تم شراء خزان الوادي عصر هذا اليوم ، وتوضيح بعض الأمور

[عبدالله......]

بسم الله الرحمن الرحيم


السلام عليكم ورحمة الله وبركاته

مساء الخير / صباح الخير

كلن حسب وقته :)


تم تداول موضوع سعر خزان الوادي كثيراً هذا اليوم وبحماس من العيال :eek:

والله ماشاءالله الزكرت خوينا الي تحطه على يمناك قدم لنا خدمة وأعلن السعر الحقيقي :good2:

طبعاً أخوكم عبد الله الي قاعد يكتب الموضوع الحين ماعمره فكر يشتري خزان الوادي لعدم قناعته بالسعر المتواجد بكل أمانة .

لكن شفت الموضوع الظهر اليوم وعلى طول نقزت وطقيت لي واحد

لكن للأسف أخونا خزان الوادي لم يكتف بأنه كان رافع السعر وبس لا برضوه كلم الشركة واشتكى وزعلان عليهم لأنهم باعو بالسعر هذا لأنه مثل ما يقال موقع مع الشركة على حصرية هذا الخزان له فقط

فكان الجشع عنوان وكان العنوان موضوعاً والموضوع عنواناً :D:D:D:D:D <<<<بلا ضرافه

وهناك أيضاً أنباء تشير إلى إيقاف إنتاج هذا الخزان بعد ما حدث من قبل الشركة لأنه زعل عليهم أخونا خزان وعلى العقد الي موقعه معهم.


كما يحق لكم أعزائي الأعضاء دخول موقع شركة الزامل ورفع شكوى بخصوص هذا الموضوع الي انغبنتو فيه:(.

لكن بوضح للجميع عشان يرتاحون أن هناك برضوه محل لو صار شيء لا قدر الله من رفع السعر أو شي محل اسمه الوطني معروف حق خزانات برضوه عند مخرج خالد بن الوليد يبيع مثل هالخزانات وبنفس الأسعار المميزه ومنها المربع وأشكال أخرى.

وأيضاً هناك تفاصيل توانكي بالمقاس مثل ماتدرون ستيل ستيل بــ600 ريال.

واذا تبون توثيق بالصور للفاتورة بتاريخ اليوم وصورة التانكي ماعندي مشكلة

رسالة خاصة
(آسف للي وصفت له موقع مصنع الزامل آسف جداً على الوصف السيء بدال ماقولك لف يسار قلت رح كمل قدام هع:D:D:D:D

[الربذي]

بسم الله الرحمن الرحيم


السلام عليكم ورحمة الله وبركاته
خزان الوادي كلم الشركة واشتكى وزعلان عليهم لأنهم باعو بالسعر هذا لأنه مثل ما يقال موقع مع الشركة على حصرية هذا الخزان له فقط


يارجل لوهي 60الف لكن الشركه لها وزر بالموضوع يمكن انها كانت تبيع عليه بسعر مرتفع وبعدين باعت للجمهور بسعر مخفض لاتظلمون الرجال والله يكفيه ماجاه عسى ياسر الخايب تربت يداه واخرس فاه يطيح بيديكم ويسود ليله

[ابوناصر426]

قبل قليل كنت في محل الرحلات اللي بحي المروج

وكان الهدف من الزيارة التحقق من خبر يقول بان خزان الوادي خفض سعره، وبالفعل لقيت صاحب خزان الوادي مسوي تخفيض زي وجهه مخف السعر من 560 الى 460 قال ايش تخفيضات بمناسبة هالموسم:o والله التخفيض جاء لانا الرجال ماسكينه من حلقومه، المهم، كلمت السوداني وقلت له هالخزان يباع ب 225 ريال شلون تبيعونه ب 460 ريال و مسوين عليه تخفيض بعد "مسوي نفسي ما ادري عن الحرامي الاصلي وكيل الغفلة" قال السوداني والله يا خي احنا عارفين هالشي وهالخزان مو لنا احنا نعرضه فقط، وقال ان جاه شباب قالوا له هذه فاتورة لخزان الوادي تم شراءه من الزامل ب 225 ريال، وبعض الزباين قالوا للزول عبي خزان الوادي بماء و اشرب منه:o، الزول بعد حديثي معه اتصل على "وكيل الغفلة" وكلمه كلام شديد، وقال له احنا بالواجهة الناس تتوقع اننا حرامية، وقال له الزباين اذا حصل نفس المنتج بسعرين مختلفين راح يروح للسعر الرخيص وانت سعرك ب 460 والزامل ب 225 !!!، وفي نهاية المكالمة قال السوداني لوكيل الغفلة يشوف حل للموضوع، و ان المحل يفكر يرجع الخزان لوكيل الغفلة.:o.

[أبوصقر]

يالربع أبشركم بعد حملتكم بخصوص الوادي شريت التانكي من الزامل..145لتر واقف بـــ225ولكن المشكلة في ارتجاج الماء هل له حل لأنه سبب لي ازعاج داخل الموتر..

[ابو نايف 111]

يا شباب
وصفولي مكان الزامل

[عبدالله......]

مقابل جريدة الجزيرة بالشمال

[مرقاب الشرق]

نشوف وش تاليها مع خزان الوادي.

[مخاوى ابوه]

حسبي الله عليه بس
يلعب على المسلمين
الله لا يربحه

[عيون جهجاه]

حسبي الله عليك يا صاحب خزان الوادي

الوعد يوم الحساب

[ولد وايل..]

امس رحت لفرع الدمام

قال محلات القناص اخذها كل ابوها ويبيعها بأسم الزامل وليس الوادي

[اسير الغضا]

انا رحت لمحل الرباع ابنكب ابو وادي اثره ماعنده الوادي عنده الوطني

[اسير الغضا]

الله يكون بالعون

[ولد الخاتله]

هل يعطي الزامل نفس الضمان لخزاناته؟
بارك الله في الجميع؟

[ابن سعيدان]

ودي ازور حق خزان الوادي
.............................................!!
:hot::hot::hot:
:l
بس ودي أسلم عليه
:p:p
وحشنييييي مووووت

[عبد الله 99]

ما ابي ازيد الطين بله
لاكن للأسف خزان الوادي سحب من فرع الزامل طريق الجامعه
تقبل مروري

[راعي الطويلة]

ياشباب لا تزعلون من وكيل خزان الوادي

الرجال يعرف المنتدى ويشوف الأعضاء وش يدورون ويقراء كل يوم يومين ... (( من يلاقي لي ..؟؟ باللي يكون ...)) وما تبونه يصنع الخزان المطلوب ويبيع بالسعر اللي يبيه

على فكرة هناك بضائع أخرى سوف تكتشفون انها مدبلة 3 مرات بعد مدة

الله يقويكم ويفضح كل مستغل

[فهد33]

ماعند الزامل يااخوان خزان فيه مانع ارتجاج الماء قواطع أو فتحات ؟
أشكركم على الموضوع والتوضيح بخصوص الخزان وسعره.

[ابوغزاي]

ماعند الزامل يااخوان خزان فيه مانع ارتجاج الماء قواطع أو فتحات ؟


أشكركم على الموضوع والتوضيح بخصوص الخزان وسعره.

فية عندالمصنع الوطني طلبك وبسعراقل

[عبدالله......]

روحو للمصنع الوطني للي قالو انه خلص من الزامل

[رعب الصحراء]

روحو للمصنع الوطني للي قالو انه خلص من الزامل

السلام عليكم و رحمة الله و بركاته،،،

س1/ أين مكان المصنع الوطني للتوانكي؟
س2/أين مكان مصنع الزامل للتوانكي؟
س3/هل ألاقي شي يركب على وحش البراري (((الباجيرو)))؟

[فياااااض]

سبحان الله
ليه الحين بعضكم يدعي عليه
تراك يا اخي منتب مجبور تشتريه بهالقيمه
والرجال ما اشوف انه سوا شي غلط كل اللي سواه انه يترزق الله
او تبونه يشريه بـ250 ويبيعة بـ260 علشان ترضون
ليه تشرية من الاساس وهو ما اعجبك السعر
ليه ما دورت بديل بنفسك
انا اعتبر الموضوع اللي صار قطع رزق
عجيب امركم

[سلمان الخالد]

السلام عليكم ورحمة الله وبركاته


اخواني كم صار سعر الخزانات

[عبد الله 99]

السلام عليكم و رحمة الله و بركاته،،،

س1/ أين مكان المصنع الوطني للتوانكي؟
س2/أين مكان مصنع الزامل للتوانكي؟
س3/هل ألاقي شي يركب على وحش البراري (((الباجيرو)))؟


جـ/ على شارع الابراج (خالد ابن الوليد)
جـ/ على طريق الملك فهد شمال مقابل جريدة الجزيره
جـ/ طبعا ابو 90 لتر واقف يركب عليه


اتمنى اني افدتك

[تركي الضرغام]

الله لا يهينكم
أبي تلفون خزان الوطني
ووصف لمكانهم للي على شارع خالد بن الوليد ( وين بالضبط )
ويقلون لهم فرع بغرب الرياض من يدلنا عليه ( أقرب لنا )

[أبو هشام راشد]

الله لا يهينكم



أبي تلفون خزان الوطني
ووصف لمكانهم للي على شارع خالد بن الوليد ( وين بالضبط )


ويقلون لهم فرع بغرب الرياض من يدلنا عليه ( أقرب لنا )



يا ليت من يفيدنا و العنوة للشرق أخاف نجيب الزحمة لهم :)

[سابربن فلاح]

وش قصة ذا الخزان ؟!!
هل هو تفصيل ويلحم من تحت او يركب في الشنطة ؟