المساعد الشخصي الرقمي

مشاهدة النسخة كاملة : نصيحـه وأخذ شور منكم يـآزملائي ؟!


سرطوقا
30/09/2010, 08:01 PM
السلام عليكم



يالله حيهم






اخواني بارك الله فيكم


عرضت علي جيب 97 فكس آر

الموتر هذا الله يطول اعماركم واعمار شيبانكم مواصفاته كآلآتي :

فتحه
دفلك
شنطه
اسبير واحد علاق
ماشي 300 الف كيلو

طبعا راعي الموتر يقول انه نظيف وطول في الكلام الموتر ماشاء الله مافي سمكره ولا فيه شيء ابد ابد ومحركاته نظيفه مره مره الغريب يآأخوان ان البويه تلمع لمعه مدري اهي من وكالته ولا فيه شيء وانا شكيت انه مرشوش بس ادور يمين شمال مالقيت شيء يدل انه مرشوش ؟!

طبعا انا مالي خبره الا قليله مره في السيارات ، اللي جرب هالنوع ولا يعرف عنه شيء ينصحني اذا هو بيتحمل اني بسافر عليه وبروح عليه البر وماني مخلي درب الا اروح به له :)

طبعا راعيه يقول مسيوم 65 وانا قريب من السومه !
هل سعره معقول يـ/أخوآن ؟!


السياره الثانيه الله يسلمكم ، من نوع جكس آر 98

الموآصفآت /

فتحه
دفلك
ونش ، مكره
جنآح
شنطه
ماهو خلفيه عايدي
اسبير علاق واستبنه تحت ، الموتر فل كآمل
ماشي 350 كيلو متر

طيعا بدون اي سمكره ، وحاده راعيه بـ 70 الف ريآل ماينقص

انتو وشرآيكم في السيارتين ؟!

وش آخذ وش اخلي

واي سياره تنصحوني من ناحية التحمل والسفر ، طبعا انا مانيب راعي مقانيص طلعات بر خفيفه على تطعيس خفيف والسفر ابكرفه كرف


بارك الله فيكم وماقصرتوا وتراني طولت عليكم :)
شاص
30/09/2010, 08:12 PM
من وجهة نظري الشخصية .. سيارة بهالممشى 300 ألف وأكثر وراح عليها أكثر من 13 أو 14 موديل تعتبر استهلكت بدرجة كبيرة وبتصير تتعبك بكثرة الطلبات والتصليحات .. والله يكتب لك اللي فيه الخير .. ولعل الشباب يدلون بآرائهم
كراع الذيب
30/09/2010, 08:14 PM
اولا .. سلام عليكم

ثانيا .. انا لو اني في مكانك ماشريت ولا واحد منها ليش ؟؟

السبب الاول انت ملعوب عليك ( اسمح لي ) في السعر كلها غاليات ..

مادري بصراحه عن سعر الفكسار 97 لكن الجكسار 98 مايسوى خمسين الف ..


اذا على سعر الجكسار كذا انا اجيب لك جيب لكزز 99 ب 65000 وماشي 160000

بعدين لو تلاحظ كم لها كم سنه .. 14 سنه طويله ..

السبب الثاني .. السيارات كلها ماشيه ممشى شين 300/350

وين تبي تسافر وين تبي تطلع بر .. شلون تضمن الموتر ؟؟

والسبب الثالث .. اذا انك قدرت توصل 70 الف .. اشوف لي سفاري ورده 2005 ..

ماشي من 50/150 ولا احلى منه ولا اقوى منه ..

فتحه .. طبلون ليزر .. قير تربو ترونيك (تماتيك عادي ) ..حساسات ..ثلاجه ..مكيف مركزي .. دفلك ..اسيات متحركه ..الخ

( وجه وجاه )

ويكفيك انه جديد .. بـــس

اسمح لي اخوي على بعض الكلام اللي ماله داعي .. لكن تنرفزت من الاسعار

والراي الاول والاخير لك .. ولا تردد اهم شيء الاستخاره ..

الله يطعمك خيرها ويكفيك شرها

اخوك / كراع الذيب
العايد999
30/09/2010, 08:23 PM
مرحباً بك اخوي العزيز سرطوقا

ياكثر صولاتك وجولاتك على المواتر هههههههه :d:d:d

لكن ما ازيد على كلام الاخوان وبالأخص كراج الذيب

كلام مختصر ومفيد وخير الكلام ما قل ودل

والشور بيدك
نقطه
30/09/2010, 08:40 PM
السلام عليكم:

أخــوي أنا مع أخوي العزيز كراع الذيب في كل اللي قااله

لا تستعجل ونصيحه دور من 2000 وفووق

تحياتي لكــــــــــ
ابوو زيد
30/09/2010, 08:44 PM
اولا .. سلام عليكم



ثانيا .. انا لو اني في مكانك ماشريت ولا واحد منها ليش ؟؟


السبب الاول انت ملعوب عليك ( اسمح لي ) في السعر كلها غاليات ..


مادري بصراحه عن سعر الفكسار 97 لكن الجكسار 98 مايسوى خمسين الف ..



اذا على سعر الجكسار كذا انا اجيب لك جيب لكزز 99 ب 65000 وماشي 160000


بعدين لو تلاحظ كم لها كم سنه .. 14 سنه طويله ..


السبب الثاني .. السيارات كلها ماشيه ممشى شين 300/350


وين تبي تسافر وين تبي تطلع بر .. شلون تضمن الموتر ؟؟


والسبب الثالث .. اذا انك قدرت توصل 70 الف .. اشوف لي سفاري ورده 2005 ..


ماشي من 50/150 ولا احلى منه ولا اقوى منه ..


فتحه .. طبلون ليزر .. قير تربو ترونيك (تماتيك عادي ) ..حساسات ..ثلاجه ..مكيف مركزي .. دفلك ..اسيات متحركه ..الخ


( وجه وجاه )


ويكفيك انه جديد .. بـــس


اسمح لي اخوي على بعض الكلام اللي ماله داعي .. لكن تنرفزت من الاسعار


والراي الاول والاخير لك .. ولا تردد اهم شيء الاستخاره ..


الله يطعمك خيرها ويكفيك شرها



اخوك / كراع الذيب


ما ازيد عن كلام الذيب شي

مو تعصب ولا شي بس صدق لو انه مديل جديد 2003 او من القبيل هذا كان قلت خذه ولا تشاور
بس 97 او 98 اكل الدهر عليها يالغالي وتبدا تطلب لو هي اجود ما صنع البشر

ولا تنساء صلاة الاستخاره

والله يوفقك
بو نوره
30/09/2010, 08:57 PM
الله يهديك هذي مواتر تشترى ... وهذا ممشاها !!!
خذ الراي .. عند ابو جميل عروض حلوة على 2010
اذا ماعندك الا 70 ألف خذلك فورشنر ...
عطهم السبعين ألف دفعة اولى ... وقل لهم يقسطون عليك باقي المبلغ .
سرطوقا
30/09/2010, 10:42 PM
بيض الله وجيهكم ، ماقصرتوا انفداكم

انا ماني مستعجل لو انس مستعجل كان شريت بس حطيت الموضوع عشان اسعارها غاليه وماخشت مزاجي ابد

وقلت احط الموضوع ونشوف ونناقش الأخوان وانتم ماصرتوا بيض الله وجيهكم

واللي من اهل الخرج ويدلني على جيب بحدود الـ 70 الف الله يبيض وجهه

اخوي العايد لازم ندور الزين والرخيص بس تعبت وانا اخوك هههههههههههههههه


الله يطول بأعماركم ماقصرتوا :)

فآئق احترآمي