طريق الرياض دبي

[قناص سدير 999]

الاخوة اعضاء مكشات المحترمين
السلام عليكم ورحمة الله وبركاتة
امل الافادة عن طريق الرياض دبي من حيث المسافة والمدن التي يمربهاء وهل الطريق سريع ام لاوالمسافة داخل السعودية والامارات وشكرا.:lr

[الهشمي]

اتمنى من الاخوان يفيدونك

[a3oog]

باقي ماسفرت الى دبي خطآ

[aalmubark]

هلا فيك اخوي
شوف من الرياض الي الخرج86 كيلو
من الخرج الي حرض 180 كيلو
من حرض الي المنفذ البطحا 245 كيلو
من البطحاء الي ابو ظبي 450 كيلو
من ابو ظبي الي دبي 145 كيلو تقريبا
هذه مسافات تقريبية
وشكرا

[هوايتي مكشات]

الله يعينك رح على طريق الاحساء افضل انا اسمع ناس يسبون طريق حرض

[كاشخ 24 ساعه]

هلا فيك اخوي
شوف من الرياض الي الخرج86 كيلو
من الخرج الي حرض 180 كيلو
من حرض الي المنفذ البطحا 245 كيلو
من البطحاء الي ابو ظبي 450 كيلو
من ابو ظبي الي دبي 145 كيلو تقريبا
هذه مسافات تقريبية
وشكرا


لا ازيد على رد اخي المبارك

[مسير عليهم]

مثل ماذكر المبارك

اذا بتروح مع حرض وهذي اول مره لك انصحك تروح في النهار واذا معك عائلة يفضل مع الهفوف

[ابوريم865]

نصيحة رح مع طريق الاحساء افضل بكثير وتقدر تمشي فيه في اي وقت اما حرض مايصلح باليل
انا قبل اسبوعين كنت في دبي ورحت مع الاحساء
واي سؤال عن الطريق تفضل

[طيرالفلاة]

لكن نصيحه لكل من يروح :

- ان جيت مع طريق حرض بليل انتبه لاتفوتك محطة البنزين اللي بحرض ترى ماهي واضحه ( على شارع موازي على يمينك )

-اهم شئ خذ استراحه في منفذ البطحاء وريح لك ساعه او اكثر ..لإن مافيه استراحه اذا دخلت الإمارات قريبه من الخط وبينك وبين دبي حوالي 450 كم والمواصله خصوصا اللي جاي من الرياض والعوائل متعبه...ورايت ناس مريحين في سياراتهم من التعب في عز الحر على الطريق

- املئ تانكي البنزين من البطحاء قبل الدخول ..

- اذا تعديت نقطة الحدود السعوديه يجي بعدها مكاتب نقطة الأماراتيه بعدها كبرةالتفتيش ثم تطلع فيه مكاتب ( تأمين السيارات ) على يسارك ماهي واضحه
ولوحتها صغيره ...يتعدونها الناس ويضطرون يرجعون مرة اخرى
- احذروا استخدام النت في الشقق الفندقيه ..إلآ باتفاق واضح- طبعا ليست مجانا مثل السعوديه- فهي بمبالغ مختلفه لكن المشكله انه يكون فيها مجال للتلاعب لانه حصل لي بشقق بابوظبي اسمها مرجان اسفار يسوون حركه يوهمونك انه باليوم 30 درهم بعدين يقولون لا الجهاز حسبها بالساعه ...طبعا بعد مناقشه بسيطه معهم وشافوا اني كاشفهم ..اعتذروا ورجعوا الباقي

- بعض الباعه في المحلات الظاهر انهم متعودين ان السائح تطير بوهته :D فيستغلونها

بلهف باقي المبلغ ! ولايغرك الديكور ولا جنسية البائع

- اللي يمشي بالليل مع حرض يحذر الجمال

[ملف علاقي]

والله ياخي الأمارات معاد فيها شي ينفع واسعاهم صارت ازودمن السعوديه واخيرا مثل ماقالو الأخوان خلك مع الهفوف احسن من طريق حرض واتمني لك التوفيق

[السلمان2010]

اذا بتروح مع حرض انتبه من الرمل على الخط وخاصه في حرض

[VXR.2007]

http://img440.imageshack.us/img440/8/67451b3984.jpg


http://img832.imageshack.us/img832/5543/batha1.jpg

[النمر]

ما قصرو الاخوان و الامارات فيها مدن جميلة مثل مدينة العين وابوظبي خاصة مهرجان ابوظبي ل الافلام في هذه السنة و مهرجان دبي :)
و بنسبة لطريق ابوظبي ودبي فهو يبتدي من جسر المفرق الى وسط دبي :)
و طمن الاسعار البترول متوسطة وفي حدائق واسترحات واماكن ترفيه :)
و الاسعار الفنادق كل فنادق تختلف من مكان الى اخر و افضل شي تسوي حجز غرفة للفندق و كما يقول الشاعر ديرتي عاشت من زمان اذكر الامارات الاصيل بارز
الى اخر البيت
و يقول احد المطربين الاماراتين على ما اضني اسمه عبد الله الخير
يا دبي دار الحي الى اخر المقطع
و كذلك يقول اخر قالو الهاوية قلت لهم عيناوي الشيب بنفسج و انت الغاوي اهوا البنفسج انتي يا غالي يا صحابي العين دار الزين:)

و هذا جوابي لملف علاقي

[محمد عمر الحر]

السلام عليكم و رحمة الله و بركاته
هذا دليلي للطريق من الرياض الى دبي

اولا:انا ما انصح بطريق حرض لانه خطر و سيء و استراحاته قليلة جدا الافضل طريق الهفوف طبعا::good2:
ثانيا:المسافة بين الرياض و الهفوف 200 كيلو متر
ثالثا:المسافة بين الهفوف و الاحساء 270 كيلو متر
رابعا:المسافة بين الاحساء و حدود البطحاء 250 كيلومتر
خامسا:المسافة بين حدود البطحاء و دبي 460 كيلومتر
سادسا:اذا جمعنا الكيلومترات مع بعضها تعطينا 1000 كيلو متر واتمنى ان افيدكم و السلام عليكم ور حمة الله و بركاته:

[ال معلى]

اخوي اطلع مع الرياض على خط الشرقيه

بعد التفتيش الاول يجيك مكتوب خريص يمين

خذ معه وسيده الين تتعدى الحساء

وامش سيده الين يجي بوجهك دوار وعلى يسارك بحر

هذا الدور اذا رحت سيده مع الدور بتروح قطر

انت مع الدور خذ يمين وميه وعشرين كيلو الا انت على

الحدود

وطريق سهل ومحطات كثيره وامان وبالليل انتبه من الابل

[س.س.التميمي]

استفدن من هالموضوع الكثير من نصائح الاخوان الله يعطيهم العافيه

[هيتاشي]

ماقصروا الاعضاء بيض الله وجيههم

[هدباء وهديباء]

السلام عليكم
يااخواني وش الفرق بين اللي يطلع مع طريق الرياض الهفوف المنفذ واللي يطلع مع طريق الرياض سعد خريص ؟
هل المسافة وحدة ونوعية الطريق واحد .

[هدباء وهديباء]

مارايكم بهذا الطريق
الرياض سعد خريص الهفوف او الرياض الهفوف مباشرة ؟

[هدباء وهديباء]

هل يوجد رد ؟؟؟

[فتتتك vt]

هلا فيك اخوي
شوف من الرياض الي الخرج86 كيلو
من الخرج الي حرض 180 كيلو
من حرض الي المنفذ البطحا 245 كيلو
من البطحاء الي ابو ظبي 450 كيلو
من ابو ظبي الي دبي 145 كيلو تقريبا
هذه مسافات تقريبية
وشكرا



السلام عليكم اخوي المسافات الي انت حاطها ماهي صحيحه الله يسلمك شلون من البطحاء الى البو ظبي 450 كيف تجي هذي قصدك من منفذ البطحاء الى دبي 470 هذا الصحيح لانك انت اضفت على 450 كيلو 145 وراح يكون كذا 600 كيلو

[هدباء وهديباء]

ياليت نحصل رد يااخوان على استفساراتي اللي فوق

[هرطبيل]

وفوو كفوا الجواد

[abu sltan700]

اخوي انا جربت طريق حرض وجربت طري الاحساء وحصلت طريق الاحساء افضل من طريق حرض بمليون الف مره اطلع من الرياض على الطريق السريع باتجاء الشرقييه لين يجيك كبري سعد خريص رح مع خريص الين توصل الاحساء بعدهه بتجيك لوح الامارات

[أسد نجد]

مارايكم بهذا الطريق
الرياض سعد خريص الهفوف او الرياض الهفوف مباشرة ؟

طريق سعد أقرب لكن غير مشبك وانتبه للجمال

عموما طريق الهفوف أفضل بكثير من طريق حرض والفارق بين الطريقين لا يستحق المغامرة

طريق حرض : اسفلت غير جيد والرمال المتحركة وربما تؤثر على بوية السيارة وربما الرياح تضطرك لتهدئة السرعة فتكون ما استفدت

[اكسير الحياة]

طريق حرض لعبتي من عام 2002 الى 2005 كنت شهريا مرة والا مرتين اروح له ....
الطريق كان في البداية مشاكله البعارين وبعدها الرمال ولكن في الاخير تطور الى قطاع طرق ومعهم شيصان وهايلوكسات واللي ما معه موتر يعطيك بالخط لا يقربه بالليل وانا حرمت اروح معه بعد حادث لي كان معي كابرس 2001 ss على ايامها والخط يبء لأبعد درجة ولكن يختصر كثير وانتبه ترا فيه تفتيش سرعة قبل حرض او بعده والرمل يبدأ من بعد تفتيش حرض حتى قبل حرض وبعدها يجي النفود مرة ثانية اللي بين حرض والبطحاء والله العظيم يا ناس انه خطر عظيم جبال مو سافي

[هدباء وهديباء]

طريق سعد أقرب لكن غير مشبك وانتبه للجمال

عموما طريق الهفوف أفضل بكثير من طريق حرض والفارق بين الطريقين لا يستحق المغامرة

طريق حرض : اسفلت غير جيد والرمال المتحركة وربما تؤثر على بوية السيارة وربما الرياح تضطرك لتهدئة السرعة فتكون ما استفدت

الله يعطيك العافية اخوي وماقصرت وجعله الله في موازين حسناتك
اذا كان الفرق 50 كيلو ااو اقل بينه وبين طريق الهفوف فنعم مايستحق المغامرة . اما اذا كان 100 كيلو او اكثر فمتردد الصراحة .
هل الفرق كبير بينهم وطريق حرض الغيت فكرة الذهاب عن طريقه نهائيا ان شاء الله

[isaa1419]

السلام عليكم
ما ذكره الاخوان صحيح وفيه البركه لكن حبيت اضيف على ما ذكره الاخوان انا سافرت العام الماضي مع طريق حرض مشيت الصباح من الرياض واخذت مخرج القاعدة ومسكت طريق حرض ( يعني مادخلت مع وسط الخرج ) حتى وصلت البطحاء و رجعت مع طريق الهفوف سعد حتى وصلت الرياض و كانت الملاحظات مايلي :
1- طريق حرض اختصر مسافة 60 كيلو فقط
2- طريق حرض غير مزدوج وفيه تحويلات كثيرة جدا و مطبات صناعيه مزعجه
3 طريق حرض في بعض اجزائه رمال زاحفه على الخط
4-طريق حرض يوجد به شاحنات كثيرة
5- طريق البطحاء سلوى الهفوف سعد طريق مزدوج وغير مشبك حتى تاصل سعد وبعدها تمسك طريق الرياض الدمام السريع
اتمتى ان تكون هذه المعلومات مفيده والسلام عليكم

[r89070]

السلام
في حد يتكرم علينا ب تراك جارمن لطريق الامارات الرياض عبر طريق الهفوف

[أأبوخالد]

افادوك الأخوان .... بارك الله فيهم





ورحلة سعيدة بإذن الله