ابي رايكم ومشورتكم في احسن تانكي تفصيل

[راعي صملة]

السلام عليكم ورحمة الله وبركاته

اسعد الله مساكم وصباحكم وكل اوقاتكم

يا جماعة الخير انا طفشت من شيل وحط جراكل المويه وقررت اني افصل تانكي للمويه

طبعا ما راح اركبه في السياره , عندي عربه وودي استغل مساحتها بحيث اني افصل تانكي على مسطح العربه ,

منها اني افتك من زقلبة الجراكل ومنها يصيرعندي حيز كبير لباقي العفش

ما اخفيكم شفت مع ناس ولقيت عند بعض المحلاات توانكي جاهزه منها الفيبرجلااس ومنها الستل ستيل ,

لكنها ما نتنفع لي , لانها مهيب بنفس المقاس اللي ابيه

بتقولون وش يبي هذا الحين قال لنا قصة حياته :D

ايه جينا للمفيد :good:

1- وش افضل ؟ الفيبر جلااس او الستل ستيل ؟؟؟
2- وين القى اللي يفصلون التوانكي فيه ؟؟؟

ولكم مني جزيل الشكر والتقدير



اخووووووكم رااااعي صملــــــة

[اسيزو 4x4]

يالغالي إذا تبي تفصل >>>>>>>>>> الستال ستيل أزين شي

وتلا قيهم بالرس والستال الستيل أفضل الموجود للتفصيل >>>>> ويوجد ألمنيوم ولكن غالي جدا

تحياتي لك ....


.

[راعي صملة]

اخوي الغالي اسيزو 4x4

ما قصرت الله يحفظك لكن ودي بشي في الرياض ان حصل والاا زرقنا للرس

ولك مني اعذب تحيه ,,,,,,

[المتوكل]

السلام عليكم ورحمة الله وبركاته عندى لك راى انا جربت الحديدفتره طويله مالقيت احسن من الامنيوم صحيح سعره غالى لكن انسه وهو موجود عندعروق الشمال ببريده00 :good: :good: :good:الستال استيل ثقيل جدا(مع احترامى الشديدللعضواسيزوالمبجل)وتستطيع تفصيل المقاس الذى تريده وهناك شخص ممكن يفيدك اكثر يعمل فى المحل اسمه سلطان هاتفه 0505130388اخوك ابوفهد

[اسيزو 4x4]

السلام عليكم ورحمة الله وبركاته

حيا الله أخوي النشمي والغالي (( المتوكل ))

كلامك عين الصحيح الستال ستيل ثقيل جدا على السيارة :)

وأزين ناس يسوون الألمنيوم مثل ما قلت يا سنايدي هم عروووق الشمال ببريدة في القصيم :D :good:

وتقبل خالص تحياتي يالغالي ....... أخوك أبو حمود :D

[راعي صملة]

وعليكم السلام ورحمة الله وبركاته

اخوي الغالي المتوكل

مشكور وما قصرت انا الظاهر اني صملت على الستل ستيل بنصيحه من الاخ الفاضل (( الرسام 8808 )) خاصه انه مو مشكله عندي الوزن

والشي الثاني حسب ما عرفت انه اصح اذا كان استخدام التانكي للشرب

ومع هذا مازلت محتاج لكل راي ومشورة من كل الاخوان اللي عندهم خبره


وللجميع مني اعذب تحيه



اخووووووكم رااااعي صملــــــة

[اسيزو 4x4]

بالتوفيق يالغالي ولك مني كل تحية وتقدير .....

[راعي صملة]

اخوي الغالي اسيزو 4x4

انت راعي الاوله وانت اول من نصحني بالستيل

وانا رحت على كلاام اخونا (( الرسام 8808 )) لاني اتصلت فيه ووصاني على ورشة في الرياض

ولك مني اعذب تحيه ,,,,




اخووووووكم رااااعي صملــــــة