ابي اشاوركم ياجماعة الخير بهالموضوع وش رايكم

[الوافي دوم]

ولد عمي اشترى جمس صالون 2003 دبل وانا بصراحة سقت السيارة واعجبتني ( براحتها) قلت انا عادي ابي ابيع سيارتي ( جيب جي اكس ار 96) واشتري جمس القيمة طبعا حول بعضها -- فية جماعة ايدوني وفية جماعة ما ايدوني يقولون خلك على جيبك احسن وانا مالي غناة عنكم وعن شوركم --- وش تشورولي بية -- علما بان الاماكن اللي انا اطلعالها بالبر لومعك فورد غير تاصلها ههههه . وسلامتكم ..

[VX-R2001]

اسمع وانا اخوك خلك عل الجيب احسن لك
لأن الجمس ما تضمنه حتى ولو هو جديد فما بالك بالقديم والجموس حظوظ
غير ان الجيوب شيك مصدق متى ما تبي تبيعه

[hally]

اسمع وانا اخوك خلك عل الجيب احسن لك
لأن الجمس ما تضمنه حتى ولو هو جديد فما بالك بالقديم والجموس حظوظ
غير ان الجيوب شيك مصدق متى ما تبي تبيعه
كلام سليم:good2::good2::good2:

[مسير عليهم]

انت تبي راحتك والا راحة غيرك

وهذي فيها فيها فرق

اخبر واحد معه لاند 2006 باعه وشرى له تاهو 2007 وقال اكشت كم يوم وارجع وجسمي مرتاح

اذا انت تبي الراحة والقوة وعلى قولتك طلعاتك قريبة توكل عل الله وخذ شي عارفه

وبتدعي لي ليل ونهار

[الوافي دوم]

جزى الله من شارلي بالخير
انا بانتظار المزيد لاني حتى الان محتاااااااااااااار

[كم كيلو باقي]

ان كان موترك مافيه مشاكل غير الراحة .. فنصيحتي لك خلك عليه ازين لك

بتشتري موتر ماشي له اكثر من 200 الف ماتدري من مستخدمه .. سواق ولا واحدن رجله قشرا ولا راعي طرد ولا بزر يتعلم عليه

ان كان تبي نصيحتي .. استخر وخلك على موترك .. ,الجمس راح عليه موديلات واجد

واستخر وعسا الله يكتب لنا ولك اللي فيه الخير

[عاشق السيل]

الجمس زين ومريح وقوي ووسيع ،، لكن كثرة الطلعات للبر تحوسه !!

فإذا أنت راعي بر خلك على الجيب وإذا تبيه للمدينة والسفر توكل على الله وخذه ....

الله يكتب اللي فيه خير لك ....

[الزعيم222]

اسمع وانا اخوك خلك عل الجيب احسن لك
لأن الجمس ما تضمنه حتى ولو هو جديد فما بالك بالقديم والجموس حظوظ
غير ان الجيوب شيك مصدق متى ما تبي تبيعه
واضيف على كلام اخوي حسب قولهم وتراني ماني مجرب بس يقولون توقع انة يقطعك
باي مكان بسبة طرمبة البانزين 0