محتار بين هذه السيارات ابي شوركم

[عم الجميع]

السلام عليكم ورحمة الله وبركاته
ودي اشتري سيارة تكون خاصة بالبر ومحتار بين ثلاث سيارات وابي رايكم
1/ جمس حوض غمارتين (سييرا) دبل
2/ اف جي
3/ ددسن او هايلكس غمارتين دبل
علما بأن السيارة الي بشتريها جديدة وبخليها سيارة ثانية للبر لأن عندي سيارة صغيرة للإستخدام اليومي
يهمني قيمة السيارة عند البيع لأني احب اغير بعد سنة تقريبا
ياليت الأخون يرشحون لي سيارة مع السبب
ولكم جزيل الشكر
وإذ فيه سيارة انسب منهم ياليت تتكرمون علي فيها

[عميد سامودة]

اذا ماعرفت تختار سياره لنفسك مشكله .. الناس كل واحد بيقول لك خذ سياره كذا وكذا ,, خذ اللي يناسبك

[ياوجودي]

السلام عليكم

أخوي اذا بتوصل قيمة الإف جي 122.000ريال خذ شاص وانت مغمض ويمكن تبيعه بعد سنه بخسارة 5.000 ريال فقط.

والإف جي نصيحة إبعد عنه واسأل اي راعي اف جي كم مره غيرة طرمبة الدركسون.

اذا ماتبي شاص خذ لك هايلوكس دفرنسين والسعر نفس الشاص مايطيح.

والف مبروك مقدماً.

[S4500]

1 - سييرا موتر حلو و قوي لاكن ينزل سعرة اذا جيت بتبيعة

2 -اف جي موتر حلو و قوي في البر لاكن مشكلتة حساس ما ينفع يطب البر كثير بس
اذا جيت تبيعة ما يحتاج اقولك لانة تويوتا ( شيك )

3 - ددسن او هايلوكس (دفرنسين دبل) موترين لا يوعلى عليهم قوية في البر
قطع الغيار رخيصة و تحميل في الغمارة( يعني ما تشيل هم العفش ) و اذا جيت تبيع ما يطيح سعرة

[كراع الذيب]

اولا سلام عليكم ..

ثانيا .. انا استغرب ذا الناس طايحين في سييرا غمارتين وغماره ونص و غماره قطعه 10 ..

يخوي اذا اني شاري جمس بشتري عطاي الله جمس غماره شاص طويل على كيف كيفك ( وجه وجاه )

شيخ في الديره وشيخ في البر .. وجهه نظر ..

اما اف جي مانصحك به مثل ماقالو الاخوان حساس

الددسن ( انحش ) انواع الغرازات ينفع نفسه بس مايسحب وما يمشي

الهايلكس الاختيار الانسب وجعلك على القوه ..

والله يطعمك خيرها ويكفيك شرها ..

هذه عباره عن وجه نظر .. والراي الاخير لك بالتوفيق ..

اخوك / كراع الذيب ..

[ملقاط بن جمر]

وجهة نظري ولا تعتمد عليها :

طالما انت رجال كل سنة تغير ..خذ لك هايلوكس دفرنسين ممتازة في البر وقابلة للكد ..
والأهم إذا بتعبيعها على خير بعد سنة تلقى سعرها لازال ماسك ..

وفقك الله لكل خير ..

[GS5]

وعليكم السلام ورحمة الله و بركاته


شف يالذيب الأفجي هج عنه هو شكل بس ولاجت الصدزيه ماحولك احددد موتر فاشل و بانت علومه عقب مانتشر !!

بقالك السييرا و الهلوكس والددسن دفرنسين

من بينهن ابقولك سييرا غماره ونص حجم 2500 جهزه و انسه يتحملل الموتر هفي ديوتي
بعده الددسن دفرنسين ديزل تطييير بالخط و تمشي مهب هينه و زينه و انسه و بعد الشاصي هفي ديوتي
الهلوكس مدري لكن فيبر و موتر طافينن به بس عشان العلامه ..

انت استخر و جربهن كلهن و دور اللي جربو المواتر جميع و اسألهم

[مريقب العيفار]

اللي كل سنة يبيع ما يصلح ياخذ جديد

انت يصلح لك اخو الجيد

موديل 2110 او 2009 نظيف

لأنك بايع بايع

بالنسبة للاختيار فانت وضعت اف جي مع الددسن والهايلوكس غمارتين

وانا اشوف فرق كبير من حيث الفئة

على العموم

انا لو اختار اخترت السييرا غمارة ونص

لأنه اريح كثير من الهايلوكس واوسع

لكن اكيد ما راح يمسك السعر مثل الهايلوكس

[كاسبر القصيم]

اذا ماعرفت تختار سياره لنفسك مشكله .. الناس كل واحد بيقول لك خذ سياره كذا وكذا ,, خذ اللي يناسبك


كلام سليم

كل واحد راح يقول لك عن السيارة اللي يحبة ويتمناها
وكل سيارة فيها عيوب وميزات وتختلف هذي من شخص لثاني


انا عن نفسي ارشح السييرا حوض صغير

[درب الصحراء]

طيب ما شفت السوزو دبل ديزل يمدحونه

طيب ليش تبيع اصمل على سيارة لمدة خمس سنين

وهو عمرها الافتراضي لانه بعدها تبدى تطلب قطع الغيار

وانا ارشح السييرا

قوة تحمل وجاهه راحة فخامة

[اسير الغضا]

لاتقرب السييرا يطيح سعره

[عاشق السيل]

1 ـ سييرا غمارة صغير ،،
2 ـ هايلوكس غمارتين دبل ،،
3 ـ ددسن غمارتين دبل ،،
4 ـ
5 ـ
6 ـ
7 ـ
8 ـ
9 ـ
10 ـ
11 ـ
12 ـ
13 ـ
152 ـ إف جي !!!

[أطلال نجد]

السيارة المناسبة لك بما أنك بياع بعد سنة

1- هايلكس دفرنسين 2- داتسون دفرنسين

ونصيحة أبعد السييرا والأف جي من خياراتك لأن سعرها بينزل كثير خصوصاً السييرا

[مطيعيس]

1-سييرا موتر بس يبي له واحد محافظ وعيبه انه يطيح سعر ومريح جدا
2- الهايلكس ولكن ماهو زين لأنه مهو مريح زي السييرا بس ازين مافيه الظاهر انه يمسك سعره وشكرا

[فاقد حبيبة]

لية ماتفكر في الفورتشنر دامك فكرت في هايلكس

الفورتشنر سيارة قوية بس خذ 6 سلندر

الجمس مو حق بر شكل بس اما في البر ماحولك احد

[جون الشمالي]

اف جي
اول شي تويوتا وبعد لمن تبي تبيعه زبونه ع طول تلاقيه
او خذ شاص

[ابو محمد1991]

انا من رايي انك تاخذ سييرا سياره ممتازه جدا جدا جدا في البر والخط وفيها صندوق كبير اكبر من الهايلكس والددسن ومن وجهة نظري ان سيارة البر لازم يصير فيها صندوق حوظ عشان العفوش والحطب والخيام وكل شي ومكينته 8 سلندر يعني قوية مره ما يردك واذا اخذته غمارتين بيكون لكل شي خط وبر اما الديره كما قلت انت عندك سياره صغيره خلها للمدينه والزحمات والددسن والهايلكس مشكلتها انها في الخط موب برساوة الجمس واما الاف جي انا مالي خبره عنه عملي موب عملي والله مدري بس انه من المقارنه هو اقل واحد بينفعك في البر من خياراتك واتمنى اني خدمتك والجمس الغمارتين ب 115 الف جديد من العيسى والحق لانه قرب يخلص بتروح اذا جا الشتى

[هاوي موتري96]

لية ماتفكر في الفورتشنر دامك فكرت في هايلكس

الفورتشنر سيارة قوية بس خذ 6 سلندر

الجمس مو حق بر شكل بس اما في البر ماحولك احد

كلام سليم بدل من الهايلوكس خذ فوفو وتبي تعرف عيوب السياره ادخل منتدى فورتشينر في تويوتا العربيه وتعرف والله الموتر معي يبيض الوجه وفيه نشااااااااااط ما شا الله بس خذv6 ترتاح
بس اذا انت راعي تحميل لا تقرب الا سياره فيها حوض علشان تأخذ بيتكم معك هههه والله لا تزمل من تحميل ولا غيره وغير تويوتا لأتأخذ وانا لو محلك اخذ الذيب شاص بس عيبه قأسي نسبيآ او هلي منه ماتملي دفرنسين وتقدر تأخذ معك اخويا غمارتين وتشهد له النأس كلها قوي وخوي مافيه خيانه في البر الجمس خول امريكي يطفي عليك ماتدري وش السالفه
اسف بربرتي واااجده بس ;)

[ksa1ksa]

جيب شاص احسن لك

[المنيعي1]

1-هايلكس
2-ددسن

[ادليلة]

شاص تويوتا اوبس ولاتنسى شد عروق الشمال

[فارس القور]

ووالله ياحبذا الشاص اذا عندك امكانيه

والا الهايلوكس اسال مجرب وانتم بالكرامه حماار مكده يتحمل ويصبر

هذا رايي وبالله التوفيق

[غواص وقناص]

الهايلكس الدفرنسين لانها قوية ومرغوبه

[badr_1]

الهايلكس الدفرنسين لانها قوية وجباره
http://www.mekshat.com/vb/images/buttons/quote.gif (http://www.mekshat.com/vb/newreply.php?do=newreply&p=5340047)

[السنع كله]

اذا تبيع بعد سنة نصيحة اشتر مستعمل اي شيء ترتاح له

[آل زايد502]

يالربع اللي مايعرف الجمس ولا جربه لايتكلم اجل الجمس ممب حق بر الله يهدي اللي قالها بعض الناس مايجربون ويجون يفتونك ولا علشانه امريكي خلاص موتر مايصلح للبر
اخوي والله انصحك فالجمس قطعه 25 عز الله انه موتر والله لو يجيبون لي شاص فل الفل ولا جمس جديد سوح قطعه 25 اخذ الجمس وانا مغمض
وفالاخير اللي احب اقوله اللي ماجرب الجمس لايفتي تحياتي

[هبــ حريملاااء ـبوب]

لا تاخذ ددسن !!

لان فيه عيب شرعي ..!

ما يعرف الورش الا بعد خمس سنوات او 150 الف كيلو لتغيير القطع الاستهلاكيه

ما توقع يعجبك دور غيره .. موفق

[rpk]

الجمس مو حق بر شكل بس اما في البر ماحولك احد
اخوي هل سبق لك وجربت الجمس يوم تقول ما يصلح للبر اغلب الي جربو الجمس ما عاد خذوا غيره فجرب ونا خوك واحكم ولا يهمك كلام الناس خرابات وغيره سراحه في البر شيخ وفي الديره مريح ومكينه تبرد قلبك من واقع تجربه لأغلب الموديلات

[ابوصالح3]

خذ ددسن وانت مغمض

[عم الجميع]

اشكر جميييييييييييييع الأخوان على مشاركتهم
وبصراااااااااحة يوم اكتب الموضوع ونا محتار بين السيارات والحين زاااااادت حيرتي !!!
والسبب ان بعض الردود عكس بعض تماااااما
يعني وش اسوي؟ ما أدري
لاكن شكلي بحذف السييرا (الجمس) لأني اشوف كثير من الشباب مامدحوه بالنسبة للسعر مايمسك قيمة
وبحط خيار بداله الفورتشنر من تويوتا طبعا 6 سلندر فل كامل

[برادي البرادي]

الددسن ماهيب سيارة ياجماعة الخير

شعار الددسن لا للراحة ، لا للعزم

((منلطع بددسن 6 سنوات إلى أن الله فرجه))

[نايف رشدان]

ارشح تاخذ الايسوزو 3000 دبل
طبعا فل كامل والله باذنه لتدعيلي

[سلطانوو]

السلام عليكم
جرب البرادو وشف الفرق او استاجر السيارة الى تبي تشتريها وشف بنفسك والله يسهل لك
لااله الا انت سبحانك اني كنت من الظالمين

[مشعل العيسى]

وجهة نظري ولا تعتمد عليها :



طالما انت رجال كل سنة تغير ..خذ لك هايلوكس دفرنسين ممتازة في البر وقابلة للكد ..
والأهم إذا بتعبيعها على خير بعد سنة تلقى سعرها لازال ماسك ..



وفقك الله لكل خير ..



من وجهة نظري هذا الكلام الصحيح 100%

[عالي الكيف]

اذا بتحط الفورتشنر
انصحك تلحق على الفتك باترول الشكل القديم مو الجديد بطل الدروب
لأنه عملي وراح يمسك سعره بحكم انه احتمال يتوقف انتاجه

[دل البحار]

الشاص او جيب gx لاند كروز

[(((.ابوتميم .))))]

اسئل مجرب ابعد عن الددسن الدبل قدر الامكان
صاااااااااااااادق والله الي قاله واحد في رده ينفع نفسه في النفود ويااالله بعد اما يسحب كثر منها بتحمل عليه واجد انس يمشي والمراقي مستحيل يرقى الا بكررررررررررررررررررررررف
انا انصحك باسيرا ثمن الهايلكس ثمن الافجي والا الددسن شللللله من مخ مخك

[ام صتمه 87]

مدامك بياع تقريبا كل سنه انصحك بالهايلكس قيمته فيه ..

قد شريت هايلكس 99 مستعمل وكرفته سنتين ومشي فيه 200 الف وبعته بربح 2000

[نفود بريدة]

أول شي يا جماعه الي ما جرب الجمس لا يحكم عليه بالله .. قال ايش ما يصلح للبر؟؟ والا يطيح سعره ؟؟ والا يطفي عليك وما تدري وش فيه .........
صدق من قال عش رجبا ترا عجبا..!!!!:mad: ((( كلامي على موديلات 2000 فما فوق )) أما الأولات فما لي خبرة بهن.

نصيحتي لك وأنا اخوك وانت حر:
1- أنت تبي سياره للبر فقط صح؟.. طيب اذا كذا شل من بالك سياره مهيب ونيت .. لازم لازم ونيت هو الي بيخدمك.:good2:

2- بالنسبة للسعر وطيحته ما عليك من كلام الناس .. رح للمعارض وشف بنفسك من الي بيمسك سعره .. ومن الي ما يمسك!! :good2:

مشكلة الناس انهم يمشون على خبرهم قبل 10 سنين .. تويتا شيك اما غيره لا ؟؟ شي غريب والله .. ادخلوا المعارض وشوفوا بأنفسكم الله يهديكم.

3- نصيحتي لك شاص تويوتا عز والله ,, بالذات لأنك تغير كل سنه ,.. والشاص ما فيه أمل يطيح سعره الا بقدرة قادر وهو الله سبحانه..
أو جمس سييرا حجم 2500HD ,, عز الله انه موتر ما بعده موتر وبالذات بالبر,, لكنه موب مثل الشاص بمسكة السعر أقل منه..لكنه يتفوق بأشاء كثيره على الشاص..
اما غيرهم مثل الهايلكس والددسن فنصيحة لا تقربهن , لا راحه ولا رساوه ولا عزم ولا قوة سحب ولا رحابة وصندق صغير ,,
وادخل بها الدهناء هالأيام بالحسر تمشي بدون تنسيم والله ياهي غثا..!



طبعا كلامي مجرد نصيحه ووجهة نظر فقط , ممن أحب الخير لك :), ولست مجبرا على الأخذ به


وفقنا الله واياك :)

[ذيب الشمالvtc]

السلام عليكم ورحمة الله وبركاته
ودي اشتري سيارة تكون خاصة بالبر ومحتار بين ثلاث سيارات وابي رايكم
1/ جمس حوض غمارتين (سييرا) دبل
2/ اف جي
3/ ددسن او هايلكس غمارتين دبل
علما بأن السيارة الي بشتريها جديدة وبخليها سيارة ثانية للبر لأن عندي سيارة صغيرة للإستخدام اليومي
يهمني قيمة السيارة عند البيع لأني احب اغير بعد سنة تقريبا
ياليت الأخون يرشحون لي سيارة مع السبب
ولكم جزيل الشكر
وإذ فيه سيارة انسب منهم ياليت تتكرمون علي فيها
هايلكس دفرنسين

[((ابوملاك))]

يقالكم ديك تقولون احلبوه

والله يا حقين التيوتا انهم يرعفون الضغط وانا مني متعصب ولا شئ اطلاقن

بس تكفون اللي ماجرب الامريكي لا يتكلم على الامريكي

الجاهل اللي قال الجمس ما ينفع للبر بالله يسكت وبس يتابع الموضوع

الفورد والجمس الونيتااااااااااااات هم الافضل بدون كلام

السييرا يشيل دبل اللي يشيل الشاص مرتين

خلاص تيوتا راح راح انسوه متى تفهمون لاعب بكم لعب ابو جميل

قسم بالله شئ يرفع الضغط السعوديين تيوتا ولا نيسان وبس وقف

عندنا فور اف 150 موديل 1996 وقسمن بالله كارفينه كرف استخدام اكثر من واحد واستخدام مراهف وما طلب مني شئ الا اشياء بسيطه قماشات زيت وبنزين وسد حلقه

[أبوفـهـــــد]

خذ ياطويل العمر شاص مثل ماقالوا الشباب يمشي مشوي ماشاء الله وماااسك سعره

[نقطه]

خــذ اللي يناسبكــ وأنا أخوكـ

عشان مايصير في خاطركـ (غصــه) بعدين

[العجيب 2000]

خذ جمس ونت مغمض

[عم الجميع]

الف الف الف شكر لجميع الشباب الي شاركو معي في الموضوع
بالنسبة للأخوان الي يقولون خذ شاص اقولهم مستحييييييييييييييييييييل
لأني جربت الربع تويوتا 2009 على موديله استعملته 3 ايام وعلى المعارض على طول(لأسباب كثييييرة)
بالنسبة للأخوان الي يقولون جمس اقولهم ودي اخذه بس المشكلة يطيح سعره عند البيع وهذا شي مهم بالنسبة لي
بقى عندي الهايلكس دفرنسين احس انه خاااااااااااااش مزاااااجي بقوة لاكن احس ان عيبه مهب شخصية مثل الإف جي او الجمس
تكفون يالربع وش اسوي؟؟؟؟

[بشبيش]

[QUOTE=نفود بريدة;5348761]
أول شي يا جماعه الي ما جرب الجمس لا يحكم عليه بالله .. قال ايش ما يصلح للبر؟؟ والا يطيح سعره ؟؟ والا يطفي عليك وما تدري وش فيه .........

صدق من قال عش رجبا ترا عجبا..!!!!:mad: ((( كلامي على موديلات 2000 فما فوق )) أما الأولات فما لي خبرة بهن.


نصيحتي لك وأنا اخوك وانت حر:
1- أنت تبي سياره للبر فقط صح؟.. طيب اذا كذا شل من بالك سياره مهيب ونيت .. لازم لازم ونيت هو الي بيخدمك.:good2:


2- بالنسبة للسعر وطيحته ما عليك من كلام الناس .. رح للمعارض وشف بنفسك من الي بيمسك سعره .. ومن الي ما يمسك!! :good2:


مشكلة الناس انهم يمشون على خبرهم قبل 10 سنين .. تويتا شيك اما غيره لا ؟؟ شي غريب والله .. ادخلوا المعارض وشوفوا بأنفسكم الله يهديكم.


3- نصيحتي لك شاص تويوتا عز والله ,, بالذات لأنك تغير كل سنه ,.. والشاص ما فيه أمل يطيح سعره الا بقدرة قادر وهو الله سبحانه..
أو جمس سييرا حجم 2500HD ,, عز الله انه موتر ما بعده موتر وبالذات بالبر,, لكنه موب مثل الشاص بمسكة السعر أقل منه..لكنه يتفوق بأشاء كثيره على الشاص..
اما غيرهم مثل الهايلكس والددسن فنصيحة لا تقربهن , لا راحه ولا رساوه ولا عزم ولا قوة سحب ولا رحابة وصندق صغير ,,
وادخل بها الدهناء هالأيام بالحسر تمشي بدون تنسيم والله ياهي غثا..!




طبعا كلامي مجرد نصيحه ووجهة نظر فقط , ممن أحب الخير لك :), ولست مجبرا على الأخذ به




وفقنا الله واياك :)انا مع كلام البعض من الاخوان وخاصة نفود وانحش عن الديزل نصيحه من ناحيتي معي شاص شايل منه2سسته ومع العزبه والحطب والماء راسي ع الطريق وممكن الجمس اريح يمدحونه ولا تغير كل سنه :no2:

[العود الابيض]

نصحتك في الهايلكس

[عم الجميع]

طيب ياجماعة لو اخذت الهايلوكس الغمارتين دبل ايهما افضل قير عادي ولا تماتيك وحط في بالك اني ببيع بعد سنة تقريبا يعني ابي شي ما يطيح سعره كثير
وايهما افضل السعودي ولا الخليجي؟

[أطلال نجد]

إذا أنت بياع وما تبي ينزل من سعره لا تأخذ جديد
لأن فترة بقائه معك سنة هذى تعتبر فترة تمرين للسيارة
خذ مستعمل
موديل 2009 أو 2010 ماشي في حدود 20 ألف متمرن وجاهز ونازل من سعره حدود 10 ألاف ريال
والقير يكون عايدي لا تأخذ تماتيك
الهايلكس والددسن مكائن صغيرة 4 سلندر ما تنفع تماتيك

[الؤلؤي 2006]

مرحبا يا الحبيب
انا مجربها كلها الاول اللي هو الجمس اذا تبيه خذ قطع عشره دفرنسين ومستعمل لا تاخذ جديد عشان سعره غير قطع عشره لا تاخذ
ثانيا اف جي على اسمه ااااف سياره مريضه ومشاكلها واجد ولا تشيل اخوي ولا عزبه ولا عفش وحقت بز؟؟؟؟؟؟ولا يهونو الجميع يعني كبه بالزباله ما ينفع
ثالثا الهايلكس ولا الدتسن الدتسن داخل الديره بر ما ينفع ولا بريال فخلك على الهايلكس اولا يكفي انه تويوتا وبعدين دفرنسين وغمارتين يشيلك انت وربعك ولا اهلك وتانكيك وعزبك وعفشك ودنياك كلها وسعره فيه ولا تخسر واجد فيه
واذا ان الله منعم عليك ورازقك وبتدفع فوق 100.000 ريال لاتتعدا الشاص والله ماراح تندم يالبى الشاص وبس محاكيك جربت كل سيارات الدفع الرباعي مالك الا الشاص يالبى قلبه بس صدق مووووتر

واسف على الاطالة وتقبل تحياتي وعلى الله اكون افدتك يارب

[كومبو]

هايلكس غمارتين دبل