لقطات رائعة تثبت قوة النيسان الــ 4800

[عاشق الجبل]

السلام عليكم ورحمة الله وبركاته


ماشاء الله تبارك الله :)




http://www.mekshat.com/pix/upload/images10/mk15176_sh-1.jpg


http://www.mekshat.com/pix/upload/images10/mk15176_sh2.jpg


http://www.mekshat.com/pix/upload/images10/mk15176_sh3.jpg




صورة مع التحية والتقدير للأخ الفاضل AbuMu3ath

صورة للأخ : عاشق التيتان

[خطير]

ماشاء الله لااله الى الله تبارك الله

وش الحركات الحلوه ، بس كني اشوف العزبه في الصندوق وين النيه . . .
يبيلنا دوره لو بعشره ريال . . . ههههههههه .

[عاشق الجبل]

الله يرج أبليسك ياخطير :)

[سايق الخير]

السلام عليكم ورحمة الله وبركاته
مشكوور اخوي ع الصور الرائعه.بس حبيت اعرف صرفيت البترول احسن ولا لا. وياريت تقول لنا اي احسن كراج يركب مكينة الفتك.
وشكرا

[بـران]

السلام عليكم ورحمة الله وبركاته
الله لا يهينك كم موديل الباترول ؟؟؟؟؟؟؟
اللي أخبره إن 4800 نازل في ال 2003 و فوق
و هذا شكله 97 و تحت ؟؟؟؟

[عابد]

السلام عليكم ورحمة الله وبركاته
الله لا يهينك كم موديل الباترول ؟؟؟؟؟؟؟
اللي أخبره إن 4800 نازل في ال 2003 و فوق
و هذا شكله 97 و تحت ؟؟؟؟

السلام عليكم ورحمة الله وبركاته

صحيح اخوي الـ 4800 نزل على السفاري 2003 فهل صاحب هذه السيارة قام بتبديل الماكينة إلى ماكينة 2003

وشكراً على الموضوع

[الكابتن]

ماشاء الله اخوى (عاشق الجبل ) الله يعطيك من خيره ويكفيك شره

وعلى هالانطلاقه الحلو ه اعتقد ان الوجهه قنص بالسودان

[path_poth]

مشكور عاشق على هاللقطات الحلووووة

إلا أبسألك هل لاحظت أي عيوب سواء على المكينة أو على الشغل؟؟؟

(((بالعربي ناوي أركب فتك وخايف من مشاكل أو عيوب))))

[الضاحي]

عفوا يا أخوي عاشق الجبل ولا يهونون عشاق النيسان

وين القوة اللي تقول عليها؟ تقصد دخان الكفرات؟ أي سيارة تقدر تسوي كذا وخاصة بنوعية كفرات معينة وعلى أسفلت معين.

لا تزعل مني وانا اخوك لأن النيسان قوي وما عليه خلاف من حيث القوة لكن أقصد ان اللقطات اللى حطيت ما هي دليل .

قلنا بدووووووووووووون زعل والا ترى ما عاد اقرى مواضيعك :no2:

[عاشق الجبل]

الأخ : سايق الخير ( تم شراء وتركيب المكينة وتوصيل الكمبيوتر في القصيم وصرفية البنزين حسب السرعة حيث مشيت من

محطة حفر العتش ( طريق الصمان ) الى الرياض بسرعة 140 كيلومتر بالساعة ووصلت الرياض وباقي فوق نص التانكي

بقليل يعني تانكي موتري ( 85 لتر .. التانكي الأساسي ) يوصلني من 380 الى 400كيلو تقريبآ بدون سرعة .


الأخوة المحترمين : ( بران ) ( عابد )

الــ4800 جاء من موديل 2002 وفوق وأنا مركب مكينة موديل 2002 كما هو في الصورة :)

يعني فيه شي أسمه ترهيم :)

http://www.muslmh.com/save/29/shas.gif


الأخ : الكابتن جزاك الله خير والسودان المقناص فيه صعب الأن إلا اذا دخلت بفيزة سياحة وخالفت النظام



الأخ : path poth ركب وأنا أخوك تراني والحمدلله من شريتها رحت عليها القصيم مرتين ورحت لشعيب الطيري على

الشوكي وروضة نورة على تمير ثم الشحمة الى شعيب العصل ثم حفر العتش .... الرياض .

يمكن تواجه مشكلة الأديتر لأن أديتر الصالون الــ 4800 طويل وقالوا لازم نقص الشاص وبعد عدة محاولات لاحظت أن أديتر

الــvxr يركب 100 % ويبرد التبريد المطلوب .




الأخ الضاحي :

طريقة معظم الشباب يضعون زيت أو ديزل تحت الكفرات علشان الدخان وأنا لاأستخدم الطرق المخادعة :)

تقاومت مع شروكي 6 سلندر وجيوب أرباع و v x r وتقدمت عليهم


ومشيت مع لقزس 400 وتقدم علي 30 متر تقريبآ ووازنته في وسط

طلعة الغاط .

ولايحتاج أزكي وأمدح هذا النوع من المكاين لأن فيه شباب في الأمارات سبوقنا في مثل هذا التعديل ولم أدفع 16000 ريال

إلا بعد التأكد من قوتها الجبارة

عمومآ الزعل بعيد وأنا أخوك والدعوى كلها حديد :)

[الضاحي]

كفو والله يا عاشق الجبل والله يطعمك خيرة وينفع بعلمك وفنك .

[عاشق الجبل]

تسلم أخوي الضاحي وأكرر ( اللي يبي يزعل يصك الجهاز ويقابل المعزبه أزين له ( اقصد نفسي طبعآ ) ) :)


أخوك : أبومنصور :)

[الاكلبي]

خطير]ماشاء الله لااله الى الله تبارك الله

وش الحركات الحلوه ، بس كني اشوف العزبه في الصندوق وين النيه . . .
يبيلنا دوره لو بعشره ريال . . . ههههههههه [/size].





الاكلبي

الحمدلله والصلاة والسلام على رسول الله وعلى آله وصحبه أجمعين

[path_poth]

باالنسبة لراديتر الvx-r كم تصير حرارة الموتر

[Khalid AlGhamdi]

ماشاء الله تبارك الله ، ماتخيلت ان عزمه بيصير مثل كذا

الله يعطيك من خيره ويكفيك شره ويكفيك شره ويكفيك شره :)

[عاشق الجبل]

هلا بالأخ الأكلبي .... ماعندي إلا حلالكم :)


الأخ : path poth حسب تجارب الأخرين الحرارة لاتتجاوز الربع الى الثلث وأنت واقف ومشغل المكيف .


الأخ : أبومعاذ ( المخرج الفني للصور ) بصماتك موجودة هنا وهناك :)

[path_poth]

عاشق الجبل

هاه اركب فتك وانا متطمن؟؟!

[عاشق الجبل]

أول شي تشتري المكينة كاملة بدون نواقص لأن راعي التشليح ماعليه منك ويحاول يكسب آي شي منها علشان يبيعه على زبون ثاني

مثال ذلك : حساس الهواء المربوط بالكمبيوتر ( داخل قربة الهواء ) بــ 800 ريال ولايمكن تشتغل

السيارة بدونه .

عمومآ توكل على الله وركب وياليت أعرف نوع سيارتك هل هي صالون وإلا ربع ، ولا تشتري من تشليح الرياض ابدآ ؟

وإذا أحتجت مساعدة راسلني على الخاص .

[salehhd]

ما شاء الله

وياليت تجيب لها صور له يطعس

[عاشق الجبل]

ان شاء الله :)

[path_poth]

ياحبيلك عاشق جبل

الموتر باب 1 1998 وصراحة ودي بشي اقوى من ال4200 ولا ودي بالlt1 والفتك من الموتر وفيه مايبغاله تحويلات زي مكينة الشفر والمكاين الصح بالقصيم ولا الحاير ماحولك احد((((((بالعربي حرامية))

[path_poth]

الله يجزاك خير وادري إلا بغيت استشارة منت مقصر يابعدي

[الدبل الثقيل]

وش نوع الكفرات ومقاسها.. وكم سعر الواحد ومنين؟ وجزاك الله خير..

[عاشق الجبل]

الأخ : الدبل الثقيل

نوع الكفرات ( بالون 900 / 16 Desert Maxx أو ديزرت ماكسس
مطبوع عليه صورة جمل

سعر الواحد 310 ريال تلقاه عند باوزير في نهاية شارع الريل ( متجه غرب ) قبل الغرابي على اليمين

[اسيزو 4x4]

ماشاء الله تبارك الرحمن

النيسان شيخ المواتر من زمان >>>> كان معي واحد على أيامة باترول 1991 جيب 4 أبواب أنا أشهد أنة موتر

ويعطيك العافية وبالنسبة للشطرطون اللى عندك إن شاء الله إذا شريت الموتر بأخذة بحقة وتسلم يالغالي ......




.

[عاشق الجبل]

ماعندي إلا حلالك يالأسيزو :)

[اسيزو 4x4]

لا والله يالغالي أنت ما قصرت وأنا إنشاء الله بأخذة بحقة وإذا أحد يبية غيري لا تنتظرني يالغالي تراي مادري متى أشتري الموتر

ولك يالغالي كل محبة وتقدير ....


.