هل الهدرز مفيد للباترول ؟؟؟ غريبه والله ما استفدت منه ...؟؟

[كرم القلوب]

السلام عليكم ورحمة الله وبركاته



الموضوع واضح من عنوانه


وهو انا سمعت الكلام الرهيب عن الهدرز والامارات والعتيبي ومن هالكلام الكثير

وفي الاخير ركبت هدرز على موتري سوبر سفاري 99 وقلت الحيت يبي يصير موتري طياره

للاسف الموتر على حاله اللهم قل بالحراره ولا يسوى بعد وبروود بالعزم والقومه بشكل غريب وقلت لواحد من الشباب قال انا مركبه على 3 جيوب كانت معي يقول نصيحه لاتركبه تخف قومته ويمد بالنمره ...

انا مستغرب هل كل الهدرزات كذا ؟؟؟

الهدرز الي راكب على موتر اصلي افضل من الاماراتي والعتيبي ودبة يوكن بعد ...

بس للاسف انا مستغرب من الفائده منه ؟؟؟


الموتر ينقص زيته بشكل ملحوظ بسبب الهدرز وبس بصراحه ما اشوف فائده تذكر ...



ارجوا من الاعضاء يفيدوننا بتجربتهم وفوائد الهدرز بمواترهم والسلام عليكم :(:(

[يريور عيمان]

اذا الهدرز مش راكب عدل بينقص الزيت

و حتى لو كان راكب عدل ما بيعطيك القوة اللي تتخيلها لان مكينتك 4500 و المكينة هاي ما تنفع للتزويد
لكن تنفع للكرف

[كويتي المكشات]

بالنسبة للهدرز انواع وافضلهم الاماراتي والبحريني حسب كلام الناس ويخفف الضغط على المكينه فقط لان الدبه فاضيه مافيها قواطع
وفيه صناعيه كويتيه مركبها واحد من الربع من المكينه الى الدبه 180 دينار
وسعره بالكويت 150 الى 180 دينار مع التركيب وفيه نوع استرالي سعره 120 بدون تركيب

اما بالنسبه لنقص الزيت والله ماعندي خبر وانا ناوي اركبه على سيارتي بس اذا الزيت ينقص ماراح اركبه

[مقلع الرمث]

اخوي مكينتك 4500 انا كان عندي ربع وركبت عليه 4500

ركبت هدرز وعدلت المكينه نص تعديل يعني تخسرت خساير ماتصدق واخرتها صارت فالصوا

المهم المكينه هذي ماتصلح للتعديل ابدااا لكن تصلح للكرف والجلد لانها ماتطلب ابدا

المكينه اللي يصلح عليها التعديل مكينه الفتك ال 4800

[You Like Me]

والله يالاخو انا مركب إماراتي
القومة تقريباً ضاعت بالمدينة
لكن الشهاده لله في البر وفي المراقا تغير بكثير عن اول
فيه مرقا كان يجنني ما وصل نصفة بعد الهدرز الحمد لله ما شاء الله
صار هالمرقا هو دربي ولا افكر فيه ... بإختصار مده الموتر تغيرت للأفضل
ترا ماني راعي مراقا هههههه لكن هالمرقا بنفس الطريق وانا طالع للمخيم
ومره من المرات من قراده الحظ قلت برقا وقهرني ما رقا لكن من بعد الهدرز
صرت ارقاه بالاسبوع مرتين وانا داخل وانا طالع
<< حاقد عليه هههههههه
صرفيه البنزين قلت بشكل ملاحظ
من قبل اركب المراوح والفرارات
الحراره نزلت وهذا اهم شي
بعد شهرين من تركيب الهدرز
اذا دعست للموتر وانا واقف يكث زيت من الشكمان (هنا المشكلة)

بس انا مستغرب سمعت من بعض الشباب المهتمين بالتعديل والترهيم
ان الهدرز الاصلي افضل من جميع النواحي
حتى بنقص الزيت فرق كبير واقل من صرفيه الزيت للهدرز التفصال
سواءً الإماراتي او البحريني

[الربذي]

وعليكم السلام
لو جبت ماصورة 2بوصه خارجه من خزان ثم جبت ماصورة 5بوصة ثم وصلتها ب2بوصة وانت مستغرب ليه الماصوره نفس صب 2بوصه مازاد الصب قبل لاتسوي اي شي رح ونزل الفلتر الي على القربة وامش عليه شوي جرب العزم مايضره طبعا وشوف اذا ماتغير شي فعلا يطلع كلام اي كلام حتى انا بزعمي لو اركب هدرص صار 99سوبر سفاري حقي طياره لانه بصراحة

ثقيييييييييييييييييييييييييييل بس فيه سلك اذا فصلته يشتغل ويطفي يعقدك لاتفصله يروح للفلتر

[التعـ King ـديل]

الهدرز يعتمد على عده اشياء
1/ صناعته افضلها الاماراتي وارد مصنع السويدي
2/ طريقه تركيبه والاحترافيه بالتركيب تفرق من فني لفني
3/ نوع وجوده الوجه
4/الدبه الوسطى اذا كانت مفرغه تجيب لك حراره ونقص زيت

انا ركبته على باترول كلبليتر 95 مكينته 4200 والله انه يطبق 190 بالمكيف بعز القايله

ويمشي معي 450 كيلو بتانكي الوكاله

[You Like Me]

الهدرز يعتمد على عده اشياء

4/الدبه الوسطى اذا كانت مفرغه تجيب لك حراره ونقص زيت



اذا سمحت لي اخوي كنق التعديل
انا والله معلوماتي محدوده بخصوص التعديل وخلافه
بس حبيت استفسر منك بخصوص هالنقطه
مادري الغرض من الهدرز مو المفروض تكون الدبه مفرغه
عشان يساعد في تفريغ الهواء
واذا هذا الشي ما يهم ولا يقلل من غرض الهدرز
انا راكب على سياراتي هدرز كامل وش تنصحني لو حبيت اغير الدبه
اذا كانت بتفكني من نقص الزيت
ولك التحيه يالغالي

[قرم العيال]

اول شي عليه فلترر!!

ما عليه ما راح تستفيد شي

و دبه اليوكن تراه دمار غيره

[ابوابراهيم333]

الهدرز انواع بس على الباترول ما يفرق واجد بس اكيد بتعين فرق

اما من ناحية العزم واحد من الشباب ركبه على قير عادي 4500 والله انه يطبق 200على بوالين 900 ماكسس بهدرز سويدي

واعرف واحد ثاني معه موديل 2000 يجيب حروة الـ 190 على بوالين سيام يعني اثقل من الثقيل بهدرز بحريني

هذا غير ان الحرارة فيها فرق ملحوظ

والشىء الثاني الشباب ماخذين فكرة عن ادباب اليوكن انها زينة
اول شىء اليوكن الي اغلب الشباب يركبونها هي دبة تجارية وعن واقع تجربة من اكثر من واحد انها تكتم الموتر ولا هيب زينة
عليك فالادباب السويدية ولا الامريكية
بعدين يجيك واحد يركب دبة كاتمة على هدرز ويقول ما في فرق (أكيد ماراح تحصل فرق على دبة كاتمة ) الهدرز يبيلة دبة وسط لاهيب فاتحة ولاكاتمة وبعده شوف المشي والراحة

اما عن ناحية النقص وانت مب راعي مداعس فمعناته ان هدرزك فيه شىء غلط يمكن يكون استعماله واجد شفلك واحد جديد احسن من ان تروح عليك المكينة

ونصيحتي لك اذا الي عليه دبة يوكن شلها احسن لك

[ساري 111]

خرط فاضي ومكسب لراعين الورش هم المستفيدين الأكبر

واذا فيه فرق فهم فرق بسيط ولايسوى التعب والفك والربط وتضييع الوقت والخساير


وهذي درس مهب خساره لك
لاتصدق كل ماتسمعه إلا بعد ماتجربه
بعض الناس يسرف في المدح على شي مايستاهل

[ابن عكاش]

سؤال ليش يصرف زيت مع الهدرز
الله يعينك ويسر امرك دخلت في متاهات التعديل
بالتوفيق يالغالي

[ابن عكاش]

سؤال ليش يصرف زيت مع الهدرز
الله يعينك ويسر امرك دخلت في متاهات التعديل
بالتوفيق يالغالي

[ابن عكاش]

سؤال ليش يصرف زيت مع الهدرز
الله يعينك ويسر امرك دخلت في متاهات التعديل
بالتوفيق يالغالي

[كرم القلوب]

السلام عليكم

اخوي الكريم

يريور عيمان (http://www.mekshat.com/vb/member.php?u=160147)
صدقت والله وهذا الظاهر الي يبي يصير لي اني بفك الهدرز واكيه وكاله والموتر مب نصه خرابيط مشاء الله شايل حاله




اخوي كويتي المكشات (http://www.mekshat.com/vb/member.php?u=12468)

انا مركب سويدي وشبه جديييد استعمال شهر او شهرين فقط لبيع المتر الي كان راكب عليه ...
ونصيحه لاتركبه ان كنت تبي تريح راسك من نقص الزيت والكلام الفاضي
وان كنت ملزم تبي تشري واحد فتراني بايع ...


مقلع الرمث (http://www.mekshat.com/vb/member.php?u=65313)

كلامك عين العقل



You Like Me (http://www.mekshat.com/vb/member.php?u=177671)
والله النفود منب طالع كل يوم وكل الهم انه يمشي بالشعبان زي الحلاوه والموسم للقميري والصيد خلص ولا فيه فايده تذكر ...





الربذي (http://www.mekshat.com/vb/member.php?u=9009)
صراحه مع احترامي لك ما فهمت شي من كلامك قصدك انه لازم فلتر ...؟؟؟



التعـ King ـديل (http://www.mekshat.com/vb/member.php?u=61060)
والله انا مركب الهدر عن فني ممتاز ببريده وشغله مرتب بالحيل ...
ولا فهمت قصدك بالدبه الوسطى ..؟؟؟ هو مافيه إلإ دبه وحده وحقت وكالته ..
وان كانهي على الممشى مشاء الله الموتر ما قصر يجيب طبلونه بدون هدرز المراوح والفرارات كافيه مشاء الله ...



قرم العيال (http://www.mekshat.com/vb/member.php?u=48783)
شكرا لك




ابوابراهيم333 (http://www.mekshat.com/vb/member.php?u=84258)

كلامك واضح اذا ضغط المكينه صار اقل اكيد بيمد الموتر شوي بالسرعه فرق بسيط يعني ان كان يوقف على 195 بعد الهدرز يجيب 200 بس على بال ماتوضل القصيم إلا ناقص علبة زيت كامله ..؟؟
الدبه مدري عنه والله ..؟؟؟
التدعيس ... من راعي تدعيس بس يعني على المزاج قليييل



ساري 111 (http://www.mekshat.com/vb/member.php?u=71774)
صدقت وبيض الله وجهك




ابن عكاش (http://www.mekshat.com/vb/member.php?u=80951)
بالعكس البنزين تقل صرفيته لانه يخفف الضغط على المكينه







والسلام عليكم

وشكرا للجميع

[أبـو عــزام]

عزيزي انا معي باترول 99 قير عادي .. ركبت عليه مراوح لومينا .. وفرارات .. وهدرز .. وبعد الهيدرز تغير الموتر علي في البر الموتر نفسه طويل ويمد .. بالديره ما تغير علي واجد .. وقبل شهر ركبت فلتر وما شاء الله الموتر اصبح ما اتمناه .. خفه وقو عزم .. والصرفيه ممتازة جدا .. لكن بعد الفلتر احسها صارت اكثر شوي ..

[أبـو عــزام]

عزيزي انا معي باترول 99 قير عادي .. ركبت عليه مراوح لومينا .. وفرارات .. وهدرز .. وبعد الهيدرز تغير الموتر علي في البر الموتر نفسه طويل ويمد .. بالديره ما تغير علي واجد .. وقبل شهر ركبت فلتر وما شاء الله الموتر اصبح ما اتمناه .. خفه وقو عزم .. والصرفيه ممتازة جدا .. لكن بعد الفلتر احسها صارت اكثر شوي ..

[احمد4.4]

اذا ناقص البنص عندك ارفعه

[سيف خنذف]

يازين شد الوكاله

[كرم القلوب]

عز الله انك جبتها والزود اخو النقص

[كرم القلوب]

عز الله انك جبتها والزود اخو النقص