▓▒░██ هل تذهب فعالية العطر بسبب وجوده في السياره نداء خاص للخبراء والمجربين

[اسير الغضا]

السلام عليكم ورحمة الله وبركاته


صد قيني اعضاء مكشات((مايشتهي:d

مثلكم عارف اهمية العطر ولابد يكون قريب منك في بعض الاحوال ولاودي اعطيكم درس بالسلوك حق اول ثاني ابتدائي:d تعرفون الرائحه الطيبه ومزايه والرسول يحب التطيب ومن الكلام اللي مايخفاكم

لذالك ومن هذا المنطلق قرر اسير الغضا ان تكون رائحة عطره طازجه عند المناسبات والدوامات الاجتماعات الخ
واراد ان يضع قنينة عطره في مركبته الا انه يخشى ان تكون وبالا عليه وان تحصل تفاعلات في العطر تؤدي الى عدم اعطائه لنتائج مرضيه فسوف يتعرض الى خضخضة ومضمضه((ايقاله وزنه:d
وسوف يقاسي الحر الشديد وبما انه عزيز علي اردت ان اسأل هل تسبب هذه التفاعلات بذهاب مفعول العطر
الزبده((العطر اذا حطيته بالسياره يظر ولا مايظر(هاذي علشان العاذر زعل علينا عطيناه مقدمه ووجعنا رويسه
تحياتي

[العاذر]

الافضل ان تتجنب العطر لانه يسبب حساسيه والم في الراس خاصه المخصصه لعطر السياره

[أبوذعار]

بصراحة اخوي اسير الغضا
ماعندي خبره بهالشي
لا كن اتوقع لو تحط العطر بوسط درج التكايه
وتلف العطر بشي ثقيل علشان الحراره ماتوصل
يمكن يعطي فعاليه



تقبل مروري

[اسير الغضا]

الافضل ان تتجنب العطر لانه يسبب حساسيه والم في الراس خاصه المخصصه لعطر السياره

ياهلا والله

ماشاء الله موجود بكل موضوع كم واحد انت :d

الزبده وانا اخوك عدلت بالموضوع علشان ماتزعل لحظه تعال مافهمت علي انت انا اقول عطري انا مب عطر السياره ((خخخياحبيلك

[لاتكب البيالة]

السلام عليكم
تضعف ريحته لانه انت عارف الشمس تقلب لون الرجال وتطلع ريحته فما بالك بقنينة عطر

[اسير الغضا]

بصراحة اخوي اسير الغضا
ماعندي خبره بهالشي
لا كن اتوقع لو تحط العطر بوسط درج التكايه
وتلف العطر بشي ثقيل علشان الحراره ماتوصل
يمكن يعطي فعاليه



تقبل مروري

يامرحبات

الحراره واصله واصله مافيه امل:d ويبي يخض خضخضه يبي يصير عطري لبن

[اسير الغضا]

السلام عليكم
تضعف ريحته لانه انت عارف الشمس تقلب لون الرجال وتطلع ريحته فما بالك بقنينة عطر

لاتقول :( هون تكفى اغديك تسوي دراسه علميه وتجيب خبراء ومتخصصين كل شي الا العطر بالسياره

[ksa1ksa]

اكيد تذهب فعالية العطر

حرارة الشمس تعدمه عدام

[اسير الغضا]

قصدك مفهوم يالغاالي وصراحه هالسوال يراودني منذ مبطي ههه وانا حاط العطر بالسياره لكن ياخي احس ريحته ليست مثل قبل مدري احسااس ولا وش ههههه.......

اسف على الاطاااله
ونشوف باقي الاراء
تحيااتي

ياهلوات والله :D

ماشاء الله عليك مثل العاذر ماادخل سيب بالمنتدى الا واشوفك:D

ترى الواحد يوسوس خص لاصار عطره من النوع الزين مب حق البقلات:good2:

[502]

السلام عليكم ورحمة الله وبركاته نعم العطر يتغير بحرارة الشمس ولاكن هناك حل اذا السيارة فيها ثلاجة كل ماشغلة الموتر خل الثلاجة شغاله عليه يرجع زي ماكان أو نزله في البيت وحطه في الفريزن لمدة ساعة ويرجع زي ماكان وهذا من واقع تجربة وتقبل مروري وشكراً

[اسير الغضا]

اكيد تذهب فعالية العطر

حرارة الشمس تعدمه عدام


منور طال عمرك
والله يعين:(

[اسير الغضا]

السلام عليكم ورحمة الله وبركاته نعم العطر يتغير بحرارة الشمس ولاكن هناك حل اذا السيارة فيها ثلاجة كل ماشغلة الموتر خل الثلاجة شغاله عليه يرجع زي ماكان أو نزله في البيت وحطه في الفريزن لمدة ساعة ويرجع زي ماكان وهذا من واقع تجربة وتقبل مروري وشكراً

نجرب وانشوف يعطيك العافيه:good2:

[أبو إياس]

من ناحية الريحة والجودة هذي أكيد سلملي عليه ،، لا وبعد أحيانا تخبره مليان وإذا بغيته تلقاه فاضي ..؟!
طبعا متبخر :d

فيه بديل حلو إذا قصدك الريحة الحلوة حط لك كسر بخور مافي أمل تخرب ، أو دهن عود أصلي أعتقد إنه يتحمل أكثر من العطر العادي !

[حب لاينتهي]

انا حاط دهن عود

ولا تغير انصحك فيه

[swead]

طبيعي تختلف ريحته .. ولا تنسى ان العطر نفس الولاعة بس العطر كحول والولاعة غاز ومع الضغط والحر بينفجر الله يكفينا الشر واحتمال يولع بالسيارة ( ولا تنسى أنه في نوعية من العطور والمخلطات ما بتنحفظ الا في الفريزر عشان لا تفسد ) .. فانتبه تترك اي شي مضغوط سواءا كان عطر او معطر جو او ولاعة وغيرها ..

فاحذر فإن في الحذر السلامة ..

[أبوحمد 505]

متعود أحط العطر دايم في درج الموتر علشان قبل لأنزل الجامعة أبخ بختين

وبعد ماغيرت السكن صرت أوقف السيارة في الشمس
ومرة فتحت الدرج وحصلت جزازة العطر منكسرة والأوراق والفواتير رايحة فيها الحبر سايل ولعب في الدرج
المشكلة عقد الإيجار توة جديد أنمسح

لذلك أنصحك ماتحطة في السيارة إلا إذا كانت في موقف مظلل

[ابوعقل]

وعليكم السلام ورحمة الله وبركاته

اسير الغضا

من خلال تجربتي

انا حاط عطرين بالتكايه من فتره طويله

وكل ما جيت انزل لمكان ارش من حديهن

والحمد لله ما تغيرت ريحتهم

بس اهم شي تبعدهم عن الشمس

لانه يبي ينفجر من الحراره

[اسير الغضا]

ماقصرتوا جميع اثريتوا الموضوع

[ولد وايل..]

السلام عليكم
تضعف ريحته لانه انت عارف الشمس تقلب لون الرجال وتطلع ريحته فما بالك بقنينة عطر




ههههههههههههههههههههههههههههه



وانا اخوك وضع العطر بالسيارة خاصه مع أجوائنا الحلوة خطير خاصه مع إمتلاء القنينه

إحتمال يفجر وتحرق عليك الغماره لا قدر الله ...وأعرف واحد معه كامري حصل له نفس اللي قلت لك بسبب عطر...


الأمر الثاني انه يخييييييييييييييس

العطر يتفاعل مع الحراره ويصير مخيس حتى يصدع بك لا رشيت منه ولو شمه فيك احد يحسبه تجاري..

الحل الله يسلمك الزم دهن العود الله يسلمك خذ لك فرغ من اللي عندك بالبيت بعلب ربع توله وخلها بمخباتك دائما...

ولا خذ لك بخاخات اللي بحجم قلم السبورة فارغه وفرغ فيها العطر على التدريج.....


بالتوفيق...

[AL-ashhab]

طبيعي تختلف ريحته .. ولا تنسى ان العطر نفس الولاعة بس العطر كحول والولاعة غاز ومع الضغط والحر بينفجر الله يكفينا الشر واحتمال يولع بالسيارة ( ولا تنسى أنه في نوعية من العطور والمخلطات ما بتنحفظ الا في الفريزر عشان لا تفسد ) .. فانتبه تترك اي شي مضغوط سواءا كان عطر او معطر جو او ولاعة وغيرها ..



فاحذر فإن في الحذر السلامة ..

صحيح كلامك يا اخوي swead
العطورات الفرنسيه الغاليه تحفظ في برادات او اماكن بارده

[عاشق ورق]

من تجربة يتغير من الحر
واذا كان ولابد من حمله معك عليك بعبوة 10او20ملي خلها في جيبك
وعسى ان شاء الله إني أفدتك

[hally]

أخوي اسير الغضا أنا عندي عطر وحاطه بالتكاية حقت السيارة ولاتغيرت ريحته ولا شيء ولا حتى ينقص هو هو مايتغير
أرجوا إني أفدتك..

[البرتقالي]

الشمس تقلب العطر الفرنسي تايواني

احسن شي عن تجربة عليك بالعود خذ اوقية تجربة
وكسرها كسر صغيرة بالحيل ( تمشيك سبعطعش سنة ) ;)
وبولاعة السيارة تصير ريحة السيارة وثيابك على كيف كيف كيفك

[You Like Me]

اذا كانت السياره توقف في ظل دائماً
ماعليها إن شاء الله بالنسبة لي العطر ما ينزل ابد من السياره
مع اني اشيل هم اذا سافرت او كاشت والشمس مثلك خابر تحمس الاوادم فما بالك بالعطر
لكن اذا مو دائماً توقف بالشمس ماعليه بإذن الله
اهم شي لا تخليه بالقرب من اوراق مهمة تحسبن لأي شي لا قدر الله