> طبعا أنا أتكلم عن موديل 2006 وتحت ما جربت الجديد ,, لأن الجديد وضعوا فيه أنظمه بالمكينه لتقليل الصرفية مثل نظام VVT .. فأكيد راح يكون أقل صرفيه من القديم,

أما قطع الغيار فهي متوسطة لا غاليه ولا رخيصة .. وتميل الى الرخص في نظري كمجرب مقارنه مع الشركات الأخرى ومن ظمنها تويوتا ,, وتبي تتأكد من كلامي رح اسأل محلات قطع الغيار او فرع الوكاله وشف .. لكن الناس ما زالوا على قديم عهدهم بتويوتا أنها رخيصه وهذا شيء الآن غير صحيح بتاتا.. :mad:

وأما بالنسبة للاستخدام طويل الأمد ,, فهو موتر ما فيه كلام وراح يطيب خاطرك .. لكن لازم تعرف كيف تستعمله وما تهمله في الصيانات والأشياء الخربانه ,, يعني اذا خرب عليك شي رح صلحه والا ترا بيخرب شي ثاني معه وعلى شوي شوي بتنعدم السياره.. ومثل اذا مشيت 70 الف تقريبا لازم تغير زيت القير .. وهذا الشيء مهم جدا .. .




قصدك عن الغماره أو الغمارتين أو كلهن حتى؟



كلهن تقريبا لكن الغمارتين يعل أكثر بالديره بفرق متوسط عن الغماره .



الله يخليك ، ماقصرت والله أخوي ، واتشرف اني اتعرف عليك واكون واحد من اصدقاءك




وأبد ترانا تحت الخدمة ونتشرف بمعرفة الرجال شرواك ,, وشف هذا المنتدى اسمه ( رابطة عشاق وملاك الجمس والشفر الحوض ).. راح يفييدك كثير باذن الله والأعضاء هناك ما يقصرون.
وهذا رابط المنتدى( بعد إذن الإدارة ): www.gmctruckclub.com/vb/




أخوك..

[العنابي 616]

السلام عليكم
أنا عندي سييرا غمارة و نص 2008 1500
مميزاتها صرفية البنزين ممتازة حوض كبير مركبها مريح نسبيا ( مو مثل السيارات العادية طبعا ) مواصفاتها ممتازة بالخط مريحة سعرها ممتاز
عيوبها قرقعتها واجد لأها غمارة و نص ضيقة من ورى تنفع للصغار فقط طوييييييلة دبل كهرب مشاكله واجد

على العموم السيارة زينة لكن أنصحك بالغمارتين 1500 دبل أرضي

و على فكرة ترى ال 2500 أثقل بكثير و أضعف من ال 1500 بالقومة و بالخط ( عكس ما يعتقد أغلب الناس )لكن يميزها أنه مصمم للإستخدام الشاق والسحب

[مطيعيس]

الجمس صمم للوجيه المسافير
ياظالمين الجمس وين العدالة
اخوي انصحك خذه وتوكل على الله انا عندي واحد غمارة ونص2004 بس حافظ حافظ حافظ تراه حساس اما في الراحه والراسوه لاتسأل احيانا اكون ماشي على طريق سفر160 وافك الطاره واعدل جلستي ولا يتحرك مل واحد (ماشاء الله تبارك الله) بس اا انت راي كرف خذ لك 2500عشان الكفر يجي 8مسامير ويجي اقوى اما اذا منت راعي كرف فخذ 1500(6مسامير الكفر) والله يوفقك.
للمعلوميه اللي عندي جمس مو شفر واشوف انه ارز وارسم
نسيت اقول لك التانكي اللي عندي اذا فللته يمشيني600 كيلو يعني مايحتاج تانكي ثاني

[راعي النياسين]

اذا مصمم على الونيت لاتتعدى السييرا الجمس مقاس 2500 hd

اما اذا انت ممكن تهون عن الونيت خذ لك جيب باترول فتك قوه + رسمي + شغل وامش واكرف وسو الي تبي فيه وخذ تماتيك قمه الراحه وخفة النفس والصبر

بالتوفيق وترى السييرا الجديد موتر يعتمد عليه

والله يبارك لك

[abdul000]

والله الوالد معه فرد f150 موديل 2002 قير عادي دبل الموتر صبور لابعد حدود يمكن ترجع للستخدام الوالد من البت للمزرعه وبس ومايفر طارته غيره والصيانه بنتظام بس عيبه متعبه في التحميل ينزل نزول واضح مع انه دبل مساعدات عند النويصر بس مانفعت يعني 15 كيس شعير وينزل والوالد معد به شده على الثير العايدي ويفكر في الشاص بس مايبي قير عادي والجمس ياخف انه مايحمل وكنك يابو زيد ماغزيت شورو علينى يربع كيف تحميل الجمس مقارنه بالشاص

[abdul000]

والله الوالد معه فرد f150 موديل 2002 قير عادي دبل الموتر صبور لابعد حدود يمكن ترجع للستخدام الوالد من البت للمزرعه وبس ومايفر طارته غيره والصيانه بنتظام بس عيبه متعبه في التحميل ينزل نزول واضح مع انه دبل مساعدات عند النويصر بس مانفعت يعني 15 كيس شعير وينزل والوالد معد به شده على الثير العايدي ويفكر في الشاص بس مايبي قير عادي والجمس ياخف انه مايحمل وكنك يابو زيد ماغزيت شورو علينى يربع كيف تحميل الجمس مقارنه بالشاص

[abdul000]

والله الوالد معه فرد f150 موديل 2002 قير عادي دبل الموتر صبور لابعد حدود يمكن ترجع للستخدام الوالد من البت للمزرعه وبس ومايفر طارته غيره والصيانه بنتظام بس عيبه متعبه في التحميل ينزل نزول واضح مع انه دبل مساعدات عند النويصر بس مانفعت يعني 15 كيس شعير وينزل والوالد معد به شده على الثير العايدي ويفكر في الشاص بس مايبي قير عادي والجمس ياخف انه مايحمل وكنك يابو زيد ماغزيت شورو علينى يربع كيف تحميل الجمس مقارنه بالشاص

[abdul000]

والله الوالد معه فرد f150 موديل 2002 قير عادي دبل الموتر صبور لابعد حدود يمكن ترجع للستخدام الوالد من البت للمزرعه وبس ومايفر طارته غيره والصيانه بنتظام بس عيبه متعبه في التحميل ينزل نزول واضح مع انه دبل مساعدات عند النويصر بس مانفعت يعني 15 كيس شعير وينزل والوالد معد به شده على الثير العايدي ويفكر في الشاص بس مايبي قير عادي والجمس ياخف انه مايحمل وكنك يابو زيد ماغزيت شورو علينى يربع كيف تحميل الجمس مقارنه بالشاص

[نفود بريدة]

والله الوالد معه فرد f150 موديل 2002 قير عادي دبل الموتر صبور لابعد حدود يمكن ترجع للستخدام الوالد من البت للمزرعه وبس ومايفر طارته غيره والصيانه بنتظام بس عيبه متعبه في التحميل ينزل نزول واضح مع انه دبل مساعدات عند النويصر بس مانفعت يعني 15 كيس شعير وينزل والوالد معد به شده على الثير العايدي ويفكر في الشاص بس مايبي قير عادي والجمس ياخف انه مايحمل وكنك يابو زيد ماغزيت شورو علينى يربع كيف تحميل الجمس مقارنه بالشاص


اخوي تراي وضحت لك حمولة الشاص والجمس بالكيلو في ردي السابق لك ..

لكن ملاحظه/ الفورد F150 والجمس حجم 1500 ,,
ما خصصت للتحميل الثقيل .. والعمل الشاق..
فطبيعي انه ينزل..

يعني انا اقولك اذا الوالد راعي تحميل لا يقرب النوعيات الي فوق ..

خله ياخذ جمس حجم 2500HD وان شاء الله يبي يطيب خاطره بالتحميل..

والله يخلي لك الوالد..

موفق ان شاء الله..

[راعي الدتسن]

والله الوالد معه فرد f150 موديل 2002 قير عادي دبل الموتر صبور لابعد حدود يمكن ترجع للستخدام الوالد من البت للمزرعه وبس ومايفر طارته غيره والصيانه بنتظام بس عيبه متعبه في التحميل ينزل نزول واضح مع انه دبل مساعدات عند النويصر بس مانفعت يعني 15 كيس شعير وينزل والوالد معد به شده على الثير العايدي ويفكر في الشاص بس مايبي قير عادي والجمس ياخف انه مايحمل وكنك يابو زيد ماغزيت شورو علينى يربع كيف تحميل الجمس مقارنه بالشاص




اخوي تراي وضحت لك حمولة الشاص والجمس بالكيلو في ردي السابق لك ..

لكن ملاحظه/ الفورد F150 والجمس حجم 1500 ,,
ما خصصت للتحميل الثقيل .. والعمل الشاق..
فطبيعي انه ينزل..

يعني انا اقولك اذا الوالد راعي تحميل لا يقرب النوعيات الي فوق ..

خله ياخذ جمس حجم 2500HD وان شاء الله يبي يطيب خاطره بالتحميل..

والله يخلي لك الوالد..

موفق ان شاء الله..



أخوي مجهول 666 بين انه فيه انواع كثيره للفورد الوانيت فلعله فيه انواع للاستخدام الخفيف وانواع للاستخدامات الشاقه؟

[راعي الدتسن]

وكذلك اسعار قطع الغيار ؟

أيضا ودي أعرف الأنظمه اللي فيه ، لأني ناظرت فيه ولا مليان ازرار

وماهي المواصفات الداخليه اللي تجي فيه؟


(http://www.mekshat.com/vb/newreply.php?do=newreply&p=5353534)



السلام عليكم

ياجماعه ماحد حاوب على هالسؤال

وغير كذا

فيه بعض الموديلات يجي فيه ونش ، هل الونش هذا قوي ويتحمل ؟

وغير كذا

هل هو بالسرعات العاليه يبدأ يرج ويلعب فيه الهواء بسهوله ، ولا انه فيه رساوه ؟

وهل هو فيه فاصل عند سرعات معينه ؟ او انه مفتوح

[راعي الدتسن]

وغير كذا متى اغير زيت القير ، وهل اذا جيت اغيره اغيره تغيير كامل _زيت القير مع زيت الطنجره _ أو زيت القير بس؟

[تناهيت]

للتحميل والمكاشيت والبران لا تتعدى حجم 2500
الموتر يتحمل تشيل عليه حمولة 2 طن وأكثر ومافيه موتر ما ينزل عند التحميل القوي لاكن عندك حلول واجد منها تركيب بوالين تشيل الشعير اللي تبي وكذلك زيادة سستت هذا عند الضرورة والكفرات لها دور كبير يعني كانك راعي تحميل الأفضل تغير كفرات الى حجم أكبر تتحمل الحمولة الزائده
انا مره شلت تانكي مويه حجمه تقريبا 2000 لتر مكعب يوم كنت اشتغل في تجهيز مخيم

2500 hd تعني احمال شاقه او من هالقبيل

تفضل هذي بعض المواصفات والمعلومات المفيده:-
1- دف لوك الكتروني في بعض الفئات
2-مركز معلومات السائق ويوضح لك = حراره القير -كميه استهلاك البنزين -درجه الحرارة- ضغط الأطارات - حالة الزيت .........الخ
3- الونش ما يجي شد بلد
4-تحكم الكتروني من الطارة للمسجل (سي دي ) بعضها 6 سي دي وبعضها 1 سي دي على حسب الوكيل
5- مثبت سرعة
6- تغيير الزيت يعتمد على نوعية الزيت المستخدم في ناس تغير كل 3000 وفيه ناس تغير كل 6000 ونا منهم .
7- يفصل عند 160سرعة
8- الجمس راسي في الخط وثابت
9- عند التحميل القوي انصح بتدبيل المساعدات الأمامية والخلفية طريقة مجربه وناجحة
10 - مواصفات حجم 1500 تختلف عن 2500 فلا تقارن بينهم من جميع النواحي شاص ومحركات ونظام تعليق
11- فيه تجهيزات خاصة بالجموس ينصح بعملها طبعا على حسب استخدامك له مثل تركيب مبرد قير اكبر عند الأستخدامات الشاقه جداً تغيير حجم الكفرات لأكبر .........الخ
12- مزود بنظام تراكشن تحكم الكتروني
13- تحكم في قفل الإيرباق
14- حجم مكينة الــ2500 (7) (L76) , سعة 6.0ل , , 375رطل-قدم (508نيوتن-متر) ,
قالب من الألمنيوم يعني جرم البلوك المنيوم
15-2500 يجي 5 سست خلفيه و1500 يجي 3 سست .
16-2500 يجي بحرك سعته 6000 سي سي 367حصان والتورك عالي وهذا مفيد عند التحميل بلاشك .
17-القير تبترونيك 6 سرعات .
18-دبل خفيف -ثقيل - اوتو



مواصفات الجموس تختلف من فئه لأخرى ومن وكيل لآخر والمستورد دائما مواصفاته افضل بكثير وخاصة وارد دبي وامريكا ....

تحياتي

[((ابوملاك))]

2500 hd تعني هاي دوتي يعني اعمال شاقه

زي الفورد الفورد اف 150 مخصص للديره وراحه مريح مايحتاج كلام وتحميل على خفيف دباب وهالحدود اعتقد انا انه مناسب لك جدا

وفورد اكثر السيارات اعتماديه وممكن تنافسها البنز

لكن طبعا صيانتهن عند الوكاله

ماسمعت عن سيارة فورد موديل 1996 اللي ماشيه 1.200.000 ميل ؟

امريكي هذا طبعا يقول انه بس يغير الزيت والاشياء الاستهلاكيه

واذا انك تبي موتر كد

خذ لك اف 250 سوبر دوتي

اوا اذا انك تبي تحمل واجد واجد ان شاء اله تبي تحمل بلك واسمنت

خذ لك اف 350 سوبر دوتي اللي يجيك ست كفرات ( 4 كفرات ورا اثنين قدام ) حمل الين تقول بس او يوجعك ظهرك وتوقف

ااما من 450 وفوق هذي ما يستخدمونا الا بامريكا صراحتن مدري وش يبون به هالمهبل يبون يسحبون شاحنات ؟

[((ابوملاك))]

تم التعديل

اعتذر عن تكرار الرد

[((ابوملاك))]

تم التعديل

اعتذر عن تكرار الرد

[((ابوملاك))]

تم التعديل

اعتذر عن تكرار الرد

[راعي الدتسن]

للتحميل والمكاشيت والبران لا تتعدى حجم 2500
الموتر يتحمل تشيل عليه حمولة 2 طن وأكثر ومافيه موتر ما ينزل عند التحميل القوي لاكن عندك حلول واجد منها تركيب بوالين تشيل الشعير اللي تبي وكذلك زيادة سستت هذا عند الضرورة والكفرات لها دور كبير يعني كانك راعي تحميل الأفضل تغير كفرات الى حجم أكبر تتحمل الحمولة الزائده
انا مره شلت تانكي مويه حجمه تقريبا 2000 لتر مكعب يوم كنت اشتغل في تجهيز مخيم

2500 hd تعني احمال شاقه او من هالقبيل

تفضل هذي بعض المواصفات والمعلومات المفيده:-
1- دف لوك الكتروني في بعض الفئات
2-مركز معلومات السائق ويوضح لك = حراره القير -كميه استهلاك البنزين -درجه الحرارة- ضغط الأطارات - حالة الزيت .........الخ
3- الونش ما يجي شد بلد
4-تحكم الكتروني من الطارة للمسجل (سي دي ) بعضها 6 سي دي وبعضها 1 سي دي على حسب الوكيل
5- مثبت سرعة
6- تغيير الزيت يعتمد على نوعية الزيت المستخدم في ناس تغير كل 3000 وفيه ناس تغير كل 6000 ونا منهم .
7- يفصل عند 160سرعة
8- الجمس راسي في الخط وثابت
9- عند التحميل القوي انصح بتدبيل المساعدات الأمامية والخلفية طريقة مجربه وناجحة
10 - مواصفات حجم 1500 تختلف عن 2500 فلا تقارن بينهم من جميع النواحي شاص ومحركات ونظام تعليق
11- فيه تجهيزات خاصة بالجموس ينصح بعملها طبعا على حسب استخدامك له مثل تركيب مبرد قير اكبر عند الأستخدامات الشاقه جداً تغيير حجم الكفرات لأكبر .........الخ
12- مزود بنظام تراكشن تحكم الكتروني
13- تحكم في قفل الإيرباق
14- حجم مكينة الــ2500 (7) (L76) , سعة 6.0ل , , 375رطل-قدم (508نيوتن-متر) ,
قالب من الألمنيوم يعني جرم البلوك المنيوم
15-2500 يجي 5 سست خلفيه و1500 يجي 3 سست .
16-2500 يجي بحرك سعته 6000 سي سي 367حصان والتورك عالي وهذا مفيد عند التحميل بلاشك .
17-القير تبترونيك 6 سرعات .
18-دبل خفيف -ثقيل - اوتو



مواصفات الجموس تختلف من فئه لأخرى ومن وكيل لآخر والمستورد دائما مواصفاته افضل بكثير وخاصة وارد دبي وامريكا ....

تحياتي
يعطيك العافيه أخوي على هالمعلومات الزينه

[أبو هشأم]

موضوع ممتاز جدا

[جمس دينالي]

اخوي خذ الجمس ولا تحتار

الجمس افضل من الشفر

من ناحيه الشكل ومرغوب عند الناس وشكله هييبه اكثر من الشفر

وبالنسبه للهلكس

انا اشوف انك تبعد عنه لانه غالي وما يستاهل سعره

والفرق بينهم

مكينه الجمي 8 سلندر والهلكس 4 سلندر

الجمس ارسى وافخم وارفع ودفرنساته ودبلاته اقوى واريح من الهلكس

خذه ولا تحتار

وتبي نصيحتي خذ 2500 هيبه ملك