المشروع الثاني.. البليزر ( مصور)

[SilverSniper]

بسم الله الرحمن الرحيم..
لقد قمت في السابق بترهيم سيارة جيب شنب وتركيب مكينة جمس 511 عليه وتلغيمها...وكان باكورة أعمالي في التلغيم والترهيم.. وكان مخصصاً للرمال والمسابقات الرملية ..وقد نجحت في الحصول على المركز الرابع في إحدى المسابقات.... ولكن مشكلة هذه السيارة الكبرى هي الحرارة والصوت... فمهما فعلت لا أستطيع التغلب عليهما.. وبالتالي لا يمكنني استخدامها كسيارة برية عادية.. :no2:
http://www.mekshat.com/pix/upload/images10/mk7239_biv.jpg

وفكرت ملياً بتخصيص سيارة لا مثيل لها في القوة والتجهيزات.. للرحلات البرية والشعبان والمناطق الطينية والرملية الوعرة.. وكانت ثمرة أعمالي... هذه السيارة..
http://www.mekshat.com/pix/upload/images10/mk7239_dsc00528.jpg
http://www.mekshat.com/pix/upload/images10/mk7239_dsc00551.jpg
http://www.mekshat.com/pix/upload/images10/mk7239_dsc00552.jpg
http://www.mekshat.com/pix/upload/images10/mk7239_dsc00556.jpg

السيارة عبارة عن بليزر GMC موديل 1990.. استغرق تجهيزها قرابة 6 أشهر. وكلفتني مبلغاً ليس بالقليل... وهاهي مميزاتها بالتفصيل..

[SilverSniper]

التعليق والدفرنسات والقير..
قمت بتحويل القير من أوتوماتيك إلى قير عادي 3 تعشيقات.. ( قير جمس 78) ..
http://www.mekshat.com/pix/upload/images10/mk7239_dsc00321.jpg
كما قمت بتغيير دفرنساته الأصلية بدفرنسات 14/43.. أقوى وأشد تحملاً
أما بالنسبة للمساعدات فقد قمت بتدبيل المساعدات الأمامية باستخدام مساعدات جبريال 3 طقات.. وبدلت المساعدات الخلفية مع تدبيلها بنفس النوعية .. فالسيارة لها الآن 8 مساعدات.. لمطب أخف وتعليق أفضل..
http://www.mekshat.com/pix/upload/images10/mk7239_dsc00557.jpg

المحرك

http://www.mekshat.com/pix/upload/images10/mk7239_dsc00480.jpg http://www.mekshat.com/pix/upload/images10/mk7239_dsc00558.jpg

المحرك عبارة عن محرك جي إم small block 350 محول إلى كاربريتر بدلاً من بخاخ موديل 1990..و مخروط على30 ومعدل بالتعديلات التالية..
كاربريتر إيدلبروك بيرفورمر 750cfm تشوك يدوي.
ثلاجة إيدلبروك بيرفورمر EPS idle-5500rpm من الألومنيوم المصقول..
عمود كام إيدلبروك idle-5500rpm 214-244 duration @0.50
رؤوس مكينة كورفيت موسعة وبلوف ستانليس ستيل.
بساتم كي بي نفخ متوسط.
عمود كرنك فورجد ستيل ضغط عالي.
بواجي سبليت فاير رياضية وأسلاك 8مم رياضية
فلتر هواء إيدلبروك رياضي. وأغطية بلوف إيدلبروك ألومنيوم مصقول..
هدرز ودبات رياضية وتحويل إلى شكمانين بدل شكمان واحد.

ويعطي هذا المحرك قوة حصانية تصل إلى 435 حصان وعزم يصل إلى 430 رطل لكل قدم.. ومتوسط نسبة إنضغاط 12.42 عند 5500 دورة في الدقيقة.
ويبرد هذا المحرك بمروحة فورد كهربائية بسرعتين وراديتر ماء مخصص لمكينة . 454.. بحساس حراري للمروحة من طراز مرسيدس.
http://www.mekshat.com/pix/upload/images10/mk7239_dsc00560.jpg

[SilverSniper]

الشاصي..
الشاصي هو نفس شاصي البليزر ولكن مدعم بحديد سماكة 5مم وملحم بعوارض بينية لزيادة تحمل السحب..
http://www.mekshat.com/pix/upload/images10/mk7239_dsc00561.jpg


الاضافات والتجهيزات..
تم تزويد السيارة بدعامية وصدام أمامي من الفولاذ القوي.. وتحمل الدعامية تجهيزات للرحلات مثل الفأس والمسحاة والمعلاق وأماكن مخصصة لأدوات أخرى..
http://www.mekshat.com/pix/upload/images10/mk7239_dsc00554.jpg http://www.mekshat.com/pix/upload/images10/mk7239_dsc00555.jpg
كما أن السيارة مجهزة بونش قوي ( بكرة ) للسحب تسحب 4000 كجم ( 4 طن ) من طراز وارن أمريكي الصنع..
http://www.mekshat.com/pix/upload/images10/mk7239_dsc00331.jpg
كما تم تزويد السيارة بمواطير ضخ الهواء لتعبئة الكفرات وربطها عن طريق كتاوت ببطارية السيارة.
http://www.mekshat.com/pix/upload/images10/mk7239_dsc00559.jpg
والسيارة تحتوي على بطاريتين ( واحدة أساسية والثانية احتياطية ) وتمديدات خاصة بجهاز اللاسلكي وجهاز الجارمن وأضواء خارجية واضاءة داخل غطاء المحرك وأفياش كهربائية داخل السيارة .
كما غيرت مراتب السيارة بمراتب يوكون وجعلتها تعمل بالكهرباء
http://www.mekshat.com/pix/upload/images10/mk7239_dsc00319.jpg http://www.mekshat.com/pix/upload/images10/mk7239_dsc00320.jpg


وتم تزويد السيارة أيضاً بعوارض فولاذية على الجوانب لحماية جسم السيارة السفلي وكدرج للصعود..
وأيضا مجهز بعارضة فولاذية من الخلف مرتبطة بالشاصي من الجهتين ومجهزة بهوك سحب فولاذي

الوقود..
السيارة مجهزة بخزان وقود يحمل 160 لتر من البنزين.. مفيد للرحلات البعيدة..

الكفرات والجنوط..
الجنوط من طراز American racing كروم مقاس "15 عريض.
تم تزويد السيارة بكفرات ضخمة مخصصة للمناطق البرية والطينية وهي من نوعية MAXXIS MUDZILLA مقاس 32-11.5/15
http://www.mekshat.com/pix/upload/images10/mk7239_dsc00553.jpg

أتممت العمل في هذه السيارة نهائياً قبل 10 أيام.. وبعد تجربتها اتضح لي ما يلي..
- قوة وعزم هائلين في صعود المرتفعات الصخرية وعبور المناطق الرملية.
- مزعجة على الأسفلت بسبب خشونة الكفرات ولكن يمكنها أن تصل إلى سرعات خيالية.
- الحرارة لا تتعدى الربع.
- صرفية بنزين عالية ولكن حجم خزان الوقود غطى على ذلك.
- مريح ومكيف ومطبها كمطب الكابرس.
- صوت رياضي قوي ومكتوم
- الحاجة لخزان ماء ولكني متردد في إضافته.

أتمنى أن يكون هذا الموضوع قد حاز على رضاكم.. وحياكم الله..

[شاص]

ماشاء الله عليك .. شغل مرتب .. الله يطعمك من خيره ويكفيك شره

كم كلف هالشغل ؟؟

[SilverSniper]

حياك الله يالشاص... كلف العمل مع قيمة السيارة في حدود 20 - 30 ألف.. ما حسبتها بالضبط... لكنها تستاهل..:)

[الضاحي]

ما شاء الله تبارك الله على هالشغل العلمي والمدروس والمضبوووووووووط

لكن يا ابوخالد، عندي كم سؤال لاهنت:

1- مع كل هالإضافات كم صار وزن السيارة خصوصا مع تدعيم الشاسية؟
2- كيف توازن السيارة وخاصة في الملفات ومع السرعة؟
3- هل كل القطع اللي استخدمتها موجودة عندنا والا طلبتها من امريكا؟
4- وين سويت هالشغل؟ في أي مركز؟

شاكر لك طولة بالك يا مشرفنا العزيز .

[توافيق]

ماشاء الله تبارك الله .. الله يطعمك من خيرها ويكفيك شرها ويسهل دربك .. وينفعك وينفع بك
صراحة شغل خيالي وهالفكرة شاغلة بالي من زماااان بس مايردني الا خوف انها ماتنجح وتصير خساير على الفاضي
مروري هذا مستعجل
اكيد لي رجعة وان شاء الله ماتقصر بالرد كما عهدناك
تسلم يالغالي

[الحضري]

ماشاء الله تبارك الله


الله يعطيك خيره ويكفيك شره .. بصراحة شغل متعوب عليه


في حفظ الله ورعايته

[SilverSniper]

حياك الله يالضاحي وهذي الساعة المباركة اللي نشوفك هنا..
1- لم أقم بوزن السيارة .. ولكن أتوقع أن الوزن ثقيل جداً وقد يصل إلى الضعف.. وهذا هو سبب ترددي في وضع خزان ماء.. لكن بسبب قوة المحرك وتوافقه مع القير والفرنسات.. لم يتأثرعزم السيارة بالوزن..
2- السيارة متوازنة مع الملفات تماماً.. وكذلك عند السرعات العالية.. ولكن هناك رجة خفيفة يبدو أنها من الترصيص.. لأن أعمدة التوازن والأذرعة كلها جديدة وموزونة..
3- بعضها متوفر عندنا.. مثل قطع التعمير الأساسية للمحرك (التوظيب والخرط) وقطع الغيار الأساسية مثل الأذرعة والكراسي وغيرها وكذلك المساعدات والربلات والدعامية والونش والأدوات الكهربائية وغيرها... كذلك القير والدفرنسات من تشليح الحاير... أما قطع المحرك فكلها طلبتها من أمريكا.. من خلال موقع summit وموقع LMC.. مستخدماً كاتالوجاتهم والايميل في معرفة توافق القطع مع بعضها..
4- لم أعهد بها لأي مركز.. وقمت بتوفير القطع وتركيبها بنفسي وفي ورشتي .. ولذا أخذت مني وقتاً طويلاً.. تماماً كما فعلت في المرهم السابق.. ولكنني استعنت بكهربائي وعامل سمكرة لمساعدتي.. وعهدت عمل الخراطة في المحرك وبعض مواضع المسامير لورشة خراطة قريبة..
--------------
توافيق.. حياك الله ويا هلا بك...هي أولها خطوة طال عمرك.. اجزم وابد الشغل ثم تلقى نفسك شغال فيها بهواك ومرتاح.. وفي انتظارك طال عمرك..
------------
الحضري.. تسلم والله... الله يحييك ويبقيك..

[الضاحي]

تسلم والله يا ابوخالد على سرعة الرد وكرم الإجابة وانا ماني مستغرب هالعلوم الطيبة منك يا شيخ الرجاجيل وبارك الله في علمك ومعرفتك ونفع بها المسلمين ان شاء الله .

تحيات أخوك أبو فهد

[أبو يوسف]

ما شاء الله

شغل متكتك

واسلوب عرض للمميزات يفوق طريقة اعلان وكالات السيارات


الله يطعمك من خيرها ويكفيك شرها

سؤالي هو :
هل جربت الغاز مع البانزين ؟؟


ومشكور على التفصيل الرائع


مع التحية

[SilverSniper]

حياك الله يابوهديل.. أصبر شوي بأغطي على الجميح والعيسى ..:)
بالنسبة للغاز.. تقصد غاز النيتروز.. فقد استخدمته من قبل في المرهم السابق..ولم أجربه في البليزر..
محرك البليزر يحتوي بساتم نفخ وعمود كرنك ضغط عالي (ستروكر) .. وهذا يعني أنه يتقبل الغاز وبإمكاني أن أستخدمه .. ولكنني لن أستخدمه لشدة خطره وعدم حاجتي له وضرره على المحرك على المدى الطويل...
وحياك الله وهذي الساعة المباركة..:)

[البرحه]

السلام عليكم

ما شاء الله الله يعطيك من خيره ويكفيك شره

والله منتب سهل !! ترهيمه قوي بالحيل

الله يعطيك من خيره

فيه سؤال هل لك نيه تشارك في السباقات الي بتصير في الهرم؟؟

تراي لقطت اللوحه وابدورك <ححححخخخخخخخ


يوم شفت اسمك على الموضوع قلت ابجي واقفله عشان تنبسسسسط خخخخخخ انت ما ترتاح الا اذا قفلتا المواضيع ليش مدري

كني بك شايل فوق ظهرك خيشة قفول وتمشي وتصك خخخخخخخخخخخ لاتزعل تراني امزح


شكرا

[الطبيب]

ما شاء الله تبارك الله

الله يعطيك خيره ويكفيك شره

بس والله يبين عليه وحش

حتى وان كان وزنه عالي ولكن اذا قوة المحرك تتحمل هذا الثقل فلا مانع

عموما انتبه من السرعات العاليه لانه كما تعرف فان لمسافة الفرمله علاقه طرديه مع الوزن

تدري ماني متفلسف عليك :)

الف مبروك وشكلك من النوع اللى يحب الــ challenging >> التحدي او بالاصح تتلذذ بالتحدي

هذا والله اعلم

والسلام ختام

[الكابتن]

ما شاء الله شغل مرتب ولا احلى الله يعطيك من خيره ويكفيك شره

والى مزيد من الابداعات والاحتراف

[محب الشمال]

ما شاء الله تبارك الله
الله يعطيك خيره ويكفيك شره
وننتظر ابداعاتك الجديدة

[SilverSniper]

حياك الله يالبرحة...
كنت مخصص الجيب الأشهب للمسابقات.. هذا مخصص ومصمم للشعبان والمناطق الوعرة.. لم أفكر صراحة في الدخول به للمسابقات.. ولكن ربما ينجح.. لا أدري..
وحياك الله ان كان شفت اللوحة.. لك كامل الحق في انك توقفني بس بشرط تقهويني.:)
.. بالنسبة لخيشة القفول .. عورت ظهري.. فجدعتها للأبد:).. ما فيه الا حذف:).. هههههه
حياك الله وهذي الساعة المباركة..
---------------------
أخوي صاحب الحبرثة الأعظم..
بالنسبة للوزن ومسافة الفرملة.. أنا عارف هالشيء يالطبيب.. وأنا عموماً ما أحب السرعة... والفرامل والهوبات كلها جديدة وتحت الله وبين يديه ..:).. وأنا أحاول ألقى طريقة لتخفيف الوزن الآن..والمجال لا يزال مفتوح للتعديلات والتحسينات..
challenging is in my blood..:):)
حياك الله وهذي الساعة المباركة..
---------------------------------
حياك الله يالكابتن.. وتسلم والله..
--------------------------------
محب الشمال.. يا هلا بك.. ونور الموضع يا بعد الدنيا..

[انا ناصر]

والله حلو هالجيب ماشالله بس وين ضبطه ابي الضبط الكابرس حقنا هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه

[Khalid AlGhamdi]

:) ماشاء الله شغل متعوب عليه والاروع انك نفذته بنفسك

[الكاتم]

ماشاء الله تبارك الله عمل رائع جداً والله يوفقك ياخوي silver sniper لكن عندي سؤال
عندي عدد 2 كارونه
1 الاسنان 37/8
2 الاسنان 35/8
السؤال هنا كيف أعرف الكارونه الأسرع في الممشا يعني تتحمل سرعه

[SilverSniper]

حياك الله يابومعاذ... الساعة المباركة اللي نشوفك فيها..
--------------
أخوي الكاتم..الله يسلمك ويرضى عليك.. الرقم الكبير في الكارونة هو عدد أسنان الطارة.. كلما كان أقل كانت سرعة السيارة أكبر وقومتها أضعف.. والرقم الصغير هو عدد أسنان البنيون.. وهو عكس الطارة .. كل ما كان عدد الأسنان أكبر .. كانت سرعة السيارة أكبر وقومتها أضعف..
تبغى تزيد السرعة.. صغر الطارة وكبر البنيون.
تبغى قومة أقوى.. كبر الطارة وصغر البنيون.
وحياك الله..

[ابو فالح]

مشاءالله عليك شغل "متكتك"
الله يطعمك من خيره ويكفيك شرة.
بس عندي سؤال يمشي في الفحص والا لا؟ :confused:

[SilverSniper]

يا هلا بابوفالح..:).. وتسلم يا غالي
الفحص؟؟؟..:).والله ماظنيت... بس عندي مكينة 350 عادية.. لو جاء وقت الفحص فكيت المعدلة وركبتها بدالها.. والباقي سهل..:)
حياك الله ويا مرحبا..

[MANSOUR]

بسم الله الرحمن الرحيم
الله يعطيك خيره ويكفيك شره
الله لا يهينك ياSilverSniper عندي استفسار عن الكفرات :
1- وشلونها معاك بالبر؟
2- أنت شاريها من المملكه أو من خارج المملكه؟
3- تقريباً كم ياصل سعره الكفر الواحد؟



وجزاك الله خير........ :confused:

[اسيزو 4x4]

السلام عليكم ورحمة الله وبركاته

مشاء الله تبارك الرحمن

الله يعطيك خيرة ويكفيك شرة والله شغل ممتاز ما شاء الله

ولكن يبي للموتر رفع شوي >>>> علشان الطين ولك الخيار >>>> :)

ويعطيك العافية

أخوك أبو حمود

[SilverSniper]

حياك الله يا منصور ويا هلا بك..
بالنسبة للكفرات..ممتازة في البر.. ما تلوس بسهولة وما تزلق عن الحصى..ومفعولها زي مفعول الجراف في الرمل.. .. في الطين ما جربتها والله يجيب المطر.لكنها مزعجة جداً على الأسفلت.. كأنك راكب دبابة برادلي :).وشاريها من المملكة ( الغرابي ) .. وسعرها 480 ريال للكفر الواحد.. ولكني وجدتها بصعوبة..
--------------------------------------------------
إيسوزو 4x4... يا هلا ومرحبا..
أنا فعلاً كنت أفكر برفع الموتر.. ولكن متردد.. لأن الرفع أولاً يقلل رساوة الموتر... وثانياً يشحط المساعدات والدودة والدرقسون فوق. وبالتالي يزيد من احتمالات تهريبات الزيوت والمشاكل. .. لكن ما أقدر أقرر حتى أشوفه بالفعل يدقر...وفي هذه الحالة لو قررت أرفعه.. لن أزيد عن 3 إنش..وباستخدام كت رفع من أمريكا..
تحياتي..

[MANSOUR]

جزاك الله خير وما قصرت




أنا معي فورد F-350 ونيت موديله2001 ومركب عليه بالون وأفكر أركب نفس كفراتك :D لأن البالون في المطر يجيب الشيب في راسك بغيت أجيب العيد أربع مرات :j
بس الله لا يهينك ودي أعرف عرض الكفرات وهل تجي مقاسات أو لا؟







مشكووووووووووور وما قصرت.......

[الرجه الدجه]

ما شاء الله تبارك الله على هاموتر تراني انا اموت في البليزرات خاصة 89 توني ادري انه فيه 90 الله يعطيك من خيره ويكفيك شره ومشكور على هذا الموضوع المتعوب علييه

[SilverSniper]

الكفرات هذي جنط 15 انش.. ارتفاع 32 انش.. عرض 11.50 انش..
يوجد منها على مقاس جنط 16 انش لكن مدري تلقاها والا لا.. عموماً اسمها ماكسس مدزيللا. والله يوفقك..
------------------------------------
تسلم والله يالرجة الدجة... البليزر بالشكل هذا آخر موديل نزل منه 91... بعده انقطع وجابوا الستة سلندر الصغير:(.. وحياك الله ويا هلا بك

[MANSOUR]

جزاك الله خير وماقصرت

[سايق الخير]

ماشاء الله جهد متعوب عليه .الله يعطيك خيره ويكفيك شره

[بليزر]

ما شاء الله تبارك الرحمن
الله يوفقك والى المزيد
لكن عندي سؤال
كيف اكتسبت هذه المهارة والمعرفة من خلال دراسة او هواية او انت تمتلك ورشه وهذا شغلك ؟
معليش على اللقافه

[الخبير]

ما شاء الله يا سلفر تمام تمام
عز الله تعبت فيه ولكن عندي سؤال: انت تقول إنه كربريتر، ما تعتقد إن البخاخ أفضل في صرف البنزين وأيضاً في القوة؟

[SilverSniper]

سابق الخير.. الله يسلمك ويرضى عليك.. ويا هلا بك
--------------------
حياك الله يا بليزر.. ويا هلا بك والله..
الورشة أساساً لعمي.. وكنت شغال معه فيها وبالممارسة وكم كمخة من عمي:) تعلمت الشغلة..ونمت كهواية معي حتى نشبت فيني:)
----------------------------
الشيخ الخبير.. يا هلا بك ونور الموضوع والله..:)
البخاخ .. أوفر في البنزين صح.. لكن في القوة .. الكاربريتر يعطي قوة أكبر.. خصوصاً لو كان إيدلبروك أو هولي.. لأنه ينزل مزيج وقود أكبر بضعفين عن البخاخ.. ( 200cfm للبخاخ.. 750cfm لكاربريتر إيدلبروك)..
تحياتي طال عمرك..

[salehhd]

ما شاء الله شغل مرتب

تقول كلفتك 20 الى 30 الف شامل قيمة السيارة

بصراحة تكلفة قليقه نوعاً ما الا اذا كنت تقصد من غير قيمة السيارة بالنسبة

اما بالنسبة لقوة المحرك 435 كيف حسبتها ولا فحصت السيارة على داينوdyno

[احمر ما يغرز]

والله اللسان يعجز عن وصف الاعجاب يا المهندس00 اتمنى من كل قلبي ان الله يزيدك من علمه واتوفق بحيل الله واقول لك لا اتوقف واستمر بالافكار والتصميم وان جاب لك سعر بيع واستفيد 0000 مني ومن اهل الكويت نقول لك كثر الله من امثالك يا السلفر وجعلك كل يوم تشع وتلمع وتنورنا بهالافكار الطيبة والسلام

[SilverSniper]

يا هلا بصالح..حياك الله..
قيمة السيارة 10 آلاف.. والقطع ( التلغيم والتعمير ) كلفت الباقي... ( القير بألفين- الدفرنسات كلها 3 آلاف - قطع التعديل من أمريكا بالتوصيل 7 آلاف- روس المكينة ب3 آلاف..الدعامية والحديد بألف.. الونش هدية من عمي :).. المواطير ب120 ريال ..وتناتيف ما جمعتها لكن ما أتوقع توصل 5 آلاف)
أما القوة فأقيسها عن طريق قياس ضغط السلندر عند أقوى آر بي إم بجهاز قياس الضغط... وأحسب الحصان من هنا.. http://www.bgsoflex.com/roughhp.html
وسأقيسها على الداينو في الرياض في أقرب فرصة..
----------------------------------------------------------------------
يا هلا بك يا أحمر ما يغرز... وتسلم طال عمرك وهذا من طيبك..وحياك الله أنت وجميع إخواننا في الكويت:)
ملاحظة... عز الله ان توقيعك صادق.. أنا أشهد :) :good:

[حجلان]

السلام عليكم ورحمة الله وبركاته

الله يطعمك من خيره ويبارك لك فيما فعلت

ذكرتني بسيارتي البليزر كانت في منتهى القوه وكامل المواصفات بعد ماخسرت عليها ماخسرت ولاكن كما قيل تستاهل

[SilverSniper]

تسلم يا حجلان... والبليزر ما عليه كلام.. قوة وصبر... أتكلم طبعاً عن القديم... الجديد قرطاس :mad:... حياك الله ويا هلا بك والله :)

[salehhd]

اشكرك اخوي سلفر سنايبر على ردك وتفصيلك

وبالفعل تلغيم الامريكي وتعديله ما يكلف شي لو كان ياباني كان علوم

[حجلان]

عندي سؤال يا سلفر

انا الان عندي سياره وانيت شفر موديل 2001 غماره ونصف ابورفرف دفرنسين احتاج الى تزويده هل من الممكن ان تساعدني او تدلني على احد

الله يعطيك العافيه

وايضا اشكرك على الرد السريع

تحياتي

[SilverSniper]

صدقت يا صالح..:)
-----------------------
عطني يا حجلان معلومات كاملة عن مكينته... وان شاء الله أقدر أساعدك..:)

[حجلان]

وعليكم السلام ورحمة الله وبركاته

ابشر يا سلفر ان شاء الله اوافيك باللي طلبته

واشكرك مره ثانيه على سرعة ردك وتفاعلك مع اي موضوع

اخي:

احببت ان اخبرك لو انك خففت من وزن السياره لكان افضل لها لأن البليزر اصله ثقيل وانت وضعة فيه كل هذه التعديلات بصراحه انا اقول انك ضلمته بهذا الثقل (هذا مجرد رأي, وحسب تجربتي مع البليزر السابق. وانا اعتقد ان هذا ما يفوتك وانت تعرف ان الوزن له دور في سرعة وقوة السياره)

شكراً لك أخي الكريم

[حجلان]

السياره Z71 off road
الماكينه يقال انها
5.??

بصراحه حاولت اجد رقم بس ماعرفت فين

اتمنى انك تراسلني على عنواني ولاتهون

[escape_man]

المفوض اول من يرد عليك انا
ماشاء الله تبارك الله
انا عدلت شي بسيط ومتهول من قوة الموتر وشلون لو ركبت فيه هالبلاوي وشبيصير
بس خايف تحلالي الشغله ويطيح سوقك

الله يعطيك خيره ويكفيك شره

[رفيع الشان]

اعلم حفظك الله ورعاك ...



أن حدود دولتك العراق شمالا

واليمن جنوبا

ودول الخليج شرقا

والبحر الاحمر غربا


فأنا أنصحك لايجي يوم وتطلع في الجزيره ولا السي ان ان :D وهم رابطين عينك ويتهمونك بأنك ارهابي ولا ناوي شر حيث انك طامرت على حدود المسلمين :D وأقلقت راحتهم ... فانتبه وأنا خوك


الشي الثاني يالطيب

أنا اقول ماعاد لك شوفه أثرك تفك وتركب ... بالمناسبه
7
7

يا هلا بابوفالح.... وتسلم يا غالي
الفحص؟؟؟...والله ماظنيت... بس عندي مكينة 350 عادية.. لو جاء وقت الفحص فكيت المعدلة وركبتها بدالها.. والباقي سهل..
حياك الله ويا مرحبا..

ماشاء الله عليك بكل بساطه :) تفك وتكرب مكينه تقول ان الشغله تعبي موية لديتر ... من يوم قريت هالجمله وأنا عارفن الدعوه صارت عندك عادي :D

وأبارك لك صراحه على هالانجاز ولايهمك الخنبقه اللي فوق :D كلها مزح ووناسه

ونمنى لك التوفيق


برايفت حجلان ( معليش لو تدخلت ) بس ترا الموديلات الجديده فيها حساسات بنت كلب :D خصوا اللي عندك z71 كهرباء دقيقه اكثر من اللي قبله وهو غالبا يجي مكينته 1500 وقليل تحصله 2500 ...


وفمان الله

[SilverSniper]

حجلان... مكينتك ممكن تعدلها .. لكن تعديلات خفيفة ( هيدرز - فلتر - دبات رياضية - أسلاك وبواجي ).. ما تقدر تدخل بالعمق عشان الالكترونيات.. لكن فيه computer chip stg1.. ممكن تركبها بدل الكومبيوتر وتصير مكينتك كأنها 454..:)..
--------------------------
يا راعي البليزر العودي... ركب إيدلبروك وشف القوة.. فلتر ودبات مهيب شي إذا ما جاك كربريتر وثلاجة وعمود.. واسأل مجرب:)
------------------------
رفيع الشان..:)
حياك الله يالغالي..
وأنا أقوووول... وش ذاك السياج اللي وطيته وأنا أعشق بالثالث.. اثره حدود؟؟.. بس مدري وشي حدوده..ههههههه
فك المكينة يالغالي ما يبيله شي.. فك الكراسي وداير القير والصدر .. ومصع الليات والأسلاك في دقيقه.. وسقط المكينة الثانية بدقيقه.. واقعد لك اسبوع عشان تعرف وش السلك ذا.. وذاك اللي وين يروح ..هههههههه:)
تراي أمزح.. وتسلم يالغالي..:)
بس 1500 و 2500 ماهي حجم المكينة الله يسلمك.. هذا حجم السيارة.. حجم مكينة جمس 1500 هو 5700(350).. وحجم مكينة جمس 2500 هو 7400(454)..

[صقر]

الحقيقة انني استمتعت بهذا الموضوع وكلي غبطة واعجاب بما وصل اليه مشرفنا الفاضل الصياد الفضي.

موضوع أكثر من رائع والترهيم هواية جميلة وممتعة بنفس الوقت وخصوصا بعد قطف ثمار التعب والعمل والتفكير.

أهنئك يامشرفن الفاضل على هذا الانجاز الكبير وأتمنى لك التوفيق والنجاح.

ملاحظاتي :

الكفرات اعتقد انها غير مناسبة والزرع حقها مخصص للمناطق الطينية فقط ( رأي شخصي )

لابد من توفير تانكي ماء ... السيارة في الاصل سيارة بر ووجود الماء بالسيارة ضروري جدا.

وفقك الله

[راعي الكيف]

ماشاء الله تبارك الرحمن ........


عيني عليك باردة والله .............. والله اني افتخر لاكان هذا شغلك واقول اننا بدينا نفهم الصنعة وفي طريق توجهنا للتصنيع بك وبأمثالك من الشعب السعودي والخليجي والعربي ..........



تقدم وحنا ندعمك بالدعاء وبكل شي .... الله يستر عليك ويوفقك .... وبصراحة الشغل ولا شغل الراعيين الرسميين لسباقات الراليات ..

مقارنه بمجهوك الشخصي بصراحة انجاز مابعده انجاز واللي قدرك انك تجمع هالقطع وتسوي منها هالوحش يبي يقدر الشباب الباقين

في انهم يخترعون سيارة ........... ما اقول إلا الله يوفقك والله اني فرحت من كل قلبي هلى هذا لانجاز


ولك مني احلى تحية

[طخيمان]

ماشاء الله شغلك مظبوط بس الظاهر انه مابقى اللا تغير المكينة :d .

[SilverSniper]

تسلم والله يا مشرفنا صقر... مرورك هنا بس يشرفني..:)
وهي فعلاً هواية ممتعة.. ولها ثمرات جيدة.. بس يبيلها بال وسييييع... ومغسلة ثياب مسوي معها عقد شهري....:)
بالنسبة للكفرات.. هي فعلاً مصممة للمناطق الطينية.. ولكن يستخدمها هواة Rock Crawling في أمريكا.. لقدرتها على التمسك بالصخور والجبال.. وسماكتها العالية التي تحمي من البنشر.. وجربتها شخصياً في النفود.. فكانت تجرف الرمل خلفها مثل المجداف.. ولا تغرز بسبب عرضها.. (زي مفعول كفرات الجراف ).. لكن زي ما قلت قبل.. على الأسفلت.. كأنك راكب دبابة برادلي:)
بالنسبة للتانكي.. ودي أركبه.. لكن لازم أفصل ألومنيوم أو فيبر بحجم أقل من التوانك المتوفرة.. لأن مشكلتي الوزن.. صحيح أن الوزن لا يهم في الشعبان والرحلات.. لكن مازاد عن حده انقلب ضده.. وأنا خايف من هذي..:)
--------------------------------------------------
حياك الله والله يا راعي الكيف.. تسلم طال عمرك.. والدعوى سهلة.. أنا بديت بالترهيم في السيارة الأولة وأنا ما أعرف الكارونة من الحذاف.. و الواحد ما يولد متعلم. ومع الممارسة والتجربة والتحدي تتعلم غصب.. وأنا لقيتها سهلة وأي واحد يقدر يسوي زيها.. بس يبيلها سعة بال..
--------------------------------------------------
تسلم والله يا أبوالطواري... المكينة؟؟؟؟... يمكن 454 بس مهوب هالحين... ما أفكر اني أغيرها في الوقت الحالي:).. لكن المؤكد اني أبغير الكوارين من 14/43 إلى 11/41..صحيح ان بنيون 14 أقوى تحمل من 11 لكن 14 أبرد عزم من 11.. والله ييسر الأمور..:)

[رفيع الشان]

أخوي سلفر


طرت في بالي بعض الامور وحبيت أستفسر <== والله بيبلشك

* بالنسبه للجيب الاول هل المكينه باقي راكبه عليه وهل وقفت اجراءات تطويره ولاحاولت تحل مشاكله ولا رفع ضغطك ؟ ( لاتفوتك اجراءات تطويره :D )

* بالنسبه للبليزر المكينه اللي عليه شد بلده ولا مركبه لأني ماعرفت اسمها بالانجليزي ؟

*بالنسبه للقطعه computer chip stg1 تركب على ونيت 97 دبل 1500ولا لا بعدين وش فايدتها بالضبط ؟

( تراي كنت افكر ان 1500 هو حجم المكينه :D لا واذا احد سألني أتفلسف عليه )

بالنسبه لتانكي الماء انصحك تركب تانكي بس يكون صغير بعض التوانكي تقول بتشد لزحل ولا المشتري .. وحاول يكون حجمه مناسب ...

واعذرني اذا طولت بس انت اللي أبلشت نفسك :D


فمان الله

[SilverSniper]

حياك الله يا رفيع الشان >>>> ياخي أبلشتني شف لك حل :D
يا هلا بك والله
الجيب الأول لا أزال أطور فيه..غيرت عمود.. ورفعت الثلاجة ..وركبت غاز..وسوبر.. وركبت دفرنس ستاوت ...وفكيت الشراع.. وسويت فيه حاجات كثيرة .. لكن ولو.. ما ينمشى به لا على زفلت ولا بر... في الرمل بس.. ولذلك أنا مخصصه للمسابقات وناوي أدخل المسابقة اللي جاية ان شاء الله..

بالنسبة لمكينة البليزر.. فهي بالفعل مكينة شد بلاده.. مكينة جمس 350.. وأنا معدلها. وخارطها..ومكينة 350 تسمى مكينة جي إم صغيرة.. بالإنجليزي سمول بلوك..:)

بالنسبة لقطعة الكومبيوتر .. مكينة السبعة والتسعين تسمى مكينة LT1.. وفيه قطعة تركب لها.. إضافة إلى إنك تقدر تعدل في برمجة القطعة اللي فيها وتزيد القوة.. وفيها قابلية لتغيير عمود الكام وتوصل فوق 400 حصان :eek:

لا أزال أبحث عن تانكي خفيف .. أنا عارف انه بيزيد الوزن.. وبأعوض عن الوزن بالقوة.. أنا بدلت الكوارين الآن.. من 14/43 بارد إلى 10/41 حار... صار شي مهول.. بأصور له فيديو وأنزله ان شاء الله..
الا عندي سؤال... زحل؟؟؟.. وينه عن الشوكي؟؟ :D

[path_poth]

Silver Sniper

موفق ان شاء الله

تحياتي لك ولكل شاب سعودي يعتمد على نفسه، ماهو انا ووجهي شاطرٍ بس بدفع هالدراهم

((بيني وبينك [لاحظ ان فيه ناس تقرا] ودي اتعلم الميكانيكا))

طولت عليك بس تحملنا

[SilverSniper]

تسلم والله يا باث.. :)
الميكانيكا سهلة يا طويل العمر.. بس يبيلها ممارسة .. ما تنفع القراءة لحالها بدون تطبيق :no2: .. والواحد ما يولد متعلم يا طويل العمر :j .. أي واحد يقرب لك عنده ورشة.. اقعد عنده كل عقب عصر وفك من هنا وركب هناك :good2: .. وتتعلم في شهر.. ;)
حياك الله ومرورك يسعدني يالغالي..:)

[ولد سليمان]

حياك الله SilverSniper
اثرك ماشاء الله راعي خبره بالترهيم وبشكل علمي بعد وانا احسبك فلته بس بالبواريد ....الله لايضرك

مريت بنفس تجربك بالبليزر واخرتها انشعر راس المكينه وانكسر عمود التيمن وكرهت الموتر كله وانا عندي الحين ايسوزو 2003 سته سلندر بنزين 197 حصان غمارتين وكل شي ممتاز فيه الا العزم بالطلوع للنفود وخاصه اذا حملت عفوش البر ومركب تانكي ماء 180 لتر
هل اقدر اعدل فيه لزياده العزم tourq بدون ماأفك المكينه
يمال العافيه.


اذا بغيت تركب تانكي ماء انصحك تركبه متحرك والمنيوم ولايزيد الارتفاع عن 10سنتي وتحط فوقه موكيت وبأي وقت تقدر تنزله بالبيت .

تراي احتري تجربتك لعيار 17 لاني ناوي عليها الله لايعوق بشر

[SilverSniper]

يا هلا بك يا ولد سليمان ..:)
تقدر تخلي موترك يناقز من العزم بدون ما تلمس المكينة..:).. الحل انك تغير الدفرنسات ( الكوارين )..
دور كارونه رقم بنيونها أصغر من اللي عندك.. كمثال حقت ونيت الايسوزو..:)
ومشكور على النصيحة بخصوص التانكي وبأدوره وأوزنه مليان:)
بالنسبة لعيار 17.. ما عندي لها ذخيره..... اذا توفرت عندي ان شاء الله بأكمل موضوعها..:)

[path_poth]

يامال العافية

[حجلان]

اشكر كل من شارك وساهم في الرد على سؤالي
اخي العزيز (مشرفنا) سلفر
بالنسبه احجم السياره 1500
وهي Z71 وايضا احد الاخوه يقول فقط اعبث بالكمبيوتر اللي موجود عليها (ماهو رايك)
(حجلان... مكينتك ممكن تعدلها .. لكن تعديلات خفيفة ( هيدرز - فلتر - دبات رياضية - أسلاك وبواجي ).. ما تقدر تدخل بالعمق عشان الالكترونيات.. لكن فيه computer chip stg1.. ممكن تركبها بدل الكومبيوتر وتصير مكينتك كأنها 454

هل يوجد من يساعدني في تركيب هذه الاشياء, اذا ممكن دلني عليه الله لايهينك

* انت قلت انك تريد ان تصغر حجم الكارونه الى 11/41 صحيح ان السياره راح تحشر وتحس لن زاد عزمها ولاكن انك بتلاحظ مشكله وهي تمشي على الاسفلت, انا جربت ثم رجعت على 13/41 وهي فعلا ريحتني
اما الماكينه انا اقول لك اتركها كما كانت الا اذا انت تريد مزيد من القوه الله يهبيك (واسمح لي على اللقافه)

[((( الحر)))]

مشاء الله تبارك الله .. ماشاء الله تبارك الله .. ماشاء الله تبارك الله
مشاء الله تبارك الله .. ماشاء الله تبارك الله .. ماشاء الله تبارك الله
مشاء الله تبارك الله .. ماشاء الله تبارك الله .. ماشاء الله تبارك الله

الله يطعمك خيره ويكفيك شره ... الله يطعمك خيره ويكفيك شره
الله يطعمك خيره ويكفيك شره ... الله يطعمك خيره ويكفيك شره
الله يطعمك خيره ويكفيك شره ... الله يطعمك خيره ويكفيك شره

هذا الشغل والا بلا.. اذا رهمت رهم صح والا خل الشغله لاهلها

جهد كبير. وقت كثير. لاكن والله انه يستاهل..كامل والكامل وجه الله

وافر تحيتي وتقدير واعجابي بهذا العمل الجبار

[مراكي الذيب]

ماشاء الله تبارك الله الله يعطيك من خيره ويكفيك شره

:good: :good: :good: :good: :good:

الظاهر لوتروح الفحص سجنوك انتبه !!!!. :D

[القناص العريب]

ماشاء الله عليك الله لا يضرك

ويستر عليك

بس عندي لك نصيحه وانا خوك اقر وردك الله يستر عليك
ويطعمك من خيره ويكفيك شره ترى الحساد واجد

[رفيع الشان]

الجيب الأول لا أزال أطور فيه..غيرت عمود.. ورفعت الثلاجة ..وركبت غاز..وسوبر.. وركبت دفرنس ستاوت ...وفكيت الشراع.. وسويت فيه حاجات كثيرة .. لكن ولو.. ما ينمشى به لا على زفلت ولا بر... في الرمل بس.. ولذلك أنا مخصصه للمسابقات وناوي أدخل المسابقة اللي جاية ان شاء الله..

يصدق اني ماعرفت من اللي فوق الا حاجه وحده ؟

وش تتوقع !!

فك الشراع :D لا وبالقوه عرفتها

عموما الله يوفقك مثل الجيب هذا تراه تحفه ولاتيأس واطلب قطع من أي مكن :D ولاتهمك الدراهم <== بيجيب لك المصايب :D

ونتمنى نشوفك في تل المرعب ... هذا اللي عندنا مجرد تمارين :)



وفيها قابلية لتغيير عمود الكام وتوصل فوق 400 حصان

لاتكفى خلنا على قردنا لايجينا أقرد منه ثم نبلش :D




الا عندي سؤال... زحل؟؟؟.. وينه عن الشوكي؟؟

ياالله جاوبنا على الشراع ... لاتبشلنا يالطيب :D


الله يوفقك وفمان الله

[ريف النشاما]

مشاء الله تبارك الله

الله يعطيك من خيره ويكفيك شره

شغل عدل منك وحقيقة يبيلك تفتح مشروع

بس المشكلة في الوقود مالقيت حل

؟

[ذيبان نجد]

ماشاء الله روعة
عيني عليك باردة
الله يعطيك من خيره ويكفيك شرّه

[SilverSniper]

حياك الله يا حجلان..
ممكن تزيد الهواء أو البنزين أو فتح البلوف بالكميوتر اللي عندك.. وتزيد القوة فعلاً.. لكن لو تبغى قوة فوق 500 حصان..ركب القطعة هذي..وتلقاها في أمريكا.. هنا
http://www.summitracing.com

بالنسبة للكوارين.. أنا كنت ناوي 11/41.. وركبت الآن 10/41.. يختلف العزم والممشى..
لأن المكاين الملغمة ليست مثل المكاين العادية.. المكينة العادية تعطيك عزم على كارونة بنيون واطي بدون ممشى.. الملغمة لو تحط بنيون عالي يمشي لكن ما يقوم.. ولو تحط بنيون واطي يمشي فوق 240.. ويفحط على آخر نمرة من العزم..:)
وفيه شي في التلغيم يخلي والواحد يفرقع من القهر.. وهو انك تلغم وتزيد القوة. إلى درجة معينة .. بعدها كل ما زادت قوة المكينة .. تضعف عزم السيارة :mad: .. ويصير لازم تصغر البنيون عشان تبين قوة المكينة صح..وهذا أكبر دليل ان المكينة ليست كل شيء..
------------------------------------------
مشرفنا العزيز الحر..
تسلم يالغالي ومرورك هنا يشرفني..:)
------------------------------------------
مراكي الذيب.. الله يسلمك ويرضى عليك
الفحص؟؟.. لا تخاف ما يسجنوني.. مأمن :D
------------------------------------------
أخوي القناص العريب.. تسلم طال عمرك..
الحمد لله ولا إله الا الله. .. وتحت الله وبين يديه..
------------------------------------------
رفيع الشأن...:)
يا حبي لك أنت وردك... :D
تل مرعب .. كابوس كل مرهم.. وحلمه في نفس الوقت
تل مرعب انحداره ما هو قوي مثل أم حزم والا الهرم.. لكنه بلواه انه طويل.. ينهد عزم الموتر ما وصل
-----------------------------------------
مشرفنا الغالي ريف النشاما..
الله يحييك يا طويل العمر وشرفت الموضوع والله..
البنزين يلهم لهم..:(.. لكن التانكي مكبر وهذا يحل المشكلة..:)
-----------------------------------------
تسلم والله يا ذيبان نجد .. والله يحييك..:)

[حجلان]

مشرفنا العزيز

انا احتاج انك تزودني بشخص ثقه ممكن يساعدني في تصليح السياره (اعني ميكانيكي جيد) لأني ماسألت الا اني عازم ان شاء الله ان ازود الماكينه

عندي سؤال (بصراحه اكثرنا عليك شفناك اعطيتنا وجه وماصدقنا) :D
* في حالة تزويد الماكينه هل تتأثر الكارونه ونسيت ان اقول لك الدبل عندي اتوماتيك (كهربائي) اعني ماهو قير ينتعشق باليد (ازرار اضغط عليها ويعشق الديل) ارجوا الافاده.

وانا شاكر لك تعاونك ولاننحرم من توجيهاتك

الله يعطيك العافيه

[الكاتم]

الأخ silver sniper
السلام عليكم ورحمة الله وبركاته
عندي سؤال بالنسبة للكربريتر
سيارتي ددسن ودي أركب لها كربريتر 200 إل سته سلندر طبعاً
هل كربريتر ال 200 إل بيزيد السرعه ولا لا
وبالنسبة للكارونه سؤالي إذا كان القير خمس نمر والريوس سته وش الكارونه الأنسب له
35/8
أو
37/8
عشان يمشي مضبوط لأني لقيت كارونه 35/7 لكن المشكلة في العكوس ماتركب وبعدين السيارة خمسة مسامير
والددسن تعرف ستة مسامير
هل من حل للممشى وفقك الله،،،

[SilverSniper]

حياك الله يا حجلان..
ميكانيكي يضبط لك تزويد المكينة بالكمبيوتر ما أدري والله.. لكن به ببريده ناس متخصصين فيها.. يمسك اللابتوب ويشبك السلك بالمكينة ويشتغل.... بأسأل وأرد لك..:)
بالنسبة للكارونة.. عندك ما فيه مشكلة.. لأنك ما تعدل المكينة بقوة.. فالكوارين عندك راح تحول صح وما يطلع عندك لا ضعف ولا فرط... والقير برضه ما عندك مشكلة والدبل كذلك.. لأن ظفيرته وكهربه والكترونياته ما هي مرتبطة بكمبيوتر المكينة..
أنا والله ما أداني الكهرب والالكترونيات بالسيارة.. ولذلك خبرتي شوي ضعيفة في هالمجال.. لكن ان شاء الله اني أقدر أساعدك..
-------------------------------------------
يا هلا بالكاتم..
الكاربريتر يبي يغرقك بنزين.. إلا إذا قصرت الهواء والبنزين على آخر شي..
لأن عمود الكام حق الددتسن يفتح البلوف بمقدار صغير.. فيتراكم البنزين في الثلاجة ويدخن ويلغفن ويزعجك.. فما راح تستفيد من الكاربريتر بقوة.. راح يزيد القوة .. لكن شيء لا يذكر.. تبي تستفيد منه استفادة كاملة لازم تغير عمود كام عالي.. وللدتسن مدري هل هو متوفر والا لا..:(
بالنسبة للكارونة..
احسب النسبة.. 35/8 يعني نسبة 4.37 .. 37/8 يعني نسبة 4.63.. النسبة هذي كلما زادت زاد العزم وقل الممشى.. والفرق البسيط يبين فارق كبير.. 35/7 تعطيك 5.00.. يعني أقل ممشى من 37/8 لكن أقوى عزم.... دور 35/8 ان كنت تبي الممشى..:)

[ع.ف.الدرويش]

:D

السلام عليكم ورحمة الله وبركاته

أخي الكريم SilverSniper
بصراحــــة مشروع جبــــــار بمعنى الكلمة
وموضوع جميـــل وشرح وافي يشرح الصدر:p
شُكراً لك على ما بذلت وعلى ما قدمت وبارك الله فيك
ووفقك الله لكل خير
.
.
الآن سؤال وإستفسار وأرجو أن أجد منك الإفادة..
أنت قلت بصعوبة وجدت الكفرات في شارع الغرابي.. :D فهل من الممكن أن تسهل علي لنتختصر عمليــة البحث المضنية بوضع عنوان المحل أو رقم الهاتف..؟ فأنا أبحث عن هذه النوعية من الكفرات و محاولاتي باءت بالفشــل (( للأسف )).. :)

وشكراً لك مرة أُخرى

ودمت أبداً بخير.. أبو فهد

[SilverSniper]

والله يا الدرويش اني دورت الفاتورة وعجزت ألقاها..لكن المحل مقابل فندق كبير في الغرابي ما أذكر اسمه والله لكن الظاهر انه بامعروف.. ادخل عليه وقل أبي كفرات 31/11.5 جنط 15 ماكسس.. طلبها لي من محل بالسلي وجابها عقب ما طلبها بساعة تقريباً..
حياك الله والساعة المباركة طال عمرك..

[الوسم]

ماشاء الله تبارك الله !!
الله يعطيك خيره ويكفيك شره !!
بصراحة شغل متعوب عليه

[ابو درع]

مشاء الله عليك شغلك عدل .. ولي سؤال انا عندي بليزر 98 وبيله كفرات مثل الي بالصوره

منوين وبكم ..

ولي تعليق .. رغم جهدك المبذول في البليزر وصرفك عليه بقيله شوي ويصبح متميز وهو لون البدي

العب فيه وغير من شكله يصبح فعلاً متميز .. ولا وش رائيك .

[SilverSniper]

تسلم والله يا الوسم
-----------------------------
حياك الله يابودرع..
بالنسبة للكفرات.. سعرها زي ما أسلفت 480 ريال للواحد.. محلها في الغرابي أظن اسمه بامعروف..
لون البودي الآن أبيض - كحلي.. أفكر بالفعل بتغيير اللون.. لكن إلى الآن ما جاء في بالي لون زين..
لكن شفت لي لونين أعجبنني صراحة..
هذا..
http://www.mekshat.com/pix/upload/images10/mk7239_459309_8_full.jpg

وهذا..
http://www.mekshat.com/pix/upload/images10/mk7239_712662_206_full.jpg

إذا كان أي واحد عنده لون أفضل منهن يحطه هنا أو يرشح لي واحد من هالأثنين..:) :good:

[_جنط مسخن_]

ما أقول الله يعطيك خيرة ويكفيك شرة
::
::
وانشاء الله يوفقك وتجيبلنا مشروع ثاالث

[SilverSniper]

تسلم يا جنط مسخن..:)

[الاصفر]

السلام عليكم
الله يستر عليك من العين

[SilverSniper]

تسلم يالأصفر.. اللهم آمين وجميع سيارات المسلمين..:)

[الكاتم]

أخوي silver sniper
السلام عليكم ورحمة الله وبركاته
وفقك الله لمايحبه ويرضاه
وأسأل الله تعالى أن يجعلك ممن قال فيهم ( أحب النا س إلى الله أنفعهم للناس 00 الحديث)
الظاهر إني غثيتك على كثر الأسئله
لكن فيه سؤال إذا كان عكس الدفرنس أكبر من دائرة الكارونه يعني أنا ركبت كارونه 180 بي على الددسن وركبت ولله الحمد لكن المشكله العكس مايدخل سميك وعكوس البي نحيفه هل من حل؟

[رفيع الشان]

تسلم ياروك الجزء الثالث :)


أقول ...


عندي اقتراح ...

وش رايك تفتح ورشه والجواب بالفيزا كارد :D


فمان الله



اصبر !

قبل لاأروح

ياخوي فيه موقع

http://www.allisontransmission.com

ودي لاهنت تشوف هل فيه بيع ولا لا ... انا ودي اشتري قطع من عندهم بكميات تجاريه وماادري حست ساعتين في الموقع ماعرفت شي :D

اذا ماعليك كلفه دلني << == الا عليه كلفه توكل على الله :D



فمان الله

[(العمده)]

مشاء الله الله يعطيك خيره ويكفيك شره

[SilverSniper]

أخوي الكاتم... حياك الله.. مالك الا تركب عكس البي بجلب عريضة تفصلها شحط على العكس عند المخرطة عشان ما يلعب بالجرم.. وممكن انك تخرط راس عكس الددتسن لكن ما ينضبط زين.. والعكس خطر اللعب فيه.. والله يوفقك..
-------------------------------
رفيع الشان... :) .... يا كثرك ...:)
روك الثالث؟؟؟؟... وينك صح النوم... وصلت كوبرا هالحين..:)
بالنسبة للموقع.. أبشر يالغالي.. بأنخله وأرد لك خبر.... بس ما قلتلي... رقم الفيزا حقتك كم؟؟..:)
--------------------------------
العمدة... تسلم يالغالي.

[رفيع الشان]

روك الثالث؟؟؟؟... وينك صح النوم... وصلت كوبرا هالحين

تراي مقاطع الافلام بعد احداث سبتمبر :D الا ( jet li ) عاد هذا في القائمه لايفوتك الاخير له ملعون جدف :D لا وخاصه البنت اللي معه والجسر اللي على أسنانها طالعه بنت كلب من جد :D



بس ما قلتلي... رقم الفيزا حقتك كم؟؟..

لا هوننا يالطيب ماعاد يحتاج تبحث حصلت القطع في المخبز في أسفل الحاره :D

بعدين تعرف وش أتعامل فيه ... أرسل لهم ريال فرنسي القديم وهو يحولونه ويرجعون الباقي :D

عموما ... مابتقصر وعلى راحتك لك شهرين تبحث على راحتك بعدها أرويك شغلك :mad:

تسلم يالغالي

[SilverSniper]

أعزائي الكرام...
هذا تسجيل لصوت البليزر.. سجلته أنا وأحد اخواني.. والفيديو في الطريق
http://www.uparab.com/File/1126346946.wav
----------
حبيبي ... رفيع الشان..
تفضل يا بعد الدنيا...:)
http://www.allisontransmission.com/locator/mideast/saudi_arabia.jsp

[عاشق الأشهب]

الله يطعمك خيره ويكفيك شره...
أخوك عاشق الأشهب...

[رفيع الشان]

يالطيب ...
أسعد الله وقتك باليمن والمسرات والمكسرات ...

بعدين وش الاصوات والحركات ... لاتخليني اروح أشق الكنداسه وأسجل :D بس بيني وبينك الصوت مكتوم وصاحي .. الله يعطيك خيره ويكفاك شره

الشي الثاني

يعطيك العافيه على البحث لكن فيه مشكله صغيره <== بعد :D

الحين انا عميل لشركة سعودي ديزل فرع جده والرياض والخبر وباط كبدهم ...

بس عندهم أسعار تقطع الظهر ...

بطيخة القير الأتوماتيك بـــ 3505 ريال سعودي بعد الخصم 37% وهو أعلى نسبة خصم تعطى فيه الشركه عندهم ماعدا شركة دله لهم 40 % ....

أنا دايم اشتري قطع غيار من شركة allison عن طريق وكيلهم اللي هو سعودي ديزل لكن انا قلت يمكن متاح البيع عن طريق الفيزا بأسعار أقل لكن دامهم يردونا على سعودي ديزل فالله المستعان ...

وتسلم يالطيب ولو كلفنا عليك ...

فمان الله

[كعبول الأحول]

السلام عليكم ورحمة الله وبركاته

أسعد الله التماسي

ما شاء الله عليك أخوي SilverSniper صراحة مجهود جبار ومهندز ومجكنم وبصراحة اللي خلاني أشارك في

الموضوع هو شيئين الأول أني أثني على هذا العمل الرهيب والشي الثاني إني حبيت أقص لكم قصة وهي كالتالي

في مساء هذه الليلة وعندما كنت خارج من فيديو الفهد بحي المصيف فإذا بي أسمع صوت غريب يمشي على الأسفلت

فأستغربت وأمعنت النظر فإذا بي أشاهد بليزرك يا SilverSniper فضحكت بشدة وركبت صهوت بليزري اللي

توني شاريه وموديلة 88 ولونه أسود وذهبي وكفخت وراك فإذا بك واقف عند إشارة بنده ويوم فتحت الإشارة ومير

تكفخ وأكفخ وراك ومن جد ماشاء الله على بليزرك من زود حماسي نسيت الإشاره اللي بتواجهني ووقفنا عند الإشارة

وناظرنا في بعض وأعجبتني قصة شعرك هههههههههههههههههه أمزح!!!!!!!!! وسلمت علي أنت وكأنك تقول لي

وش ذا اللي فرحان ببليزره. وكل واحد راح في طريقه ..

وعندي سؤال الله لا يهينك وهو إني إذا عشقت الدبل الثقيل وبعدين كسرت الطاره ومشيت بسرعه متوسطة أحس إن

الكفرات تنقز وكأنها مو متناسقه مع العلم إنه بدون الدبل كل شي طبيعي .. رحت لأكثر من ورشه وكلهم يقولون

طبيعي السياره رفيعه وهذا السبب.


وفي الختام أحب أبين ان ترهيمك للبليزر عطاني دفعه معنويه كبيره أشتري البليزر اللي معي الآن.

[ابو شكاع]

سلفر سنايبر
يكفي ان اجد اسمك في مشاركة فاجد نفسي مجبر على الاطلاع عليها
ماشاء الله عليك رائع
وانت حاط في توقيعك كلمة بلام
تدري
والله المفروض اني أ بلام روحي اني ما اتابعك :d
مشكور
وماقصرت
وهلابك

[القناص]

ما شاء الله تبارك الله

شوي وتتفوق على فرق الدراق رايس

يا سلفرسنايبر يا مدرسه

[Ibn Battuta]

عزيزي سيلفر

السلام عليكم

انا عضو جديد :j ، واخبرني احد الزملاء عن هذه المشاركه ، فاشتركت لاجلها ، ووجدة العجب العجاب من المعلومات التي كنت اتمنى الحصول عليها ، وابهرني كم المعلومات الذي لا يقدر بثمن ، وروح الاخوه بين الاعضاء ، وكل ما سبق جعلني اطرح هذا السؤوال لاني املك بليزر موديل 82 وقد اسثمرت فيه الكثير - عشقا بهذه السياره - ، استفهاماتي هيا :
- بعد خراب الماكينة القديمه ركبت ماكينة 454 ، ومن زود الحماس - غشيم ومتعافي - ركبت عليه كربريتر نفس اللي ذكرت ، طبعا بدون ثلاجه ، والمشكله انه بعد التركيب سار الموتر يقطع بعد فتره من التشغيل ، طبعا الخبراء من فنني الصناعيه ذكرولي انه لابد من تركيب ثلاجه خاصه لهاذا النوع ب 1200 ريال ، هل هذا الكلام صحيح ، وهل هناك طريقه للحصول على هذه الثلاجه في الرياض ؟
- مشكلتي الثانيه الكلتش ، ثقييييييييييييييييييييييل بكل ما تعنيه الكلمه ، وبعد البحث تبين ان الموديلات الاحدث تم اضافة نظام الزيت فيه ، وان موديل سياراتي كلتشه عادي ، فهل هناك حل لهذه المشكله ؟

عشمي جعلني اطرح هذا التسائل ، بئمل ان اجد الجواب الشافي .
:confused: :confused: :confused: :confused: :confused:

[حجلان]

السلام عليكم ورحمة الله وبركاته

اخي سلفر ابشرك وجدت من يرهم سيارتي الوانيت 2001 وانا سوف اسلمه السياره بعد عيد رمضان ان شاء الله

(والى الاحباب اعضاء منتدى مكشات: اهنئكم بحلول شهر رمضان الكريم واسئل الله ان يعيننا واياكم على الصيام والقيام وان يتقبل منا ومنكم صالح الاعمال)

اخوكم ومحبكم حجلان

[nahham]

شغل نظيف يابو خالد

الله يعطيك خيرها ويكفيك شرها

ومبارك عليك الشهر يالغالي

[ع.ف.الدرويش]

والله يا الدرويش اني دورت الفاتورة وعجزت ألقاها..لكن المحل مقابل فندق كبير في الغرابي ما أذكر اسمه والله لكن الظاهر انه بامعروف.. ادخل عليه وقل أبي كفرات 31/11.5 جنط 15 ماكسس.. طلبها لي من محل بالسلي وجابها عقب ما طلبها بساعة تقريباً..
حياك الله والساعة المباركة طال عمرك..

للأسف.. حصلت المحــل ولقيت عنده الكفرات.. لكن ما تنفع أبد على الباترول يقول لازم تصغر الجنط
غير كذا من الأساس الكمية إنتهت.. طبعاً هالسالفه من زمان
لكن شفت الموضوع طالع فوق.. قلت أسير وأقول وش حصل
والأهم من كذا أبارك لك ولكل من قرأ ردي هذا بقدوم شهر رمضان المبارك
فكل عام ونحن بخير
وكل عام ونحن إلى الله أقرب

أبو فــهد..
عبدالرحمن الدرويش

[MF6]

السلام عليكم

موضوع جميل جدا يا اخ سلفر
بما ان عندك ورشه وشغل نظيف ابيك تساعدني بشغله لاهنت
انا عندي بليزر 83 قير عادي بس عندي مشكله
مكينتي تخلط مويه وزيت ووديتها لورشه وقالوا لي يبيلها توضيب مكينتي 305
وانا احس انها مشبره ,, وش رايك اوضب والا اشتري جديد ؟
ملاحظه : المكينة الجديده لقيتها بـ 6000 ولقيت مكاين موضبه بـ2000
انت وش رايك اوضب والا اشتري جديد والا مستعمل؟؟؟
شكرا :)

[عاشق صمت]

السلام عليكم ورحمة الله وبركاته
انت :good: :good: :good: :good:

[عاشق صمت]

ماشاء الله تبارك الله
فعلا متعوب عليه بس عندي ملاحظه صغيره
:D ;)

[عاشق صمت]

مع اني قليل الخبره في الترهيم
تحويل البخاخ الى كاربريتر
هل صحيح ان البخاخ اقوى من الكاربريتر وليش تم التحويل؟؟؟؟؟؟؟؟؟؟؟

[عاشق صمت]

والله يطعمك خيره ويكفك شره وآآآآآآآآآآآآآآآآآآآسف على الاطاله :D

[تيتشر]

ماشالله .. الله يحفظه مكن العين ... انا معي بليزر موديل 90 قير توماتيك .. ونفسي اضبطه
وانت اغريتني بزياده ... بس المشكله ان التكلفه عاليه ... لكن بالاول بالاخير ما نقول الا ماشالله .. وياليت يكون بيني وبينك تواصل عشان استفيد من خبرتك وتفيدني عشان البليزر حقي

[ab0_feras]

ماشاء الله لاحول ولاقوة الا بالله ...
قبل يومين كنت معزوم عند احد اقاربي وبالصدفه كان موجود دكتور لغه عربيه او اسلاميه ماني متأكد بالضبط .. المهم دار حوار عن تخلف الامه العربيه والاسلاميه وتفاجئت بهذا الدكتور الذي يقول ان اهل الجزيره ليسوا مؤهلين لأن يكونوا مبدعين .. والدليل لايوجد اختراعات لدينا حتى صحون البلاستيك على حد قوله ماصنعناها ؟؟وكان ابداعنا في نشر الاسلام بقوة السيف ؟؟

والله العظيم وبدون مجاملة هاذا اللي سويته بصراحه انه ابداع فكيف لو كنت محتضن من قبل شركة متخصصه بالسيارات وش كان سويت وغيرك من ابناء المملكة والجزيرة والعالم العربي الكثير ؟؟

الله يزيدك من فضله .. ويرزقك العلم النافع .. وتبا ثم تبا لكل محارب للإبداع

[مثبت سرعة]

شكراً وكم كلفتك وين محلات ترهيم وتظبيط السيلرات بالدمام وشكراً

[راعي العوجاء]

ما تبيع ؟

اوا اذا ممكن انا اشتري سيارة وتساعدني ارهمها ؟

[ABU-AL-3eeS]

الله يعطيك خيره ويكفيك شره

اختيار رائع واكثر من رائع ماشاء الله عليك

وعقبال مانشوفك تدوج فيه بالصمان هالربيع قل آمين !

[كفاني عذاب]

أخوي كانك بياع علمني الله يعطيك خيره ويكفيك شره

[تطعيس]

السلام عليكم ورحمه الله وبركاته وبعد
اعلم اخي العزيز سلفر اني لم اسجل بالمنتدي الا بسبب مضوعك عن البليزر
والصراحه ودي اسالك كم سوال اولا ليش غيرت القير مع اني اشوف اكثر الشباب يستعملون القير الاوتوماتك بالترهيم مع ان مكاينهم قويه مررره مثل احمد الصمعاني وفهد المشوح وعمر اليحيى وغيرهم الكثير الشي الثاني وش رايك بالي يبي يركب مكينه ls1 حقت الكابرس الجديده على البليزر وهل تركيبه سهل يعني على طول بدون ترهيم واخيراا ليتك تعطينا مقطع للبليزر ويكون فيه عرض لقوته اذا ماكان فيه احراج وشكراا

[EXEPLORER]

و الله خوش مشروع و لا تحرمنا من جديدك

يعطيك العافيه.

[الطير المهاجر]

الله يعطيك خيره ويكفيك شره
انا لو عندي كان بسوي في الـ 78 ونجرب انا وانت
تحياتي

[الرهدن]

شغلك عدل00

والله يطعمك من خيره ويكفيك شره


لكن ؟

ماهي السلبيات التي وقعت بها ؟أوالأشياءالتي كان بودك وضعهاولم تتمكن من وضعها لأي ظرف كان؟



.

[stranger]

ما شاء الله عليك اخوي Sniper وبعدين ترى فاقدينك في المنتدى من فترة وينك فيه 0 ( غبت غبت وجبت معك الزين ) ما شاء الله عليه 0 اما موتري البليزر ناوي أعدل فيه وأتمنى انك ما تحرمنا من خبرتك في الترهيم لأن عزم موتري عيف جداً طبعاً بدون تعديلات وعندي عنوان موقع ( Lmc) ولكن ما أدري كيف الدفع بالنسبة لهم 0 ومريت أبو علي ولكنة غالي شوي فأنا ناوي إنشاء الله أصلح سيارتي بنفسي لأن الورشة موجودة ,اهم شي عندي هو المكينة والتعديلات عليها 0

[SilverSniper]

موقع LMC تقدر تاخذ منه قطع الغيار الأساسية اللي ما تلقاها في السوق مثل ربلات البيبان وربلات الفيبر وغيرها.. قطع تعديل المحرك تلقاها في www.summitracing.com (http://www.summitracing.com) وطريقة الدفع بالفيزا أو الماستركارد والتوصيل بالدي اتش إل أو الفيديكس .. بس لازم تختار القطع اللي تتوافق مع استخدامك ونوع مكينتك وليس الكبير دائماً هو الأفضل..

[Abo Nader]

السلام عليكم و رحمة الله و بركاته...

هلا بسنايبر وغلا...

كح كح كح كح كح كح...

و الله من الغبار الي طلع من الموضوع...أذكر إني قريته أول ما نزلته للمنتدى بس ما باركت لك وقتها:rolleyes:..

و بعد سنتين نقولك مبروك:D...

طيب يالغالي كيف الحين بعد ما إستعملته لمدة سنه و شهور10 و نص:p..

هل كل شي تمام ماطلب شي غير القطع الإستهلاكيه؟؟

و جزاك الله خير..

[SilverSniper]

بسم الله عليك.. لا يكون فيك ربو بس..
لا ولله الحمد لا يوجد مشاكل تذكر.. رفعت الموتر زيادة وكبرت الكفرات.. وركبت كبوس فوق.. وطرا علي أبغى قوة زيادة .. كبرت الكام في المحرك وكبرت طرمبة البنزين ..وما طلب شي الا نحاسات قير.. غيرتها قبل سنة وما عليه الا العافية.. وأطلع عليه وأروح وأجي ومن شافني قال وش هالمجنزرة اللي معك.. ومن أي جيش سارقها.. :)

[SAL]

ماشاء الله عليك

ويعيطيك خيرها ويكفيك شرها ان شاء الله

زين السياره وين موجودة؟؟

SAL

[SilverSniper]

عندي بالرياض.. وأحياناً بالمجمعة... ودايما بالبر

[عاشق الموج]

شغل جبار بسم الله ما شاءالله

الله يعطيك خيره ويكفيك شره

[pc_ndf]

أخي SilverSniper (http://www.mekshat.com/vb/member.php?u=7239)

السلام عليكم ورحمة الله وبركاته
اولا ماشاءالله عليك الله الله يعطيك من خيرها ويكفيك شرها وشر حسادها
ثانيا ممكن اساعدك بفكرة التانكي ويمكن تجعل التانكي محل المرتبة الخلفية والطريقة
تصمم التانكي على نفس شكل المرتبة اللي بسيارتك
تفك قاعدة المرتبة الخلفية وركبها في التانكي
يكون التانكي من نوع الألومنيوم لأنه خفيف وبدون رائحة وصدأ رغماً انه غالى إلا انه يستاهل
تنجّد التانكي بنفس المرتبة الأصلية

وبهذا استغليت مكان بالسيارة وبفكرة ممتازة ويكون ثقل السيارة لمّا تعبيه ماء يكون متماسك بإذن الله

وعندي صورة من أفكاري ولكن خذ اللى تستطيع عليه (فكرتي معقدة شوى )

http://www.mekshat.com/pix/upload/images38/mk20164_bleezar.jpg
تحياتي

[SilverSniper]

أشكرك أخوي pc-ndf
ممكن تكون فكرتك هي الحل.. بس ياليت تفصل أكثر فيه وتوضح لي أفضل سماكة للألمنيوم المستخدم وكيفية سحب الماء.. وهل يحتاج مضخة أربطها ببطارية السيارة عن طريق كتاوت..
تسلم على مجهودك..

[pc_ndf]

أبشر طال عمرك على طاعة ولكن عندي استفسار بسيط ومشكلة يمكن يكون عندك لها حل وهي يوجد عند احد زملائي بليزر موديل 80 وعنده مشكلة في الكربريتر ومعقده من زمان ومتعبه كل يوم رايح له في ورشة وماهو راضي يصلح معاه أحيانا يقطع وأحيانا يطفا وتفوح منه رائحة البنزين وراح يبى يركب له جديد ولكن تفاجأ إن سعره غالي مررررره يمكن يساوي قيمة السيارة نفسها قلت أشوف يمكن يكون عندك علاج لهذه المشكلة.

[بو مشعوفان]

ما شاء الله

شغل متكتك

[n o s 1 1 1]

مشالله تبارك الله

أخوي

أنا قد سمعت صوت السياره لاكن الله وأعلم الثقل من كفراته على الزفلت وقيره اللى 3 تعشيقات تزيد حنته


لاكن أنصحك بوضع كفرات عاديه وشف وش يصير نفس ماهو ولا يتغير

[الغزال الشارد]

ماشاء الله تبارك الله


الله يعطيك خيره ويكفيك شره .. بصراحة شغل متعوب عليه


بيض الله وجهك
تحياتي لك

[pc_ndf]

http://www.mekshat.com/pix/upload/images38/mk20164_besm1.gif






أخي SilverSniper حرصاً على طلبك توضيح الصورة وسماكة الألومنيوم :p
سماكته 3 ملي وهو كافي لتحمل الجلوس علية بسبب وجود قواطع داخل التانكي
والتانكي اللي في الصورة ياخذ تقريباً 180 ليتر وهي ليست بالمبالغة ويغنيك عن تركيب التانكي اسفل السيارة
والجركل في الغمارة
وظيفة التانكي هو ينقسم الى قسمين - قسم يأخذ ثلث التانكي للتبريد الماء الشرب خاصة في الصيف الحارة وأوقات الصيد ويمكن تخصيصة للطبخ (يمدد مخارج المرشح الخاص بالتبريد الى مواسير مكيف السيارة وتجعل لها قفل او بلف خاص للتحكم بعبور زيت المكيف عند الحاجة )
وقسم للماء العادي للغسيل وأغراض أخرى...
طريقة وضع الحنفيتين كما في الصورة صعبة جداً عند اللحام ولااعرف شخص هاوي يحب الإبتكار في التوانك ،
وهذه الحنفيتين تتحرك 180 درجة بحيث لو شخص جلس على المرتبة ويريد ماء شرب يمكن تحريك الحنفية الخاصة بالشرب بإتجاهه وكذلك :hot: الطبخ عندما تطبخ داخل الغمارة وليس فيها خطر بإذن الله خاصة اذا صار وقت هواء قوي ولا عندك خيمة يمكن تستخدم الحنفية وانت مكيّف كل شئ عندك أدوات الطبخ والماء .
وطريقة المضخة (ترهيم مثل مضخة بنزين أو مضخة غسالة القزاز)تعمل بالبطارية ولها مفتاح تعمل عند الحاجة ولامانع ان تضع لها كتاوت (عمل الكتاوت هو توصيل القطعة الكهربائية مباشرة الى البطارية بدون تحمل الجهد على المفتاح لتصبح القطعة المراد تشغيلها أقوى ).
يمكنك الإستغناء عن الحنفيتين لصعوبة تركيبها ووضع مخرج من الأسفل الى الخارج لتصبح حنفية خارجية .
ولاتنسى ان تركب قاعدة التانكي بقوة وتركيز اللحام عليه أكثر لثقله
تركب أرضية التانكي بالإسفنج ضغط 60 والمقعد ضغط 40 وتبطينه بالجلد او القماش حسب رغبتك .
وبهذا وفرت المكان وخدمة غير:redcar:
تم اختيار الألومنيوم لخفته:no2: ولايمكن ان يصدأ اووجود رائحة له

ارجو ان اكون قد وفيت وأوصلت المعلومة


http://www.mekshat.com/pix/upload/images38/mk20164_bleezar1.jpg





http://www.mekshat.com/pix/upload/images38/mk20164_tahiyati.gif

[الكاسر23]

اخوي سيلفير سنيبرز (القناص الفضي)


لنا الفخر في هالمنتدى أن يكون من بين أعضاءه أمثالك اللي لديهم الخبرة في مواضيع دقيقة جدا قل من نجدها لديهم، الله يوفقنا واياك وجميع المسلمين، وبصراحة شغل ما يحتاج، وشرح وافي لكل من اراد تجهيز سيارته، وهذا ينم على الخبرة التي لديك، وبصراحة هاوين الكشتات ينسون موضوع التكاليف اذا بغوا يجهزون سياراتهم، واذا ما بقى عليك إلا تانكي الموية، فتراه مهم خصوصا ان تجهيز سيارتك كان للرحلات الطويلة، واللي تحتاج فيها إلى كمية وافرة من المياه وشوري عليك بتجهيز تانكي ولو 50 لتر اذا ما فيه وسع كافي في اسفل السيارة، وما شاء الله ورش تجهيز سيارات الرحلات واجد، عندك سوافي (عندهم توانك المنيوم) وعندك المواهب، وعندك .... الكثير غيرهم.

تحياتي لك .. وتراي بارجع لك في استشارتك عن بعض الأمور لاني محتار في تجهيز جزئيات معينة في سيارتي، ولا نستغني عن خبرتك.
اخوك المحب
أبو محمد

[pc_ndf]

وهذه أخوي سيلفر صورة التانكي بالمقاسات وتختلف هذه المقاسات من سيارة لسيارة


http://www.mekshat.com/pix/upload/images38/mk20164_bleezar5.jpg

[العنقري]

هذه الهويات الممتعه ونتظر منك المزيد وبارك الله فيك

[aseeri]

ما شاء الله تبارك الله

[كل القصيد]

الله يستر عليك ويعطيك خيرها ويكفيك شرها

[pc_ndf]

أخي SilverSniper

ودي اخدمك باللي اقدر عليه :D


تانكي آخر موجود في موقع مكشات وهو تانكي الوادي يمكن يؤدي طلبك وإليك الرابط

http://www.mekshat.com/vb/showthread.php?t=73991

http://www.mekshat.com/vb/showthread.php?t=73644


الصورة

http://www.mekshat.com/pix/upload/images38/mk20164_kazama-5-2-2007-4.jpg

[woqaili]

SilverSniper
تكفى احتاج خبرتك في تعديل وإصلاح الكسره حقتي موديل 1994 نفس البليزر وابي اصلح الكهرب والدفرنسات يعني ابيه يطلع 2009
يمديك تفزع لي و لا لالا

[woqaili]

ارجو الدخول الى الصفحه
http://www.mekshat.com/vb/showthread.php?t=115781

[awwad-850]

كل عام وانتم بخير
اخوي الفاضل
انا عندي بليزر 82 م ودي انظم معك واستشيارك في عدة امور لاني توني خاسر عليه 6500 ريال
من صبغ وسمكره وتنجيد
باقي عدة اشياء مثل تربيط من تحت مساعدات ...................الخ) والمكينه تقويته العزم للموتر من والي
ان ساكن في الخبر ؟
اذا ماى في كلاف عليك يحبيبي
وتقبل تحياتي awwad-850

[abu naif]

مساء الخير ياخوان تكفون وين الصور ماتطلع

[هوى الشرق]

يعطييييييييك خيره ويكفيك شره

[وجيه 11]

الله يطعمك خيرها ويعديك شرها

[stranger]

ما شاء الله عليك يا سيلفر- طولت الغيبات علينا / عندي سؤال آمل الاجابة عليهعندي صديق سوري يجيب مكائن من دبي وعندة مكينة كورفيت يوم شاف البليزر معي قال لية ما تشتري الروس وتركبها على مكينتك تنفع ؟؟؟ طبعاً مكينة سيارتي 350 بدون تعديلات . والسؤال هل تنفع بدون التعديلات التي ذكرتها على الماكينة ..... وشكراً

[awwad-850]

كيف حالك اخويstranger ممكن تفيدني كم قيمته الرؤوس لمكينة الكورفت لاني عازم اني اشتري لي للموتر حقي الله لا يهينك يا لغالي واذا عنده شياء علمني وان تحت الطلب
ان من سكان الخبر وهذا الايميل للتواصل awwad-850@hotmail.com
تقبلوا تحياتي اخوك عواد-850

[نويتش]

الله يعطيك العافيه وماشاءالله لا اله الا الله تبارك الرحمن وسبحان الله

شي مو طبيعي وابداع خطير جدا وتستاهل كل خير وعساك على القوه

فمان الله

[إبن فيصل]

شغل عدل ومرتب وفنان مشاء الله تبارك الله .

[مزودها حبتين]

الله يعطيكـ العافية ... احسنت تضبيط مرة قوي الله يعطيكـ خيره ويكفيكـ شرهـ

[gmc1]

دائماً الترهيم والتعديل مع السيارات الامريكية افضل وأرخص وبعدين المفروض يكون عند كل واحد من المكشاتيين موتر مجهز حتى لو كان قديم

[هوى الشرق]

الله يعطيك خيرها ويكفيك شرها وعقبالي

[سيف الظفير]

ماااااشاااااااء الله تبارك الرحمن شغل مرتب وقوووي


ولكن مازلنااااااااا ننتظر صور للسيارة في النفووووووود

[بـلـيـهـان 1]

السلام عليكم و رحمه الله و بركاته

ماشاء الله تبارك الله
و الله شغل مضبوط الله يوفقك

لكن حبيت اسألك عن مكينه 502 وين تحصلها وهل لها قطع غيار ..؟
و كم أقيامها
تحياتي لك
و إلى الأمام

[mohannadAs]

ما شاء الله تبارك الرحمن ....
ما في وصف لشغلك

[zr-1]

ماشاءالله شغل مرتب بس عندي استفسار الحرارة على الربع بدون بلف لاني ناوي اركب مروحة مثلك جمس95 مقاس 1500 وشكرا اسف طولت عليك