((((((رابطة الشكل الجديد كليا جيب فورد اكسبلورر من 2011))))))

[جيب فورد]

السلام عليكم ورحمة الله وبركاته


بسم لله وعلى بركة لله
توكلنا على الله بوضع رابطة ملاك جيب فورد اكسبلورر 2011
http://www.blogcdn.com/www.autoblog.com/media/2010/07/08-2011-ford-explorer.jpg

اخواني ملاك اكسبلورر من 2011 تفضلو هنا في رابطتكم ولمن سيتم له شراء الجيب الفورد (اكسبلورر 2011) ومن تم له الشراء لنبارك له ويشاركنا وسيكون ان شاءالله معلومات واخبار ومشاركات وتقارير وتجارب وصور جيوب اعضاء الرابطة وووو ماألى ذالك عن الأكسبلورر الشكل الجديد كليا ننتظر مشاركاتكم ان شاءالله مشكورين
والدعوة عامة للجميع وخاصة للملاك للأنظمام للرابطة
جزاكم الله خير وبارك فيكم :l

http://filaty.com/i/1007/10042/Ford-Explorer_2011_800x600_wallpaper_0c.jpg



http://www.topcarpictures.com/wp-content/uploads/2010/08/2011-ford-explorer-picture.jpg

[جيب فورد]

ماشاءالله تبارك الله

[جيب فورد]

ممكن مايكون ناجح 2011

[aliooooo]

هههههههههههههههههه

غريب امرك

تنشيء رابطة للسيارة

وبعدين تبداء في انتدقادها بشدة

السيارة روعة شكلها ودبلها ايضا روعة بحيث انة يوفر الرفاهية للمالك القوة و في المناطق الوعرة اذا احتاجها .

السيارة بختصار مصممة للمستهلك المدني الذي يقضي نسبة 90% من وقتة على الازفلت واذا احتاج البر كانت حاضرة.

والبر لا يعني الطعوس والسحب والجر وغيرة

دبلها مخصص لاخراجك من المأزق اذا اضظررت

وستكون سيارتي القادمة اذا وفقني الله

ويكفيني داخليتها الي تشبة الاوربي

[جيب فورد]

غدا نعرف الحقيقة ان شاءالله

[اكسبلورر سويدي]

حسب ماقال لي احد موظفي مبيعات صالة فورد بالدمام

ان لن يكون بالسوق السعودي الا في السنة 2012

وحسب قوله ان 2011 هو نفسه الحالي

وان الشكل الجديد سيكون في اوربا فقط في 2011

هذا ماقاله لي عندما سألته عن موعد نزوله

[PATHFINDER 4]

أجل انتظروا سنة كاملة عشان تشاركون في الرابطة هههه

لكن تغير شكلها مرة مرة اتوقع تشبه ال (إيدج)

[dream story]

والله حسب ماوصلني ان الوكلاء يتحايلون على الزبون للاسف بقولهم ان 2011 سيتاخر حتى يصرفون باقي 2010
والعهده عالراوي .......
ننتظر ونشوف

[جيب فورد]

السلام عليكم ورحمة الله وبركاته
سمعت كلام يقولون وصل اكسبلورر 2011 والله اعلم
الكلام صحيح او لا؟

[EXPLORER_2010]

من رأيي أن الاكسبلورر 2010 أضمن من الشكل الجديد

لسبب بسيط أنه قد تم تجاوز معظم أعطاله إن لم تكن كلها

ولا يخفى على الجميع أن أي تعديل في الشكل تنتج عنه ملاحظات وتعديلات

من خلال شكاوي العملاء واصلاحاتهم على الضمان عبر الوكلاء في أرجاء العالم


خاتمة :

قد يكون من مصلحة المستهلك السعودي تأخير نزول الشكل الجديد لحد ما يتم تلافي وتعديل المشاكل التي في الغالب تظهر

مع تغيير الشكل .. والتي بالغالب لا يتم تعديلها الا بعد 6 أشهر وطالع

تحيااااتي

[مهند فيصل]

ماشالله رووووعه

[ksa_333]

لسى مانزل 2011 قبل يومين انا بالوكاله

مافيه غير 2010

اعتقد مجازفه تشتري شكل جديد لازم يكون فيه عيوب

وبعد الشكل الجديد يقولوا دفع امامي والله اعلم

[لبتون]

من يقول انه بينزل عام 2012
الان الوكالة متورطة بالي عندها زسوو عليه خصم من 97 الى 91 الف اتوقع السيارة بتنزل بعد 3 شهور كحد اقصى
وماتلاحظ ياراعي الرابطه انه بدري شوي نسوي رابطه هالوقت والسيارة مبعد نزلت

[PIC]

http://www.ford.com/suvs/explorer/specifications/exterior/

http://autos.yahoo.com/2011_ford_explorer/

[لبتون]

موعد نزول فورد اكسبلورر شهر 9 \2011 على حسب كلام احد الموظفين في الشركة
وسعر فورد اكسبلورر 28الف دولار وعليها كسور
يعني سعره بالسعودي بيكون في حدود ال 100 الف ريال

[PIC]

http://www.youtube.com/watch?v=6AIQ-f-yOfE&feature=relmfu (http://www.youtube.com/watch?v=6AIQ-f-yOfE&feature=relmfu)

[لبتون]

http://www.youtube.com/watch?v=6AIQ-f-yOfE&feature=relmfu (http://www.youtube.com/watch?v=6AIQ-f-yOfE&feature=relmfu)

المقطع ميادل على اي شي لا بالقوه ولا بالضعف

[PIC]

المقطع ميادل على اي شي لا بالقوه ولا بالضعف

مجرد قيادة تجريبية لمنتج جديد، و يوجد مقاطع كثيرة ممكن تبحث فيها إذا كنت حاب تعرف مدى قوة السيارة أو ضعفها.

[allaa.hassan]

وأنا قاعد اتصفح في اليوتيوب لقيت لكم

تطعيس فورد إكسبلورر 2011


b_Y7FjeWAxM


wuUpxZAfsbk


الصراحة

أحسن بكثير من الجيل السابق


ما شاء الله عليها مو ناقصها الا الترفيع


وبحكم إنها راح يتم تصديرها للعالم كله بعكس الجيل السابق

أتوقع الاستراليين حيشتغلوها تعديلات صح



وبالنسبة لموعد طرحها في الأسواق الخليجية

أتوقع إنها تنزل في أواخر 2011 على إنها موديل 2012

عادة فورد مع الاكسبلورر تأخر تنزيله للأسواق الخليجية سنة بعد السوق الأمريكية

[nightlover]

هل فيه اخبار عن موعد النزول؟

[PIC]

للاقتراحات و الاستفسارات، يطلع عليها المهندسون و المصممون و الرئيس التنفيذي
http://www.thefordstory.com/

لمتابعة الأخبار
http://www.thefordstory.com/ford-social-networks/

ديه عشانكم
http://www.facebook.com/FordExplorer?v=app_158079477574953&C5=tfs-ext-a1b07c05d000715e00f00g12h06j11k23m4n0p20110215

[سالم الحبلاني]

شكل رائع وجميل

لكن اللى يقول انه دفع امامي مستحيل

هو دفع خلفي وفيه دبل

والتطعيس اللى في المقطع اكبر دليل انه خلفي

[Explorer 2010]

حبايب كيف حالكم ؟؟؟؟

شوفوا عشان ترتاحوا من انها دفع امامي ولا خلفي

روحوا عمو يوتيوب واكتبوا FORD EXPLORER 2012 وراح تلاقو مقاطع من المصنع نفسة للسياره مسويين فيها تجارب ، المهم ما اطول عليكم لكل من لا يجيد اللغة الانجليزية افتح صفحه على قوقل واختار الترجمه وبعدين ارجع لصفحة المقطع بتلاقوا تعليقات للشباب الامريكان رايحين تعرفوا امور كثيره غايبه عننا هنا ، وطبعا ولد البلد والسياره يعرف اكثر

خلاصة الكلام السياره دفع امامي ، وبعدين وقت الحاجه ممكن تشغل الدبل ، بس السياره اساسا دفع امامي وما ادراك ما الدفع الامامي وخاصة بالصيانة بعدين وكمان على المنعطفات .

تحياتي

[PIC]

نعم السيارة دفع أمامي
الظاهر إنها خلاص بتنزل عندنا
http://www.alriyadh.com/2011/08/11/article658147.html
وترى فورد بأن هذا الارتفاع سوف يستمر بوصول سيارة إكسبلورر الجديدة إلى المنطقة خلال شهر رمضان المبارك

[LE2010]

http://www.mekshat.com/vb/showthread.php?p=7112486#post7112486

[مطر جدة]

من وجه نظري ان اكبر عيب في الشكل الجديد انه دفع امامي ..يعني مثله مثل شفروليه الاكاديا
يعني صار اقرب للسيارة العاديه اكثر من سيارة جيب من حيث نظام التعليق وايضا الشكل الخارجي

عيب الشكل الحالي " القديم " ضعف في المحرك بالمقارنه مع شركات اخرى منافسه للاكسبلورر وايضا قله التكنولوجيا بالمقارنه مع الجيل الجديد

ليت شركة فورد تعيد النظر في مساله التعليق " نظام دفع السيارة "

[عبدالعزيز51]

والله ياشباب شكله ما دخل مزاجي..
بعدين حاس انه يشبه سيارة ايدج من نفس الشركة..

[الشمري 2010]

السلام عليكم ورحمه الله وبركاته
ياشباب ارجو انكم تردو علي عندي استفسارين
الاول كيف افصل الدبل هل اضغط على اوتو 4x4 فقط
ثانيا الزر اللي موجود بعصا الجربكس O/D على مااظن كيف استخدامه ومتى وهل اضغطه والسياره تمشي وكم السرعه انا قالو لي عند المرتفعات اللي بالطرقات ابي طريقه استخدامه بالضبط وشكرا لكم

[شروكي]

مريت على الوكالة فرع غرناطة ، وانصدمت بأنه الاكسبلورار تحول الى دفع أمامي ، والدبل يشتغل عند الحاجة ، مافيه ثقيل ولا خفيف ، وسعر السياحي يبدأ من 120 ألف ، والوسط فتحة وشاشة ب 143 ، والفل ب 169 !!

صار هو والاكاديا واحد ، بالعكس الاكاديا افضل لان تاريخها اطول وتفادو كثير من المشكلات في تغيير الشكل والمحرك ،،

[جيب فورد]

السلام عليكم ورحمه الله وبركاته
ياشباب ارجو انكم تردو علي عندي استفسارين
الاول كيف افصل الدبل هل اضغط على اوتو 4x4 فقط
ثانيا الزر اللي موجود بعصا الجربكس O/D على مااظن كيف استخدامه ومتى وهل اضغطه والسياره تمشي وكم السرعه انا قالو لي عند المرتفعات اللي بالطرقات ابي طريقه استخدامه بالضبط وشكرا لكم

الكتلوج يوضح لك طريقة الأستعمال
موفق

[جيب فورد]

مريت على الوكالة فرع غرناطة ، وانصدمت بأنه الاكسبلورار تحول الى دفع أمامي ، والدبل يشتغل عند الحاجة ، مافيه ثقيل ولا خفيف ، وسعر السياحي يبدأ من 120 ألف ، والوسط فتحة وشاشة ب 143 ، والفل ب 169 !!

صار هو والاكاديا واحد ، بالعكس الاكاديا افضل لان تاريخها اطول وتفادو كثير من المشكلات في تغيير الشكل والمحرك ،،

غالي ان شاءالله بينزلون الأسعار ويكون له عروض وخصومات
لاتستعجلون

[JAMAL 1]

السلام عليكم
يوم الخميس كنت في الصيانة الدمام؛ وقالي مهندس الاستقبال ان سيارتي فيها مشكلة بمراية الشمس الانوار ما تشتغل
ورحت معاه داخل الورشة
المهم شفت الاكسبو الجديد :)
السيارة ما عليها كلام
داخلية السيارة والطبلون والقماش والكراسي والديكور عال العال بصراحة سيارتي اكسبو 2010 لكن حسيت ان داخل سيارتي ددسن عند الاكسبو الجديد
بعدين قالي المهندس ادري انك منقهر كيف تغير شكل السيارة كذا وانت سيارتك جديدة لكن قالي "احنا ما نعرف عن السيارة اي شي، وترا عيوبها غير معروفة إلي الان، وخصوصا الدفعات الأولى"

هذا ما احببت ان اضيف
ولكن السيارة حلوة واحس انها للمدينة؛

[رامي النيشان]

شباب كيف اقدر ارجع 2010 واخذ 2011 السياره عن طريق البنك

[PIC]

مريت على الوكالة فرع غرناطة ، وانصدمت بأنه الاكسبلورار تحول الى دفع أمامي ، والدبل يشتغل عند الحاجة ، مافيه ثقيل ولا خفيف ، وسعر السياحي يبدأ من 120 ألف ، والوسط فتحة وشاشة ب 143 ، والفل ب 169 !!

صار هو والاكاديا واحد ، بالعكس الاكاديا افضل لان تاريخها اطول وتفادو كثير من المشكلات في تغيير الشكل والمحرك ،،

الاكاديا كروس أوفر يعني سيارة مدينة، بينما الاكسبلورر لا يزال اس يو في يعني حق بر على الرغم من أنه تحول إلى دفع امامي
أول نزول للاكسبلورر كان في 90 أو 91 بينما الاكاديا ما نزلت إلا في 2007
سعر الجديد في أمريكا أرخص من التوكيلات بحدود 10 إلى 14 ألف حسب الفئة

[جيب فورد]

ماسمعنا من المجربين كيف كان معاهم الجيب تمام او فيه كلام ثاني مع التجربة؟؟؟

[مراقب الصيد]

ننتظر آراء من سبق بشراء 2011 الجديد
من حيث الاستخدام ، الرساوة بالخط ، قوته بالتطعيس ، أخــــرى .........

[بالول]

كيفكم يا شباب مع الاكسبلورر الجديد
رحت الوكالة وقال خلاص موديل 2011 مافيه ..... واذا تبي مافيه الا 2012 ولازم توصي عليه لان مافيه و الموجود كله محجوز ...

[محامي وراط]

مساكم الله بالخير جميعا ،،

اللي عنده معلومات يشاركنا على الرابط

http://www.mekshat.com/vb/showthread.php?t=459430 (http://www.mekshat.com/vb/showthread.php?t=459430)

[COBRA999]

السلام عليكم

حاب اعطي تنويه بالنسبه للي يقول انه الوكاله متورطه بالي عندها من سيارات اكسبلورر 2010
السياره خلصت من الوكاله اصلن وسحبو 150 سياره من وكيل فورد بالاردن عشان يغطو الطلب عليها هنا
والسعر 105.000 ريال سعودي فئة نص فل

السياره عليها طلب خيالي والدليل سعرها في السوق ماسك وهي اثبتت اعتماديتها بشكل رهيب