لو سمحت دف معي

[عاشق الجبل]

السلام عليكم ورحمة الله وبركاته


الزعل بعيد يالربع

بدون تحديد أسماء يا أخواني خطير وياغيام ( الله يحفظكم ) :):):)


فيه راعي جيب مغرز يبي فزعة دفوا معه :)


http://www.china-travel-guide.com/Sale/H1000219.jpg










تدرون

تعالوا






































خلاص مافيه أمل إلا السحب لأنه ثقيل طينه :):):)

http://www.china-travel-guide.com/Sale/H1000218.jpg

[اسيزو 4x4]

السلام عليكم ورحمة الله وبركاته

الزعل بعيد يا أخوان >>>>>>>>>>>> :D

ما يسحبة غير النيسان وبس :D :good:


مشكور يا عاشق الجبل


.

[غيّام]

اقول لاتقول بس ان اللي سحبه هو النيسان
وبعدين ما فيه سياره الا وتغرز الظاهر انك خابر راباضات القعد
تسلم على الحماس ما فيه داعي اروح للنسيم واجيب لك مليون صوره للنيسان اتوقع انك بتكره النسيان بعدها
راعي الاسيزو تسلم وعندي الاسيزو وخاصه البنزين ازين الف مره من التيسان رحنا به مره للرمله مثل اللي في توقيعك الصدق انه يداوي الخاطر

[خطير]

تسلم وصح لسانك اخوي غيام
بعدين شكل الي يسوق فلبيني غشيم حق شركه
ولا لو اعطي جدتي تسوق كان تمشي منا بدون دبل ......

انا مدري وش شايف انت بابو غبار .........
ههههههههه

[بو خليفه]

ياشق الجبل اشكرك على هذه السورة و هي واقع
حيث أني شاهدت هذه الصورة ومثلها خاصة في حتا و اليوا في الإمارات تخيل هونداي H فان يمشى في الرمل طبعاً الفان دفع رباعي يسحب لاند كروزر , وأيضاً دتسن دفرنشين يسحب لاندكروزر و أودي 6دفع رباعي تتمشى من جنبه
و للملاحظة العيب ليس في السيارة أو تنزيل من قدر السيارة العيب فقط أن الذي يمتلك هذه السيارة يحسب نفسه أسد الصحراء و متوقع أن هذا الجيب لا يحتاج إلى خف الهواء
و لكم تحياتي

[اسيزو 4x4]

تسلم يالغالي غيام تستاهل الزين يالنشمي .....



.

[وراد]

وين النيسان طير شلوه يسحبه

[البرحه]

السلام عليكم

يامال العافيه يا عاشق الجبل على الصوره

لكن يبدو وفيما يبدو انها وحده من ثنتين:
1 يا راعي الموتر رايح يغرز متعمد

2 يا انه اول مره يدخل التراب !!

لان باين من شكله انه يطلع حتى بدون دبل !



ازين الف مره من التيسان

معلييييييييييييييييييييييييييييييييييش مع احترامي الشديد

وشكرا

[صالح المطيري]

واضح أن سبب تغريز الجيب هو أن بطن السيارة والدفرنسات لامست الأرض وهذه حتى أقوى أنواع الجيوب لا تستطيع التخلص منها دون سحب أو ونش .

http://www.china-travel-guide.com/Sale/H1000218.jpg

والحل عند عدم توافر ونش أو سيارة للسحب هو حفر بطن السيارة وتخليصه من الرمال وسوف تخرج السيارة بكل سهولة http://www.mekshat.com/vb/images/icons/icon3.gif .

[عابد]

السلام عليكم ورحمة الله وبركاته

رغم ان سيارتي نيسان لكن هذا لايعني اني متعصب :)

أنا والعياذ بالله من كلمة أنا رغم اني ماني صاحب خبرة في الطعوس والرمل لكن ولله الحمد ماغرزت إلا مرة وحدة من يوم طلعت الموتر قبل ثلاث سنوات وسبب التغريز كان عدم تنسيم الكفرات إضافة إلى أن المنطقة اللي غرزت فيها كانت مدفونة ولكن بعد مانسمت الكفرات على عشرين مشيت عادي بل سحبت سيارة مرسيدس جيب كانت متعلقة .

على العموم مشكور اخونا عاشق الجبل على الصورة الجميلة وعسى ربي مايبلاك بتغريز في رباض ولا صبخة قول آمين :)

اخوك عابد

[صوعان]

انا مدري وش شايفين ها الناس في التايوتا زود
ياجماعه ترى التايوتا من زمان بس ولا الحين ماينفع غالي على غير سنع
الحين حنا في زمن الباترول الفيتك
شكل وعزم وراحه ماتوجد في التايوتا وقياده ومتماسك بشكل ما تتصور لدرجه ان العيال راحو به لورشه بن مرضاح عشان يربط ويظمن يوم فحصوه قال لهم مايحتاج هذا مظمن شد بلد ..وورشه ابن مرضاح موجوده

[عاشق الجبل]

هلا بالأخ : الأسيزو ..... عزالله جبتها


الأخ : غيام ( يبي لك من يتواسى لك ) :)

عمومآ ترى الأسوزو أطيب من أبومطب وصوفة :)

قنصنا مرةٍ من المرات لطويل خطام ويخطم علينا ( الدعوى كلها مخاطم )

ويخطم علينا ذاك الشاس التايوتا فيه أثنين ماتشوف إلا مناقز هالمساكين لدرجة أن التنده طالع فيها صعرورين من برا

كنها سفاتي :)

الشاص فيه قوة غير طبيعية لدرجة أني قلت في نفسي ورى ماتشترى لك واحد مثله وتخلي النيسان ( التيسان كما يقال )

وماتشوف إلا الشاص من عرق لعرق ومن سيف لسيف ومن مبخرة لمبخرة وشاد حيله ماشاء الله عليه .

وأنا اللي أكبس له وهو يوقف

السلام عليكم

وعليكم السلام

قلت : يخوي موترك هذا غير طبيعي

قال : لأني مغير المكينة

قلت : ممكن تفتح الكبوت

يوم شفت المكينة أثرها مكينة نيسان :) ( أمزح )



الأخ : خطير ........ سمعت أنك منقلب بجيب تويوتا مثل اللي مغرز وهذا قبل 6 شهور ( الحمدلله على سلامتك ) :)

( عليك بالهين اللين نيسان )



الأخ : بوخليفة ....... صدقت والتويوتا لاشك ثقيل طينه وحق وعر وخط فقط والله يعين اللي يشتريه من كثر الملوع :)

معني الملوع ( هي نوع من تفكك المفاصل نتيجة المناقز الغير طبيعي )


الأخ : وراد ( مالها إلا رجالها لو فيه نيسان كان مبطي وهو طالع ) :)




الأخ البرحه : مردك للنيسان مستقبلآ :)



الأخ : صالح كلامك صحيح لكني طرحت الموضوع من باب التعليق ومداعبة بعض الأخوة الأعضاء :)



آمين أخوي عابد وشكرآ على تعليقك :)

[بن محارب]

الـشــــــــمس لاتحجب بغربال
....
http://fhab09.jeeran.com/جيب.jpg
.
.http://fhab09.jeeran.com/mk8178_wddwdwr02.jpg
طبعاً المقصود السيارة ... ومعذرة لصاحب السيارة الكريم
..
صحيح إنني أحن لموتري القديم نيسان
لكن
مشكلة نيسان ...... وجود تويوتا ... وتويوتا مثل الفرس وسط الكديش ..
...
تحاياي لكم جميعاً

[خطير]

صح لسانك اخوي بن محارب

((( مشكلة نيسان ....... وجود تويوتا ..... وتويوتا مثل الفرس وسط الكديش ... )))

[عاشق الجبل]

الأخ : أبن محارب ( وشلون ظهرك من المطانيج اللي مالها حل ولا باليابان ) :)

والوعد رباضات الرمله ياما وياما الشاص رشق زيت الدبل من الصوفة وياما وياما تكسرت كوارين الشواص ونكد علينا

المقناص واسأل أهل التشاليح ماتلقى عندهم ولا كارونه ( فعلآ الشمس ماتغطى بغربال ) http://www.muslm.net/vb/images/smilies/bngo4.gif


عمومآ الزعل بعيد طال عمرك :)




طيب ياخطير ( نسينا ماكلينا ) خذ راحتك وأنا أخوك :)

[الدشقة]

اقول الي قاعد يمدح النيسان على وشهو صرفية البنزين ولا قطع الغيار المولعة ولا الشكل الزين ولا السعة ولا عدم التغريز
لا تقارن النيسان بالتيوتا لان النيسان تتهاها بسرعة وربطها كثير

لاكن التويوتا غير

وانا انصح في سياره قوية جدا وخفيفة في البر وعلى الشواطيء وفي الجبال بسبب خفتها وقوتها

وهي البرادو

[عاشق الجبل]

أبشر يالدشقة

باكر نبيع الباترول ونشتري نيسان :)

[ابو فالح]

أنا أشهد أن أن الباترول نيسان. :D
والباترول وين ما توجهه يتوجه........... على كل جنب.
بس حلوه المناقز وصعارير التنده :p
تحياتي

[عاشق الجبل]

لاهنت يبوفالح

قال أيش قال toyota :)

[شـهـاب]

اذا كان السواق يعرف يسوق

لو بكرسيدا ما يغرز

[عاشق الجبل]

صدقت أخوي شهاب لكن ليس في كل مكان .

[الدشقة]

تويوتا هي

اسد الجبل

وذيب الصحراء

وغزال الطريق

والدليل شوف اكثر السيارات الي في البلد تويوتا وبس وبس وبس وبس

لاند كروزر هو ملك الجيوب بدون منازع

استح على وجهك انت وياه احد يقارن لاند كروزر ب نيسان سلالمات يخوي لك مقام مقال

اذا قررتو تسوون مقارنه خلوها اقل شي مع شي يستاهل نقول رونجولر اقل شي ينقبل شوي

[salehhd]

مشكور على الصورة

وسلملي على النيسان

[salehhd]

الاخ الي يقول تويوتا

التويوتا قوي لاكن شوف كم قيمتة

برادو 4 سلندر 100 الف ريال هذا جنون

والاند يوصل سعرة ل200 الف ريال اخذ بيت اصرف

وفوق كذا اتحداه يجاري النيسان في التطعيس

ويكفي الاحراج الكبير الي عمله ارمادا لتويوتا

[عاشق الجبل]

الأخ : الدشقة ( شكلك مندفع ومتحمس الله يهديك .... على أيش نستحي على وجيهنا ) ترى الدعوى كلها مزح × مزح وأنا أخوك :)

لأننا ماصنعنا لا نيسان ولا تويوتا وعلشان تستانس خلاص النيسان دمار × دمار والتويوتا هو كل شي :)


الأخ : salehhd تسلم يالغالي .... وصح لسانك :)

[السارحي]

ارحبوا يا رجال

لا احد يزعل النيسان والتيوتا كلهم مواتر بس العبره بالسايق

وبصراحه انا اميل للنيسان ( لا يزعلون هل التيوتا ) لان كان عندي نيسان في قديم الزمان

ولا خليت شعيب وطعس وضلع وكل ما يطري على بالكم الا ودخلته وما بعته لعيب فيه لا سمح الله

لكن امور الدنيا انتوا خابرينها ايييييييييييييييييييييييه ........

ذكرتوني بايام زمان يوم كنت اطعس على جيبي واطلع جيوب تيوتا ( بدون زعل ) :D :D :D

ومرحبا الف ...

[الدشقة]

تويوتا وبس

وش ابغ بسياره اطلعبها طعس ونص البنزين يروح وبعدين اصلحها بذيك القيمة

الي يقول غاليه نقوله الي يبغا الدح لا يقول اح

خلوكم على النيسان

بس لاتقارن بالتويوتا

زي الي يقارن الددسن بأبو شنب

[عاشق المزون]

والله وشبت بين شباب المنتدى

كل السيارات واحد اذا كانت من اليابان بس سبب ارتفاع التايوتا الوكيل.
وعلى كلام الشباب السيارة من السواق في الدرجة الاول والثانية خفت السيارة .

[عاشق الجبل]

سعة الصدر زينه :)

[المتهادي]

اتركو عنكم الملاجج ........

خلونا نصنع كفر ..............والله لافتخربكم كلكم ............

مهوب قاعدين نمدح بصناعة هالدجاج .....اليابانيين ...............

والله يافيه رياجيل من هالديرة لو يستلمون مصنع شبه متكامل للسيارات ...

ان تشوفون شي ما تخيلتوه ............ولا بالاحـــــــــــــــلام .............

بـــــــــس آه آه يالقهر ...................

وســــــــــــــلامي للوجيه الطيبه!!!!!!!!!!!!!!!!!!!!!

[عاشق الجبل]

تسلم يالمتهادي

أبشرك راح يكون فيه نادي مطور للهواة ..... وتشوف بعدها الإبداع السعودي :)

[ع.ف.الدرويش]

السلام عليكم ورحمة الله وبركاته

بصراحة.. راعي الموتر اللي بصورة ما له بالسواقه أبد.. أبد<<< الله أكبر يالخبير:d
أما بالنسبة للتويوتا والنيسان فلهما كل الإحترام
لكـــن النيسان له الحُب كله << ههههههههه:d طبعاً موتري باترول ربع 2004 عادي جداً وحُبي له كان من أول نظرة غير كذا من عدة مواقف تعرضت لها مع أصحاب تويوتا من بعض الزملاء في العمــل والحمد لله قويتهم >> يا خطير أنت :d
لذلك >>>> (( نيســـــان وبس والباقي ....! ))

ملاحظـــة للتذكير فقط لا غير (( إختلاف الرأي لا يفسد للود قضية ))

ودمتم بخير جميعاً.. وشكراً لك يا عاشق الجبــــل;)

[عاشق الجبل]

هلا بالأخ : ع.ف.الدرويش


صح لسانك ياراعي الــ 2004 http://www.muslm.net/vb/images/smilies/cc33[1].gif