الفزعه يا لنشاما الله يجزاكم خير قير الجيب خبط

[فيافي شقراء]

السلام عليكم اعزائى مشرفين واعضاء وزوار منتديات مكشات ماطول عليكم السالفه انا عندى سياره جيب لاند كروزر جى اكس ار موديل 2004أتماتيك على يدي وكاله ماشى (137000 )مائه وسبعه وثلا ثون الف كيلومتروخبط القير واحترت وشسوى ابى نصيحتكم ياهل الخبره والتجربه اوضبه ولااشترى قير جديد ولا مستعمل ومن احسن من يتقن اصلاح القير وين احصله دلونى انا فى الرياض الله يجزاكم خير اخوكم :lفيافى شقراء

[الجني العبد]

إسألني أنا ..
مستحييل تلقى واحد يظبط لك القير صح !!
أنا كد وضبت قير اكسبدشن عند القرعاوي ،، وصرت سردادي مردادي ،، بين كل فترة وفتر مسير عليه
والقرعاوي مركز متخصص بالقيور بعد !!


فمالك الا تزود 2000 لن التوضيب بياكل حوالي الــ 1800 الى 3000 الاف ريال ..
والقير شف لك واحد أمين بالتشليح وخذ منه قير نظيف وريح راسك من مشاكله ..

[فيافي شقراء]

مشكور اخو الجني العبد ماقصرت الله يعطيك العافيه ودى من الاخوان يزودونى بما عندهم من معلومات وسلا مة الجميع

[سرطوقا]

اللحين انا ادور لاند الظاهر اني باخذ قير عايدي

الله يوفقك وانا اخوك وان شاء الله الاخوان يفيدونك

[القناص المميز]

فيه ورشة العثمان بالقصيم متخصص بالقيور واعرف ناس لهم سنتين موضبينهن عنده وماشاءالله زي الحلاوه

[دحيم الفزعة]

السلام عليكم
انت متأكد ان القير مخبط ؟
لا تستعجل هذي نصيحتي لك
يمكن حساس او حاجه بسيطه


تحياتي ====

[vtc3636]

عليك بورشة الشيبان
شف يوسف بيفيدك أكيد
الموقع بريدة شارع الخضيراء

[مقلع الرمث]

وده لورشه العثمان ببريده متواجد بالتشليح

بالتوفيق

[فيافي شقراء]

شكرا للجميع وانا ساكن في الرياض والى يعرف ورشه ممتازه وامينين ونصوحين ويخافون الله يدلنى عليهم مع تقديرى واحترامى للاخوه الذين شاركونى وقدمو لى المشوره والنصيحه الله يجزا الجميع الخير محبكم فيافي شقراء

[owwn]

انا اقول لا تستعجل
بعدين من قال ان قير موترك مخبط يمكن يبيله تغيير زيت وفلتر ولا حساس
المهم فيه ورشه في صناعية العروبه فيها سعودي اسمه ابو وائل رح لمه خله يكشف على الموتر
اسم الورشه كوادر الوشاح فيها فلبيني شاطر بالقيور طبعا في الرياض
اتمنى لك التوفيق

[ملقاط بن جمر]

ما عليش ياغالي :

أنا ماعندي خلفية عن ورشة جيدة للقيور .. لكن ليش خبط القير ؟؟ وش السبب ؟؟

على شان تتلافاه في المرة القادمة ؟؟ ويستفيد غيرك من الأعضاء والزوار ..

وفقك الله لكل خير ..

[فيافي شقراء]

للمعلوميه زيت القير محروق ومتغير لونه وفيه ريحه حراق ولا يرجع ريوس يمشى قدام وعزمه ضعيف علمآ ان الزيت غير ناقص والفلتر مغيره عند الوكاله من حوالى سنتين بعد مامشى مده الصيانه

[سوبر مكشات]

دق عالاستعلامات وخذ رقم الوكاله في الامالاتا واسألهم عن سعر القير
اذكر الاسعار على النصف من اسعارنا

وخلهم يشحنونه لك وحول الدراهم لهم


اشر راحتك اشر راحتك وتفكيرك ورواقك

اذا كنت بتوفر وماعندك مشكله ياخذ وقت شف التشاليح

[الغريب 2000]

اخوي فيه ورشه مشهوره بالنسيم على طريق الامير سعد بن عبد الرحمن والمكنيكي معروف باالصناعيه اي واحد يدلك عليه اسمه حسين التركي وتراه متخصص باالجيوب وفاهم وموترك يمكن يكون حساس او فلتر يعني شغله بسيطه جدا واذا كان القير مخبط واكد لك المكنيكي طبعا ماهو واحد رح عدت ورش انصحك لا توضب القير واشتر من التشليح ولك تحياتي

[الغريب 2000]

اخوي فيه ورشه مشهوره بالنسيم على طريق الامير سعد بن عبد الرحمن والمكنيكي معروف باالصناعيه اي واحد يدلك عليه اسمه حسين التركي وتراه متخصص باالجيوب وفاهم وموترك يمكن يكون حساس او فلتر يعني شغله بسيطه جدا واذا كان القير مخبط واكد لك المكنيكي طبعا ماهو واحد رح عدت ورش انصحك لا توضب القير واشتر من التشليح ولك تحياتي

[ونش]

هه وين حقين الاند بانواعه الرجال يقول ماشي 130 الف يعني ممشى عادي جدا و مغير الفلترفي وقت الصيانه يعني محافظ على السياره ومع ذالك بوش القير اهم شي بعد المكينه في السياره ويقولون لا تدعدى الاند ابدا

[ابا الجرفان]

اخوي فيافي شقراء قبل التوظيب خل تفكيرك فيه اخر شي افحص السياره بالكمبيوتر للتاكد من حساسات القير وبعدين كيف تقول خبط هل حظت مع ممشى السياره او بعد ماوقفت ومشيت والسياره تمشي والا ماتمشي تاكد من اللي ذكرت لك الله ييسر امرك 0

[abc-00-abc]

الله يعوضك ويرزقك


اول شيء غير زيت القير والفلتر و اذا ما ضبط افحص السياره عند اكثر من ورشه


ادخل على هذا الرابط الموضوع عن القير الاتوماتيك للمشرف بدوي جنوبي ان شاء الله تستفيد


http://www.mekshat.com/vb/showthread.php?t=221402

[asdali]

انصحك اخوي تسأل المشرف اصيل حجازي ولا يهونون الاخوان والله ييسر امرك

[بدون مقدمات]

الله يعيننا واياك اخوي
بس الخراب مهوب طبيعي ابد مادام انه مسوى له صيانة

[العاذر]

السلام عليكم
انت متأكد ان القير مخبط ؟
لا تستعجل هذي نصيحتي لك
يمكن حساس او حاجه بسيطه


تحياتي ====

[الحاكم575]

انا موتري خبط القير مثلك ورحت استشرت اكثر من ورشة وسويت مقارنات بين كل الورش
وكان بالنهاية العضيب لاندكروزر ويكلف حوالي 8000 ريال مع ضمان 6 شهور
او الشيبان بالقصيم ويكلف 4500 مع ضمان 6 شهور
وتوكلت على الله وسويتها عند الشيبان والحين الموتر له سنة ونص من وضبتة ومشيت علية حوالي 150 الف وتمام
اتمنى اكون قد افدتك بالمعلومة
مع العلم ان موتري 2004 ويوم يخبط كان ماشي 150 الف