استفسار مروري عن لوحات المركبة

[بن شمروخ]

السلام عليكم ورحمة الله وبركاته ...

يالربع أنا شريت لوحة خصوصي لولد خالي من أحد الأشخاص واللوحة باسم الشخص

لما رحت لأحد المكاتب قال يجب ان تكون السيارتين باسم شخص واحد ...

وأن يكون مصدر اللوحات نفس المنطقة (قصدهـ الرياض )

طبعا الرجال ما اعرفه وهو مايعرفني ولاهو مستعد يحط سيارته باسم أحدوانا مدري وش اسوي اول مرة تمر على هالحالة وولد خالي يقول احط 200 ألف باسم شخص ما اعرفه ...

أبي الحل تكفون دبروني


بعدين

ن ك ب وش مصدرها

ا س د وش مصدرها

[قرم العيال]

يالغالي انت مريت المرور

انا سمعت انه عندمهم ورقه ملكيه مؤقته عشان اللوحات .. المباعه

مر المرور وتاكد :)

[.أبوعبدالرحمن]

اخوي الغالي


من أجل راحة مزاجك لازم توقف سيارة قريبك والرجال راعي اللوحة بأحد المعارض والمعرض هو اللي بيسوي هذا كله لك ، والسيارات ما عليها خوف ، وانت وقريبك وراعي اللوحة مرتاحين وتاخذ والله اعلم يومين

[التعـ King ـديل]

انا مع رأي بن صفيان

حطوها عند معرض وهو يضبط كل شي

اللي اعرفه لازم ملكيه السيارات بااسم شخص واحد ومالها دخل مصدر اللوحه

[بن شمروخ]

اللي مجرب لا يبخل علينا

اليوم رحت لأحد المكاتب وطلب مني 1500 ريال للشغلة هذي ....الله أكبر

[You Like Me]

وعليكم السلام والرحمه

اخوي انا شريت لوحه وفي بنفس المكتب ورقه اسمها إثبات ملكيه او حاجه زي كذا
رسميه ويوقعها صاحب المعرض وتختم . الغرض منها ان لو نقلت سيارتك بإسم اللي شريت منه اللوحه
مايقدر يحركها ولا يطلعها من المعرض بموجب هذه الورقه اللي وقعتها انت وهو
واساسً نفس المكتب يكتب بينكم نقل السيارات ونقل الارقام ومن ثم نقل السيارات مره اخرى
يعني ترجع لكل واحد سياراته والمعقب واحد وهو اللي يقوم بكل هالشغلات
وإن شاء الله مامنها خوف
لكن اذا ما تعرف صاحب اللوحه لا بد انك تكتب هذه الورقه بينكم
حتى لو ما حصلت هالورقه في بعض المكاتب
مر المرور او اتصل واستفسر مثل ما قال الاخ قرم العيال
او اكتب ورقه بينك وبينه واختر الصيغه اللي تبي وتضمن بها حقك
وخل المكتب اللي بيسوي لكم هالشغله يصدقها

[بن شمروخ]

يعطيك ألف عافية وماقصرت ...

لكن كم كلفتك الشغلة هذي لان اسعار المكاتب مبالغ فيها

[محرين باالخير]

لو ماظبطت الشغله الي قالو عليها الشبا ب مالك حل إلا انك تشري سيا ره رخيصه وتنقل عليها اللوحه وتكون بإسم راعي اللوحه ثم تنقلها بإسم ولد خالك وبعد ماتخلصون تبيعها يمكن تكون خسارتها غير مكلفه

[You Like Me]

الله يجزاك خير
تقريباً بنفس المبلغ اللي ذكرت

[العابر2222]

أخووي من حقك انك تخاف وقد صارت سوالف كثيرة .. بس الطريقة سهلة جداً .. وراح اقولها لك

تروح بسيارة ولد خالك وبسيارة الرجال لأي معرض وتقوله انا شريت لوحة وبي انقلها على السيارة هذي


المعرض راح يخليكم توقعون على ورقه اسمها (تفويض للتوقيع بالنيابه)وتسدد الرسوم او تعطيهم هم يسددون لك ... يعني المعرض يوقع عنكم في كل شي وهو ينقل السيارات ويبدل اللوحات وكل شي ... حتى لو جاء الرجال يبي يلف ويدور ما يمديه ينقلونها غصب عنه

[عبدالعزيز-1]

صحيح السيارتين لازم يكونون باسم شخص واحد

صحيح ان السيارتين لازم تكون ملفاتها من نفس المدينه

واذا كنت خايف من الموضوع سلم الموضوع لاحد المعارض ووقفو السيارتين فيه وقل للمعرض اني شريت اللوحه وهم يتكفلون بنقلها.

وتقريبا بيكلفك النقل حوالي 1500 ريال رسوم مرور + تأمين للسيارتين.

اما كم بياخذ منك المعرض اتعاب والله مدري لكن عادة ماتتجاوز 800 الى 1000 ريال