على بعد كم ترمي شبكة الحمام او السمان

[راعي السلاح]

نرجو التفاعل لان دمي شيهانه قدامي ارمي لها من حوالى 100 متر يوم ارمي الشبكة
تطير وتروح مكان ثاني ونفس الطريقة ارمي وتطير وش الحل

[q8ty]

والله ياخوي حاول انك تبعد عنها حتي لو 200 متر او اكثر خل الشبكه في وجهها ويمكن ماتبي شبكه يمكن تبي حمامه زهب حمامتك

[سندباد البري]

هلا اخوي اذا جيت تزرق الحمامه لازم تكون مخلي الشيهانه من جهة اليمين وتزرق الحمامه من الجهه المقابله .. والمسافه مو ابعد من 200 الى 300 متر وبعدها تبعد اكثر من 500 وتطفي موترك واذا صادها قرب منه ودور حواليه لين يشبك مظبوط وان شفت علق عطه خشم الموتر اطرده لين ينبطح على كبده وامسكه والباقي انت ادرى

وسلامتك

[برق شمالي]

اول شي انتف الحمامه ولاتخليها تقدر تطير علشان ما تحلقك وتدخل تحت السياره زي ماصار معي وتفلس من الطير
وثاني شي اذا خليت صدر الطير للسياره نزل الزريق من الجهه المقابله حتى لايلاحظ

[راعي السلاح]

مشكورين على لإفادة
لكن يا سندباد بري
اول ما اطرح الصقر هل في شيء اسوية غير البرقع والسبوق

واذا رميت له اخلية ياكلها والا على طوووووووووووووول والا اخلية لما ياكلة
وكم طول الحبل اللي اربطة في شبكة الحمامة لأني حاط 5 متر تقريبا
واسف على كثرت لأسئلة

[q8ty]

لا ياخوي لا تخلي ياكلها حاول اذ مسكته تتاكد انها مسكته وحاول تجيب السياره قدامه وتتعبه شوي لين يطيح والاخوان يفيدونك ولازم تمهد الطير اذ معك مهاد واذ مامعك مهاد بشماغك والله يرزقك وبشرنا بالبشاره الطيبه

[سندباد البري]

مشكورين على لإفادة
لكن يا سندباد بري
اول ما اطرح الصقر هل في شيء اسوية غير البرقع والسبوق

واذا رميت له اخلية ياكلها والا على طوووووووووووووول والا اخلية لما ياكلة
وكم طول الحبل اللي اربطة في شبكة الحمامة لأني حاط 5 متر تقريبا
واسف على كثرت لأسئلة


هلا ومرحبا اول ماتطرح الطير تمهده وطريقة المهاد في احد الاخوان شرحها بالمنتدى مع الصور .. طبعا لاتخليه ياخذ راحته بالاكل لازم تدور عليه بالسياره علشان يرفع وينزل بكفوفه وهو يدور مع دوران السياره لين يعلق وبعد ما تتأكد اهجم عليه ولاتعطيه فرصه يرتاح لين تمسكه. وبعد المسك
خل معك الماي اشرب وانفخ عليه وكرر العمليه لايوقف قلبه من الخرعه وبعد ما يهدأ برقعه وخله بمهاده لين توصل البيت وجهز خيشه صغيره املها تراب (من غير بوجهك)
واربط عليها حبل وبعدها حط سبوق الطير واربطه بجرير وبالخيشه . لاتحطه على وكر يكفخ ويتكسر ريشه
وطول 5 امتار مناسب وتقدر تحط ثقل تربطه برجل الحمامه ويكون الخيط بطول 30 سم يغنيك عن الحبل الطويل

واسأل وانا اخوك كلنا نحب نخدم بعض باللي نعرف وحياك الله

[راعي السلاح]

الله يعطيك الف الف الف الف الف الف الف الف عاااافيو يا السندباد
ابرقع الطير على طول والا لازم النفخ بالماي على وجه
واسف اتعبتك معاي

[الحمش1]

السلام عليكم
اول ماتطرح الطير تمهده اذا مامعك مهاد تمهده بشماغك تلفه بشماغك
وترش عليه ماء وبـرقعه واربطته بخيشه صغيره وامله تراب ورش عليه ماء
والله يرزقـنا بالنادر القاطع

[سندباد البري]

الله يعطيك الف الف الف الف الف الف الف الف عاااافيو يا السندباد
ابرقع الطير على طول والا لازم النفخ بالماي على وجه
واسف اتعبتك معاي


الله يعافيك .. لاتبرقعه على طول عشان ماينصرع . انفخ الماء بوجهه ودواغره وكررها كل شوي لين يهدأ بعدين برقعه

والشباب ماقصروا الكل افادك وكلهم صح

[falcon 1]

طال عمرك انا اقول ترميها على بعد 200 - 400 متر ..واذا بعدت مو مشكلة ..هذا صقر طل عمرك اكييد بيشوفها ههه

اخوك فالكن 1

[فهد33]

المفروض نأخذ دورة مع الصقارين وهم ماقصروا بصراحة أفادوا وأجادوا لكن المفروض انك قبل كذا تروح مع صقار وتتعلم بسهولة وتبدأ بمطارد الصقور وأعتقد سهلة الشغلة رزق وتوافيق , والله يوفقك بالنادر.

[ابراهيم شمس]

بارك الله بالاخوان ما قصرو ما شاء الله

[وسيع البنايد]

عسى يرزق الجميع

[Bo-Rakan KWT]

ألف شكر لصاحب الموضوع (لاني انا حديث بالصقاره و كنت محتاج هالمعلومات)
و الله يجزاهم خير الجماعة ما قصروا بالشرح و التوضيح.

[راعي السلاح]

الله يعطيكم العافية يا جماعة الخير بيض الله وجيهكم

[مكرم الضيف]

بالنسبة للصقارة خبرة زي ماقالو الاخوان امش مع الرجال وتعلم مثل ماسوينا ولازلن نتعلم مافيه عالم واذا فيه سؤال لو بسيط اطرحه بقسم الصقور وما يقصرون الاخوان.

وشكرا على السؤال

[راعي السلاح]

ياشباب كم مره ارش الماي على وجه الطير وبعد كم دقيقة ابرقعه
..........................
ولازم امشي بالطير مسافة والا احطه في السيارة على طول

[جنرال المدينه]

لكم مني التحيه والإحترام
ولكم من اعماق قلبي الحب والوفاء
مشكورين على الإفاده لهذا الرجل .......تقبلو مروري العطر
تـــحيـــــــــــات:


جـــــــنــــــرال المـــــــدينــــــــه

[أسير المساري]

بيض الله وجيه الاخوان اللي ردو عز الله كلامهم كله فايده بس انا عندي تعليق بسيط لاتنفخ على الطير بالما من فمك خذ معك بخاخ لانك اخاف تكون مزكم وتعدي الطير :D

[قرناس شماالي]

ماقصرو الاخوان عطوك العلم الوكاد
وماباقي عليك الى تجيب خبر الطرح

[هاوي الطيار]

ماشاء الله على التفاعل والله يرزق الجميع بالطيور الطيبه
تقبلوا مرور اخوكم ابو صالح